Morgunblaðið - 05.04.1995, Blaðsíða 3

2 F MIÐVIKUDAGUR 5. APRÍL 1995
SKÍÐI
MORGUNBLAÐIÐ
MORGUNBLAÐIÐ
MIÐVIKUDAGUR 5. APRÍL 1995 F 3
Kristinn Bjömsson
er kominn í hóp
meðþeimbestu
Ólafsfirðingurinn Krist-
inn Bjömsson hefur
dvalið við æfíngar og
keppni í Schladming í
Austurríki í vetur og
sýnt miklar framfarir í
skíðabrekkunum. Valur
B. Jónatansson spjall-
aði við hann um dvölina
ytra, árangurinn og
framtíðar áform hans.
KRISTINIMI Björnsson, skíða-
kappi frá Ólafsfirði, hefur vakið
athygli fyrir miklar framfarir í
vetur og er fremsti skíðamaður
sem íslendingar hafa átt. Hann
er nú á meðal 50 bestu skíða-
manna heims í risasvigi og
næsta vetur ætlar hann að
reyna sig á meðal þeirra bestu
- keppa íheimsbikarnum. Ól-
afsfirðingurinn er ekki að gorta
sig af afrekunum, er hæglátur
og segir að best sé að láta
stóru orðin eiga sig og einbeita
sér að því að bæta sig enn
meira næsta tímabil. „Næsti
vetur verður spennandi og ég
hlakka til,“ sagði Kristinn.
Kristinn, sem "verður 23 ára í
maí, er kominn af mikilli
skíðafjölskyldu. Faðir hans, Bjöm
Þór Ólafsson íþróttakennari, hefur
oft verið sagður faðir skíðaíþróttar-
innar í Ólafsfirði og eru það orð
að sönnu. Kristinn segist snemma
hafa fengið áhuga á skíðaíþrótt-
inni, man fyrst eftir sér á skíðum
á bakinu á pabba sínum. „Pabbi
hefur alltaf verið meira fyrir nor-
rænu greinamar, stökk og göngu,
en ég var alltaf staðráðinn í að fara
í alpagreinamar, enda kann ég bet-
ur við hraðann. Ætli ég hafí ekki
hyrjað að æfa fimm ára gamall og
þá keppti ég í bæði norrænum og
alpagreinum,“ sagði Kristinn.
Frá því í september í fyrra hefur
Kristinn búið í Schladming í Austur-
ríki ásamt fimm öðrum strákum úr
íslenska landsliðinu; Vilhelm Þor-
steinssyni, Arnóri Gunnarssyni,
Hauki Arnórssyni, Gunnlaugi
Magnússyni og Pálmari Péturssyni.
Skíðasambandið greiddi húsaleig-
una en þeir þurftu að sjá alfarið
um sig sjálfir, jafnt eldamennsku
sem þrif og þvotta.
Sambúðin gekk áfallalaust
- Hve'rnig hefur þetta komið út
og eins hvernig hefur sambúðin
gengið í vetur?
„Þetta hefur gengið nokkuð vel.
Við vorum mjög vel staðsettir með
tilliti til æfinga. Þarna eru góðar
brekkur í kring og það er líka mikil-
vægt að þjálfarinn, Zbigniew Kam-
inski, býr í Schladming og þekkir
því vel til þar og á auðvelt með að
redda hlutunum. Við höfum verið í
tveimur íbúðum í sama húsi, fjórir
Á efsta þrepi
KRISTINN Björnsson er hér á efsta þrepi á verðlaunapallinum
eftlr frækinn sigur í risasvlgi í Elm í Sviss 14. mars. Svissn-
esku landsllðsmennirnir Didier Cuche og Paulo Oppliger
höfnuðu í 2. og 3. sætl. Krsitinn fékk 11 fis-stig fyrir árang-
ur sinn í þessu móti.
í annarri og tveir i hinni. Sambúðin
gekk nokkuð vel, en það koma allt-
af tímabil sem smá vandamál koma
upp þegar menn eru svona mikið
saman. Þet-ta getur auðvitað verið
erfitt, en þetta gekk þó áfallalaust."
íslenski fiskurinn
á borðum
- Nú þurftuð þið á sjá um að elda
sjálfir og þvo af ykkur, hvernig
skiptuð þið þessu með ykkur?
„Við skiptum með okkur verkum,
oftast bara einn sem eldaði á hveij-
um degi. Við hugsuðum um að
hafa kjarngóðan mat. Við fengum
fisk að heiman, enda eru bæði fað-
ir Arnórs Gunnarssonar og Vil-
helms Þosteinssonar togaraskip-
stjórar og því var oft íslenskur fisk-
ur á borðum. Við reyndum að þrífa
eftir bestu getu, svona til að halda
í horfinu því íbúðirnar eru litlar.
Sama var með þvottinn, hver og
einn sá um að þvo af sér spjarirnar.“
- Hvernig gekk vikan fyrir sig
hjá ykkur?
„Þegar við komum út í haust
æfðum við mikið uppi á Dachstein-
jöklinum, sem er skammt frá
Schladming. Fórum yfirleitt upp um
klukkan sjö að morgni og vorum á
skíðum á jöklinum í fjóra tíma. Síð-
an var tekið matarhlé og þrek-
æfingar séinni partinn. í vetur var
þetta öðruvísi því við kepptum það
mikið. Þegar við æfðum urðum við
að vera komnir upp í fjall hálf átta
á morgnana og vera farnir áður en
túristarnir komu í brekkurnar um
klukkan tíu. Oftast var tekin þrek-
æfing um miðjan daginn og svo fór
mikill tími í að yfirfara skíðin og
gera þau klár fyrir næsta dag.“
Besta sem við
getum gert
- Er þetta heppilegt fyrirkomu-
lag, að dvelja erlendis allan veturinn
og æfa?
„Já, ég held að þetta sé það besta
sem við getum gert. Við verðum
að vera þar sem aðstaðan er fyrir
hendi. Þetta er fimmta árið sem ég
er erlendis yfir vetrarmánuðina og
er því farinn að venjast þessu lífí.
Ég var í skíðamenntaskóla í Geilo
í Noregi í fjögur ár og síðan þessi
„útlegð“ í Austurríki í vetur.“
- Nú hefur þú náð að bæta þig
verulega í vetur. Ertu ekki ánægður
með þessar miklu framfarir?
„Ég get ekki verið annað en
ánægður þó svo að ég hefði viljað
geta gert betur í sviginu. Stórsvigið
gekk vel í lokin, gerði mitt besta
mót upp á fímmtán punkta á móti
í Frakklandi rétt áður en ég kom
heim. Ég hefði viljað keyra fleiri
stórsvig því ég var farinn að ná
mér vel á strik þar.“
Rlsasvig á vel viö mig
- Þú náðir bestum árangri í risa-
svigi, hefur þú skýringu á því?
„Risavigið virðist eiga mjög vel
við mig og það er svolítið undarlegt
því ég hef lítið sem ekkert æft þessa
grein, eða aðeins sex æfingar í vet-
ur. En tæknin hefur einhvem veg-
inn smollið saman í risasviginu.“
- Er þá ekki næsta skref að fara
í brunið?
„Nei, ég held ekki. Annars er ég
ákveðinn í að keppa í tvíkeppni
heimsbikarsins næsta vetur, það er
að segja bmni og svigi. Og síðan
ætla ég líka að prófa risasvigið í
heimsbikarnum. Ég held að ég eigi
ágætis möguleika á að ná í heims-
bikarstig, sérstaklega í tvíkeppn-
inni. Ef maður nær í heimsbikarstig
verður allt auðveldara, hvað varðar
skíðaútbúnað og alla þjónustu. Ég
verð að fara strax næsta vetur í
Evrópubikarmótin, sem er næsti
styrkleiki á eftir heimsbikarnum,
til að ná mér þar í stig. Þegar
maður er kominn með stig í Evrópu-
bikarnum, skipta punktamir engu
máli. Þar raðast allt upp eftir stig-
um, þar sem fyrstu fímmtán í hverri
keppni fá stig.“
Opnar ýmsar dyr
- Þegar þú hefur náð svona langt
eins og í risasviginu er þá ekki
auðveldara að komast inná sterk
mót?
„Jú, þetta opnar ýmsar dyr. Nú
er ég með það góðan árangur að
ég fæ allt frítt, þátttökugjöld og
uppihald á keppnisstað fyrir mig
og þjálfara í öll Evrópubikarmót. I
heimsbikarnum er það þannig að
ef þú startar innan við 45 færð þú
allt frítt og þar ætti ég að vera inni
í risasvigi. Næsti vetur verður því
mjög spennandi og hitar mann vel
upp. Nú sé ég heimsbikardyrnar
framundan og það eitt gefur mér
aukið sjálfstraust. Næsti vetur
verður spurning um það hvort ég
næ að stíga þetta mikilvæga skref
inn fyrir þröskuldinn - í hóp þeirra
allra bestu.“
Betra en ég þoröi að vona
- Áttir þú von á að þú myndir
bæta árangur þinn svona mikið í
vetur?
„Nei, ég gerði mér vonir um að
komast undir þijátíu í risasvigi. En
á fyrsta mótinu fékk ég 14 punkta
og þá hugsaði ég um að ná öðru
upp á 25 til að komast undir 20 í
meðaltal. Síðan sigraði ég á tveimur
sterkum mótum í Sviss sem gáfu
rúmlega 11 punkta og það var
meira en ég þorði nokkru sinni að
vona. Fyrir tímabilið var ég með
42 punkta í risasvigi og númer 319
á heimslista, en nú er ég með 11,40
og líklega innan við 50 á heimslista
og það opnar ýmsa möguleika.
»EG hugsa ekki of langt fram í tímann. Ég spál fyrst og fremst í næsta
vetur og læt þaö duga,“ sagöl Kristinn.
Kristinn prófar
ný skíði í Noregi
KRISTINN Björnsson fékk boð um að kom til Noregs 23. apríl til að prófa
skíði frá skíðaframleiðanda Rossignol. Árangur Kristins í vetur hefur gert
það að verkum að skíðaframleiðendur eru farnir að veita honum meiri
athygli en áður. Þeir telja sig hafa hag í því að íslenski skíðamaðurinn sé
á réttu tegundinni. „Ég er á Rossignol skíðum og skóm og hitti menn frá
fyrirtækinu áður en ég kom til íslands og þeir buðu mér að koma og prófa
skíði í Noregi eftir Skíðalandsmótið og alþjóðamótin hér heima. Þar verð-
ur heimsbikarlið Norðmanna. Það er mjög mikilvægt að fá að prófa skíði
og skó fyrir næsta vetur. Þarna get ég valið þau skíði og þá skó sem henta
mér best,“ sagði Kristinn. Skíðaframleiðendur setja upp svona „skíða test“
(prufuskíðun) fyrir helstu skíðastjörnurnar á hveiju vori til að gefa þeim
kost á því besta og sýna þær breytingar á skíðum og skóm frá ári til árs.
Risasvigið verður númer eitt hjá
mér næsta vetur því þar á ég mestu
möguleikana."
Peningaleysi háir okkur
- Hvernig verður næsti vetur?
Verður sama fyrirkomulag á æfing-
unum?
„Það er ekki búið að ákveða það
enn. Kaminski þjálfari er kominn
til íslands og mun á næstu dögum
funda með Skíðasambandinu um
þau mál. Hann er með vissar hug-
myndir í þessu sambandi. En þetta
er mjög dýrt og okkur vantar til-
finnanlega góða styrktaraðila. Pen-
ingaleysið hefur háð okkur nokkuð.
Það er erfitt að vera með aðeins
einn þjálfara fyrir sex menn. Það
er rosaleg vinna fyrir þjálfarann.
Ef ég fer í Evrópubikarinn og
Árangur Krístins Björnssonar
í risasvigi, stórsvigi og svigi
1993 til 1995
Risasvig Stórsvjg
FIS- Sæti á
stig heimslista
11,40 45
FIS- Sætiá
stig heimslista
16,70 125
FIS- Sæli á
stig heimslista
18,0 120
1994 42,56 320
23,10 171 30,66 167
1993 60,58 514 32,95 259 30,62 107
heimsbikarinn næsta vetur verð ég
að hafa sér þjálfara og annan bfl.
Það er erfitt að samnýta bíl og þjálf-
ara þegar við erum að keppa á
mismunandi mótum. Þetta fer ekki
alltaf saman.“
Hálf milijón á mann
- Hafið þið þurft að borga þetta
úthald allt sjálfir?
„Já, að mestu leyti. Við höfum
þurft að borga allt uppihald og ferð-
ir. Skíðasambandið greiddi húsa-
leiguna og leiguna á bílnum en við
höfum sjálfir greitt bensínið og eins
gistingu á hótelum þegar við erum
í keppnisferðum. Ætli kostnaðurinn
við úthaldið þessa sjö mánuði hafi
ekki verið rúmlega hálf milljón á
mann. Það er erfitt að þurfa að
hafa tjárhagsáhyggjur meðan verið
er að æfa, það truflar oft að menn
nái árangri. Ég hef hins vegar ver-
ið heppinn að þessu leyti því ég hef
verið vel styrktur af Ólafsfirðingum
og Skíðasambandinu. Hinir strák-
arnir í landsliðinu hafa ekki fengið
sömu aðstoð og kannski hefur það
eitthvað að segja með árangur
þeirra. Annars höfum við allir bætt
okkur hvað punkta varðar í vetur.“
Kaminski algjör vinnuhestur
- Hvernig hefur Kaminski þjálf-
ari staðið sig?
„Mjög vel. Hann er algjör vinnu-
hestur og reynir að nota öll þau
sambönd sem hann hefur í okkar
þágu. Hann er mjög góður þrek-
þjálfari og eins hvað varðar skíða-
tæknina. Hann vinnur ekki með
marga hluti í einu, heldur aðeins
þá mikilvægustu. Það er náttúrlega
erfitt fyrir hann að fara að breyta
okkur, en hann reynir að ná því
besta út úr hveijum og einum.“
- Hvert er langtíma markmiðið
hjá þér?
„Það er auðvitað heimsbikarinn
næsta vetur. Síðan er heimsmeist-
aramótið, sem átti að fara fram í
vetur, á næsta ári og aftur 1997
og svo Ólympíuleikar 1998. Þannig
að það er margt spennandi fram-
undan. Annars er ég ekki að hugsa
of langt fram í tímann. Það er fyrst
og fremst næsti vetur sem ég spái
í og læt það duga.“
Hef fundið rétta taktinn
- Verður þú aldrei þreyttur og
leiður á öllum þessum æfingum?
„Jú, það koma upp tímabil þegar
ekkert gengur. En um leið og vel
gengur breytist það. Ég var heppinn
í vetur því ég vann fyrsta risasvig-
ið strax eftir áramótin. Það hélt
manni gangandi allan tímann og
maður fékk meira sjálfstraust.“
- Þú ert á réttri leið. Hvað heldur
þú að hafi ráðið því að þú hefur
náð að bæta þig svona mikið í risa-
sviginu í vetur?
„Þessi vetur hefur gengið eins
og í sögu. Árangurinn í risasviginu
er kannski vegna þess að ég er
sterkari núna en áður. Ég hef náð
að finna rétta taktinn - binda bet-
ur saman beygjurnar og eins hef
ég meiri tilfinningu fyrir rennsli en
áður. Ég skipti um skó fyrir tímabil-
ið og skíðin eru betri en áður -
renna betur. Ég var á sömu skíðun-
um í fyrra en þau voru þá of ný.
Ég held að ég hafi líka haft gott
af því að skipta um umhverfi. Ég
var búinn að vera fjögur mjög góð
ár í Geilo. Það er erfitt að benda á
eitt sérstakt atriði í þessu sam-
bandi, það eru margir samverkandi
þættir sem smella allt í einu sam-
an.“
- Hvað er framundan á næstu
vikum?
„Nú er það Skíðalandsmótið á
ísafirði og eins alþjóðamótin hér
heima. Síðan tek ég smá frí en
verð þó að halda mér í toppæfingu.
Það er mikilvægt að fara á skíði í
sumar til að fínpússa tæknina fyrir
næsta vetur. Svo verð ég að vera
erlendis allan næsta vetur, það er
engin spurning. Þetta er heilsárs
þjálfun."
ÍÞRÓTTIR
HANDKNATTLEIKUR / ÞYSKALAND
„Martin Rubin mun
styrkja Dormagen“
- segir Kristján Arason. Dormagen er að berjast um Evrópusæti
„MARTIN Rubin mun styrkja
Dormagen-liðið mikið, þar sem
hann er bæði sterkur sóknar-
og varnarleikmaður," segir
Kristján Arason, þjálfari Dor-
magen, sem hefur samið við
svissnesku vinstrihandarskytt-
una Rubin, sem leikur með
Wackerthun. Féiögin eiga eftir
að ná samkomulagi um kaup-
verð Rubins, sem er 30 ára.
etta þýðir að sænski landsliðs-
maðurinn Robert Andersson
þarf að yfirgefa herbúðir Dormag-
en, þó svo að hann eigi eftir eitt
ár af samningi sínum við félagið.
„Það skapaðist viss órói meðal leik-
manna minna þegar fréttist að við
værum í viðræðum við Rubin, þar
sem Andersson er mjög vinsæll í
leikmannahópnum. Við ræddum við
leikmenn og sögðum að það væri
ekki ætlun okkar að fæla leikmenn
í burtu sem væru með skriflega
samninga. Þetta er þó hluti af at-
vinnumennskunni — við viljum
styrkja liðið okkar, þannig að það
nái betri árangri. Helsti veikleiki
Krlstján Arason
Anderssons er að hann getur ekki
leikið varnarleik, en það getur Rub-
in aftur á móti,“ sagði Kristján.
Þegar tvær umferðir eru eftir í
þýsku úrvalsdeildinni á Dormagen
möguleika á að hafna í fjórða sæti
og tiyggja sér öruggt sæti í Evrópu-
keppni. Liðið leikur heima gegn
Nettelstedt í kvöld og úti gegn
Flensburg um helgina. „Við þurfum
að vinna báða leikina til að vera
pottþéttir með fjórða sætið. Við
ættum að vera nokkuð öruggir með
sigur gegn Nettelstedt, þar sem við
höfum ekki tapað heima á keppnis-
tímabilinu. Róðurinn verður erfiður
í Flensburg," sagði Kristján.
Fjölgun útlendinga
ekki samþykkt
Ársþing Þýska handknattleiks-
sambandsins var haldið um si. helgi
og var þá tekin fyrir tillaga um að
leyfa tveimur útlendingum að leika
með þýskum liðum. Sú tillaga var
ekki samþykkt, þar sem menn vilja
bíða eftir reglugerðum Evrópusam-
bandsins um íþróttir. Ef ekki verður
litið á leikmenn innan ESB sem
útlendinga, verða leikmenn frá Sví-
þjóð og Danmörku ekki skráðir sem
útlendingar — þá koma leikmenn
frá íslandi og austur-Evrópu til með
að beijast um sæti í þýskum liðum,
sem útlendingar.
KNATTSPYRNA / SVIÞJOÐ
Flestir veðja a Gautaborg
Sparksérfræðingar í Svíþjóð
spá því að IFK Gautaborg
verði meistari þar í landi enn eitt
árið — þegar
keppnistímabilið
þar er að byija.
Malmö FF er 'spáð
öðru sæti og
Örebro, sem íslendingamir Arnór
Guðjohnsen, Hlynur Stefánsson
Frá
Grétari
Eyþórssyni
I Sviþjóö
og Hlynur Birgisson leika með,
er spáð þriðja sætinu. Örgryte,
sem Rúnar Kristinsson leikur
með, er spáð tólfta sæti og Frö-
lunda, sem Kristófer Sigurgeirs-
son leikur með, er spáð fjórtánda
og neðsta sætinu. Spá sérfræðing-
anna gengur ekki alitaf eftir, því
fyrir sl. keppnistímabil spáðu þeir
Örebro ellefta sætinu, en þegar
upp var staðið varð Örebro í öðru
sæti eftir harða baráttu við IFK
Gautaborg, sem hafði heppnina
með sér á lokasprettinum. Örebro
leikur fyrsta leik sinn á útivelli —
gegn Trelleborg á sunnudaginn,
þá leikur Frölunda í Hammarby.
Rúnar Kristinsson og félagar hjá
Örebro taka á móti Norrköping á
mánudaginn í Gautaborg.
KORFUKNATTLEIKUR
UCLA loks meistari
efftir 20 ára bið
UCLA Bruins sigraði meistaralið
síðasta árs, Arkansas, 89:78
í úrslitaleik bandaríska háskóla-
körfuboltans í fyrri nótt. Þetta var
fyrsti sigur UCLA í 20 ár, eða síð-
an 1975 en þá var liðið mjög sigur-
sælt og hafði unnið keppnina tíu
sinnum á 12 árum. UCLA-liðið lék
án besta leikmanns síns, Tyus Edn-
ey, í úfslitaleiknum en hann var
meiddur. Það kom ekki að sök því
UCLA hafði frumkvæðið í leiknu
frá byijun. Framherjinn Ed
O’Bannon var bestur í liði meistar-
anna, gerði 30 stig og tók 17 frá-
köst. Toby Bailey kom næstur með
26 stig.
Sigurinn var sætur fyrir þjálfara
liðsins, Jim Harrick, sem hefur
þjálfað liðið í sjö ár. „Það er frábær
tilfinning að sigra. Þetta er það sem
alla dreymir um, hvort sem það eru
leikmenn eða þjálfarar,“ sagði
Harrick. „Það er engin spurning
að UCLA var með betra lið í þessum
leik. Það var eins og okkar lið væri
að vaða leðju mest allan leikinn,”
sagði Nolan Richardson, þjálfari
Arkansas.
Urslitaleikur háskólakeppninnar
er mjög vinsæll í Bandaríkjunum,
jafnvel vinsælli en úrslitaleikirnir í
NBA-deildinni. Leikurinn fór fram
í Seattle fyrir framan 38.000 áhorf-
endur og var jafnframt sýndur í
beinni útsendingu um öll Bandarík-
in. Mikil gleði braust út í Los Angel-
es eftir sigurinn og þustu þúsundir
stúdenta út á götur borgarinnar og
hrópuðu „UCLA! UCLA!“.
ÍÞRÖntR
An
Ef þú smellir á
ÍÞRÖmR
færðu allt sem
skrifað er um
íþróttir í
Morgunblaðinu
í dag.
Prófaðu!
http://www.strengur.is
U-20 ára liðið til Finnlands
ÍSLENSKA kvennalandsliðið, U-20 ára, í körfuknattleiktekur þátt
í Norðurlandamótinu í Finnlandi um páskana. Þetta er í fyrsta sinn
sem Norðurlandamót er haldið í þessum aldursflokki og því var
ákveðið að heiniila þremur eldri leikmönnum að vera með. Svali
Björgvinsson þjálfari hefur valið eftirtaldar stúlkur í liðið:
Anna Dís Sveinbjörnsdóttir, UMFG, Anna María Sveinsdóttir, Björg Hafsteinsdótt-
ir, Erla Rcynsdóttir og Erla Þorsteinsdóttir, Keflavík, Elísa Vilbergsdóttir og Erla
Hendriksdóttir, Breiðabliki, Helga Þorvaldsdóttir, KR, Inga Dóra Magnúsdóttir og
Kristín Magnúsdóttir, Tindastóli og Kristjana Magnúsdóttir og Linda Stefánsdóttir,
Val.
Anna Maria, Björg og Linda eru eldri leikmennirnir. íslenska liðið leikur fjóra
leiki Finnlandi; við Finna og Dani 14. april, Svía 15. apríl og Noreg 16. apríl.