Morgunblaðið - 20.02.1996, Blaðsíða 5
4 B ÞRIÐJUDAGUR 20. FEBRÚAR 1996
MORGUNBLAÐIÐ
MORGUNBLAÐIÐ
ÞRIÐJUDAGUR 20. FEBRÚAR 1996 B 5
HANDKNATTLEIKUR
IÞROTTIR
Meistaraheppni
Ivar
Benediktsson
skrifar
Islandsmeistarar Vals verða að telj-
ast heppnir að hafa náð báðum
stigunum í viðureigninni við baráttu-
glaða ÍR-inga í Breið-
holtinu á sunnudags-
kvöldið. Eftir að hafa
átt undir högg að
sækja í síðari hálfleik
tókst þeim að rétta stöðuna í lokin
og skora sigurmarkið rúmri mínútu
fyrir leikslok. ÍR reyndi allt hvað af
tók og þrátt fyrir að vera einum fleiri
síðustu fimmtán sekúndurnar tókst
þeim ekki að bjarga öðru stiginu í
hús. Lokatölur 19:18 fyrir Val.
Fyrri hálfleikur slakur, mýmörg
mistök litu dagsins ljós á báða bóga.
Eini ljósi punkturinn i leikhklutanum
var góð markvarsla Guðmundar
Hrafnkelssonar í marki Vals og
Magnúsar Sigmundssonar í marki ÍR.
Á þeim strönduðu ófáar sóknimar
og einkum virtust ÍR-ingar vera lán-
lausir í mörgum dauðafærum. Þegar
gengið var til leikhlés leiddu Vals-
menn með tveimur mörkum, 11:9.
Júiíus Gunnarsson kom daufum
Valsmönnum í þriggja marka forystu
strax í upphafi síðarí hálfleiks en í
kjölfarið tók ÍR öll völd á vellinum.
Valsmenn skoruðu ekki mark í þrett-
án mínútur eða í átta upphlaupum.
ÍR-ingar skoruðu fímm mörk í röð
og náðu tveggja marka forskoti,
14:12. Jón Kristjánsson þjálfari Vals
sá að við svo búið mátti ekki standa
og tók leikhlé og náði að hressa sína
menn með snarpri ræðu. Valsmenn
jöfnuðu og eftir það var leikurinn í
járnum allt til leiksloka, en ÍR-ingar
þó yfírleitt á undan að skora allt þar
til 3,20 mín. voru eftir að Valsmenn
komust yfír 18:17 og aftur 19:18.
Ef smá lán hefði fylgt ÍR liðinu í
þessum leik hefði það átt að ná meira
út úr honum en raun varð á. Þeir
komust inn í leikinn í fyrri hálfleik
en misstu taktinn um stund og eins
var í þeim síðari. Meiri yfírvegun
vantaði í sóknarleikinn í lokin. Vöm-
in var sterk og Magnús markvörður
fór á kostum.
FH heppið gegn lán-
lausum Víkingum
FH getur þakkað sínum sæla að
hafa borið sigurorð af Víkingum,
28:27. Víkingar höfðu knöttinn þegar
50 sekúndur voru eft-
Hörður ir. í staðinn fyrir að
Magnússon halda honum út leik-
skrifar inn misstu þeir hann,
FH-ingar geystust í
sókn, Víkingar brutu gróflega á
Héðni Gilssyni við punktalínu, misstu
mann útaf og FH tók leikhlé þegar
níu sekúndur voru eftir. Þeir stilltu
upp fyrir Héðin sem tók tvö skref
en Friðleifur Friðleifsson stöðvaði
hann mjög gróflega, hefði átt að fá
rauða spjaldið. Víkingar því orðnir
aðeins fjórir í vöminni og þetta nýtti
Héðinn sér loksins, gerði sigurmarkið
með glæsilegu uppstökki á síðustu
sekúndu Ieiksins.
„Þetta var sætur sigur eftir léiegan
fyrri hálfleik. Sjokkið á móti Val var
mikið og andlega hliðin ekki sterk
en menn rifu sig upp í síðari hálfleik
og stigin voru kærkomin. Við vorum
að spila á móti mjög sterku Víkings-
liði sem á ömgglega eftir að taka
stig í næstu leikjum," sagði Guð-
mundur Karlsson, þjálfari FH, eftir
leikinn.
Víkingar mættu mjög grimmir til
leiks og náðu fljótlega góðri forystu
í fyrri hálfleik. Sóknarleikur þeirra
gekk þá mjög vel með Árna Friðleifs-
son og Knút Sigurðsson fremsta í
flokki. Lið FH virkáði áhugalaust og
mikill doði einkenndi liðið í fyrri hálf-
leik. Varnarleikurinn afleitur og
markvarslan eftir því. Það var gjör-
breytt lið sem kom til leiks í síðari
hálfleik, leikmenn börðust og þar
fóru fremstir í flokki Hálfdán Þórðar-
son og Sigurður Sveinsson. Samt
gekk heimamönnum illa að nálgast
gestina. Það var ekki fyrr en tíu
mínútur voru eftir af leiknum að Sig-
urði Sveinssyni tókst að koma FH
yfir í fyrsta skipti úr vítakasti, 25:24.
„Við vorum með annað stigið í
höndunum, í staðinn fyrir að fá frí-
kast og halda knettinum, spiluðum
við okkur í vonlausa stöðu á línuna,
misstum knöttinn og töpuðum leikn-
um. Sigurður Sveinsson var okkur
erfiður og það ekki í fyrsta skipti sem
hann er okkur Víkingum erfíður,"
sagði vonsvikinn þjálfari Víkinga,
Árni Indriðason.
Árni má líka vera vonsvikinn. Hans
menn áttu annað stigið skilið. FH-
ingar mega vera mjög lukkulegir með
sigur í þessum leik, þeir léku iengst
af illa en börðust þó vel í síðari hálf-
leik og uppskeran var góð.
Hálfdán Þórðarson og Sigurður
Sveinsson voru bestu menn FH. Þá
lék Hans Guðmundsson vel í fyrri
hálfleik — var þá eini leikmaður FH
sem lagði sig fram. Árni Friðleiksson
og Knútur Sigurðsson voru bestu
menn Víkinga, þó gerði Knútur nokk-
ur afdrifarík mistök undir lok leiksins.
Sigurtil siðshjáKA
KA-menn þurftu ekki að sýna
neinn stjömuleik til að sigra
Selfoss á heimavelli sl. sunnudags-
■■■■■■ kvöld og það er nán-
Stefán Þór ast orðið til siðs að
Sæmundsson KA sigri í skrautleg-
skrifar frá um leikjum sem þess-
Akureyri urrL Selfyssingar
reyndu ýmsar fléttur og héldu mann-
taflinu í jafnvægi án þess þó að eiga
mátleik í fórum sínum. KA sigraði
28:26 eftir að staðan hafði verið
14:14 i leikhléi.
Selfyssingar komu á óvart með því
að leika maður á mann í byijun.
Þetta hafði í för með sér flautukon-
sert, pústra og brottrekstra. Liðið
skipti fljótlega um vamaraðferð og
voru menn misjafnlega framarlega
meðan KA hélt sig við flata vöm.
Leikurinn var jafn, KA 1-2 mörkum
á undan þar til Selfoss jafnaði 10:10.
Duranona tók Einar Gunnar úr um-
ferð seinni hluta hálfleiksins og læddi
inn mörkum þess á milli en lærisvein-
ar Valdimars Grímssonar gáfust aldr-
ei upp og héldu jöfnu.
Bæði liðin byijuðu með flata vörn
í seinni hálfleik og KA-menn skoruðu
6 mörk á móti 1 marki Selfyssinga
á fyrstu 10 mínútunum og komust í
20:15. Þá höfðu gestirnir m.a. verið
tveimur færri í eina og hálfa mínútu.
Selfyssingar reyndu nú að taka Pat-
rek og Duranona úr umferð og á
tímabili fór Hallgrímur að veija þann-
ig að munurinn minnkaði í 2 mörk,
24:22 þegar 8 mínútur voru eftir.
Samt var lítil spenna í leiknum. Það
virtist enginn hafa trú á öðru- en
KA-sigraði og það gekk eftir.
Leikurinn var frekar dapur, liðin
léleg og dómgæslan einnig. Leó Orn
átti skínandi leik hjá KA sem og Jó-
hann Gunnar. Duranona var traustur
að vanda og Patrekur fann sig í seinni
hálfleik. Siguijón Bjarnason sýndi
ágæt tilþrif hjá Selfyssingum, Valdi-
mar sömuleiðis og Einar Guðmunds-
son í seinni hálfleik.
Stjörnuleikur Sigtryggs
Grótta og Stjaman skildu jöfn,
25:25, í íjörugum leik á Sel-
á sunnudagskvöld.
Heimamenn voru
komnir með góða for-
ustu um miðjan síðari
hálfleik en með kröft-
ugum leik náði
Stjaman að jafna og var aðeins.fimm
sekúndum frá sigri.
Leikurinn var hraður og líflegur
frá upphafi og góð skemmtun fyrir
áhorfendur. Þó nokkuð var um mistök
og liðin fylgdust að fram undir lok
fyrri hálfleiks en þá tóku heimamenn
frumkvæðið og höfðu yfír í hléi,
12:10.
Grótta hélt áfram þar sem frá var
horfíð í upphafí síðari hálfleiks og
náði öruggri forustu. Markvörðurinn
Sigtryggur Albertsson var öðrum
fremur maðurinn á bak við velgengni
Gróttumanna. Hann varði hvað eftir
annað frá Stjörnumönnum í dauða-
færum og færði þannig félögum sín-
um mörg hraðaupphlaup.
Mestur varð munurinn fimm mörk,
21:17. Viggó Sigurðsson, þjálfari
Stjörnunnar, gerði breytingu á liði
sínu og setti Konráð Olavson í hlut-
verk leikstjórnanda en kippti Dmitri
Filippov útaf. Við þetta breyttist leik-
ur liðsins og gestirnir söxuðu hratt
á forskotið. Stjarnan jafnaði 22:22
og náði forustunni á lokamínútunni,
tjarnarnesi
Sævar
Hreiðarsson
skrifar
. Sindri
Bergmann
Eiðsson
skrifar
25:24. Grótta átti síðustu sóknina og
Jurí Sadovski náði að jafna með föstu
skoti þegar fimm sekúndur voru til
leiksloka. ,
„Ég er ánægður með að við brotn-
uðum ekki við mótlætið. Við erum
með mun betra lið en Grótta en þeir
voru með frábæra markvörslu í
kvöld,“ sagði Viggó Sigurðsson, í
leikslok.
„Við náðum ekki að halda þetta
út. Við gerðum þreytingar á varnar-
og sóknarleiknum og þeir gengu á
lagið,“ sagði Gauti Grétarsson, þjálf-
ari Gróttu.
KR-ingar fallnir
KR-ingar tóku á móti Aftureldingu
í Höllinni á sunnudag og töpuðu
25:27 í frekar slöppum leik. Þar fór
síðasti möguleiki KR
á að halda sér í fyrstu
deild. KR byijaði
leikinn betur og var
elcki á því að láta 1.
deildar sæti baráttulaust. Með góðri
markvörslu Hrafns Margeirssonar og
góðri skotnýtingu Hilmars Þórlinds-
sonar héldu KR-ingar 2 marka for-
ystu mestan part fyrri hálfleiks. En
í hálfleik var staðan 12:11 þeim í
vil. Afturelding var hins vegar ekki
sjón að sjá og átti erfítt með að kom-
ast framhjá vöm KR.
Seinni hálfleikinn byijuðu Aftur-
eldingarmenn betur og komust fljótt
yfír 14:13. Liðin skiptust síðan á að
skora, og það var ekki fyrr en á síð-
ustu mínútunni sem úrslitin réðust.
Með baráttu komust Aftureldingar-
menn yfir og sigruðu 25:27 eftir
spennandi lokamínútur.
Leikurinn var annars ekkert
augnayndi og einkenndist öðru frem-
ur af baráttu og óskynsamlegum leik
á köflum. Dómararnir lögðu einnig
orð í belg.
Róbert Sighvatsson átti ágætan
leik í sókn sem og Ingimundur Helga-
son. Bjarki Sigurðsson sýndi einnig
tennurnar þðru hvoru. Hjá KR átti
Sigurpáll Árni Aðalsteinsson góðan
leik og Hilmari gekk vel í sókninni.
FOLX
■ PÉTUR Bjarnason, sem hefur
leikið handknattleik með KA í fjöl-
mörg ár, fékk afhentan blómvönd
fyrir leik KA og Selfoss. Tilefnið
var 300 meistaraflokksleikir með
KA en margir þeirra síðustu hafa
reyndar verið leiknir þar sem Pét-
ur hefur aðeins verið á skýrslu.
■ FLEIRI fengu blóm fyrir leik-
inn. Stjórn handknattleiksdeildar
KA færði Valdimar Grímssyni
vönd til að þakka honum formlega
á heimavelli fyrir samstarfið
keppnistímabilin á undan. Valdi-
mar afhenti síðan Alfreð Gísla-
syni blóm frá Selfyssingum og
hamingjuóskir með bikarmeistara-
titilinn.
■ EINIR fimm útsendarar Tu-
sem Essen mændu á Patrek Jó-
hannesson í leiknum gegn Sel-
fossi. Því miður hittu þeir á slæ-
man leik. Þetta var alls ekki góður
handbolti en Patrekur stóð sig
bærilega. Hann var ragur í fyrstu
en náði sér betur á strik í seinni
hálfleik og skoraði alls 7 mörk.
Eftir Ieikinn sagðist hann vissulega
hafa fundið fyrir augnaráði Þjóð-
verjanna og verið frekar óstyrkur.
Leikurinn var harður en Patti hélt
skapinu í skefjum og uppskar að-
eins eina brottvísun.
■ MARGRÉT Theodórsdóttir,
leikmaður Stjörnunnar í
Garðabæ, vann síðast bikartitil
fyrir 15 árum og þá með FH en
þá var Nína K. Björnsdóttir, fé-
lagi hennar í Stjörnunni, þriggja
ára.
Morgunblaðið/Bjarni Eiríksson
DAGUR Sigurðsson og félagar áttu fullt í fangl með baráttuglaða ÍR-inga á sunnudagskvöldið. Hér er
hann búinn að brjótast framhjá Einar Einarssyni, en ekki vildi knötturinn í markið í þetta sinn. Dagur
skoraði þrjú mörk í leiknum, öll úr vítaköstum. Valgarð Thoroddsen fylgist spenntur með framvindu mála.
Önnur skrautfjöð-
ur hjá Stjömunni
ISIÝKRÝNDIR bikarmeistarar, Stjörnustúlkur, bættu skrautfjöður í hatt
sinn á laugardaginn þegar þær tryggðu sér deildarmeistaratitilinn í
1. deild kvenna með 24:24 jafntefli gegn Eyjastúlkum. Garðbæingar
léku ekki sinn besta leik en sluppu fyrir horn gegn sprækum Eyjadömun-
um, sem hafa einar í deildinni ekki tapað stigi gegn þeim ívetur. Enn
eru tvær umferðir eftir en þar sem ÍBA gaf leik sinn gegn Stjörnunni
dugði Garðbæingum jafntefli enda stigahæstir og með langbesta mark-
hlutfallið.
Stjörnurnar byijuðu full kæruleysis-
lega en náðu samt að halda for-
skoti Eyjastúlkna við eitt og tvö mörk
- voru raunar heppnar
Stefán að verða ekki meira und-
Stefánsson ir. En tími Garðbæinga
skrifar kom um miðjan fyrri
• hálfleik, er tveir Vest-
mannaeyingar fengu tveggja mínútna
brottvísun á svipuðum tíma, og Stjarnan
náði að skora fjögur mörk í röð.
En Eyjastúlkur voru ekki búnar að
segja sitt síðasta orð og héldu uppi
baráttu. Náðu að jafna rétt eftir miðjan
síðari hálfleik og höfðu möguleika á
komast yfir en það gekk ekki eftir því
tvær þeirra voru aftur reknir af velli
þegar fjórar mínútur voru til leiksloka
og staðan 23:23. Nína K. Björnsdóttir
skoraði úr víti fyrir Stjörnuna en nokkr-
um sekúndum fyrir leikslok fengu Eyja-
stúlkur víti og þar brást fyrirliðinn Ingi-
björg Jónsdóttir ekki og skoraði jöfnun-
armarkið.
„Þetta var ekki nógu skammtilegur
leikur. Ég hefði viljað skemmtilegri leik
af því að við vorum að taka á móti bik-
ar en það er spurninjr um hvort ekki
sat þreyta í okkur og þó við höfum
ætlað okkur að vinna or ekki víst að
hugur hafi fylgt máli,“ sagði Guðný
Gunnsteinsdóttir, fyrirliði Stjörnunnar,
en hún átti góðan leik, vann vel í vörn-
inni, skoraði sjálf 4 mörk og fiskaði 5
vítaköst. „Engu að síður er það veturinn
sem gildir og í raun meira að marka
þennan titil - gamla meistaratitilinn,"
bætti Guðný við. Herdís Sigurbergsdótt-
ir, Nína og Fanney Rúnarsdóttir stóðu
sig ágætlega en í heild var liðið í dvala
og ekki mátti miklu muna að fresta
yrði afhendingu bikarsins.
„Okkur vantaði bara herslumuninn,11
sagði Ingibjörg Jónsdóttir, fyrirliði ÍBV,
en sem fyrr segir hefur lið hennar ekki
tapað leik gegn Stjörnunni í vetur held-
ur gert tvö jafntefli. „Við ætluðum að
klára þetta núna, það er alltaf takmark
að vinna Stjörnuna eins og önnur lið
og við ætluðum að fresta þessari af-
hendingu hjá þeim.“ Sænska stúlkan
Malin Lake átti stórleik á laugardaginn,
var afar óeigingjörn og átti margar stór-
kostlegar stoðsendingar. Þórunn Jörg-
ensdóttir stóð sig vel í markinu og Ingi-
björg, ásamt Andreu Atladóttir, var
ágæt.
Víkingar hristu
Hauka af sér
Víkingur vann Hauka 22:16 í 1. deild
kvenna í Víkinni á laugardaginn. Vík-
ingsstúlkur byijuðu með látum, komust
í 6:0 og síðan mest í 8 marka forskot
með góðri vörn, sem aftur skilaði góðri
markvörslu. En Haukar voru vel á verði
og biðu eftir tækifæri. Það kom um
miðjan síðari hálfleik er Víkingar sváfu
á verðinu og Hafnfirðingum tókst með
mikilli baráttu að minnka muninn í
15:14 og höfðu möguleika á að jafna.
Þessi kafli tók þó sinn toll og þegar
ekki tókst að jafna fjaraði baráttan út
og Víkingar bættu við 6 mörkum í röð
og gerðu út um leikinn.
Kaf laskipt í Árbænum
Fylkir vann KR 19:18 í kaflaskiptum
leik í Árbænum á laugardaginn. Eftir
slaka byijun Árbæinga komust Vest-
urbæingar í gott forskot og höfðu 6:11
í leikhléi. En Árbæingar sneru algerlega
við blaðinu í leikhléi, unnu upp forskot-
ið ogjöfnuðu um miðjan síðari hálfleik
og náðu að klára leikinn.
Sá mikilvægasti
Olafur Lárusson þjálfari Stjörnunnar
má vera sáttur við árangur liðs
síns; bikarinn og deildarkeppnin þegar
í höfn auk þess sem staða liðsins - ósigr-
að með 150 fleiri mörk skoruð en feng-
in á sig - segir sitt. „Það var ekkert
frekar takmarkið að vinnaþrefalt heldur
taka sem mest af titlum. Eg lít á bikar-
inn sem bónus, en deildarmeistaratitill-
inn er að mínu áliti sá mikilvægasti, því
mest vinna liggur á bak við hann og
hann gefur gleggsta mynd af getu liðs-
ins. Nú er bara að nota undirbúningstím-
ann vel þó að landsliðið trufli hann,
koma í úrslitjn og klára dæmið en það
er bara spurning um dagsform í úrslit-
um,“ sagði Ólafur.
„Annars var þetta var rólegur og yfir-
vegaður leikur, allavega af hálfu Stjörn-
unnar, og Ieikurinn bar keim af því að
deildartitillinn var nánast kominn í höfn.
Ég held að við hefðum getað gert betur
og það á ekki að missa stig í leik sem
þessum en við höfum leikið þijá leiki í
vikunni og það situr kannski í okkur,“
bætti Ólafur við.“
FIMLEIKAR / BIKARKEPPNI
Gerpla
sigursæl
BIKARKEPPNI Fimleikasambands íslandsfórfram í
íþróttahúsinu Digranesi um helgina og urðulið Gerplu
úr Kópavogi sigursæl. Unnu íöllum flokkum þar sem
keppt var ífimleikaþrepunum auk þess sem þeim tókst
að ná bikarnum af Armenningum ífrjálsum æfingum
A-liða pilta, en íkvennaflokki A-liða sigraði Björkfjórða
árið í röð ífrjálsum æfingum.
Stefán
Stefánsson
skrifar
Sextíu keppendur tóku þátt í
mótinu og að sögn Elsu Jóns-
dóttur mótsstjóra gekk mótið mjög
vel. Mótið er liða-
keppni og á laugar-
deginum var keppt
í þriðja og fjórða
þrepi fimleikastig-
ans en það ýru fyrirfram ákveðnar
æfingar. Á sunnudeginum var
keppt í frjálsum æfingum og þar
var þeim bestu teflt fram. Ekki
var keppt í B-liðum í ár vegna
þess að þátttaka var ekki næg.
Lið Bjarkar sigraði örugglega í
frjálsum æfingum A-liða stúlkna
og hlaut yfir 135 stig. Þar af voru
tvær stúlkur, Elva Rut Jónsdóttir
og Nína Björk Magnúsdóttir, með
meira en 35 stig en það telst mjög
gott og gefur góðar vonir fyrir
Norðurlandamótið, sem fram fer á
íslandi í lok mars auk þess að sýna
greinilega að stúlkunum fer fram.
I öðru sæti var lið Gerplu og í
þriðja sæti stúlkur frá Ármanni.
Hjá A-liðum pilta í frjálsum
æfíngum tókst Gerplu að ijúfa
sigurgöngu Ármenninga, sem
haldið hafa bikarnum undanfarin
íviorgunuiauiu/ poiKeu
GUÐJÓIM Guðmundsson, hér í hringjunum, og félagar í Ármanni uröu að sjá á eftir bikarnum
í hendur Gerplumanna eftir að hafa haldið honum í fjögur ár.
Morgunblaðið/Þorkell
LIUA Erlendsdóttir úr Gerplu í gólfæfingum.
fjögur ár, en tæpum tíu stigum
munaði í samanlögðu en það telst
helst til mikið. Þar munaði mestu
um að Rúnar Alexandersson, sem
fékk íslenskan ríkisborgararétt
fyrir skömmu, fékk 55 stig saman-
lagt en sá árangur telst, að sögn
fimleikamanna, á meðal 20 bestu
í heiminum. Rúnar fékk 9,75 á
bogahesti og sömu heimildir segja
það duga á verðlaunapall á hvaða
móti sem er. Einnig munaði mikið
um að Dýri Kristjánsson og Ómar
Örn Ólafsson bættu sig um 7 og
8 stig frá í fyrra.
í fimleikaþrepunum voru, sem
fyrr segir, lið Gerplu sigursæl.
Sigruðu Ármenninga að vísu
naumlega í C-liði stúlkna en nokk-
uð örugglega í D-liðunum. í pilta-
flokki voru Gerplumenn einir í
flokki C-liða en sigruðu nokkuð
örugglega í flokki D-liða.
Fimleikamenn segja mikla
grósku í íþróttinni og iðkendur séu
nú á fjórða þúsund, þar af 500 í
Ármanni og 500 í Gerplu enda sé
íþróttin sjöunda fjölmennasta
greinin innan íþróttasambands ís-
lands. Mikill vaxtabroddur sé einn-
ig úti á landi en þar hái víða að-
staðan. Aukning sé ekki síst að
þakka vinsældum trompfimleika,
sem er hópíþrótt með keppni á
dýnu, í gólfæfingum og á tram-
políni.
GLIMA
Skarphéð-
inn Orri
tvöfaldur
meistari
SKARPHÉÐINN Orri Björnsson,
glímukappi úr KR, sigraði í þriðju
bikarglímu íslands sem fram fór
að Laugum í S-Þingeyjasýslu á
laugardaginn. Arngeir Friðriksson,
HSÞ, varð annar og Jón Birgir
Valsson, KR, þriðji.
Orri hefur hlotið 16 stig af 18
mögulegum í Bikarglímunni og
miðað við dreifingu stiga eiga hinir
ekki möguleika á að ná honum í
fjórða og síðasta mótinu. Hann er
því ekki aðeins Bikarmeistari ís-
lands í karlaflokki, heldur einnig
búinn að tryggja sér titilinn lands-
gh'mumeistari.
KORFUKNATTLEIKUR
Glæsileg
tilþrif
MALCOLM Montgomery, sem leikur
með Selfyssingum í 1. deildinni og
sést hér troða, sigraði í troðslukeppn-
inni sem háð var í leikhléi á stjörnu-
leiknum á sunnudaginn. Montgomery
hafði yfirburði í troðslunni og sýndi
að menn þurfa ekki endilega að vera
yfir tveir metrar til að troða. Teitur
Órlygsson sigraði í þriggja stiga
keppninni eftir að hann og Blikinn
Michael Thoele voru jafnir eftir for-
keppnina. Utlendingarnir sigruðu is-
lenska landsliðið 116:103 í leik þar
sem útlendingarnir sýndu skemmtileg
tilþrif og var Torrey John frá Tinda-
stóli stigahæstur þeirra og skoraði
mikið með glæsilegum troðslum. Teit-
ur var stigahæstur í liði íslands, gerði
28 stig, þar af 5 þriggja stiga körfur.
Morgunblaðið/Bjarni