Morgunblaðið - 30.09.1994, Qupperneq 1

BLAÐ ALLRA LANDSMANNA
1994
2Mi> r0nnl>lfo%itt>
■ FÖSTUDAGUR 30. SEPTEMBER
BLAÐ
KORFUKNATTLEIKUR
Bandaríkja-
maður til Þor-
lákshafnar
Nýliðarnir í 1. deild karla, Þór frá Þorlákshöfn,
hafa fengið til liðs við sig bandarískan leik-
mann sem heitir Champ Wrncer og lék með háskól-
aliðinu í Austin Texas fyrir nokkrum árum, en
síðasta tímabil í kanadísku 1. deildinni. Hann er
187 sm bakvörður og átti 6,8 stoðsendingar að
meðaltali í leik með háskólaliðinu og er það næst
besti árangur sem leikmaður hefur náð í því liði.
Þórsarar hafa einnig fengið tvo nýja leikmenn
frá Breiðabliki og Snæfelli. Það eru þeir Jón Bjarki
Jónsson og Alexander Helgason.
KNATTSPYRNA
Helgi til
Stuttgart
Fram leigir hann í átta mánuði til að
byrja með — til 30. júní á næsta ári
HELGI Sigurðsson, knattspyrnumaður úr Fram, hefur verið leigð-
ur til Stuttgart f átta mánuði til að byrja með. Hann fer til Þýska-
lands strax eftir U-21 s árs landsleikinn við Tyrki í Istanbul 12.
október og verður samningsbundinn þýska liðinu til 30. júní á
næsta ári. „Það er stefnan að reyna að standa sig og komast á
atvinnumannasamning hjá Stuttgart,11 sagði Helgi.
Helgi æfði með Stuttgart í tíu
daga sl. vor og þekkir því til
þar. Hann spilaði einn leik með
varaliðinu og skoraði þijú mörk.
Forráðamenn Stuttgart voru
ánægðir með frammistöðu Helga
og buðu honum að vera áfram hjá
liðinu, en Helgi vildi koma heim og
leika með Fram í sumar.
„Nú er ég tilbúinn að fara. Þetta
er tækifæri sem ekki er hægt að
láta fram hjá sér fara. Ég er búinn
með stúdentsprófið og því góður
tími fyrir mig að prófa þetta. Ef
dæmið gengur ekki upp get ég allt-
af komið heim og haidið áfram
námi. Þetta verður erfitt en jafn-
framt spennandi," sagði knatt-
spymumaðurinn efnilegi.
Helgi verður á svipuðum samn-
ingi og Eyjólfur Sverrisson var á
hjá félaginu fyrsta árið. Hann sagð-
ist æfa með vara- og aðalliði félags-
ins, fengi þó ekki að spila með vara-
liðinu í móti fyrr en eftir áramótin.
Bibercic með til-
boð frá Grikklandi
KR-ingar vilja fá hann íVesturbæinn næsta tímabil
MIHAJLO Bibercic, markakóngur íslandsmótsins, segist vera
með tilboð frá grísku félagi. „Það er ekki rétt að vera að gefa
upp hvaða félag þetta er því þetta er enn á byrjunarstigi. Ég á
eftir að skoða þetta betur,“ sagði Bibercic við Morgunblaðið.
Helgi Sigurðsson er á leið til
VfB Stuttgart í Þýskalandi.
Eyjólfur og
félagar áfram
Eyjólfur Sverrisson og félagar
hans hjá Besiktas eru komnir
í 16-liða úrslit Evrópukeppni bikar-
hafa, eftir jafntefli gegn HJK í
Helsinki í gær. Besiktas vann sam-
anlagt 3:1.
Bibercic sem varð 26 ára 23. sept-
ember sl. er frá Serbíu. Hann
lék með Radnicki Kragusevac á sín-
um yngri árum og var meðal annars
markahæstur í 2. flokki félagsins
1987, gerði þá 45 mörk í 36 leikjum.
Hann er því ekki alveg óvanur því
að vera markhæstur, En hvemig var
tilfinningin að taka á móti gullskón-
um á íslandi?
„Þetta er mjög gaman, en þetta
er ekki algjörlega mitt einstaklings-
framtak því félagar mínir á Akra-
nesi hafa hjálpað mér við þetta og
eiga sinn þátt í þessu. Það er orðið
venja að gullskórinn fari upp á Akra-
nes eins og íslandsmeistaratitillinn.
Við emm búnir að fá þessa titla þijú
síðustu árin,“ sagði markakóngur-
inn.
Hann sagði að þetta hafi verið
frekar erfitt tímabil því hnémeiðsli
hafí hijáð hann í sumar. „Siguijón
Sigurðsson læknir hefur hjálpað mér
mikið í sambandi við meiðslin og
kann ég honum bestu þakkir fyrir
það. Annars hefur þetta tímabil ver-
ið skemmtilegt þó svo að knattspym-
an hafí kannski ekki verið eins góð
og hún var í fyrra."
Hann sagðist ekki vera viss um
að hann yrði áfram á Skaganum
næsta sumar. „Ég er búinn að vinna
allt með Skaganum og nú bætist
markakóngstitillinn við. Ég hef því
áhuga á að prófa eitthvað nýtt. Ég
er jú atvinnumaður í knattspymu og
maður veit aldrei hvað framtíðin ber
í skauti sér. En ég ætla að skoða
þetta tilboð frá Grikklandi nánar.
Ég fer fljótlega út til Þýskalands þar
sem foreldrar mínir búa. Það verður
svo bara að koma í ljós hvað gerist."
- Heyrst hefur að KR-ingarnir vilji
fá þig í Vesturbæinn. Hvað viltu þú
segja um það?
„Ég vil nú sem minnst tjá mig um
það, en ég neita því ekki að þeir
hafa talað við mig. Það eitt get ég
sagt að Guðjón Þórðarson er besti
þjálfari sem ég hef nokkurn tímann
haft,“ sagði Bibercic.
Morgunblaðið/Árni Sæberg
Mihajlo
Bibercic
fékk
Gullskóinn
Serbinn Mihajlo Bibercic varð
fyrsti útlendingurinn til að
vinna gullskó Adidas á íslandi.
Sportmenn, sem er umboðsað-
ili Adidas, afhenti gullskóinn
við hátíðlega athöfn á Hótel
Islandi í gær. Þetta er í ellefta
sinn sem þessi verðlaun eru
veitt á íslandi til markahæsta
leikmanns 1. deildar. Fyrstur
til að hampa gullskónum var
Ingi Björn Albertsson, árið
1983. Bibercic úr ÍA hlaut
gullskóinn að þessu sinni —
hann gerði 14 mörk. Óli Þór
Magnússon, Keflavík, hlaut
silfurskóinn og Bjarni Svein-
björnsson, Þór frá Akureyri,
bronsskóinn, en þeir gerðu
báðir 11 mörk, en Óli Þór lék
15 leiki en Bjarni 18.

HANDKNATTLEIKUR: STJÖRNUNNISPÁÐ MEISTARAHTLIKVENNA / D4
------------------;------------------------------------- " I