Morgunblaðið - 20.01.1996, Blaðsíða 4
Einar Þorvarðarson þjálfari Aftureldingar
Eigum jafna
möguleika
gegn Drammen
Afturelding og norska liðið
Drammen leika fyrri leik sinn
í átta liða úrslitum Borgarkeppni
Evrópu í handknattleik í Drammen
á morgun en seinni Feikurinn verður
í Mosfellsbæ nk. fimmtudagskvöld.
Afturelding er eina íslenska liðið
sem eftir er í Evrópukeppni og tel-
ur Einar Þorvarðarson, þjálfari liðs-
ins, að það eigi jafna möguleika og
Drammen að komast áfram. „Þetta
verður erfitt og í handbolta er aldr-
ei hægt að segja fyrir um framtíð-
ina en ef við misstígum okkur ekki
eigum við jafna möguleika," sagði
hann við Morgunblaðið í gærkvöldi.
Einar sagði að sex landsliðsmenn
lékju með Drammen en liðið ætti
sér svipaða sögu og Afturelding.
Þetta væri þriðja tímabil þess í 1.
deild og það hefði fengið marga
góða menn til liðs við sig. „Miðju-
maðurinn er sá besti í Noregi, leik-
mennirnir eru hávaxnir og líkam-
lega sterkir og liðið spilar hörku-
bolta. í síðustu umferð gerði það
jafntefli við franska liðið PSG á
útivelli, en með því leika nokkrir
úr heimsmeistaraliði Frakka, og
sigraði síðan heima með þriggja
marka mun.“
Afturelding hefur leikið vel eftir
áramót og fengið sex stig úr fjórum
leikjum í Islandsmótinu. Einar sagði
að liðið virtist hafa yfirstigið byij-
unarerfiðleika haustsins og hefði
æft mjög vel um jólin, stundum
tvisvar á dag, með þessa leiki í
Evrópukeppninni i huga.
„Það eru mörg batamerki á liðinu
og við förum ekki til Noregs til að
tapa með sem minnstum mun held-
ur til að sigra,“ sagði Einar. „Það
skiptir öllu að spila sterka vöm og
ná hraðaupphlaupum í kjölfarið en
við verðum að stjórna hraðanum
sjálfir. Við getum ekki farið út í
hraðan handbolta en verðum að
spila upp á 40 til 45 sóknir og fá
góða sóknarnýtingu."
Um 150 stuðningsmenn fylgja
Aftureldingu til Noregs og sagðist
Einar eiga von á góðum stuðningi
frá þeim, sem og Islendingum sem
búa í Osló og nágrenni, en Dramm-
en er rétt utan við Osló.
Morgunblaðið/Kristinn
BJARKI SigurAsson er óðum að nð sér eftlr meiðsl í öxl og
lelkur með samherjum sínum í Aftureldlngu á morgun.
fHmngtntfribtfcUl'
Cantona
og Ginola
ekki inni
AIME Jacquet, landsliðsþjálf-
ari Frakklands í knattspymu,
segir að Eric Cantona og David
Ginola séu ekki inni i myudinni
í undirbúningnum fyrir úrslita-
keppni Evrópumóts landsliða í
Englandi í júní og því taki þeir
ekki þátt í undirbúningnum.
Þjálfarinn sagði að ungir menn
hefðu komið í staðinn fyrir
Cantona en skap Ginola hæfði
ekki landsliðinu.
„Það er crfitt að skilja hegð-
un hans,“ sagði Jacquet um
Ginola. „Hann er duttlungafull-
ur og það vil ég ekki. Ég vil
ekki slíka leikmenn.*' Hann
bætti við að hann hefði lítið
samband við Ginola og hefði
ekki talað við hann í síma í
átta mánuði.
Cantona var fyrirliði
franska landsiiðsins en missti
landsliðssætið eftir að hann
réðst á áhorfanda fyrir ári.
„Hvers vegna á ég að velja
Cantona aftur þegar tveir ung-
ir leikmenn hafa komið í stað-
inn og staðið sig mjög vel? Það
væri út í hött að setja þá út i
kuldann," sagði hann um Youri
Djorkaeff þjá PSG og Zinedine
Zidane, leikstjómanda Borde-
aux.
Frakkland og Portúgal leika
æfingaleik í Parfs á miðviku-
dag og skipa eftirtaldir leik-
menn franska hópinn:
Markvcrðin Bemard Lama (PSG)
og Bruno Martíni (Montpellier).
Vamarmenn: Jocelyn Angloma
(Torínð), Marcel Desailly (AC Milan),
Eric Di Meco (Mónakð), Franck
Leboeuf (Strasbourg) og Lilian
Thuram (Mðnakó). Miðjimienn: Didi-
cr Deschamps (Juventus), Jean-
Michel Ferri (Nantes), Vincent Guer-
in (PSG), Christian Karembeu
(Sampdoria) og Sabri Laraouchi
(Auxerre). Framheijar: Youri
Djorkaeff (PSG), Patriee Loko
(PSG), Nicolas Ouedec (Nantes),
Reynald Pedros (Nantes) og Zined-
ine Zidane (Bordeaux).
HANDKNATTLEIKUR
TENNIS / OPNA ASTRALSKA
Monica Seles var
ekki í vandræðum
Monica Seles hélt uppteknum
hætti á Opna ástralska mót-
inu í tennis og tapaði ekki lotu í
4. umferð í gær. Þá vann hún Julie
Halard-Decugis frá Frakklandi
7-5, 6-0 og er komin í 16 manna
úrslit í einliðaleik kvenna þar sem
hún mætir Naoko Sawamatsu frá
Japan sem er í 15. sæti á afrekalist-
anum.
Franska stúlkan gaf ekkert eftir
gegn Seles en það tók þá síðar
nefndu innan við klukkustund að
tryggja sér sigurinn. Samt sem
áður var Halard-Decugis, sem er
25 ára, jafningi Seles til að byija
með hvað kraft og staðsetningu
varðaði en boltinn fór frá henni á
meira en 160 km hraða eftir send-
ingar mótheijans sem hefur þrisvar
orðið meistari í þessari keppni.
Seles var á toppnum 1993 en
mánuði eftir að hún hafði fagnað
meistaratitlinum á Opna ástralska
var hún stungin í bakið á móti í
Hamborg og var frá keppni í 28
mánuði en þetta er annað stórmótið
hennar eftir að hún byijaði að keppa
á ný. Hún sagðist hafa tekið Thom-
as Muster sér til fyrirmyndar þegar
álagið var sem mest gegn frönsku
stúlkunni en skömmu áður hafði
Muster, sem er í þriðja sæti á styrk-
leikalista karla í keppninni, tognað
á ökla en harkað af sér og sigrað
mótherja sinn í 3. umferð. „Það
má teygja á líkamanum endalaust,"
sagði Seles sem er í daglegri með-
ferð vegna nárameiðsla þó þess séu
engin merki í leik hennar. „Hann
[Muster] er frábær og styrkur hans
og vilji er ótrúlegur."
Arantxa Sanchez Vicario frá
Spáni virðist helst ætla að ógna
Seles en hún vann bandarísku stúlk-
una Sandra Cacic 6-3, 6-3. Gabri-
ela Sabatini fór einnig létt í 16
manna úrslitin en hún vann þýsku
stúlkuna Karin Schwendt 6-1,6-2.
Muster ætlar að reyna
aftur á grasvöllum
THOMAS Muster er f hópi bestu tennisleikara heims og er það
fyrst og fremst árangri á leirvöllum að þakka en hann er m.a.
handhafi meistaratitilsins á Opna franska mótinu. Muster átti
ekki í erfiðleikum með Sviann Nicklas Kulti á Opna ástralska í
gær og sagði eftir sigurinn að hann ætlaði sér að vera með á
Wimbledon í sumar. Hann tók ekki þátt í þeirri keppni í fyrra
frekar en 1988 til 1991 eftir að hafa fjórum sinnum verið með
og aldrei fagnað sigri. Hann sagðist ætla að æfa sig á grasvöllum
fyrir komandi átök og verður m.a. i liði Austurríkis gegn Suður-
Afríku í Davis-keppninni í næsta mánuði en þá verður leikið á
grasi. Muster sagðist hafa lagt áherslu á að bæta uppgjafir og
móttökur undanfama 12 mánuði með það í huga að bæta sig á
grasi. „Ég verð aldrei eins góður og Pete Sampras í því að taka
á móti boltanum upp við netið en ég reyni að bæta mig.“
Reuter
MONICA Seles þurfti eins og sjá má að taka á öllu sínu
gegn frönsku stúlkunni Julie Halard-Decugls en mótspyrnan
stóö ekki lengl og Seles sigraöl örugglega.