Morgunblaðið - 17.12.1995, Blaðsíða 3

MORGUNBLAÐIÐ
SUNNUDAGUR 17. DESEMBER 1995 C 3
ISUZU Deseo, sambland fjölnotabíls ogjeppa með vél úr Trooper.
DESEO er leðurklæddur að innan og með viðarlistum í mæla-
borði og hurð. Leiðsögutölva er í millistokki.
því að vera meira í ætt við vísinda-
skáldsögu eins og sumt sem af
teikniborði bílahönnuða kemur.
Futura virðist hafa tekið mið
af markaðstilhneigingum þegar
Deseo var skapaður. Fjölnotabílar
eiga miklum vinsældum að fagna
í Evrópu og nú virðast hönnuðir
vart setja hugmynd niður á blað
án þess að það form sjáist í teikn-
ingunni. Deseo er þar ekki undan-
skilinn. Fljótandi línur, stórir
gluggar ásamt miklu innanrými
er sótt til fjölnotabíla en auk þess
hefur Deseo eiginleika venjulegs
jeppa, með tilliti til drifbúnaðar,
fjöðrunar og veghæðar.
Tæknimenn Futura smíðuðu
Deseo á tólf vikum sem þykir
skammur tími til slíkra verka.
Vélbúnaðurinn er fenginn að láni
frá Isuzu Trooper en Futura smíð-
aði nýjan undirvagn fyrir bílinn.
Cox kveðst hafa forðast það að
hafa skarpar línur í bílnum því
með slíkri hönnun gæti ferskleik-
inn við bílinn horfið. Hann vill að
jeppar breytist úr kassalaga fyrir-
bærum og verði rennilegri í hönn-
un. Cox vildi skapa andlit á Deseo,
eins og Mercedes-Benz hefur gert
með nýrri E-línu og Ford í gegnum
alla sína línu en þó sérstaklega á
Scorpio. Þijár kringlóttar fram-
lugtir í trapísulaga hólfi setja
tæknilegt yfirbragð á framenda
Deseo.
Deseo virðist mun minni en hann
í raun er og stórir hjólbarðar ásamt
mikilli veghæð minna í fyrstu
nokkuð á Grand Jeep Cherokee.
Futura ákvað að hafa bílinn leður-
klæddan að innan og með viðarlist-
um, en margur myndi ætla að erf-
itt gæti reynst að blása lífi í innan-
rýmishönnunina með svo hefð-
bundnu og virðulegu hráefni. Fut-
ura réð tvo hönnuði í lausa-
mennsku til að hanna bílinn að
innan, Julian Wiltshire, sem áður
starfaði sem hönnuður hjá Ford,
og Nick Robinson. Arangurinn er
stórglæsileg hönnun. Mælaborðið
er mjög lágt og með aflíðandi lín-
um en voldugur millistokkur er
milli framsætanna. Fyrir ofan gír-
skiptinguna eru stjómrofamir en
viðarlisti umlykur allan millistokk-
inn og nær út á hurðirnar.
Mikið útsýni er úr bílnum enda
er fremsti hurðarpósturinn mjór
og hverfur ofan í vélarhlífina sem
er hærri úti á hliðum en fyrir
miðju. Enginn hurðarpóstur er
milli fram- og afturhurða. Aftur-
sætin þijú eru miklu fremur í ætt
við sæti í fjölnotabílum en jeppum,
há og formmótuð.
Gox segir að ef framleiða ætti
bílinn yrði að setja á hann B-
hurðarpóst, (póst milli fram- og
afturhurða) og afturhurðina yrði
að opnast aftan frá en ekki að
framanverðu.
Það verður forvitnilegt að fylgj-
ast með því hvort þessi nútímalegi
jeppi verði settur í framleiðslu og
hveijar viðtökurnar verða á hörð-
um samkeppnismarkaði. ■
Minna eitrað
bensín
50% MINNA magn af hinu heilsu-
spillandi efni benzen verður á
boðstólum í Danmörku eftir ára-
mót. Benzen er náttúrulegur hluti
af bensíni. Þegar blýlaust bensín
var sett á markað á níunda ára-
tugunum var hámark leyfilegs
magns benzens í bensíni 5%. Það
eru olíufélögin Hydro, Texaco,
OK, JET og DK-Benzin sem bjóða
nýja bensínið og áætlað er að
salan verði um 25 milljónir lítra á
ári.
Finnar sntíða
ladn
FINNSKA iðnaðarsamsteypan
Valmet Oy hefur gert samstarfs-
samning við Lada verskmiðjurnar
um að smíða Samara bíla fyrir
vestur-evrópskan markað. Samn-
ingurinn er til þriggja ára og sam-
kvæmt honum á Valmet að setja
saman 20 þúsund bíla á ári í Finn-
landi og leggja fram 1,2 milljarða
ÍSK í verkefnið. Þetta er í fyrsta
sinn sem Finnar smíða bíla fyrir
nágranna sína í austri. Valmet
hefur hins vegar í mörg ár smíðað
bíla fyrir Saab og Opel.
Porsche
verðlaunin
til Volvo
LENNART Johansson verkfræð-
ingur hjá Volvo hefur fengið „ósk-
arsverðlaunin" innan bílaiðnaðar-
ins, hin eftirsóttu Ferdinand
Porsche verðlaun, sem veitt eru
annað hvert ár til tímamótanýj-
unga innan iðnaðarins. Johansson
hefur undanfarin þijú ár haft
umsjón með þróun Volvo á
hliðarlíknarbelgjum. ■
Rætt um samruna
Chrysler og Benz
MERCEDES-BENZ og Chrysler
bílaframleiðendurnir hafa tekið upp
samningaviðræður um náið sam-
starf og hugsanlegan samruna fyr-
irtækjanna, að því er fram kemur
í breska tímaritinu Car. Þar segir
að mikil leynd hvíli yfir viðræðunum
en verði af því að fyrirtækin tvö
sameinist verði úr því fjórði stærsti
bílaframleiðandi heims. Samninga-
viðræðurnar séu á sama tíma og
Kirk Kerkorian, stærsti hluthafi í
Chrysler, reyni að koma stuðnings-
mönnum sínum að í stjórn fyrirtæk-
isins sem Car túlkar sem lið í hugs-
anlegri tilraun hans til að ná yfirtök-
um í fyrirtækinu.
Samkvæmt Car átti Bob Easton,
stjómarformaður Chrysler, frum-
kvæðið að viðræðunum við Merced-
es-Benz. Hann telji að fyrirtækinu
stafi hætta af tilraunum Kerkorians
og fjárfestingarfyrirtæki hans Trac-
inda, jafnvel þótt honum hafi ekki
tekist að afla nægilegs fjár til að
kaupa meirihluta í Chrysler fyrr á
þessu ári.
Gæti komið báðum tii góða
Samruni fyrirtækjanna myndi
ekki aðeins kæfa í fæðingu tilraunir
Kerkorians til yfirtöku heldur
myndu fyrirtækin bæta upp veik-
leika hvert annars. Sérstakur vinnu-
hópur frá Mercedes-Benz var í tvær
vikur í Bandaríkjunum í október í
þessum erindagjörðum. Sagt er að
Mercedes-Benz hafi verið á höttun-
um eftir samstarfí eða samruna við
annað fyrirtæki ekki síst í ljósi já-
kvæðrar ímyndar sem BMW hefur
skapað sér með kaupunum á Rover.
Stjórn Mercedes-Benz hefur átt við-
ræður við Renault og Mazda í þessu
skyni en ekkert varð af samstarfinu.
Samruni Mercedes-Benz og
Chrysler gæti komið báðum fyrir-
tækjunum til góða. Chrysler hefur
mikla sérhæfingu í framleiðslu á
jeppum, fjölnotabílum, litlum pallbíl-
um og framhjóladrifnum litlum bíl-
um en fyrirtækið hefur ekki sömu
sérþekkingu og Mercedes-Benz á
sviði gæðaeftirlits, drifkerfa og lúx-
usfólksbíla. Ef þrýstingurinn frá
hugsanlegri yfirtöku Kerkorians
verður til þess að Chrysler rennur
saman við Mercedes-Benz yrði það,
að mati Car, viðskiptasamningur
aldarinnar. ■
Hliðarspegla-
þurrkur
ÞAÐ hlaut að koma að því að fáan-
legar yrðu liliðarspeglaþurrkur í
bílinn. Með þeim er fljótlegt að fjar-
lægja raka og vatn af speglunum
Þessi gerð var sýnd á bílasýning-
unni í Tókýó. ■
MERCEDES-Benz C lang-
bakur kemur á markað
á næsta ári.
Benz C lcmgbakur á næsta ári
MERCEDES-Benz setur á markað
langbaksútfærslu af C-bílnum á
næsta ári. Bíllinn er með þremur
aftursætum sem hvert er með
höfuðpúða og þriggja punkta bíl-
belti. Hægt er að fella niður
aftursætisbökin og auka far-
angursrýmið til muna.
Fullhlaðið upp í topp tek-
ur farangursrýmið um
1.510 lítra.
Langbakurinn
verður 4,48 m á lengd
og kemur vel búinn
frá verksmiðjunum,
með sama grunn-
búnaði og stallbakur-
inn en auk þess þremur
púðum í aftursætum, þakbogum
og vindskeið að aftan.
Hægt er að velja á milli fjög-
urra strokka, 1,8, 2,0 og 2,3 lítra
bensínvéla, 2,2 lítra fjögurra
strokka dísilvélar og 2,5 lítra,
fimm strokka dísilvélar með for-
þjöppu og hestaflatalan er á bilinu
95-150 Hestöfl. Spameytnasta
vélin eyðir um 7 lítrum á hveija
100 km. ■
BÍLLINN er með hallandi afturrúðu og sveígðan afturenda.