Morgunblaðið - 24.11.1995, Blaðsíða 4

KORFUBOLTI
ÍÞRÚJflR
HANDKNATTLEIKUR
KR-STÚLKUR unnu Hauka í fyrrakvöld og komust viö það upp fyrir miðja deild.Á myndinni
sést Brynja Steinsen KR reyna að komast framhjá FH-ingunum Björk Ægisdóttur
og Láru B. Þorsteinsdóttur, í fyrri viðureign FH og KR.
Ofarir Víkingsstúlkna
koma mest á óvart
ÞRIÐJUNGUR af 1. deildar
keppni kvenna íhandknattleik
er lokið og er staðan að mestu
leyti í samræmi við spá sem
þjálfara og fyrirliða liðanna í
deildinni fyrir keppnistímabilið
í haust. Að vísu gefur staðan
ítöflunni ekki rétta mynd, því
sum lið hafa leikið 10 leiki en
önnur sex. Það er aðeins eitt
verulegt frávik frá spánni því
Víkingar, sem spáð var öðru
sæti í deildinni, eru í þriðja
neðsta sætinu.
aukastúlkur tróna á toppnum
með 14 stig og hafa leikið 10
leiki en liðinu var spáð þriðja sæti í
haust. Fast á hæla þeirra koma
Stjörnustúlkur úr Garðabæ með 13
stig en þær eiga þijá leiki til góða á
Hauka. Framstúlkum var spáð fjórða
sætinu en eru nú í því þriðja með
níu stig. Samkvæmt spánni áttu
Eyjastúlkur ekki erindi í baráttu efstu
liða en þær hafa staðið sig. Eru með
níu stig og 14 mörk til góða eftir sjö
leiki. Reyndar er ÍBV eina liðið sem
náð hefur að reita stig af Stjörnunni
en liðin gerðu jafntefli fyrr í vetur.
Víkingar hafa átt undir högg að
sækja. Liðið hefur misst marga leik-
menn síðan liðið hampaði bæði ís-
lands- og bikartitli. Liðið hefur tapað
íjórum leikjum sem komið er og unn-
ið tvo en markatalan er samt enn
13 mörk þeim í hag.
Neðri hluti töflunnar er að öðru
leyti samkvæmt spánni og bókinni.
Átta lið fara í úrslitakeppnina og tíu
eru í deildinni en miðað við stöðuna
verður líklega hlutskipti ÍBA að sitja
hjá en hins vegar eru sex næstu lið
einnig í hættu.
„Mér hefur komið mest á óvart
að Víkingar skyldu ekki vera sterk-
ari og stúlkurnar hafa ekki náð að
fylgja eftir góðum árangri í Reykja-
víkurmótinu, hver sem ástæðan fyr-
ir því er, en ég hef trú á að þær
komi til,“ sagði Kristján Halldórs-
son, landsliðsþjálfari, um framvindu
mótsins. „Það er ánægjulegt að sjá
að yngri liðin hafa sýnt að þau geta
komið á óvart og bilið á milli liða
hefur minnkað, samanber leik Vals
og Fram annarsvegar og KR og
Hauka hinsvegar. Annars er Stjarn-
an með heilsteyptasta liðið, sérstak-
lega með góðri vörn og markvörslu,
og mér sýnist Ólafur Lárusson þjálf-
ari vera að gera góða hluti. Ég
vænti líka mikils af Vestmannaey-
ingum og sænska stúlkan, sem spil-
ar með þeim, er að gera góða hluti
og hefur góð áhrif á spil liðsins.“
IÞROTTAMANNVIRKI
ÆT
Agústa stendur
sig vel með
danska
liðinu Ribe
ÁGÚSTA Björnsdóttir, ungl-
ingalandsliðsstúlka úr KR, var
allt í öllu þegar Ribe vann
Skjern 29:14 í 2. deild kvenna
í Danmörku í vikunni. Hún fékk
mjög góða dóma og m.a. sagði
í einu dagblaðinu að Ágústa
hefði borið af í vörninni og
stjórnað sóknarleik liðsins.
Reyndar hefði hún sýnt mikla
fjölhæfni, nánast spilar allar
stöður í sókninni og sýnt að þar
væri mikið efni á ferð sem ætti
eftir að koma Ribe til góða en
liðið er um miðja deild.
Ágústa er 18 ára og fór til
Ribe síðsumars en þar er hún í
menntaskóla.
BLAK
Enn sigrar
Þróttur
Þróttur R. vann HK í þremur
hrinum gegn einni í 1. deild
karla í blaki, iþróttahúsi Hagaskól-
ans í fyrrakvöld, 15:7,14:16,15:11
og 17:15.
Leikurinn var þó nokkuð jafn
en lið HK leið þó illilega fyrir það
að Einar Ásgeirsson kantsmassari
liðsins er hættur að leika með lið-
inu, en hann hefur verið aðalmað-
urinn í móttökunni. Miðjuspilið sem
hefur verið flestum liðum'skeinu-
hætt er nánast dottið út og brodd-
inn hefur vantað á miðjunni í und-
anförnum leikjum og svo var einn-
ig í þessari viðureign. „Ég bjóst
nú ekki við að ná hrinu fyrir leik-
inn en það var nú samt algjör
aumingjaháttur að ná ekki að
vinna fjórðu hrinuna eftir að hafa
verið yfir 14:11,“ sagði Guðbergur
Egill Eyjólfsson, fyrirliði HK, éftir
leikinn. Ólafur Heimir Guðmunds-
son var öflugur í sókninni hjá Þrótti
og samvinna annarra leikmanna
liðsins var einnig til fyrirmyndar.
Mikill áhugi á ráð-
stefnuá
Mannvirkjanefnd íþróttasam-
bands íslands, mennta-
málaráðuneytið og Samband ís-
lenskra sveitarfélaga efna til ráð-
stefnu um byggingu og rekstur
íþróttamannvirkja á Akureyri um
helgina og hafa liðlega 100 þátt-
takendur skráð sig.
Ráðstefnan, sem er öllum opin,
verður haldin í Alþýðuhúsinu á
Akureyri og hefst kl. 15 í dag en
hún verður formlega sett í Lista-
safninu kl. 17. Á morgun er dag-
skrá milli kl. níu og 19 og frá kl.
Akureyri
níu til 13 á sunnudag.
Á ráðstefnunni verður fjallað
um margvísleg málefni svo sem
byggingu og rekstur fjölnota húsa,
skipulag íþróttasvæða með tilliti
til almennings og íbúðabyggðar,
stefnu í byggingu íþróttamálefna,
uppbyggingu skíðasvæða og
rekstur skíðasvæða, sundlauga og
íþróttahúsa.
Á meðal fyrirlesara eru Norð-
maðurinn Teije Rörby, arkitekt
Ullevall-leikvangsins í Ósló og
„Víkingaskipsins" í Hamar.
Morgunblaoið/Knstján
HERMAIVIN Sigtryggsson, íþrótta- og tómstundafulltrúi Akureyrar,
víð líkan af Akureyrarvelli sem verður á sýningu á ráðstefnunni.
Hardaway
heldur upp-
teknum hætti
Penny Hardaway heldur upp-
teknum hætti í liði Orlando,
en hann hefur átt hvem stórleikinn
á fætur öðrum og hefur spilað lykil-
hlutverk í liðinu í fjarveru Shaquil-
les O’Neals, sem enn er meiddur.
Hardaway gerði 37 stig er Orlando
sigraði Vancouver Grizzlies 95:93
í fyrrinótt og þar á meðal sigurkörf-
una. Chicago byijar mótið vel og
hefur unnið níu af fyrstu tíu leikjum
sínum.
Hardaway skoraði sigurkörfuna
á lokasekúndu leiksins gegn
Vancouver eftir að Byron Scott
hafði jafnað, 93:93, úr vítaskotum
er 5,4 sekúndur voru eftir. „Penny
vann leikinn fyrir okkur og átti frá-
bæran leik. Það eru ekki nema góð-
ir leikmenn sem geta leikið svona
vel og lokið leiknum með tilþrif-
um,“ sagði Brian Hill, þjálfari Or-
lando. „Svona er NBA — síðasta
skotið réð úrslitum og Penny sýndi
og sannaði hversu góður leikmaður
hann er,“ sagði Brian Winters,
þjálfari Vancouver.
Orlando hefur unnið átta af síð-
ustu níu leikjum sínum og virðist
til alls líklegt í vetur. Byron Scott
gerði 20 stig fyrir Vancouver, sem
hefur tapað níu leikjum í röð.
Hakeem Olajuwon gerði 28 stig
fyrir meistara Houston sem unnu
Philadelphiu 115:106 á útivelli.
Robert Horry kom næstur með 26
stig, en Stachouse var stigahæstur
í liði heimamanna með 22 stig.
Michael Jordan setti niður 38
stig fýrir Chicago Bulls sem vann
San Antonio Spurs á útivelli 103:94.
Þetta er besta byijun Chicago í
NBA-deildinni frá upphafi, hefur
unnið níu og tapað aðeins einum
leik sem af er. David Robinson gerði
26 stig og tók 15 fráköst fyrir San
Antonio.
Juwan Howard náði að stela bolt-
anum og skora sigurkörfuna fyrir
Washington í 98:97 sigri á Detroit.
Mitchell Butler gerði 22 stig og
Robert Pack 21 fyrir Bullets en
Grant Hill var með 35 stig fyrir
Detroit, sem hefur tapað þremur
leikjum í röð.
Álonzo Mouming gerði 27 stig,
tók 12 fráköst og varði átta skot.
Billy Owens var með 24 stig og 15
fráköst fyrir Miami sem vann Gold-
en State 103:93. Þetta var þriðji
sigur liðsins í röð, en Golden State
hefur tapað fimm leikjum í síðustu
sex leikjum sínum.
Charles Barkley náði 18. þreföldu
tvennunni á ferlinum er Phoenix
sigraði Atlanta 117:112. Hann
gerði 20 stig, tók 12 fráköst og
átti 11 stoðsendingar. Nýliðinn Mic-
hael Finley gerði 24 stig.
David Wesley gerði 13 af 37 stig-
um sínum í fjórða leikhluta fyrir
Boston i 129:124 sigri gegn Charl-
otte á útivelli. Larry Johnson var í
miklu stuði í liði heimamanna og
gerði 44 stig, en það dugði ekki.
Shawn Kemp gerði 26 stig og
þar af níu stig í röð á síðustu fjór-
um mínútunum fyrir Seattle sem
vann Minnesota 106:97. Isaiah Rid-
er gerði 25 stig fyrir Timberwol-
ves, sem tapaði sjötta leiknum í röð.
Patrick Ewing gerði 12 af 26
stigum sínum fyrir New York í
fjórða leikhluta gegn Cleveland,
94:84. Þetta var fjórði sigur New
York í röð.
Glen Robinson var með 23 stig
er Milwaukee sigraði Toronto 96:86
og var þetta annar sigur liðsins í
átta leikjum.
Karl Malone og Jeff Hornacek
voru í aðalhlutverki hjá Utah Jazz
sem sigraði Sacramento 116:95.
Malone gerði 25 stig bg Hornacek
22 stig.