Morgunblaðið - 12.06.1990, Blaðsíða 8

„Brekkan ekki
eins brött“
- sagði Jackie Charlton eftirjafntefli
íra og Englendinga
ÍRAR fögnuðu innilega í gær-
kvöldi eftir 1:1 jafntefli gegn
Englendingum. Jackie Charl-
ton, þjálfari íra, var ánægður
með jaf nteflið. „Við reyndum
hvað við gátum til að komast
aftur inn í leikinn eftir að hafa
orðið fyrir áfalli í byrjun. Okkur
tókst að jafna og þegar á heild-
ina er Iftið voru þetta sanngjörn
úrslit.“
Eftir aðjGary Lineker hafði skor-
að á áttundu mínútu ætluðu
Englendingar greinilega að halda
fengnum hlut. „Við vorum með leik-
inn í okkar höndum, en töpuðum,"
sagði Bobby Robson, þjálfari Eng-
lendinga. „Þetta var erfið viðureign
og hvorugt liðið skapaði sér al-
mennileg marktækifæri."
Robson sagði að England hefði
átt að fá dæmda vítaspyrnu, þegar
■* Moran felldi Waddle í fyrri hálfleik.
„Þetta var jafn augljós vítaspyrna
eins og að dagur kemur að loknum
þessum, en England fær ekki
dæmda vítaspymu." Þjálfarinn
hældi jöfnunarmarkinu, sagði að
Sheedy hefði gert vel, „en McMahon
færði honum markið á silfurfati.
En við eigum tvo leiki eftir og ekki
er ástæða til annars en að vera
bjartsýnn."
Peter Shilton, markvörður, lék
sinn 119. landsleik fyrir England
og jafnaði þar með met írska mark-
varðarins Pat Jennings. En úrslitin
gerðu áfangann ekki eins eftir-
minnilegan og til stóð.
írar settu strik í reikninginn hjá
Englendingum, er þeir sigruðu þá
í úrslitum Evrópukeppninnar fyrir
tveimur árum og jafnteflið í gær-
kvöldi gefum Charlton og félögum
aukna von. „Við erum ekki með
besta liðið, en við erum með öflu-
gustu miðjumennina og gefumst
ekki upp. Nú höfum við eitthvað
að berjast fyrir. Það er enn á bratt-
ann að sækja, en brekkan er ekki
eins brött og fyrr.“
Reuter
Kevin Sheedy fær blíðar móttökur hjá Steve Staunton, sem er til vinstri á
myndinni, eftir að hafa jafnað fyrir íra gegn Englendingum.
ídag
Tveir leikir verða í HM í
dag. Belgar og Suður-Kói-eu-
menn mætast í E-riðli. Leikur-
inn hefst kl. 15.00 og verður
sýndur beint í Sjónvarpinu.
Utsending hefst stundarfjórð-
ungi fyrr. í F-riðli mætast svo
Hollendingar og Egyptar kl.
19.00. Sá leikur verður ekki
sýndur beint.
■Því má bæta við að á morg-
un, miðvikudag, verða tveir
leikir í keppninni. Urugay
leikur við Spán kl. 15.00-og
kl. 19.00 hefst viðureign Arg-
entínumanna og Sovétmanna.
Báðir leikirnir verða sýndir
beint i sjónvarpinu.
GETRAUNIR
Svíar brugðust
- segir Hákon Gunnarsson, framkvæmdastjóri Getrauna
Fyrsti vinningur á fýrri seðlin-
um i sameiginlegri HM—
getraun Ísiands, Danmerkur og
Svíþjóðar er rúmar 44 milljónir
íslenskar krónur. Danir skila 24
milljónum, Svíar 16 og íslending-
ar afgangnum. Að sögn Hákons
Gunnarssonar, framkvæmdastóra
íslenskra getrauna var búist við
mun meiri þátttöku Svía, en þeir
eiga sem kunnugt er lið á Ítalíu.
í venjuiegum getraunum „tippa
Sviar iðulega þrefalt meira en
íslendingar en á HM—seðlinum
er þátttaka íslendinga 17—falt
meiri en Svíanna. Danimir stóðu
sig hins vegar ágætlega, en þeir
eru ekki með lið á Ítalíu og því
var fyrirfram búist við minni þátt-
töku af þeirra hálfu en Svía. „Það
er ljóst að einhver hefur klikkað
á heimavinnunni i Svíþjóð," sagði
Hákon um lélega þátttöku
Svíanna. „Það þarf að setjast nið-
ur og fínna út hvað hefur gerst
hjá þeim.“
■ MICHEL Preud’homme,
markvörður Belga, vill leika með
sólgleraugu og hefur fengið grænt
ljós frá FIFA. „FIFA hefur ekkert
á móti því, en vill að dómarinn
hverju sinni taki ákvörðunina,"
sagði markvörðurinn.
■ GUY Thys, þjálfari Belga, seg-
ir að það sé æ erfíðara að spá fyr-
ir um hver verði besti maður HM
hveiju sinni, „en ef ég a'að velja
einn, verður það miðheijinn frá
Uruguay, Ruben Sosa.“
■ CARLOS Bilardo, þjálfari
heimsmeistara Argentínu, teflir
fram allt öðru liði gegn Sovét-
mönnum en í opnunarleiknum gegn
Kamerún. Þjálfarinn hefur tilkynnt
firnm breytingar: Claudio Canigg-
ia verður í fremstu víglínu með
Maradona. Julio Olartico og
Pedro Troglio koma inn á miðjuna
fýrir Nestor Lorenzo og Roberto
Sensini. Jose Serrizuela og Pedro
Monzon byija í vörninni í staðinn
fyrir Oscar Ruggeri og Nestor
Fabbri.
■ JACK Charlton, þjálfari írska
landsliðsins i knattspymu, segist
ekki vera hrifínn af reglum sem
settar voru fyrir dómara á HM.
„Dómarar eru hræddir um að vera
sendir heim ef þeir eru ekki strang-
ir og leikmenn, sem gera sér upp
meiðsli, geta fengið saklausa vam-
armenn senda útaf,“ segir Charl-
ton. Áhyggjur hans em reyndar vel
skiljanlegar því írar þykja með eitt
grófasta lið keppninnar og fékk það
tíu gul spjöld og tvö rauð í undan-
keppninni. „Við emm orðnir býsna
þreyttir á afskiptasemi manna sem
ekki leika fótbolta en þeir virðast
halda að þeir viti allt best,“ sagði
Charlton.
■ THOMAS N’Kono, hinn sjalli
markvörður Kamerún, ætlaði ekki
að taka þátt í heimsmeistarakeppn-
inni. N’Kono, sem leikur með
Espanol á Spáni hótaði að mæta
ekki til leiks ef Joseph-Antoine
Bell, markvörður Bordeaux, yrði
einnig valinn í liðið. Báðir eru þeir
mjög góðir og var reyndar búist við
að Bell byijaði inná gegn Arg-
entínu. Þeir félagar em hinsvegar
litlir vinir og sögðust ekki geta
hugsað sér að leika í sama liði.
■v
Reuter
Juan Arnold Cayasso skorar gegn Skotum og tryggir Kosta Ríka 1:0 sigur. Þetta er í fyrsta sinn, sem Kosta Ríka
leikur í úrslitakeppni HM og þjóðin réði sér vart fyrir kæti, þegar fyrsti sigurinn var í höfn.
Skotar við sama
heygarðshomið
ogáðuríHM
Töpuðu fyrir Kosta Ríka
SKOTAR hafa ekki riðið feitum
hesti frá úrslitakeppni HM —
sjö sinnum tekið þátt og jafn-
oft fallið út í riðlakeppninni.
Byrjunin að þessu sinni bendir
til að ekki sé breytinga að
vænta; 1:0 tap gegn Kosta Ríka
í gær lofar ekki góðu um fram-
haldið.
Lið Kosta Ríka var ekki talið til
stórræða fyrir keppnina. Það
vann Bandan'kin í æfíngaleikjum,
en tapaði fyrir Wales, Sovétríkjun-
um, Póllandi og mexíkönsku félags-
liði. Útlitið var allt annað en bjart,
en liðið sýndi gegn Skotum að spá-
dómar em eitt og úrslit annað.
„Við gerðum okkar besta og
draumurinn um að sigra Skota í
fyrsta leik varð að veruleika,“ sagði
Bora Milutinovic, þjálfari. „Við er-
um mjög ánægðir með að hafa lagt
svona sterkt lið að velli,“ bætti
hann við.
Andy Roxburgh, þjálfari Skota,
var ekki eins ánægður. „Við fengum
svo mörg marktækifæri. Allt, sem
við þurftum, var að nýta eitt þeirra.
En þeir voru með góðan markvörð
og knattspyrnan er svona.“
LOTTO: 8 9 15 36 37 + 19