Morgunblaðið - 07.05.1992, Page 1

Sigurður
Valgerður Guðrún
Anton Heiðar
JRwDmtiritafrife
FIMMTUDAGUR 7. MAÍ 1992
KRAKKAR VIÐ
TÖLVUR í LEIK
OG IMÁMI
ÍSLENSKI
TÖLVUMARKAÐURINN
9 milljarða
velta 1991
Á sama tíma lögðu fyrirtæki
og stofnanir um 18 milljarða
í tölvutengdan kostnað
Hér a landi eru a.m.k. á annað hundrað fyrirtækja, sem
hafa tekjur af því að selja vörur og þjónustu tengda
tölvum og tölvubúnaði. Þetta eru seljendur tölvubúnað-
ar, hugbúnaðarframleiðendur, þjónustufyrirtæki og tölv-
uskólar. Samkvæmt lauslegri samantekt var velta þess-
ara fyrirtækja á bilinu 8,5 til 9,0 milljarðar króna á síð-
asta ári. Hún skiptist þannig að seljendur tölvubúnaðar
(i flestum tilfellum innflytjendur) veltu rúmlega 5 millj-
örðum króna, hugbúnaðarframleiðendur rúmlega 1 millj-
arði króna, þjónustufyrirtækin rúmlega 2 milljörðum
króna og tölvuskólar (þar með talinn tölvukennsla í skóla-
kerfinu) um 500 milljónum króna. Inn í þessa tölu má
svo bæta beinum innflutningi ýmissa fyrirtækja á tölvu-
stýrðum vélum og tækjum, þ.m.t. ýmis tækjabúnaður
Pósts og síma. A þessu ári má búast við að veltan auk-
ist, lítillega eða standi í stað.
essir 8,5 til 9 millj-
arðar króna eru
tölur, sem lesa
mætti út úr bók-
haldi allra annarra fyrirtækja
og stofnana í landinu. Auk
þess eyða flest þessara fyrir-
tækja annarri eins fjárhæð í
annan beinan eða óbeinan
tölvukostnað. Þetta er a.m.k.
skoðun alþjóðlega ráðgjafar-
fyrirtækisins Gartner Group.
Skipting tölvukostnaðar
Samkvæmt lauslegu mati
ráðgjafarnefndar um upplýs-
inga- og tölvumál (RUT-
nefnd) á vegum fjármála-
ráðuneytisins var heildar-
kostnaður opinberra aðila
vegna tölvunotkunar um 3
milljarðar króna á síðasta ári
eða um það bil 3% af fjárlög-
um. Gartner Group telur að
fyrirtæki hafi varið árið 1991
um 4,8% af tekjum sínum til
tölvumála og því er spáð að
árið 1995 verði þetta hlutfall
orðið 7,7%. Gangi þetta eftir
verður tölvukostnaður hins
opinbera um 5 milljarðar
króna 1995.
Tölvukostnaðinum má
skipta í tvo flokka. í öðrum
flokknum er kostnaður vegna
kaupa á tölvubúnaði (vélbún-
aði og hugbúnaði), þjónustu
og menntun starfsmanna.
Allan þennan kostnað má
lesa beint út út bókhaldi og
er hann fyrrnefndir 8,5 til 9
milljarðar króna fyrir árið
1991.
SJÁ NÆSTU SÍÐU
Svoajorðu
sem á himni
klippt í tölvu
Kvikmynd Kristínar Jó-
hannesdóttur, „Svo á
jörðu sem á himni“ er
fyrsta íslenska tölvu-
klippta kvikmyndin. Að
sögn Sigurðar Snæ-
bergs Jónssonar, sem
klippti myndina er um
nýjung í Evrópu að
ræða.
Kerfið sem er notað
er amerískt og heit-
ir EMC2. Frummyndin
(negatívan) er yfirfærð á
disklinga og þannig klippt
eins og venjulega, nema
nú eru notaðir takkar.
Eins auðveldast öll eftir-
vinnsla, skoðun og breyt-
ingar.
Sigurður segist líkja því
að klippa með tölvu eða á
gamla mátann við það að
ganga annars vegar frá
texta í tölvu og hins vegar
á ritvél.
AMD gegn Intel
ÞAÐ vakti mikla athygli þegar örgjörvafyriilækið AMD
hóf framleiðslu á 80386 örgjörvum í óþökk Intel, sem
nánast hefur einokað framlciðslu á örgjörvum fyrir PC-
samhæfðar tölvur.
Skv. samningi fyrirtækj-
anna frá 1982 taldi
AMD sig hafa rétt á að fram-
leiða hvaða örgjörva sem er
frá Intel, sem á móti neitaði
AMD um upplýsingar sem
það taldi sig hafa rétt á. AMD
hóf samt framleiðsluna og
höfðaði mál gegn Intel. Því
máli lauk fyrir skemmstu og
fékk AMD, hálfan milljarð
ÍKR í miskabætur.
40 Mhz 80386 örgjörvinn
frá AMD hefur reynst hrað-
virkari en Intel örgjörvar.
AMD hefur selt 2 milljónir
örgjafa og og stóran þátt í
verðlækkunum á PC mark-
aðnum. AMD hyggst mark-
aðssetja 80486-örgjörva, sem
sagt er að verði að jafnaði
40% hraðvirkari en sambæri-
legir Intel-örgjörvar.
Apple inn á
PC-markað
Microsoft hefur náð góðum árangri með Windows-notenda-
skilunum og þegar útgáfa 3.1 var gefin út fyrir stuttu
spurðist að Apple hygðist smeygja sér inn á þann mark-
að. Ekki er ljóst hvernig það verður gert, en vekur at-
hygli að Apple, sem áður hefur gagnrýnt PC-tölvur, hygg-
ist nú framleiða fyrir þær forrit.
Engum ætti að koma á
óvart að Apple horfi til
Windows-markaðarins enda
talið að yfir 9 milljónir not-
endur noti Windows daglega
á móti 3'/2 .milljónum Macint-
osh-notenda.
Að sögn kunnugra hjá
Apple hyggst fyrirtækið
hanna útgáfu Macintosh-
stýrikerfisins sem megi keyra
á Intel eða Intel-samhæfðum
örgjörvum, sem eru allsráð-
andi á PC-markaðnum. Ekki
er þó ljóst hvort Apple ætli
að framleiða PC-tölvu sem
keyrt geti Macintosh-stýri-
kerfið, eða sendi frá sér for-
rit sem ætluð eru til að laða
PC-notendur að Macintosh.
Apple hefur undanfarið
sent frá sér skanna og leysi-
prentara sem nota má jafnt
fyrir Macintosh og PC-tölvur
og að auki sendi Claris-hug-
búnaðarfyrirtækið, sem er í
eigu Apple, frá sér Windows-
útgáfu af Hollywood-kynn-
ingarforriti sinu. Því má segja
að nokkuð sé síðan Apple
hafi ákveðið að hasla sér völl
á PC-markaðum.
NETTENGINGAR eru víða í umræðunni þessa
dagana, þar sem vöxtur sölu og þjónustu
tölvufyrirtækja er þar einna mestur.
Nettenging er einnig sú framtíðarsýn sem
menn í skólakerfinu sjá fyrir sér, með
íslenska menntanetinu, svokallaða. Pétur
Þorsteinsson, skólastjóri á Kópaskeri er
upphafsmaður þeirrar hugmyndar, en hann
kom á fót IMBU, tölvumiðstöð skóla 1988,
sem um 300 aðilar nota nær daglega.
(íslenska menntanetið myndi leysa IMBU af
hólmi. Kostnaður vegna vélbúnaðar við að
koma netinu á er um 5-7 milljónir króna.
Fjallað er um menntanetið á innsíðum, en
Pétur segir kosti þess m.a. vera bein tengsl
námsstjóra og kennara, samstarf
auðveldist, sérþekking nýtist betur og
aðstaða kennara og nemenda um land allt
verði jafnari. Kennarar fái aðgang að nýjum
þekkingarveitum, en verkefna- og
hugmyndabanki er í smíðum nú þegar. Þá
muni menntanetið opna nýja möguleika í
fjarkennslu.
MEÐAL EFNIS:
Nettengingar, Windows NT,
íslenskur hugbúnaður, OS/2 2.0,
Háhraðanet, Afritun gagna,
Pappírslaus samskipti,
Tölvunám unglinga