Morgunblaðið - 05.01.1993, Blaðsíða 1
BLAÐ ALLRA LANDSMANNA
JHtogmtþlAþiþ
blaeIC
1993
ÞRIÐJUDAGUR 5. JANUAR
adidas
ÍR
leikur í Adidas
FRJALSIÞROTTIR
Jón Arnar til Tindastóls
„Ákveðinn að taka tugþrautina
föstum tökum í ár,“
segir Jón Arnar Magnússon
JÓN ARNAR Magnússon, fjöl-
hæfasti frjálsíþróttamaður
landsins, hefur ákveðið að
ganga til liðs við Tindastól á
Sauðárkróki, en Jón Arnar hef-
ur keppt undir merki HSK. Jón
Arnar, sem er tugþrautarmað-
ur, jafnaði íslandsmetið í 50 m
grindahlaupi innanhúss á dög-
unum - 6,7 sek. „Það lofar
góðu með framhaldið á árinu,"
sagði Jón Arnar í gærkvöldi.
Miklár vonir hafa verið bundnar
við Jón Amar síðan hann
var Norðurlandameistari unglinga
í tugþraut 1988 (6975 stig), en
hann náði sér ekki verulega á strik
næstu árin á eftir og settu meiðsli
strik í reikninginn.
22 stigum frá íslandsmetinu
Jón Arnar náði sér verulega á
strik sl. sumar og var ekki langt
frá að bæta íslandsmet Þráins Haf-
steinssonar, HSK, sem er 7592 stig
frá 1983. A sænska meistaramótinu
var Jón Amar aðeins 22 stigum frá
metinu - þalut 7570 stig.
„Ástæðan fyrir því að ég fer
norður í vor að loknu námi, er að
ég hef fengið vinnu á Sauðárkróki
og þá er þar félagsskapur sem ég
sækist eftir - bræðurnir Gísli og
Gunnar Sigurðssynir. Ég á eftir að
styrkjast undir þeirra leiðsögn. Þá
er aðstaðan mjög góð á Sauðár-
króki,“ sagði Jón Arnar. Gísli Sig-
urðsson, sem verður þjálfari Jóns
Amars, er gamalkunnur tugþraut-
armaður.
„Ég er ákveðinn að taka tug-
þrautina föstum tökum í ár og að
sjálfsögðu vonast ég eftir framför-
um,“ sagði Jón Arnar Magnússon.
Morgunblaðið/Valur Jónatansson
Jón Arnar Magnússon, tugþrautarkappi frá Gnúpveijahreppi.
KNATTSPYRNA
Eyjólfur á meðal
bestu miðjumanna
Eyjólfur Sverrlsson.
EYJÓLFUR Sverrisson er í hópi
bestu miðjumanna í þýsku úr-
valsdejldinni í knattspyrnu
samkvæmt úttekt íþróttablaðs-
ins Kicker.
Hollendingurinn Jan Wouters hjá
Bayern Múnchen er besti
varnarmiðjumaðurinn að mati
blaðsins, er í landsliðsklassa eins
og Wolfgang Rolff hjá Karlsruhe.
Michael Zorc hjá Dortmund er í
þriðja sæti, Lothar Mattháus hjá
Bayern í 5. sæti og Eyjólfur í 7.
til 13. sæti.
Andreas Herzog hjá Werder
Bremen er besti sóknarmiðjumað-
urinn, Uwe Bein hjá Frankfurt er
í öðm sæti og Hans Dorfner hjá
Númberg í því þriðja.
Enginn kantmaður er sagður í
heims- eða landsliðsklassa, en Knut
Reinhardt hjá Dortmund er talinn
bestur, Christian Ziege hjá Bayern
er í öðm sæti og síðan kemur Lud-
wig Kögl hjá Stuttgart.
Evrópukeppni landsliða í Svíþjóð:
Hagnaður235 millj.
Hagnaður af úrslitakeppni Evrópumóts landsliða í Svíþjóð á síðasta
ári nam 3.7 milljónum dollara eða um 235 milijónum ÍSK, að
söng talsmanns UEF_A í gær. Heildarinnkoman nam 36.7 milljónum
dollara (2 milljarðar ÍSK), sem er tvisvar sinnum meira en innkoman
var á EM í Þýskaiandi 1988. Stærsti hluti tekna EM í Svíþjóð var
fyrir sjónvarpsréttindi sem gaf 27.5 milljónir dollara eða rúmlega 1.7
milljarð ÍSK.
Danmörk og Þýskaland, sem lékú til úrslita í keppninni, fengu 4.4
milljónir dollara, eða 278 milljónir ÍSK, hvor þjóð í verðlaunafé.
HANDBOLTI
Valdimar
skoraði
tvomork
Evrópuúrvalið tapaði
Austurríska landsliðið í hand-
knattleik sigraði Evrópu-
úrvalið, 27:25, í afmælisleik
austurríska handknattleikssam-
bandsins sem fram fór fýrir
framan 1.000 áhorfendur í Vín-
arborg á sunnudaginn. Staðan
í hálfleik var 14:10 fyrir Austur-
rfki.
Valsmennimir, Valdimar
Grímsson og Guðmundur Hrafn-
kelsson, léku með Evrópuúrval-
inu. Valdimar gerði tvö mörk í
leiknum og Guðmundur stóð í
markinu í seinni hálfleik og
varði sjö skot. „Það var gaman
að fá að taka þátt í þessum leik,
en það var greinilegt að samæf-
ingu vantaði i okkar lið. Við
tókum aðeins eina æfingu fýrir
leikinn," sagði Guðmundur.
íþróttamaður
ársins
útnefndur
íkvöld
SAMTÖK íþróttafréttamanna
útnefna íþróttmann ársins í hófi
í Rúgbrauðsgerðinni í Reykjavík
i kvöld og verður sýnt frá kjörinu
í beinni útsendingu í Ríkissjón-
varpinu kl. 20.30.
Tíu stigahæstu í kjörinu verða
allir verðlaunaðir með bókagjöf
frá Máli og menningu. Þrír efstu fá
sérstaka eignargripi og SAS-flugfé-
lagið gefur íþróttamanni ársins
flugmiða, en áðumefnd fyrirtæki
ásamt Menntamálaráðuneytinu eru
helstu styrktaraðilar Samtaka íþrótt-
afréttmanna vegna kjörsins að þessu
sinni. íþróttamaður ársins fær að
auki glæsilega styttu, sem fylgir
nafnbótinni, til varðveislu í eitt ár.
KIMATTSPYRIMA: ARIMÓR GUDJOHIMSEIM TIL LIÐS VIÐ HÁCKEIM í SVÍÞJÓD / B4