Morgunblaðið - 09.07.1992, Blaðsíða 8

VZterkur og
k-/ hagkvæmur
auglýsingamiðill!
flfamggiiiMfiMfe
VIÐSKIPn AIVINNULÍF
FIMMTUDAGUR 9. JÚLÍ 1992
T-Jöfðar til
XJL fólks í öllum
starfsgreinum!
Fyrirtæki , Fólk
Landssmiðjan
tekur yfir
rekstur Eðalstáls
Sindrastál kaupir innflutningsverslun
Landssmiðjunnar
LANDSSMIÐJAN hf. hefur að undanförnu unnið að gagngerri
endurskipulagningu á rekstri fyrirtækisins sem felur m.a. í sér
yfirtöku á Eðalstáli hf. frá og með 1. júlí sl. Þá hefur Sindrastál
hf. yfirtekið innflutningsverslun Landssmiðjunnar og verður hún
sameinuð rekstri Sindrastáls frá þeim tíma. Á síðastliðnu ári
urðu breytingar á eignarhaldi Landssmiðjunnar þegar allt hluta-
fé félagsins var keypt af Útgerðarfélaginu Frey hf., sem á jafn-
framt hlut í Sindrastáli. í framhaldi af því var ákveðið að hag-
ræða í rekstri þessara tveggja systurfélaga og byggja upp meiri
sérhæfingu.
Að sögn Óskars Einarssonar,
framkvæmdastjóra Landssmiðj-
unnar hf., byggist breytingin sem
varð hinn 1. júlí sl. á að Sindrastál
hf. yfirtekur og kaupir innflutn-
ingsverslun Landssmiðjunnar og
verður hún sameinuð rekstri
Sindrastáls frá þeim tíma. Er áætl-
að að verslunin verði flutt og sam-
einuð annarri starfsemi Sindrastáls
í Borgartún 31 í lok ágúst. Sindr-
astál hefur yfirtekið öll umboð sem
Landssmiðjan hafði á vörum frá
Alfa Lava, Atlas Copco og Dexion
ásamt öðrum innflutningi sem
Landssmiðjan hefur haft með
höndum undanfarin ár.
Óskar sagði að Landssmiðjan
hf. yrði rekin sem iðnaðarfyrirtæki
á sviði málmiðnaðar og væri stefnt
að aukinni uppbyggingu fyrirtæk-
isinsi Landssmiðjan myndi áfram
annast þjónustu vegna búnaðar
sem hún hefur selt og gert þjón-
ustusamning við Sindrastál í því
skyni. Þessi sérhæfða þjónusta
væri fyrst og fremst á sviði loft-
þjappa, loftstýrikerfa og loftkerfa
ásamt þjónustu við viðhald og
rekstur skilvinda. Hann sagði að
fyrirtækin myndu bjóða upp á sér-
staka þjónustusamninga um fyrir-
byggjandi viðhald fyrir þann vél-
búnað sem þau hefðu á boðstólum.
Landssmiðjan hefði sérstakt jafn-
vægisstillingartæki sem væri hið
eina sinnar tegundar hér á landi
sem gerði kleift að jafnvægisstilla
m.a. skilkarla úr skilvindum og
annan búnað.
Óskar sagði ennfremur að
Landssmiðjan hf. hefði keypt
rekstur, vélar og framleiðsluvörur
Eðalstáls hf. í Kópavogi 1. júlí sl.
Markmiðið væri að efla fyrirtækið
sem málmiðnaðarfyrirtæki með því
að heija framleiðslu úr ryðfríu
stáli, auk áframhaldandi reksturs
renni- og vélaverkstæða og al-
mennrar stálsmíði á plötuverk-
stæði. Landssmiðjan hefði einkum
átt viðskipti við stóriðjufyrirtæki
hér á landi, tekið þátt í uppbygg-
ingu orkuvera og iðnaðar auk þjón-
ustu við fiskimjölsiðnaðinn.
Landssmiðjan hefur byggt ýms-
an vélbúnað og má þar nefna töpp-
unarskörung sem þróaður var af
SAMEINING — Veigamiklar skipulagsbreytingar hafa að
undanfömu staðið yfir hjá Landssmiðjunni hf. Á myndinni em þeir
Óskar Einarsson framkvæmdastjóri Landssmiðjunnar hf. og Bjöm
Jóhannsson tæknilegur framkvæmdastjóri fyrirtækisins.
Jámblendifélaginu. Hefur búnað-
urinn verið seldur til annarra járn-
blendiverksmiðja víða um heim. í
samvinnu við Jón Hjaltalín Magn-
ússon, JHM Verkfræðiþjónustu,
hefur Landssmiðjan ennfremur
þróað og framleitt róbóta til ásetn-
ingar á krögum á forskaut í álver-
um. Ofangreindir aðilar eru nú í
vömþróunarverkefni með Iðn-
tæknistofnun í því skyni að vinna
að lokaútfærslu á þessum búnaði
ásamt öðmm tækjabúnaði sem er
hægt að nota til hagræðingar í
skautverksmiðjum álvera.
Öflug framleiðsla úr ryðfríu
stáli
„Með kaupunum á rekstri Eðal-
stáls getum við byggt upp öfluga
framleiðslu á vörum úr ryðfríu
stáli. Eðalstál hefur verið leiðandi
í framleiðslu á fiskvinnslubúnaði
og einn af frumkvöðlum í þróun
og framleiðslu flæðilína fyrir
frystihús sem hafa valdið veralegri
framleiðniaukningu á síðari ámm.
Fyrirtækið hefur m.a. framleitt
einfalda og ódýra flokkara fyrir
fisk auk þess að vera í samvinnu
við Norðurfísk um búnað til fram-
leiðslu á saltfiskmarningi", sagði
Bjöm Jóhannsson tæknilegur
framkvæmdastjóri Landssmiðj-
unnar hf.
Óskar sagði að Landssmiðjan
hf. stefndi á að verða leiðandi í
framleiðslu á ofangreindum búnaði
og hefði í þeim tilgangi tekið upp
samstarf við verkfræðistofuna Efli
um þróun viðbótarbúnaðar fyrir
fískvinnslu. Fyrirtækið stefndi að
framleiðslu annars vegar fyrir inn-
lendan markað, þar sem Eðalstál
hafí haft sterka stöðu og hins veg-
ar að byggja upp framleiðslu fyrir
útflutning í framtíðinni. „Þörf er á
að flytja út þekkingu okkar á sjáv-
arútvegi og vinnslu fískafurða og
liggur vaxtarbroddur málmiðnaðar
m.a. í framleiðslu þess háttar vél-
búnaðar. Með markvissri vinnu
emm við fullvissir um að hægt sé
að ná árangri og með öflugum
heimamarkaði gefst tími til að
vinna að þessum markmiðum og
ná árangri", sagði Óskar.
Nýr meðeigandi
að Endurskoð-
unarmiðstöð-
inni hf. N.
Manscher
MHJALTI Schiöth löggiltur end-
urskoðandi varð meðeigandi að
Endurskoðunarmiðstöðinni hf.
N. Manscher
hinn 1. júní síð-
astliðinn. Hann
útskrifaðist sem
viðskiptafræðing-
ur frá Háskóla
íslands í júní árið
1986 og hlaut lög-
gildingu sem end-
urskoðandi árið__
1990. Undanfarin Hjaiti
sex ár hefur Hjalti
starfað á skrifstofu félagsins í
Reykjavík. Hann er þrítugur að
aldri og ókvæntur.
Rekstrarstjóri hjá
Kaupfélagi Dýr-
firðinga
MAUÐUR Sigríður Kristins-
dóttir hefur hafið störf hjá Kaup-
félagi Dýrfirðinga á Þingeyri.
Hún mun hafa umsjón með versl-
unar- og þjón-
ustudeild Kaupfé-
lags Dýrfírðinga
ásamt áætlana-
gerð og tölvumál-
um. Auður út-
skrifaðist sem
kerfísfræðingur
frá Tölvuháskóla
Verzlunarskóla
íslands árið 1990 Auóur
og rekstrarfræð-
ingur frá Samvinnuháskólanum
á Bifröst nú í vor. Hún er 29 ára
og kvænt Einari B. Valdimars-
syni, stjómmálafræðinema og eiga
þau eitt bam.
Torgid
Horfurnar í vaxtamálum
Vextir á algengum skammtíma-
lánum banka hérlendis eru nú
nokkuð nálægt því sem gerist í
helstu viðskiptalöndum íslend-
inga. Þá virðist raunávöxtun ríkis-
skuldabréfa vera svipuð og gerist
og gengur hjá hinum Norðurlanda-
þjóðunum. Þetta kemur fram í júní
hefti Hagtalna mánaðarins þar
sem gerður er samanburður á
vöxtum hérlendis og erlendis. Má
ætla að slíkur samanburður verði
nú smám saman raunhæfari eftir
að stöðugleiki komst á í verðlags-
málum. Jafnframt hefur ríkissjóður
hafið regiubundin útboð á ríkis-
bréfum til sex mánaða með svip-
uðum hætti og þekkist á þróuðum
fjármagnsmörkuðum en þessum
bréfum er ætlað að koma í stað
yfirdráttar í Seðlabankanum.
Áfram verður þó við ýmis vand-
kvæði að etja í samanburði milli
landa þar sem stundum eru þókn-
anir og lántökugjöld inn ívöxtunum
og taka verður mið af þeirri reglu
að vextir af lánum til einstaklinga
eru hærri en vextir af skammtíma-
lánum til fyrirtækja.
í Hagtölum mánaðarins er bent
á að raunávöxtun verðtryggðra og
óverðtryggðra skuldabréfa hér á
landi sé nú 9°/o og 10,2% á meðan
hliðstæð ávöxtun er að meðaltali
tæplega 11% á öðrum Norður-
löndum, 9,2% í Þýskalandi og 6%
í Bretlandi. í Bandaríkjunum, Japan
og Sviss er hún hins vegar öllu
lægri eða ó bilinu 2,4-4,6%. Raun-
ávöxtun ríkisskuldabréfa er nú frá
1,2% upp í 8,3% en hér á landi
er hún 6,5%.
Þessar tölur miðast við nýjustu
vaxtagildi og sex mánaða verð-
bólgu umreiknaða til árshækkunar.
Hins vegar fer raunávöxtun lækk-
andi því ef miðað er við óbreytta
nafnvexti á óverðtryggðum skulda-
bréfum, 12,2% og þriggja mánaða
verðbólgu miðað við lánskjaravísi-
tölu með spá fram í ágúst, yrði
raunávöxtunin 8,0%.
Vextir verðtryggðra skuldabréfa
hafa skv. Hagtölum mánaðarsins
verið á bilinu 7,7-9,2% frá 1987
til og með 1991 miðað við ársmeð-
altöl og voru lægri en vegið meðal-
tal vaxta á öðrum Norðurlöndum
1989-1991.
Vaxtalækkanir eru alþekkt
stjórntæki til að örva efnahagslífið
í þróuðum hagkerfum. Að sama
skapi er beitt aðhaldi í peningamál-
um til að halda niðri verðbólgu sem
aftur leiðir til vaxtahækkunar.
Greinarhöfundur bendir á að fyrir-
sjáanlegur samdráttur í efnahags-
lífinu hér á landi dragi úr verð-
bólguvæntingum en sökum vægis
sjávarútvegs í atvinnulífinu sé ekki
með sama hætti hælgt að beita
vaxtalækkunum til að örva atvinnu-
starfsemina og byrjað sé að gera
í nokkrum löndum OECD. T.d. virð-
ist vaxtalækkanir ætla að skila
árangri á þessu ári í Bandaríkjun-
um því gert sé ráð fyrir 1,6% hag-
vexti samanborið við 0,7% sam-
drátt á sl. ári. Hins vegar sé svig-
rúm stjórnvalda í Evrópu til að
beita aðgerðum í peningamálum
víða þrengra vegna viðmiðunar-
marka í efnahagsmálum í tengsl-
um við myntsamstarf þessara
þjóða. Þá hafi erfiðleikar fjármála-
álofnana sett svip sinn á efnahags-
lægðina víða að undanförnu og
treg aðlögun á fjármagnsmarkaði,
einkum langtímavaxta að skamm-
tímavöxtum gæti enn átt eftir að
tefja batann í alþjóðaefnahagsmál-
um. Er það niðurstaða greinarhöf-
undar að enn um sinn megi búast
við því að raunávöxtun algengra
skammtímalána verði tiltölulega
há í nágrannalöndunum.
í framhaldi af þessu má líta á
horfur í vaxtamálum hérlendis.
Vextir hafa sem kunnugt er haldist
háir vegna mikillar eftirspurnar eft-
ir lánum frá hinu opinbera til að
mæta hallarekstri og frá einstakl-
ingum til húsnæðiskaupa. I nýjasta
fréttabréfi íslandsbanka, íslands-
póstinum gerir Valur Valsson,
bankastjóri nokkra grein fyrir við-
horfum bankans í vaxtamálum í
leiðara blaðins. Þar kemur m.a.
fram að óverðtryggðir vextir bank-
ans miðist við 2% verðbólgu eða
sama og áætlað er að verði á árinu
í heild. Er þá horft fram hjá því að
næstu mánuði muni lánskjaravísi-
talan hækka töluvert meira. Síðan
segir: „Þess vegna er ekki líklegt
að óverðtryggðir vextir bankans
lækki á næstunni nema raunvextir
lækki almennt. Því er spurningin
hvort líklegt sé að raunvextir lækki
meira en þegar hefur gerst.
Á þessari stundu er það óvíst.
Vextir á nýjum spariskírteinum rík-
issjóðs eru nú 6,5%. Hæpið er að
á næstunni verði unnt að lækka
þá meira. Vextir á eftirmarkaði
hafa þokast niður á við en sú þró-
un virðist hafa stöðvast um sinn.
Sparnaður hefur farið minnkandi
undanfarna mánuði og mikilvægt
er að snúa þeirri þróun við. í Ijósi
þessa er ólíklegt að raunvextir í
landinu lækki frekar á næstunni."
Þróunin á íslenskum fjármagns-
markaði hefur verið í þá átt að
vextir ráðist að markaðsaðstæð-
um hverju sinni og nægir að líta
til útboða ríkissjóðs á skammtíma-
verðbréfum og skuldabréfaútboða
Húsnæðisstofnunar. Með opnun
íslenska fjármagnsmarkaðarins á
næstunni gagnvart útlöndum má
síðan ætla að meira verði horft til
vaxtaþróunarinnar í öðrum löndum
en verið hefur hingað til. KB