Morgunblaðið - 03.08.1995, Blaðsíða 1

BLAÐ ALLRA LANDSMANNA

D
1995
FIMMTUDAGUR 3. ÁGÚST
BLAÐ
Eyjólfurfór 1
holu í höggi
EYJÓLFUR Bergþórsson úr GR varð I gær fyrst-
ur til að fara holu í höggi á landsmótimi I golfi
á Strandarvelli við Hellu. Eyjólfur, sem knatt-
spymuáhugamenn þekkja sem Olla í Fram, náði
draumahögginu á 12. holu sem er 145 metra
löng, par þrír. Eyjólfur notaði járn númer 8 til
verksins, sá að boltinn myndi lenda á flötinni
en þegar hann kom að henni og sá ekki boltann
gekk hann beint að holunni — alveg viss um að
þar væri boltinn, sem reyndist rétt. Þetta er í
annað sinn sem hann fer holu i höggi, náði
draumahögginu áður á 2. holu í Grafarholtinu.
Eyjólfur var ekki hættur þvi hann fékk annan
öm, hola leikinn á tveimur undir pari, á 15.
brautinni sem er 467 metra par 5 hola. Hann
var inná flöt í tveimur höggum og rak niður 6-7
metra langt pútt Tvær holur til að minnast frá
þessu landsmóti.
FRJALSIÞROTTIR
*
Jón Arnarfærum 7 milljónirtil undirbúnings fyrir Olympíuleikana
Sameinast
um stuðn-
ing við Jón
JÓN Arnar Magnússon einbeitt-
ur á svip. Minni myndin var tek-
in eftir undirritun samningsins.
Jón Arnar og Gísli Sigurðsson,
þjálfari hans eru krjúpandi, en
standandi em, frá vinstri: Júlíus
Hafstein formaður Ólympíu-
nefndar íslands, Snorri Bjöm
Sigurðsson bæjarstjóri, Knútur
Óskarsson framkvæmdasljóri
FRÍ, Einar Einarsson fram-
kvæmdastjóri Steinullarverk-
smiðjunnar, Þórólfur Gíslason
kaupfélagsstjóri, Gestur Þor-
steinsson útibússtjóri Búnaðar-
banka íslands, Einar Svansson
framkvæmdastjóri Fiskiðjunnar
Skagfirðings hf. og Steinunn
Hjartardóttir forseti bæj-
arsljómar Sauðárkróks.
Breytir öllu
Níundl á heimsafrekalistanum
Glæsilegt íslandsmet Jóns Arnars
sem hann setti í Götzis í Austurríki
í vor 8.237 stig skilar honum í
níunda sæti heimsafrekalistans á
þessu ári. Það verður því spennandi
að fylgjast með tugþrautarkeppni
heimsmeistaramótsins, en hún hefst
á sunnudagsmorgunin.
FYRIRTÆKI á Sauðárkróki,
bæjarsjóður, Ólympíunefnd ís-
lands og Fijálsíþróttasambandið
hafa tekið höndum
saman til þess að
gera Jóni Arnari
Magnússyni tug-
þrautarkappa kleift
að æfa og keppa á sama grund-
Frá Birni
Björnssyni á
Sauöárkróki
velli og öðrum bestu tugþrautar-
mönnum veraldar. Samningur þess-
ara aðila var undirritaður í Stjórn-
sýsluhúsinu á Sauðárkróki í gær
en samningurinn gildir frá 1. mars
á þessu ári til 31. ágúst á því næsta.
Heildarfjárhæð hans er um það bil
6,7 milljónir. Samhliða þessu var
kynnt æfinga- og keppnisáætlun
Jóns og þjálfara hans
Gísla Sigurðssonar fram
til .næstu ólympíuleika.
íþróttir mitt starf
næsta árið
„Þessi styrkur breytir
öllu fyrir mig og þjálfara
minn. Nú getum við ein-
beitt okkur að fullu að
verkefninu án þess að
hafa fjárhagslegar
áhyggjur. íþróttimar
verða mitt starf næsta
árið,“ sagði Jón Arnar
Magnússon í samtali við
Morgunblaðið í gær.
Aðspurður hvort hann
ætlaði að dvelja erlendis
við æfingar næsta vetur
sagði hann að svo yrði ekki. Enn-
Morgunblaðið/Björn
Morgunblaðið/Gunnlaugur Rögnvaldsson
fremur sagði Jón að undirbúningur
samningsins hefði staðið yfir um
tíma. Jón fer utan á morgun til
keppni á Heimsmeistaramótinu í
Gautaborg.
Á fundinum í Stjórnsýsluhúsinu
á Sauðárkróki í gær skýrði Júlíus
Hafstein, formaður Ólympíunefnd-
ar íslands, aðdraganda þess að
FRÍ, Óí og heimaaðilar á Sauðár-
króki tóku höndum saman til að
freista þess að búa svo um hnútana
að Jón Arnar ætti þess kost að æfa
og keppa við bestu aðstæður fram
að Ólympíuleikunum í Atlanta á
næsta ári. Hann sagði Jón Arnar
hefði náð frábærum árangri í einni
erfiðustu íþróttagrein sem til væri,
þar sem saman þyrftu að fara
snerpa, stökkkraftur, kastgeta, þol,
tækni og óbilandi vilji. Alla þessa
þætti sæju þeir sem að þessu sam-
komulagi standa sameinast í hinum
glæsilega afreksmanni Jóni Arnari
Magnússyni.
Tímamótasamningur
Júlíus sagði ennfremur að hér
væri um tímamótasamning að ræða
og væri sér ekki kunnugt um að
staðið hefði verið áður að verki á
líkan hátt og nú hefði verið gert.
Þá kom fram að fleiri væru farn-
ir að vinna að svipuðum eða viðlíka
samningum og hér væri á ferðinni
og voru Júlíus Hafstein og Knútur
Óskarsson, framkvæmdastjóri FRÍ,
sammáia um að ef vel tækist til
nú myndu fjölmargir samningar á
svipuðum nótum líta dagsins ljós.
Snorri Björn Sigurðsson, bæjar-
stjóri á Sauðárkróki sagði það
ánægjulegt að standa að samningi
sem þessum. Heimamenn hefðu
fylgst af áhuga með afrekum Jóns
Árnars fram til þessa og myndu
ekki síður nú og í framtíðinni gleðj-
ast yfir sigrum hans og glæsilegum
afrekum.
KNATTSPYRNA
Sjónvarpsmyndir frá
Keflavík hafa ekki áhrif
SPURNINGAR hafa vaknað
meðal knattspyrnuáhugamanna
hvort atburðirnir í leik Keflavíkur
og KR í undanúrslitum bikar-
keppni KSÍ á mánudaginn, muni
draga dilk á eftir sér þar sem
sjónvarpsmyndir sýna meira en
dómarinn kom auga á í fyrstu.
Er þá átt við að KR-ingurinn
Daði Dervic sió í Ólaf Gottskálks-
son markvörð Keflvíkinga þegar
þeir stukku upp saman, eins og
Ólafur hélt fram en Daði neitaði
eftir leikinn. Einnig velta menn
því fyrir sér hvort Ðaði hafi gert
sér upp meiðsli er hann féll, í
kjölfar þess að ólafur sló hann.
Þá sést greinilega á sjónvarps-
upptöku að Helgi Björgvinsson
Keflvíkingur skallaði Þormóð
Egilsson, KR-ing, meðan Daði lá
og menn voru að rökræða hvað
hefði gerst.
Samkvæmt reglum KSÍ þarf að
geta atviks sem þessa á skýrslu
dómara eða eftirlitsmanns til að
hægt sé að taka það upp hjá aga-
nefnd og aðeins er hægt að nota
sjónvarpsupptökur til stuðnings
ákvörðunum nefndarimiar í fram-
haldi af skýrslu fyrrgreindra aðila.
Þær skýrslur úr leiknum liggja
báðar fyrir og ekkert er í þeim í
sambandi við ofangreind atvik og
því getur aganefnd ekkert gert í
málinu.
Einnig hefur verið rætt um
hvort gefa hefði átt Ólafi mark-
verði rautt spjald eða gult er hann
sló Daða í bringuna. Reglur segja
skýrt að sé leikmaöur sleginn, eða
tilraun gerð til þess, skuli gefa
þeim seka rautt spjald. Ákvörðun
Eyjólfs Ólafssonar dómara var því
hárrétt.
HESTAR: SIGURBJÖRN VARÐIMEISTARATITILINN í GÆÐING ASKEIÐI / D4