Morgunblaðið - 20.12.1995, Blaðsíða 3

MORGUNBLAÐIÐ
MIÐVIKUDAGUR 20. DESEMBER 1995 C 3
ÍÞRÓTTIR
ÞOLFIMI
Magnús Scheving fimmti á fyrsta HM alþjóða fimleikasambandsins
„Viðunandi árangur“
MAGNÚS Scheving varð fimmti
á fyrsta heimsmeistaramóti
alþjóða fimleikasambandsins í París
um helgina. Þijátíu og átta þjóðir
tóku þátt í mótinu og var keppt í
fjórum flokkum. í flokki karla kepptu
28 keppendur og heimsmeistari varð
Brasilíubúinn Mario Luis Americo.
„Þetta var mjög sterkt mót og öll
umgjörðin glæsileg. Sigurvegarinn,
Mario Luis, er reyndur fimleikamaður
og sýndf mikinn styrk í erfiðleikaæf-
ingum. Eg lagði hinsvegar áherslu á
samtengingu æfinga og listrænu hlið-
ina, sem dómararnir leituðu ekki
mikið eftir að þessu sinni. Það er
verið að keppa eftir nýjum reglum,
sem eiga eftir að þróast. Ég uppskar
í raun eftir því sem ég sáði. Þolfimin
hefur ekki verið fremst í forgangsröð
þetta árið. I fyrra var ég styrktur
af fyrirtækjum til að geta æft betur,
en núna lét ég vinnuna ganga fyrir
æfingum og keppni,“ sagði Magnús
í samtali við Morgunblaðið.
Viðunandi
„Fimmta sætið er engu að síður
viðunandi árangur á svona stórmóti
og að vera meðal 10 bestu í ein-
hverri íþrótt á heimsvísu hlýtur að
teljast gott. Hinsvegar hefði ég ver-
ið ánægðari að komast á verðlauna-
pall. Mér fannst Frakkinn og Rúm-
eninn sem voru fyrir ofan mig ekki
með betri rútínu, en ég var fáum
brotum frá verðlaunasæti. Slök ein-
kunn dansks dómara fyrir tækni
kostaði mig líklega verðlaun, en
hann var einn 14 dómara. Það var
ekki frændseminni fyrir að fara hjá
hon'um. Kapparnir í efstu sætunum
æfa gífurlega mikið og því má ég
teljast lánsamur að komast meðal
þeirra að þessu sinni. Ég hef oft
verið í betra formi. Meiðsli á þumal-
fingri urðu þess valdandi að ég gat
ekki beitt hægri hendinni nægilega
í erfiðleikaæfingum, þar sem hand-
arstyrkur skiptir miklu máli, í arm-
beygjum og lyftum,“ sagði Magnús.
Gefur út bók
Magnús, sem kjörinn var íþrótta-
maður ársins af íþróttafréttamönn-
um fyrir árið 1994, hefur haft nóg
að gera undanfarið. „Ég hef lagt
meiri áherslu á að koma hugverki
mínu á framfæri þetta árið, sögubók
fyrir krakka, sem heitir Áfram Lati-
bær! og kennir þeim að hugsa og
lifa á heilbrigðan og jákvæðan hátt.
Mér fannst ég þurfa að skilja eitt-
hvað eftir mig sem íþróttamaður
ársins og er stoítur af bókinni, sem
hefur fengið góðar viðtökur. Líklegt
er að hún verði gefin út í Englandi
á næsta ári og jafnvel komið á
Bandaríkjamarkað. Krakkar og
unglingar í dag eru alltof uppteknir
af tölvuleikjum og sjónvarpi, hafa
gleymt útiveru, leikjum og íþróttum.
Bókin á að vísa þeim í átt að heil-
brigðara líferni og betra mataræði,
ásamt geisladiski sem fylgir bók-
inni. Ofbeldi og einelti hefur aukist
í skólum, ég hef kynnst því á fyrir-
lestrum sem ég hef haldið í barna-
skólum og það þarf að vísa krökkum
veginn. Bókin er mín leið til að nálg-
ast krakkanna og reyna að miðla
af minni reynslu af samskiptum við
þá.“
Heimsreisa
„Auk bókarinnar hef ég verið að
vinna að nýjum skemmtiþætti fyrir
Stöð 3 upp á síðkastið, þannig að
það hefur verið í nógu að snúast.
Árið hefur verið erfitt og ég hef
mætt mörgum hindrunum, en að
sama skapi hef ég orðið reynslunni
ríkari. Ég ætla að reyna að hægja
á ferðinni á næsta ári. Það verður
þó spennandi og annasamt verkefni
á því ári. Ég hef unnið að líkams-
ræktarforriti fyrir tölvur, sem mark-
aðssett verður næsta sumar. en þá
fer ég væntanlega með 15 þekkta
þolfimikennara og keppendur í
heimsreisu, til að kenna fólki þolfimi
og leiðbeina því í átt að betri heilsu.
Um það hefur líf mitt snúist síðustu
Morgunblaðið/Gunnlaugur Rögnvaldsson
Meistararnir
EVRÓPUMEISTARINN Magnús Scheving og heimsmeistarinn
brasilíski, Mario Luis Americo, eftir HM í París um helgina.
Mario hefur keppt í fimleikum í mörg ár og naut góös af því
á fyrsta þolfimimóti alþjóða fimlelkasambandsins.
ár og þátttaka í þolfimimótum hefur
verið einn angi af því. Þess vegna
skiptir kannski ekki öllu máli að
vinna eða verða heimsmeistari, þótt
það sé ákveðin skrautfjöður. Svo á
ég líka tvo Evrópumeistaratitla að
baki. Ef ég get miðlað reynslu minni
á jákvæðan hátt, þá er ég sáttur við
mitt,“ sagði Magnús.
KNATTSPYRNA
KORFUKNATTLEIKUR
Pétur
skrifaði
undir hjá
Hannm-
arby
PÉTUR Marteinsson,
knattspyrnumaður úr
Fram, hefur skrifað undir
tveggja ára samning við
sænska 1. deildarliðið
Hammarby. Formaður fé-
lagsins kom til landsins
um síðustu helgi og gekk
frá samningum við bæði
Pétur og Fram. „Þetta er
spennandi verkefni og ég
hlakka til að takast á við
það. Það er metnaður hjá
félaginu að fara strax aft-
ur upp í úrvalsdeildina og
vera þar þegar félagið
verður hundrað ára 1997,“
sagði Pétur sem fer til
Svíþjóðar strax eftir ára-
mótin og tekur þátt í inn-
anhússmóti í Globen-höll-
inni með félaginu 10. jan-
úar.
Jordan og Pippen skiptu
74 stigum á milli sín
Michael Jordan og Scottie
Pippen gerðu sín 37 stigin
hvor þegar Chicago vann Boston
123:114 í NBA-deildinni í körfu-
knattleik í fyrrinótt. Celtic var
með 11 stiga forystu í hálfleik en
síðan tóku tvímenningarnir til
sinna ráða og tryggðu 10. sigur
Chicago í röð. Liðið hefur aldrei
byijað eins vel - 20 sigrar og tvö
töp. Pippen var auk þess með 12
stoðsendingar og tók níu fráköst.
„Ungu strákar mótheijanna
vildu stjórna ferðinni í fyrri hálf-
leik og þeir voru vissulega á ferð-
inni en við tókum völdin eftir hlé,“
ságði Jordan. „Þessi leikur skilaði
okkur miklu,“ sagði M.L. Carr,
þjálfari Celtic. „Þetta var viss próf-
raun fyrir liðið á þessari stundu
og ég er mjög ánægður með
frammistöðuna en því miður náð-
Williams í tveggja
leikjabann
FRED Williams, Bandarikjamaðurinn í úrvalsdeildarliði Þórs frá
Akureyri i körfuknattleik, var í gær úrskurðaður í tveggja leikja
keppnisbann. Hann kastaði knettinum í höfuð Marels Guðlaugs-
sonar, leikmann Grindavíkurliðsins, í viðureign liðanna á Akur-
eyri um helgina og var vikið af velli. Körfuknal tleiksmenn eru
farnir í jólafrí en Williams missir af tveimur fyrstu leikjunum
eftir áramót — útileik gegn Akurnesingum 4. janúar og heima-
leik gegn Breiðabliki 7. janúar.
Þá var Sigurður Jónsson, leikmaður Hauka, úrskurðaður í eins
leiks bann, vegna tveggja tæknivilla sem hann fékk í leiknum
gegn Njarðvík um helgina.
um við ekki að setja punktinn yfir
i-ið.“
Jordan lék ekki í öllum þriðja
leikhluta vegna eymsla í baki og
fékk 40 mínútna meðferð eftir leik.
„Bakið hefur verið að angra mig
en ég vildi ekki sitja á bekknum
því ég stífna við það og ég held
áfram að vera með.“
Sacramento náði sér á strik eft-
ir stærsta tap í ARCO-höllinni á
heimavelli - 133:93 gegn Houston
í liðinni viku - og vann Vancouver
92:85 en gestirnir skoruðu ekki
utan af velli í átta mínútur í seinni
hálfleik. Brian Grant var stiga-
hæstur hjá Kings með 22 stig.
Brian Reeves var með 23 stig fyr-
ir Vancouver sem hefur tapað 21
af síðustu 22 leikjum eftir að hafa
byijað tímabilið með tveimur sigr-
um.
Utah vann New Jersey 110:103
á útivelli. Jeff Hornacek og Karl
Malone gerðu sín 24 stigin hvor
fyrir gestina. „Við stóðum okkur
vel og einbeittum okkur að því að
gera það sem þurfti til að sigra,“
sagði Malone sem tók 15 fráköst.
Kenny Anderson var með 21
stig og Kevin Edwards 16 stig
fyrir Nets sem hefur tapað tveim-
ur heimaleikjum i röð.
Schmadtke
valinní
lið ársins
JÖRG Sckmadtke, niarkvöróur
hjá Freiburg, var valinn mark-
vörður í lið fyrri umferðar
þýsku deildarinnar en það var
íþróttablaðið Kicker sem stóð
fyrir vaiinu. Matthias Sammer,
Dortmund, Junior Baiano,
Bremen, og Christian Wörns,
Leverkusen, voru settir sem
öftustu varnarmenn. Á miðj-
unni voru Harald Spörl hjá
Hamburg, Ciriaco Sforza, Bay-
ern Miinchen, Krassimir Bal-
akov, Stuttgart, Andreas Möll-
er, Dortmund, og Stefan Effen-
berg, Gladbach. I framlínunni
voru Martin Dahlin, Gladbach,
og Giovane Elber, Stuttgart.
Klos besti
markvörður
deildarinnar
KICKEJáyirú einnig Usta yfir
bestu markmenn deildarinnar
og varð Stefan Klos hjá Dort-
mund fyrir valinu sem sá besti.
Andreas Köpke hjá Frankfurt
var í öðm sæti og OUver Kahn
hjá Bayem í þriðja sæti.
Sammer
besti mið-
vörðurinn
Matthias Sammer hjá Dort-
mund var kjörinn besti mið-
vörðurinn og Holger Fach hjá
Leverkusen var í þriðja sæti.
Berti Vogts, landsliðsþjálfari,
hefur sagt að Sammer sé best-
ur í þessari stöðu en Lothar
Matthlius hjá Bayern er ekki
sammála þvi og viU fá stöðu
sína aftur í landsliðinu.
Bayern
erspáð
titlinum
EINS og greint hefur verið frá
er Dortmund haustmeistari en
þó haustmeistari hafí gjaman
fagnað títlinuin að vori spá veð-
bankar Bayem titlinum. Bay-
era ætlar greinilega að byggja
á ungu mönnum félagsins og
hefur gert samuing við Mehmet
Scholl, sem er 25 ára, til ársins
2000 og Dietmar Hamann, sem
er 22 ára, tíl 1999.
Held
orðaður
við Bremen
SIEGFRIED Held, fyrmm
landsliðsþjálfari íslands, hefur
verið nefndur sem næstí þjálf-
ari Werder Bremen. Aad de
Mos, þjálfari liðsins, settí allt á
annan endann þegar hann fagn-
aði með PSV Eindhoven eftir
að hollenska liðið hafði haft
betur gegn því þýska í Evrópu-
keppninni á dögunum og ekki
bætti úr skák þegar hann sagði
að ekki væri hægt að ná meira
út úr Bremen og því vildi hann
hætta.
Þjóðverjar
ánægðir
ÞÝSKALAND leikur alla leiki
sina í EM í Manchester og eru
Þjóðverjar ánægðir með það
og vísa tíl þess að Immel og
Rosler leika með City.