Morgunblaðið - 09.07.1995, Blaðsíða 4

4 C SUNNUDAGUR 9. JÚLÍ 1995
MORGUNBLAÐIÐ
Opel Astra
1,7 TDí
hnotskurn
Dísilvél: 1,7 lítrar, 4
strokkar, 82 hestöfl með
forþjöppu.
Framdrifinn - ömm
manna.
Vökvastýri.
Samlæsing með þjófa-
vöm.
Fjórir höfuðpúðar.
Útvarp og segulband
með 6 hátölurum og
þjófavöm.
Kiukka með dagatali.
Útihitamælir.
Tvískipt aftursæti -
hægt að fella niður.
Stillanleg hæð öku-
mannssætis.
Lengd: 4,27 m. Breidd:
1,69 m. Hæð: 1,40 m.
Hjólhaf: 2,51 m.
Þvermál beygjuhrings:
9,8 m.
Þyngd: 1.040 kg.
Staðgreiðsluverð kr.:
1.570.000.
Umboð: Bílheimar hf.,
Reykjavík.
OPEL Astra hefur náð allsæmi-
legu„flugi“ hérlendis eftir rólega
byijun en hann kom fyrst á
markað árið 1992. Það sem af
er þessu ári hafa selst vel yfir
100 Astra bílar og nemur heild-
arsala Opel bíla á árinu eftir
fyrstu sex mánuðina 188 bílum
og er Astran þar í miklum meiri-
hluta eða með um 120 bíla.
Aukna sölu má meðal annars
rekja til þess að umboðinu, Bíl-
heimum, hefur tekist að ná
ágætu verði og hefur Astra nú
blandað sér mjög ákveðið í sam-
keppnina á þessum stærsta hluta
bílamarkaðar á íslandi, á verðbil-
inu 12-1400 þúsund krónur.
Astra bílamir eru nú fáanlegir
með tveimur stærðum af bensín-
vélum og dísilvélum og það er
einmitt dísil gerðin sem kynnt
verður í dag: Astra langbakur
með 1,7 lítra dísilvél með for-
þjöppu, sem er 82 hestöfl og
hefur ágæta vinnslu en þessi
gerð kostar kr. 1.570 þúsund.
Odýrari dísilútgáfan kostar
1.440 þúsund krónur og er hún
með 68 hestafla vél.
Astra er nokkuð laglega hann-
aður bíll. Langbakurinn er rúm-
lega fjögurra metra langur, hefur
örlítið rísandi línu aftur eftir bíln-
um og hliðarnar eru með
skemmtilegum bylgjum eða broti
og allur er hann með fremur ávölu
sniði. Stuðarar, hliðarlistar og
luktir, handföng og speglar, allt
er þetta fínlegt og gluggar líka
en þeir eru þó vel stórir. Astra
virðist því í heildina verklegur og
sterklegur . bíll og traustvekjandi
og hann samsvarar sér vel.
Rúmgóður
Að innan er allt einnig smekk-
lega sett fram og frágangur með
ágætum. Sætin eru sérlega góð.
Þau eru mjúk en veita samt góðan
stuðning, ekki síst til hliðanna,
bæði við bak og læri og fjölstillan-
legt ökumannssætið er einn góður
kostur við þau. Hraða- og snún-
ingshraðamælar eru á sínum stað
beint fram af ökumanni undir
bogadreginni hlíf, á hliðarbrettinu
eru miðstöðvar- og útvarpsrofar,
klukka með dagatali og allir rofar
eru skýrir og góðir og næstum
óþarflega stórir. Þá er ótalinn einn
kosturinn við Astra hið innra en
það er rýmið. Bæði í fram- og
aftursætum fá menn gott fóta-
og höfuðrými. Það sama má segja
Hljóðlátur
Rúmgóður
Vel búinn
Morgunblaðið/jt
OPEL Astra langbakur er
laglega hannaður bíll og
traustvekjandi.
Rúmgóður Astra langbak-
ur með duglegri dísilvél
TVÆR dísilvélar eru í boði, 68 og 82 hestafla og liggur
munurinn í forþjöppunum.
FRÁGANGUR á mælaborði og öllu innanstokks
er með ágætum.
um mælaborð og alla innrétting-
una sem um hinn ytri svip bílsins
að bogadregnar línur og ávalt
snið hér og þar gefa innra útliti
mjög skemmtilegan og frísklegan
svip.
Farangursrýmið er snyrtilegt
og yfir það má draga mottu í
gluggahæð til að hylja það sem í
bílinn er sett. Rýmið má að sjálf-
sögðu stækka með því að leggja
fram aftursætin, hluta eða allt og
verður þá rýmið alls um 900 lítrar.
Dísilvélin nýja er skemmtilegur
valkostur í Astra bílunum. Þetta
er 1,7 lítra og fjögurra strokka
vél, 82 hestöfl með forþjöppu eða
68 hestöfl með svokallaðri
„mjúkri“ forþjöppu éins og hún
er nefnd í upplýsingabæklingi um
bílinn. Þetta er sérlega hljóðlát
vél og er sú aflmeiri ágætlega
rösk í viðbragði. Má ímynda sér
að helst verði að taka þessa stærri
útgáfu ætli menn sér á annað
borð að fá dísilvél en hún er um
130 þúsund krónum dýrari. Sala
í báðum gerðum hefur samt verið
nokkuð jöfn. Eyðslan er kringum
7 lítrar í bæjarakstri en fer niður
í 4,5 lítra á jöfnum 90 km hraða
á þjóðvegi.
Ágæt vinnsla
Astra er lipur og þægilegur
bíll í allri umgengni. Þegar vélin
er ræst verður þess vitanlega vart
að hér er um dísílvél að ræða þar
sem hávaði er meiri en í bensín-
vél og örlítill titringur einnig en
það hverfur nánast um leið og
En viðbragð og vinnsla dísilvél-
arinnar eru með ágætum og lipur
fimm gíra skiptingin og góð fjöðr-
un gera Astra að mjög fjölhæfum
bíl á hvers konar vegum: Þétt-
býli, malbikuðum þjóðvegi eða
malarvegi. í þjóðvegaakstri vinn-
ur hann vel og á ekki í vandræð-
um með að auka sæmilega snögg-
lega við ferðahraðann þegar aka
þarf framúr. Þá verða menn að
vísu bara að skipta svolítið niður
en það er bara ánægjulegt með
lipurri skiptingunni. Og í borginni
er hann merkilega lipur og hljóð-
látur eins og áður segir og því
ætti enginn að þurfa að fælast
dísilvélina. Hér er þó alls staðar
átt við hina aflmeiri vél, þ.e. 82
hestöfl.
Sæmilegt verð
HÆGT er að koma fyrir um 900 I af farangri séu aftursætin
Iögð fram. Einnig er hægt að draga hlíf yfir farangursrýmið.
ekið er af stað og eftir það verður
þessa munar nánast ekki vart.
Hér geta menn því valið bensín-
eða dísilvél eftir því hver notkunin
á að vera og hversu mikill dagleg-
ur akstur er. Segja má að dísilvél-
in henti auðvitað fremur þeim sem
aka mikið og ekki síst úti á vegum
og bensínvélin þá frekar í borgar-
snattið.
Verðið á Opel Astra með dísil-
vél með forþjöppu er kr.
1.570.000. Sé minni vélin tekin
(68 hestöfl) er verðið 1.440.000
og grunar mig að þótt sparnaður-
inn sé talsverður í krónum sé
ávinningurinn líka talsverður í
ánægjulegri daglegri meðhöndlun
bílsins við það að leggja í þennan
mun. Hægt er að fá ýmsan auka-
búnað, öryggis- og þægindabúnað
ef menn kjósa svo. Líknarbelgir
fyrir ökumann og farþega kosta
kr. 68.000, rafdrifnir og upphitað-
ir útispeglar kr. 15.000, heml-
alæsivörn kr. 95.000 og rafdrifnar
rúður að framan kr. 40.000 svo
nokkuð sé nefnt. ■
Jóhannes Tómasson