Morgunblaðið - 05.10.1995, Blaðsíða 4

% * j v v 'Xis « iw! !
•immssfmmmÆmmmmÆmmMmmm.
HANDKNATTLEIKUR
Morgunblaðið/Ásdís
VETRAROLYMPIULEIKARNIR 1998
„Draumakeppni“
í íshokkí í fyrsta sinn
Blóma-
leikur Kol-
brúnar
KOLBRÚN Jóhannsdóttir stóð
sig vel í markinu hjá Fram
þegar hún lék sinn 600. leik
fyrir liðið gegn Fylki í Arbæn-
um í gærkvöldi í 1. deild
kvenna. Kolbrún fékk blóm-
vendi fyrir leikinn frá Fram
og Fylki og síðan héldu Fram-
arar henni samsæti í Fram-
heimilinu að leik loknum.
Fram vann Fylki 13:23.
KNATTSPYRNA
Chelsea,
Forestog
Everton
úr leik
NOTTINGHAM Forest er úr
leik í deildarbikarkeppninni,
þar sem liðið mátti sætta sig
við jafntefli, 2:2, á heimavelli
gegn 2. deildarliðinu Bradford
og tapa samtals 4:5. Það var
lan Ormondroyd sem jafnaði
fyrir Bradford aðeins mínútu
fyrir leikslok. Forest hafði
tvisvar komist yfir, með mörk-
um frá Stuart Pearce og íta-
lanum Andrea Silenzi — hans
fyrsta marki fyrir liðið.
Lárus Orri Sigurðsson og félag-
ar hans hjá Stoke gerðu góða
ferð til London, þar sem þeir lögðu
Chelsea að velli, 0:1, á Stamford
Bridge. Kanadamaðurinn Paul
Peschisolido skoraði markið
fímmtán mín. fyrir leikslok og var
það eina markið í tveimur viður-
eignum liðanna.
Scott Taylor, sem lék með
áhugamannaliði fyrir nokkrum
mánuðum, skoraði tvö mörk fyrir
Millwall og lagði tvö önnur upp,
þegar 1. deildarliðið skeliti úrvals-
deildarliði Everton, 4:2, í fram-
lengdum leik á Goodison Park í
Liverpool.
Newcastle vann Bristol City,
3:1, með mörkum frá Warren
Barton, Philippe Albert og Les
Ferdinand.
Teddy Sheringham skoraði tvö
mörk fyrir Tottenham, sem vann
3. deildarliðið Chester.
Alan Shearer skoraði einnig tvö
mörk, þegar Blackburn vann
Swindon, 2:0.
Mark Bright skoraði þrennu og
þeir Marc Degryse og David Hirst
hvor sitt markið fyrir Sheffield
Wed., sem vann Crewe 5:2.
Robbie Fowler skoraði eina
mark Liverpool, sem lagði Sunder-
land 1:0.
■ Úrslit / D2
Atvinnumenn í norður-amerísku
íshokkídeildinni NHL verða
með landsliðum sínum á Vetrar-
ólympíuleikunum í Nagano í Japan
1998 en til þessa hafa þeir ekki
verið með vegna þess að leikið
hefur verið í NHL-deifdinni á sama
tíma og Ólympíuleikarnir hafa
staðið yfir. Nú hefur verið samið
um að gera 16 daga hlé í deildinni
svo leikmennirnior geti verið með
á leikunum en dómarar í Nagano
verða einnig valdir úr deildinni.
Flestir af bestu íshokkíleik-
mönnum heims leika í NHL og því
hafa landsliðin ekki geta stillt upp
sterkasta iiði á Ólympíuleikum.
Kanada, Rússland, Bandaríkin,
Svíþjóð, Finnland og Tékkland
hafa þegar tryggt sér sæti í Nag-
ano og hefja keppni 13. febrúar
1998 en tvö lið til viðbótar verða
í úrslitakeppninni og keppa átta
lið um lausu sætin í sérstakri for-
keppni sem hefst 7. febrúar þegar
Ólympíuleikarnir byija. Keppni í
NHL-deildinni liggur niðri 8. til
25. febrúar 1998.
Gary Bettman, fulltrúi NHL,
sagði að þessi samningur væri
mikill sigur. „Þetta er stór stund
fyrir íshokkí. Við komum til með
að sjá bestu leikmenn heims á
Ólympíuleikunum og segja má að
þetta verði „draumakeppni“.
Juan Antonio Samaranch, for-
seti Alþjóða ólympíunefndarinnar,
sagði í yfirlýsingu í kjölfar samn-
ingsins að Ölympíuleikarnir sner-
ust um að skara fram úr og væru
fyrir bestu íþróttamennina. „Þátt-
taka þeirra [leikmanna í NHL]
eykur gildi Vetrarólympíuleik-
anna.“
Dr. Rene Fasel, forseti Alþjóða
íshokkísambandsins, tók í sama
streng. „Íshokkíkeppnin á
Ólympíuleikunum verður hápunkt-
ur unnenda íþróttarinnar og allra
áhorfenda á ðlympíuleikunum því
í fyrsta sinn verða allir þeir bestu
samankomnir á sama stað til að
keppa um gullverðlaunin.“
Bettman benti á að þátttaka
leikmanna úr bandarísku körfu-
boltadeildinni NBA á Ólympíuleik-
unum í Barcelona 1992 hefði fyrst
og fremst komið Bandaríkjunum
til góða vegna „draumaliðs" þéirra
en bestu leikmenn bestu íshokkí-
þjóða lékju í NHL-deildinni og því
væri það akkur allra liða að geta
haft þá með á Ólympíuleikunum.
„Íshokkí verður á háum stalli,
þeim hæsta sem um getur í grein-
inni.“
Kanadamaðurinn Wayne
Gretzky, sem talinn er besti ís-
hokkíleikmaður sögunnar, sagði
að það væru forréttindi að fá að
keppa á Ólympíuleikum og hann
myndi ekki hugsa sig um tvisvar
ef hann yrði valinn.
„Ef ég verð nógu heppinn til
að vera enn að spila og eiga skilið
að vera valinn til að leika með
ólympíuliði Kanada verð ég fyrstur
til að segja já,“ sagði Gretzky sem
er 34 ára. „Ég hef fjórum sinnum
orðið meistari í Stanley-keppninni
og verið í sigurliði í Opna Kanada-
mótinu en ég þrái að leika á
Ólympíuleikum því það eru forrétt-
indi.“
Auðun
Helgason
til Leifturs
AUÐUN Helgason, varnar-
maðurinn sterki úr FH, hef-
ur ákveðið að leika með
Leiftri frá Ólafsfirði í 1.
deildinni næsta keppnistíma-
bil. Auðun er 21 ár og var
einn besti leikmaður FH-
inga sl. sumar. Hann lék 12
leiki með U-18 ára landslið-
inu og hefur átt fast sæti í
U-21 árs liðinu.
Óskar Ingimundarson,
sem þjálfaði liðið í sumar,
segir að allt bendi ti! þess
að hann verði áfram þjá
Leiftri. „Ég á aðeins eftir að
ganga frá þessu endanlega
og reikna með að gera það
á næstu dögum,“ sagði Ósk-
ar. Hann sagði að allir leik-
menn liðsins frá liðnu sumri
yrðu áfram.
Þá hefur Hlynur Eiríks-
son, miðvallarleikmaður FH,
gengið til liðs við Þrótt frá
Neskaupstað. Hann mun
einnig sjá um þjálfun yngri
fiokka félagsins.
Ásgeir sá
jafntefli í
Helsinki
ÁSGEIR Eliasson, landsUðs-
þjálfari í knattspyrnu, var á
meðal 3.150 áhorfenda á
Ólympíuleikvanginum í
Helsinki í gærkvöldi, þar
sem Finnar og Tyrkir gerðu
jafntefli, 0:0. Islendingar
mæta Tyrkjum á Laugar-
dalsvellinum á miðvikudag-
inn kemur í Evrópukeppni
landsliða.
FoxtilTott-
enham frá
Newcastle
RUEL Fox gekk tU liðs við
Tottenham í gær en Spurs,
sem er í níunda sæti ensku
úrvalsdeildarinnar, greiddi
Newcastle 4,2 milþ’. punda
(um 430 mUý. kr.) fyrir leik-
manninn. „Ruel er einmitt
leikmaðurinn sem við þurf-
um,“ sagði Gerry Francis,
yfirþjálfari Tottenham.
„Hann er hæfileikaríkur og
getur leikið á vinstri eða
hægri kanti eða á miðjunni.“
Jafntefli við
Hvíta-
Rússland
ÍSLAND og Hvita-Rússland
gerðu markalaust jafntefli í
Evrópukeppni U-18 ára
landsliða í knattspymu í
Belfast í gær en í fyrradag
unnu Norður-írar Hvít-
Rússa 2:0. íslendingar mæta
heimamönnum á morgun en
sigurvegari riðilsins fer
áfram í 16 liða úrslit.