Morgunblaðið - 04.05.1995, Blaðsíða 4
SKYLMINGAR
Kári Freyr
sigraði á
Opna NM
Sigrún í öðru sæti
Dino Baggio skoraði og
Bucci varði meistaralega
Pamna stendur
betur að vígi
en Juventus í
úrslitum Evrópu-
keppni félagsliða
MARK frá Dino Baggio og
snilldarmarkvarsla Luca Bucci
dugðu Parma til sigurs á Ju-
ventus ífyrri leik liðanna í úr-
slitum Evrópukeppni félagsliða
sem leikinn var á heimavelli
Parma í gærkvöldi.
|ark Parma kom á 5. mínútu
þegar Gianfranco Zola sendi
glæsilega fyrirgjöf á Dino Baggio
sem lyfti knettinum yfír markvörð
Juventus og í netið. Ravanelli var
nálægt því að jafna fyrir Juventus
á 17. mínútu og Parma fékk einnig
sín tækifæri í fyrri hálfleiknum.
Það besta þegar Zola skallaði rétt
yfír þverslá.
Tórínóliðið sem er nálægt sínum
fyrsta Ítalíumeistaratitli í níu ár
lagði allt í sölumar í síðari hálf-
leiknum en varalandsliðsmarkvörð-
ur Itala, Luca Bucci, sem stóð á
milli stanganna hjá Parma varði
tvívegis glæsilega skot frá Gianc-
arlo Marocchi og Gianluca Vialli.
Parma sem tapaði úrsiitaleiknum í
Evrópukeppni bikarhafa í fyrra
treysti hins vegar á skyndisóknir
og á snilli Kólumbíumannsins
Faustinos Asprillas í fremstu línu.
Juve ón lykilmanna
Juventus lék án fjögurra fasta-
manna vegna meiðslna og leik-
banna og ljóst er að Parma mun
leika án þriggja lykilmanna í síðari
leiknum. Luigi Apolloni, ieikstjórn-
andinn Gabriele Pin og Argentínu-
maðurinn Nestor Sensini voru allir
bókaðir í leiknum og taka út leik-
bann í síðari viðureign liðanna.
„Þjálfari Parma, Nevio Scala
sagðist ánægður með sigurinn en
liðinu hefur gengið illa gegn Ju-
ventus í vetur. „Þessu er ekki lokið
en við léttum af okkur álögunum
með þessum sigri.“
„Mér fannst við ekki eiga skilið
að tapa. Við fengum tvö dauðafæri
og ég er fullur sjálfstrausts fyrir
síðari leikinn," sagði þjálfari Ju-
ventus, Marcello Lippi sem hrósaði
Bucci fyrir frábæra frammistöðu í
marki Parma Liðin mætast aftur í
Mílanó 17. maí.
Lið Parma: Luca Bucci, Antonio
Benarrivo (Roberto Mussi 8.), Alberto
Di Chiara, Lorenzo Minotti, Luigi
Apolloni, Femando Couto, Gabriele Pin,
Dino Baggio, Nestor Sensini, Gianfr-
anco Zola (Stefano Fiore 89.), Faustino
Asprilla.
Lið Juventus: Michelangelo Ramp-
ulla, Luca Fusi (Alessandro Del Piero
72.), Robert Jami, Alessio Tacchinardi,
Massimo Carrera (Giancarlo Marocchi
46.), Paolo Sousa, Angelo Di Livio,
Didier Deschamps, Gianluca Vialli,
Roberto Baggio, Fabrizio Ravanelli.
DINO Bagglo fagnar markl sínu fyrlr Parma gegn Juventus í gærkvöldl.
Reuter
KÁRI Freyr Bjömsson sigraði í
unglingaflokki á Opna NM í skylm-
ingum með höggsverði, en keppnin
fór fram í Kaupmannahöfn um sl.
helgi. Ragnar Ingi Sigurðsson
hafnaði í þriðja sæti og Kristleifur
Daðason í því fímmta. Þijár ís-
lenskar stúlkur tóku einnig þátt á
mótinu. Sigrún Ema Geirsdóttir
hreppti annað sæti, Þórdís Krist-
leifsdóttir það þriðja og Guðríður
Ásgeirsdóttir varð fjórða. Þetta er
í fyrsta sinn sem íslendingar senda
keppendur á Opna NM mótið.
I opnum flokki var Kári Freyr
Björnsson hársbreidd frá því að
keppa til úrslita en tapaði með 14
stigum gegn 15 fyrir Sebastian
Usiewicz frá Danmörku í undanúr-
slitum. Kári varð því að gera sér
fimmta sætið að góðu. Reynir Örn
Guðmundsson varð áttundi.
A — sveit íslands náði öðru
sæti í sveitakeppni og B — sveitin
hafnaði í fímmta. íslenska kvenna-
sveitin keppti einnig í opna flokkn-
um og náði sjöunda sæti.
I vikunni fyrir Opna NM mótið
kepptú nokkrir Islendingar í
skylmingum með höggsverði á
Eystrasaltsmótinu. Á því móti átt-
ust við 30 einstaklingar frá 6 lönd-
um. Kári Freyr Bjarnason hafnaði
í þriðja sæti, Ólafur Bjarnason
varð fjórði og fimmta sætið féll
Ragnari Inga Sigurðssyni í skaut.
Sjöunda og áttunda sæti kom í
hlut þeirra Reynis Arnar Guð-
mundssonar og Davíðs Þórs Jóns-
sonar. Kristmundur Bergsveinsson
hafnaði í 16. sæti, Guðjón Ingi
Gestsson varð nítjándi og Sigrún
Erna Geirsdóttir í 22. sæti. Sigrún
Erna var eina konan sem tók þátt
í opna flokknum og hlaut sérstaka
viðurkenningu vegna þess.
A — sveit íslands hlaut gullverð-
laun í opnum flokki á Eystrasalts-
mótinu og B — sveitin hafnaði í 3.
- 4. sæti. Islenska A — sveitin sigr-
aði A — sveit Finna í úrslitum með
yfírburðum, 45:36, í úrslitleik. Sig-
rún Ema keppti með fmnskum
stúlkum í sveit og hafnaði hennar
sveit í sjöunda sæti.
Eystrasaltskeppnin er haldin
tvisvar a ári og kepptu íslendingar
einnig síðast, en það var í desem-
ber. Samanlagður árangur ís-
lensku skylmingamannanna nú og
þá kemur íslandi í fyrsta sæti í
samanlagðri keppni.
Staða Crystal Palace versnar
enn í ensku botnbaráttunni
Staða Crystal Palace í neðri hluta
ensku úrvalsdeildarinnar
versnaði enn í gærkvöldi þegar liðið
tapaði 3:1 fyrir Southampton. Á
sama tíma náðu West Ham, Everton
og Aston Villa, sem einnig eru í
fallhættu, að krækja sér i stig.
Mathew Le Tissier var maður
leiksins hjá Southampton gegn
Crystal Palace í gærkvöldi. Hann
skoraði fyrsta markið á upphafs
mínútu leiksins með langskoti af 40
m færi. Le Tissier lagði upp mark
fyrir Gordon Watson á 9. mínútu
leiksins. í síðari hálfleik átti hann
síðan tvö skot í stöng áður en hann
bætti við öðru marki sínu á 86. mín-
útu. Mark Crystal Palace skoraði
Careth Southgate á 26. mínútu.
Þrátt fyrir að miðvallarleikmann-
inum Martin Allen væri vísað af lei-
kvelli um miðjan seinni hálfleik og
leikmenn West Ham léku einum færri
eftir það tókst þeim að krækja í jafn-
tefli gegn QPR á heimavelli í gær-
kvöldi. Talsverð harka var í leiknum
og voru níu leikmenn bókaðir.
Ugo Ehiogu skoraði fyrsta mark
Aston Villa í fjórum leikjum þegar
það gerði jafntefli við Manchester
City. Þjóðveijinn Uwe Rosler jafnaði
fyrir Machester City á 63. mínútur.
Á St. James Park í Newcastle,
var hörkuleikur þegar heimamenn
fengu Tottenham í heimsókn. Loka-
tölur urðu 3:3. Bæði lið misstu leik-
mann af leikvelli með rautt spjald.
Tékkneska markverði Newcastle,
Pavel Smicek, var vísað af leikveUi
á 54. mínútu fyrir leikbrot. í hans
stað kom Mike Hooper. Hooper gerði
sér lítið fyrir, einni mínútu eftir að
hann kom inn á, og varði vítaspymu
frá Jiirgen Klinsmann. Á 65. mínútu
var skoska landsliðsmanninum Colin
Calderwood í liði Tottenham vísað
af leikvelli og þar með var jafnt í
liðum. Newcastle komst 2:0 yfir eft-
ir tíu mínútna leik, en Tottenham
svaraði með þremur mörkum, áður
Newcastle jafnaði fyrir leikslok.
Everton, virtist hafa sigurinn í
hendi sér gegn Chelsea. Nígeríski
leikmaðurinn Daniel Amokachi kom
sínum mönnum yfír 3:2 þegar 20
mínútur voru til leiksloka. En gestim-
ir á Goodison Park, leikmenn Chelsea,
voru ekki á sama máli og Paul Ful-
ong jafnaði fyrir þá sjö mínútum síð-
ar og þar við sat, jafntefli, 3:3.
VIKINGALOTTO: 1 12 13 15 20 47 + 5 11 31