Morgunblaðið - 13.02.1990, Blaðsíða 3

MORGUNBLAÐE)
ÍÞRÓTTIR
ÞREDJUDAGUR 13. FEBRUAR 1990
B 3
HANDKNATTLEIKUR / LANDSLIÐIÐ
Jakob með 200 mörk
Jakob Sigurðsson gerði þrjú mörk í leiknum í gær gegn Rúmenum
en annað mark hans var jafnframt 200. mark hans fyrir íslenska
landsliðið.
Jakob hefur leikið 168 landsleiki en hann lék fyrst með landsliðinu
árið 1983 gegn Bandaríkjamönnum og gerði þá fyrsta mark sitt. Jak-
ob hefur mest gert níu mörk í einum leik, gegn Kúvait í B-keppninni
í Frakklandi í fyrra.
ÍÞRÖmR
FOLK
■ MARIAN Dumitru, örvhenta
skyttan öfluga, er orðinn fyrirliði
rúmenska landsliðsins, í stað
Stinga, fyrrum félaga síns hjá
Steaua Búkarest.
■ ALEXANDRU Buligan, aðal-
markvörður Rúmena og leikmaður
Dinamo Búkarest, lék hvorki með
í fyrsta leiknum á sunnudag né í
gærkvöldi. Hann fékk sýkingu í
hægri fót á dögunum.
■ RÚMENSKA deildarkeppnin í
handknattleik hefur legið niðri
síðan í nóvember, er landsliðið kom
saman til æfinga. Staðan á toppi
deildarinnar var þá ekki beint nýst-
árleg — Steaua Búkarest efst og
Dinamo Búkarest kom næst,
tveimur stigum á eftir.
■ LOGI Krisljánsson úr Vest-
mannaeyjum og Arnþór Ragnars-
son, SH, tóku þátt í tveimur sund-
mótum í Berlín og Bonn í Vestur-
Þýskalandi síðustu daga. í Berlín
þar sem keppt var í 50 metra braut
synti Logi 100 m baksund á
1.04,54 mín og 200 m baksund á
2.19,08 mínútum. Arnþór synti
100 m bringusund á 1.08.74 mín.
og 200 m bringusund á 2.31,44
mínútum. í Bonn var keppt í 25
metra barut. Þar synti Logi 100 m
baksund á 1.01.38 mín, 200 m bak-
sund á 2.13.68 mín. og 50 m bak-
sund á 28,97 mínútum. Arnþór
synti 200 m bringusund á 2.26,42
mínútum. Þeir voru báðir töluvert
frá sínu besta.
■ HELGA Sigurðardóttir sund-
kona úr Vestra á Isafirði er nú
stödd í Alabama í Bandaríkjunum
þar sem hún er að kynna sér að-
stæður til sundæfinga. Hugsanlegt
er að hún fari í sama skóla og
Ragnheiður Runólfsdóttir er í.
■ ÓLAFUR Grettisson, hástök-
kvari úr ÍR hefur ákveðið að fylgja
bróðir sínum, Gunnlaugi Grettis-
syni að keppa fyrir Selfoss í sum-
ar. Einnig hefur Bryndís Guðna-
dóttir ákveðið að yfirgefa IR og
ganga í HSK.
Rúmenía
gegn Kúbu
Fulltrúi HSÍ fylgist
með í leikjunum í
Baia Mai;e
Rúmenar fá Kúbumenn í heim-
sókn skömmu fýrir heims-
meistarakeppnina í Tékkóslóvakíu,
sem hefst 28. febrúar. Leikirnir
fara fram 23. og 24. febrúar, í
borginni Baia Mare í norðurhluta
landsins, skammt frá sovésku
landamærunum.
Eftir að byltingin braust út í Tim-
isoara og Búkarest fór landsliðið
frá höfuðborginni norður til Baia
Mare, þar sem allt var með kyrrum
kjörum, og æfði þar.
Allar líkur eru á því að fulltrúi
frá HSÍ fari utan til að taka leikina
tvo upp á myndband, en íslendingar
eru með Kúbu í C-riðli sem kunn-
ugt er. Lítið er vitað um Kúbu-
menn, en þeir hafa ekki leikið í
Evrópu síðan í september í fyrra
er þeir sigruðu Austur-Þjóðveija.
SUND
Ævar fjórði
í 100 m
baksundi
- á unglingameist-
aramóti Svíþjóðar
Ævar Örn Jónsson úr Njarðvík
varð ijórði í 100 metra bak-
sundi og fimmti í 200 metra bak-
sundi á unglingameistaramóti
Svíþjóðar um helgina. Keppt var í
25 metra braut
Ævar Örn, sem er aðeins 17 ára,
bætti árangur sinn í báðum bak-
sundsgreinunum. Hann synti 100 m
á 1.00,05 mín. og bætti fyrri árang-
ur sinn um eina og hálfa sekúndu.
í 200 metrunum bætti hann sig um
fjórar sekúndur, synti á 2.09,32
mín.
Þess má geta að íslandsmet Eð-
varðs Þórs Eðvarðssonar í 100
metra baksundi er 56,20 sek. og
2.01,61 í 200 metra baksundi.
Valdimar Grímsson átti góðan leik í gær og hér gerir hann eina mark sitt í leiknum.
Morgunblaðiö/Einar Falur
Aréttrileið!
ÍSLENDINGAR unnu mikilvæg-
an sigur á Rúmenum í Laugar-
dalshöllinni, 23:20, í skemmti-
legum en sveiflukenndum leik
í gærkvöld. Þessi sigur var
kannski engu merkilegri en sá
fyrri en sannaði það þó að
íslenska landsliðið þarf ekki að
tapa öðrum hvorum leik eins
og gerist svo oft. Þessi sigur
er því mikilvægur fyrir landslið-
ið áður en haldið er til Tékkó-
slóvakíu og sýnir að liðið er á
réttri leið.
Það var fyrst og fremst frábær
kafli um miðbik síðari hálfleiks
sem tryggði íslendingum sigurinn.
Þegar staðan var 15:14 Rúmenum
■■■■■ í vil tóku íslensku
LogiBergmann varnarmennirnir
Eiösson höndum saman og
skrifar bókstaflega lokuðu
vörninni. í kjölfarið
fylgdu fimm hraðaupphlaup sem
öll nýttust og að auki tvær vel
heppnaðar sóknir. Þessi kafli færði
íslenska liðinu sex marka forskot
og þrátt fyrir að, liðið slakaði á
síðustu mínúturnar var sigurinn
öruggur.
„Þetta var mjög gott og ég er
sérstaklega ánægður með vörnina,"
sagði Júlíus Jónasson eftir leikinn.
„Við náðum að loka í síðari hálfleik
og ná hraðaupphlaupum og það
hefur gífurlega mikið að segja í
svona leikjum. Það besta við þennan
leik er þó að við sýndum það að
við getum unníð tvo leiki í röð gegn
sterkri þjóð. Hinsvegar verðum við
að halda okkur við jörðina og við
megum ekki gera okkur of miklar
vonir fyrir heimsmeistarakeppn-
ina,“ sagði Júlíus.
Byijunin var ágæt en snemma í
síðari hálfleik náðu Rúmenar
þriggja marka forskoti 4:7. íslend-
ingar svöruðu með fjórum mörkum
í röð og komust yfir en í leikhléi
var jafnt, 11:11.
Rúmenar höfðu frumkvæðið
framan af síðari hálfleik og þegar
23 mínútur voru til leiksloka var
staðan 14:15. Þá var engu líkara
en að nýtt lið kæmi inná. Vörnin
tók stakkaskiptum og hvað eftir
annað vörðu Geir og Júlíus þrumu-
skot Rúmena og unnu boltann. Eft-
ir sjö mörk í röð kom hinn hefð-
bundni slæmi kafli þar sem Rúmen-
ar gerðu fjögur mörk í röð en ís-
lendingar áttu síðasta orðið er
Bjarki Sigurðsson gerði glæsilegt
mark, eftir frábæra sendingu frá
Sigurði Gunnarssyni.
Islenska liðið lék af miklu öryggi
lengst af og sóknarleikurinn var
góður. Vörnin var of flöt framan
af en náði mjög vel saman er líða
tók á leikinn og íslendingar hafa
líklega sjaldan náð jafn sterkri vörn.
Geir Sveinsson og Júlíus Jónasson
fóru á kostum og hávöm þeirra
stöðvaði flest skot Rúmena. í sókn-
inni náðu Kristján Arason og Þor-
gils Óttar Mathiesen mjög vel sam-
an og hornamennirnir voru vel vak-
andi. Sigurður Gunnarsson átti
einnig góðan leik sem leikstjómandi
og Guðmundur Hrafnkelsson varði
mjög vel.
„Það er óþægilegt að hafa ekki
Einar með sér enda hefur hann
ávallt verið markvörður númer eitt.
En ég vissi að það var að duga eða
drepast," sagði Guðmundur sem
varði 16 skot í leiknum, mörg þeirra
úr opnum færum. „Við vomm lengi
í gang en vörnin var mjög sterk,
einkum í síðari hálfleik. Þá hafði
ég ekkert að gera í markinu.
Það er mikilvægt að vinna tvo
leiki í röð og samkvæmt þessu ætt-
um við að vera komnir yfir það að
vinna aldrei nema einn leik,“ sagði
Guðmundur.
Island-Rúmenía
23:20

Laugardalshöllin, vináttulandsleikur í handknattleik (2), mánudaginn 12. febrúar 1990.
Gangur Ieiksins: 1:0, 2:1, 2:3, 3:3, 3:5, 4:7, 8:7, 8:8, 9:10, 11:10, 11:11, 12:13, 14:15,
21:15, 21:19, 22:19, 22:20, 23:20.
ísland: Þorgils Óttar Mathiesen 4, Sigurður Gunnarsson 3, Kristján Arason 3, Jakob
Sigurðsson 3, Héðinn Gilsson 2, Bjarki Sigurðsson 2, Júlíus Jónasson 2/1, Valdimar
Grímsson 1, Guðmundur Guðmundsson 1, Alfreð Gíslason 1. Geir Sveinsson.
Varin skot: Guðmundur Hrafnkelsson 16 (þar af 5 aftur til mótheija), Bergsveinn Berg-
sveinsson 1/1 (1/1 til mótherja).
Utan vallar: 6 mínútur.
Rúmenía: Cristian Zaharia 5, Dumitru Berbece 5/1, Maricel Voinea 4, Marian Dumitru
4, Ion Mocanu 2. Adrian Ghimes, Paul Cicu, Robert Lich, Rudi Prisacaru, Vasile Stinga.
Varin skot: Vasile Cocuz 9 (þar af 3 til mótheija), Iahos Liviu.
Utan vallar: 2 mínútur.
Dómarar: Jan Rudinsky og Anton Mosa frá Tékkóslóvakíu. Dæmdu mjög vel.
Áhorfendur: 1.700.
KNATTSPYRNA / ITALIA
Vorum teknir í kennslustund
- sagði Maradona, eftir að Napolí hafði fengið skell gegn AC MOanó
GEYSILEG stemmning var í
Mílanó þegar leikmenn Napolí
með Diego Maradona í broddi
fylkingar mættu til leiks. 70
þúsund áhorfendur troðfylltu
San Siro-leikvöllinn. Þegar
hliðin á vellinum voru opnuð
tveimur tímum fyrir leik fylltist
leikvöllurinn á augabragði.
Ahorfendur fengu svo sannar
lega góða skemmtun fyrir pen-
inga sína og kappinn Ruud Gullit
var ánægður þar sem hann sat í
■■■■■■ heiðursstúkunni.
Frá AC Mílanó varn
Brynju stórsigur, 3:0, og
Torner skaust upp á topp-
altallu inn í ítölsku deildar-
keppninni. „Mílanóliðið er geysilega
sterkt. Leikmenn liðsins tóku okkur
í kennslustund," sagði Maradona
eftir leikinn og hann vill þakka
gott gengi AC Mílanó frábærum
þjálfara Arrigo Sacchi. „Nú hefst
baráttan fyrir álvöru. AC Mílanó
og Naoplí eru nú jöfn á stigum
þegar lokaspretturinn hefst.“
Sacchi, þjálfari AC Mílanó, var
ánægður með sína menn. „Það er
fyrst nú sem baráttan er að hefj-
ast. Við megum ekki ofmetnast,
heldur halda okkar striki,“ sagði
Sacchi.
Daniele Massaro opnaði leikinn
með góðu skallamarki á 46. mín.
og síðan bætti Paolo Maldini marki
við. Það var Hollendingurinn Marco
van Basten sem gulltryggði síðan
sigurinn fjórum mín. fyrir leikslok,
með því að skora sitt fimmtánda
mark í deildinni, 3:0. Basten, sem
átti mjög góðan leik, sagði: „Nap-
olí lék vel, en við lékum einfaldlega
betur.“
Giampiero Boniperti, fyrrum for-
seti Juventus, sem sagði starfi sínu
lausu í sl. viku, mætti ekki á heima-
leik Juventus gegn Lazio. Þetta er
fyrsti heimaleikurinn sem hann hef-
ur sleppt síðan hann var smástrák-
ur. Juventus vann, 1:0. Á næstu
dögum mun það koma í ljós hvort
að Dino Zoff verði rekinn sem þjálf-
ari liðsins.
■ Úrslit / B6
■ Staðan / B6
Paulo Maldini (t.v.) gerði annað
mark AC Mílanó. Hér á hann í höggi
við Brasilíumanninn Careca.
SKOTÞING
Þorsteinn
endurkjörinn
Þorsteinn Ásgeirsson var endur-
kjörinn formaður Skotsam-
bands íslands á ársþingi sambands-
ins sem fram fór á laugardaginn.
Þorsteinn fékk 32 atkvæði, en mót-
frambjóðandi hans, Ámi Þór Helga-
son, hlaut tíu atkvæði.
Aðrir í stjórn STÍ eru Hannes
Haraldsson sem einnig var endur-
kjörinn og Eiríkur Björnsson sem
kom inn í stjórnina í stað Ferdinad
Hansen sem gaf ekki kost á sér til
endurkjörs.
Þingið fór tiltölulega friðsamlega
fram þó menn hafi greint á um
ýmis málefni.
Náiiar verður sagt frá skotþing-
inu í blaðinu á morgun.