Morgunblaðið - 03.09.1995, Blaðsíða 4

4 C SUNNUDAGUR 3. SEPTEMBER 1995
MORGUNBLAÐIÐ
■w

Morgunblaðið/jt
PEUGEOT 405 er ekki beint spennandi bíll í útliti en verklegur og býður upp á margs konar þægindi hið innra.
PEUGEOT 405 er í núverandi
útgáfum orðinn nokkurra ára en
hefur átt ágætum vinsældum að
fagna. Hann er fáanlegur í ýmsum
myndum, með 1,6 lítra og 90 hest-
afla vél, 1,8 1 og 103 hestafla vél
eða 2,0 1 og 123 hestafla vél og
síðan með dísilvél. Verður sú út-
gáfa tekin til skoðunar hér í dag
og er það fljótsagt að hér er á
ferð sérlega hljóðlát vél og ágæt-
lega öflug þótt ekki sé hún um-
fangsmikil í tölum: 1,9 lítrar og
71 hestafl. Viðbragðið er að vísu
rólegt en seiglan góð og er það
aðalkosturinn - að ekki sé talað
um eyðsluna sem getur farið niður
í um 5 lítra á hundrað km í þjóð-
vegaakstri. Verðið er 1.529.000
kr. fyrir fimm manna bíl og
1.639.000 kr. fyrir langbak. Pe-
ugeot er í dag fáanlegur á verði
frá tæpum 900 þúsundum (106
gerðin) og upp í um þijár milljón-
ir króna (605 gerðin).
Péugeot 405 hefur allt að því
klassískt útlit og er mitt á milli
þess að vera kantaður eða homótt-
ur og mjúklegur og ávalur. Hann
er því nokkuð „venjulegur" í útliti
og kannski ekki beint spennandi
en verklegur og sterklegur. Fram-
endinn er lágur og breiður, stuðar-
inn mest áberandi en grillið fínlegt
og aðalluktir sömuleiðis, hliðarlisti
o g brot ofarlega á hliðum gefa bíln-
um örlítið líflegri svip og að aftan
er stuðari einnig nokkuð áberandi
en afturendinn annars nokkuð
stuttur. Rúður eru stórar og góðar.
Góðurfrágangur
Að innan er Peugeot 405 eigin-
lega meira spennandi en í ytra
útlitinu en þar fara saman þæg-
indi og góður frágangur. Sætin
fá fyrstu einkunn eins og lengi
hefur verið sterka hlið þessa fram-
leiðanda og er það bæði vegna
góðs stuðnings á alla kanta og
fjölstillinga á framsætum, þ.e.
hæðarstillingar og ekki spillir raf-
hitun þeirra heldur fyrir þótt ekki
hafí reynt á það á sæmilega hlýj-
um sumardögum.
Mælaborð er vel afmarkað und-
ir bogadreginni línu sem umlykur
einnig hliðarbretti með fjölbreytt-
um miðstöðvarstillingum og þar
fyrir neðan er útvarpið sem loka
má inni í hólfí sínu svo og ösku-
bakki. Hanskahólf er þokkalegt,
þunn hólf í hurðum og iítið hólf
milli framsæta. Farangursrými er
470 lítrar að stærð en er heldur
grunnt og neðst í því er varahjólið
og verkfæri. Útsýni er gott og
rými er ágætt bæði í fram- og
aftursætum.
Af þægindum má nefna raf-
drifnar rúður (fram í) og örygg-
istæki eins og höfuðpúða, líknar-
belg og styrktarbita í öllum hurð-
Hljóðlátur Peugeot
með dísilvél
GÓÐUR frágangur er á öllu innan stokks.
DÍSILVÉLIN er sérlega hljóðlát og vinnur vel.
um og má segja að bæði ökumað-
ur og farþegar geti látið fara vel
um sig á allan hátt - rými er alls
staðar nóg.
Selgla
Dísilvélin í Peugeot 405 er eins
og fyrr segir sérlega hljóðlát og
þýðgeng. Þetta er 1,9 lítra vél,
fjögurra strokka og hún er 71
hestafl. Viðbragðið er að vísu ró-
legt og er það eini galli bílsins
þegar ökumaður vill rífa hann af
Hljóðlátur
Vel búinn
Framsætin
Viðbragð
RÝMI fyrir farangur
mælist 470 lítrar.
Peugeot 405
GLXDí
hnofskurn
Dísilvél: 1,9 lítrar, 4 strokk-
ar, 8 ventlar, 71 hestafl.
Framdrifinn.
Fimm manna.
Fimm gíra handskipting.
Vökvastýri - veltistýri.
Lengd: 4,41 m.
Breidd: 1,71 m.
Hæð: 1,42 m.
Hjólhaf: 2,67 m.
Beygjuþvermál: 11 m.
Þyngd: 1.075 kg.
Stærð eldsneytistanks: 70 1. I
Eyðsla í bæjarakstri: 7,1 l;
á 90 km hraða: 4,9 1.
Þokuljós að aftan.
Bjarstýrð samlæsing.
Rafdrifnar rúður við fram-
sæti.
Hliðarspeglar stillanlegir inn-
an frá (ekki rafmagn).
Hæðarstilling og rafhitun á
framsætum.
Líknarbelgur.
Styrktarbitar í öllum hurðum.
Útvarp.
Klukka.
Staðgreiðsluverð kr.:
1.529.000.
Umboð: Jöfur hf., Kópavogi.
stað í flýti en það er þó kannski
meira tilfinningalegs eðlis. Hröðun
í 100 km hraða úr kyrrstöðu tekur
18,6 sekúndur en 11,9 og 14,3
með bensínvélunum. En vinnslan
eða seiglan er góð og þannig get-
ur vélin malað í rólegheitum upp
Kamba í fjórða gír og haldið ferða-
hraða. Má næstum segja að ekið
sé eins og í sjálfskiptum bíl á þjóð-
vegi þrátt fyrir fimm gíra hand-
skiptinguna sem er ágætlega lipur
og þægileg viðureignar. Eyðslan
er aðeins 7,1 lítri í innanbæjar-
akstri, 4,9 lítrar á jöfnum 90 km
hraða og 6,9 á 120 km hraða.
Gott er að meðhöndla dísil-
Peugeot í akstri í þéttbýli þrátt
fyrir áðumefnt hægt viðbragð.
Bíllinn leggur vel á og er lipur í
öllum snúningum og gott útsýni,
meðfærileg gírskiptingin og yfír-
leitt góður aðbúnaður ökumanns
gera það að verkum að honum líð-
ur vel við akstur og þreytist seint.
Sjálfstæð MacPherson gorma-
fjöðrun að framan og sjálfstæð
snúningsfjöðrun að aftan gera bíl-
inn mjúkan og jafnframt rásfastan
á grófustu vegum og má segja að
þessi bíll sameini mjög vel kosti
borgarbíls og ferðabíls.
Hagsýni?
Verðið á þessum ágætlega búna
dísilvagni er 1.529.000 kr. Ef
menn vilja fremur langbakinn þarf
að bæta við 110 þúsund krónum.
Verðið á hliðstæðum bíl með bens-
ínvélinni er rétt tæpar 1.500 þús-
und krónur. Óhætt er að segja að
hér sé góður kostur í boði, meðal-
stór, vel búinn og þægilegur al-
hliða fjölskyldubíll og ef menn aka
mikið er dísilvél tvímælalaust hag-
kvæm. Þungaskattur dísilfólksbíls
er nú rúmar 120 þúsund krónur
á ári en verðið á hráolíulítranum
er nú rúmar 22 krónur og því er
tankurinn fylltur fyrir um 1.500
krónur og má aka þessum bíl fyr-
ir það nálega 1.000 km. Þennan
kost ættu menn því að athuga vel
þegar skoðaðir eru bílar í þessum
verð- og stærðarflokki. Þessi verð-
lagning breytist hins vegar um
áramót þegar verð á olíulítra verð-
ur sambærilegt við bensínverð en
kostur dísilvéla verður áfram spar-
neytni þeirra.
Peugeot 405 sem verið hefur á
markaði í ein sjö ár verður leystur
af hólmi í haust með nýrri gerð
en dísilútgáfan og langbakurinn
verða áfram boðnar fram á næsta
ár þar sem þær gerðir verða ekki
í nýju útgáfunni fyrst um sinn.
Sala á Peugeot-bílum hérlendis
hefur verið mun meiri á þessu ári
en því síðasta og höfðu í lok ág-
úst selst kringum 80 bílar, flestir
af gerðunum 205 og 405. ■
Jóhannes Tómasson