Morgunblaðið - 08.12.1994, Blaðsíða 1

BLAÐ ALLRA LANDSMANNA
JHivgnitiifaMfe
D
1994
FIMMTUDAGUR 8. DESEMBER
BLAÐ
Agassi
öruggur
með 35
milljónir
Andre Agassi vann Thomas
Muster 6-3, 7-5 í fyrstu um-
ferð meistarakeppni meistaranna í
tennis í Munchen í gær og mætir
Svíanum Magnus Larsson í undan-
úrslitum, en Larsson vann landa
sinn Stefan Edberg 6-4, 6-7, 8-6.
Sigurinn tryggði Agassi sem sam-
svarar um 34,5 millj. kr. í verðlaun
á mótinu en þar af er helmingur
upphæðarinnar vegna þess að hann
sigraði á Opna bandaríska mótinu.
Sigur Larssons færir honum 17,250
millj. kr., en þeir sem töpuðu fá um
sjö milljónir.
í fyrradag vann Pete Sampras
Jaime Yzaga 6-2, 6-4, og Boris
Becker tók Ferreira 5-7, 6-4, 6-3.
Sampras sigraði á Opna ástralska
og Wimbledon og var því öruggur
með um 34,5 millj. kr. í verðlaun
þegar hann hóf keppni í Múnchen.
Sigurinn tryggði honum 17,250
millj. kr. að auki.
Reuter
Svílnn Magnus Larsson lék vel í gær og slgraði landa slnn Stefan Edberg.
Anthony Karl
Gregory samdi
við Breiðablik
ANTHONY Karl Gregory gerði í gær tveggja ára
samning við Knattspyrnudeild Breiðabliks í Kópa-
vogi. Hann var hjá Bodö/Glimt í Noregi síðasta
keppnistímabil eftir að hafa leikið með Val en
fékk sig lausan í haust. Hann ræddi m.a. við
Eyjamenn og KR-inga en ákvað síðan að ganga
til liðs við Breiðablik.
„Við teljum okkur vera komna með markaskor-
arann sem okkur hefur vantað og hann á eftir
að falla vel inn í hópinn,“ sagði Sveinn Ingvason,
formaður Knattspyrnudeildar Breiðabliks, við
Morgunblaðið í gærkvöldi.
Einn riðill Evrópu-
bikarkeppni landsliða
í Reykjavík 1995
FRJÁLSÍÞRÓTTASAMBANDI íslands hefur ver-
ið falið að sjá um 1. riðil 2. deildar Evrópubikar-
keppni landsliða í fjölþraut 1. og 2. júlí 1995.
Keppt er í karla- og kvennaflokki og í riðlinum
eru auk íslands Lettland, Danmörk, Noregur og
írland. Að sögn Knúts Óskarssonar, fram-
kvæmdastjóra FRÍ, er verkefnið tilkomið í fram-
haldi af bættri frjálsíþróttaaðstöðu í Reykjavík
og velheppnuðum Reykjavíkurleikum 1993 og
1994. „Hins vegar er ljóst að Laugardalsvöllur
er ekki nógu fullkominn til að halda mótið því
ýmislegt vantar eins og þjófstartskerfí og upplýs-
ingakerfi," sagði Knútur. Hann sagðist samt von-
ast til að úr því yrði bætt og gert ráð fyrir nauð-
synlegum úrbótum á fjárhagsáætlun Reykjavíkur-
borgar.
Birgir Guðjónsson
eftirlitsdómari á
heimsmeistaramótinu
BIRGIR Guðjónsson, læknir og formaður laga-
og tækninefndar FRÍ, sem fyrir skömmu var út-
nefndur sem alþjóða dómari af Alþjóða frjáls-
íþróttasambandinu, hefur verið skipaður sem
eftirlitsdómari á heimsmeistaramótinu í fijáls-
íþróttum, sem fer fram í Gautaborg 4. til 13.
ágúst 1995. Evrópusambandið hefur skipað hann
sem eftirlitsdómara í 1. riðli Evrópubikarkeppni
félagsliða, sem fer fram í Frakklandi 24. og 25.
júní, og það hefur einnig útnefnt hann til að
hafa yfirumsjón og eftirlit fyrir þess hönd með
framkvæmd lyfjaprófa á Evrópumeistaramótinu
innanhúss, sem fer fram í Stokkhólmi 8. til 10.
mars 1996.
SUND
Lu Bin í tveggja ára bann
Ástralskir þjálfarar fara fram á fjögurra ára bann á kínverska sundmenn
Alþjóða sundsambandið kín-
versku sunddrottninguna Lu
Bin í tveggja ára keppnisbann í gær
vegna lyfjamisnotkunar. Stúlkan,
sem er 17 ára og sigraði í fjórum
greinum á Asíuleikunum auk þess
sem hún setti eitt heimsmet, neit-
aði að hafa tekið ólögleg lyf í sam-
tali við japönsku fréttastofuna Ky-
odo. „Það hefur alls ekki verið um
neina lyfjamisnotkun að ræða hjá
mér,“ sagði hún og furðaði sig á
niðurstöðum lyfjaprófsins, því mjög
strangt aðhald hefði verið í mat og
drykk í æfingabúðunum í Peking.
„Að okkar mati er heimsmeistara-
keppnin næst mikilvægasta keppn-
in og í september voru engin lyfja-
vandamál hjá okkur,“ sagði hún.
„Eg er sannfærð um sakleysi mitt
og reyni að halda ró minni. Ég vil
verða ólympíumeistari.“
Lu var sigursæl á HM í Róm.
Hún sigraði í 200 metra fjórsundi,
fékk gull í tveimur boðsundum og
silfur í 100 og 200 metra skrið-
sundi. Kínveijar sigruðu í 12 af 16
sundgreinum í Róm og auk Lu féllu
tvær sundkonur úr hópnum í Jap-
an, Yang Aihua, heimsmeistari í
400 metra skriðsundi, og Xiong
Guoming, sem sigraði í fjórum
greinum á Asíuleikunum.
Samband ástralska sundþjálfara
samþykkti í fyrradag að óska eftir
því við Alþjóða sundsambandið að
það setti kínverskt sundfólk í fjög-
urra ára keppnisbann eftir að sjö
kínverskir sundmenn féllu á lyfja-
prófí á Asíuleikunum í október.
Yrði bannið að veruleika gætu Kín-
veijar hvorki keppt á Ólympíuleik-
unum í Atlanta 1996 né í heims-
meistarakeppninni í Perth í Ástralíu
1998.,
Áskorun Ástrala kemur í kjölfar
ákvörðunar Sundsambands Þýska-
lands um að taka ekki þátt í sund-
mótum í Kína fyrr en þarlend
íþróttayfirvöld hafa hreinsað sig af
ásökunum um lyfjamisnotkun.
Fjórir kínverskir sundmenn, þar
af þrír landsliðsmenn, höfðu fallið
á lyfjaprófi áður en kom til áfallsins
á Asíuleikunum. „Ég held að lyfja-
misnotkunin sé skipulögð vegna
þess að talan er kominn upp fyrir
10 á tveimur árum,“ sagði Hans
Chrunak, landsliðsþjálfari Svía í
sundi, og tók þar með undir orð
þýska prófessorsins Manfreds Doni-
kes, sem greint var frá í gær.
Þjálfararnir ábyrgir
Yoshio Kuroda, formaður lækna-
nefndar Ólympíusambands Asíu,
sagði að auk þeirra 11 kínversku
íþróttamanna sem félllu á lyfjaprófi
á Asíuleikunum lægju margir undir
grun um lyfjamisnotkun. „Það voru
aðrir íþróttamenn á gráu svæði,“
sagði hann án þess að nefna þjóð-
erni viðkomandi, en hann gaf til
kynna að lyfjamisnotkunin væri
skipulögð. „Unga íþróttafólkið veit
ekkert um lyf. Það hljóta að vera
sérfræðingar sem kunna til verka
því annars væri notkunin ófram-
kvæmanleg."
Hátt settur maður í kínversku
íþróttahreyfingunni, sem vildi ekki
láta nafns síns getið, sagði að þjálf-
arar bæru ábyrgðina. „Margir þjálf-
arar eru að reyna að verða frægir
og því kemur ekki á óvart að þeir
leggi traust sitt á lyfjamisnotkun.
í mínum huga veit 17 ára íþrótta-
maður ekki hvernig á að nota þessi
lyf svo landsliðsþjálfararnir hljóta
að vera ábyrgir."
MANCHESTER UNITED SIGRAÐIEN ER ÚR LEIK í MEISTARADEILDINNI / D4