Morgunblaðið - 27.07.1990, Blaðsíða 4

4 C
MORGUNBLAÐIÐ, FÖSTUDAGUR 27. JÚLÍ 1990

STÓRT sviðið fyllist af reyk. Fimm hálfnaktir karlmenn
dansa. Þungir bassatónar setja stemmninguna, en það
er óljóst hvaða lag er að hefjast. Innst á sviðinu kemur
söngkonan á palli upp í gegnum gólfið. Áhorfendur
tryllast. „C’mon girls, do you believe in love?“ segir
Madonna, stígur fram úr reykjarkófinu og sviptir sér
úr jakkanum.
Morgunblaðið gerði sér ferð til að fylgjast með
Madonnu síðastliðið sunnudagskvöld, þegar hún lauk þriggja daga tónleikaför sinni
um England þar sem rúmlega 200 þúsund aðdáendur sáu hana og heyrðu á
Wembley-leikvanginun í Lundúnum. Tónleikarnir stóðu í tvær klukkustundir og
Madonna hélt uppi dampi allan þann tíma. Hún hefur verið á tónleikaför um Japan,
Bandaríkin og Evrópu síðan í apríl og í þessari för hefur verið með hópur
kvikmyndatökumanna gerðir út fra'fyrirtæki Sigurjóns Sighvatsonar, Propaganda
Films, að gera heimildarmynd um Madonnu. Hefur tónleikaferð þessi verið mjög
veigamikil, heppnast vel og uppselt á nær alla tónleika. Þetta er feiknamikil sýning
sem samanstendur af um 15-20 lögum. Allir búningar eru hannaðir af hinum þekkta
franska tískuhönnuði Jean-Paul Gaultier og sviðsmyndina gerði bróðir Madonnu.
MORGUNBLAÐIÐ, FÖSTUDAGUR 27. JULl 1990