Morgunblaðið - 01.06.1996, Blaðsíða 4

FRJÁLSÍÞRÓTTIR
Guðrún undir
meti í 100 m
grindahlaupi
Meðvindurvarof mikill til að
tíminn fáist staðfestur
Guðrún Arnardóttir hljóp undir
nýlegu íslandsmeti sínu í
100 m grindahlaupi í undanrásum
bandaríska háskólameistaramóts-
ins í fijálsíþróttum í fyrrinótt -
fór vegalengdinga á 13,10 sekúnd-
um - en meðvindur var of mikill
til að tíminn teljist gildur. Var 2,6
metrar á sekúndu en má mest
vera 2,0 metrar á sek. Islandsmet
Guðrúnar frá því fyrir tæpum hálf-
um mánuði er 13,18 sek.
Guðrún hljóp 400 m grinda-
hlaupið á 56,61 sek. í undanrásum
'á mótinu eins og greint var frá í
blaðinu í gær og var þar nærri
íslandsmeti Helgu Halldórsdóttur
frá 1988. Guðrún átti að keppa í
úrslitum 400 m grindahlaupsins í
nótt og í undanúrslitum styttri
vegalengdarinnar fljótlega eftir
það og kvaðst, í samtali við Morg-
unblaðið í gær, vonast tii að bæta
sig enn frekar.
„Svo virðist vera,“ svaraði hún
hæversklega þegar blaðamaður
hafði orð á því að hún væri greini-
lega í mjög góðri æfingu um þess-
ar mundir. „Ég sé til hvað gerist
í kvöld [aðfaranótt laugardags].
Nú er að duga eða drepast - þetta
er síðasta mótið mitt fyrir háskól-
ann því ég er að útskrifast og því
eins gott að standa sig.“
Guðrún sagðist í raun ekki vera
að æfa núna fyrir 100 m grinda-
hlaupið en sér gengi þó betur í
því um þessar mundir en lengra
hlaupinu, en „þetta er þó allt að
koma,“ bætti hún við.
Stefka Kostadinova stökk
afturyfirtvo metra
STEFKA Kostadinova, heimsmeistari í hástökki kvenna, stökk
tvo metra og sigraði í keppni í Wörrstadt í Þýskalandi. Kostad-
inova, sem er frá Búlgaríu, hafði áður farið yfir sömu hæð á
árinu en engri annarri stúlku hefur tekist það. Inga Babakova
frá Úkraínu stökk 1,96 og Þjóðveijinn Alina Astafei frá Rúmen-
íu var í þriðja sæti, stökk 1,94. Ólympíumeistarinn Heike Hen-
kel frá Þýskalandi var í fimmta sæti, stökk 1,87 m, en Hen-
kel, sem hefur verið í barneignarfrii, hefur ekki farið yfir tvo
metra síðan í júlí 1993.
GUÐRÚN Arnardóttir í keppni í 400 m grindahlaupi á heims-
meistaramótlnu í Gautaborg í fyrrasumar.
■ DANNY Ainge, fyrrum leik-
maður NBA-liðs Boston Celtics í
körfuknattleik, hefur verið ráðinn
aðstoðarþjálfari Phoenix Suns.
■ MICHAEL Payne, bandaríski
leikmaðurinn hjá Fram, er orðinn
löglegur og verður með í fyrsta
skipti er ungmennalið félagsins -
lið 23 ára og yngri - mætir Ökkla
í bikarkeppninni á mánudagskvöld.
■ BARCELONA tryggði sér í gær
markakónginn á Spáni, Juan Pizzi,
leikmann hjá Tenerifa. „Draumur-
inn rættist,“ sagði Pizzi.
■ EMANUEL Amunike lands-
liðsmaður Nígeríu í knattspyrnu
sem leikið hefur með Sporting í
Lissabon hafði áður verið seldur
til Barcelona fyrir 238 milljónir
króna. Hann var fyrsti leikmaður-
inn sem nýráðinn þjálfari Barcel-
ona, Bobby Robsson, keypti eftir
að hann réð sig til félagsins.
■ JOSE Luis Chilavert, mark-
vörður Velez Sarsfield í Argent-
ínu, gerði eitt mark í 5:1 sigri á
móti Lanus um síðustu helgi, skor-
aði úr vítaspymu. Þetta var annað
mark landsliðsmannsins frá
Paraguay í deildinni en hann skor-
aði úr aukaspyrnu af eigin vallar-
helmingi gegn River Plate í mars.
■ TIBOR Selymes, knattspyrnu-
maður frá Rúmeníu, hefur gengið
til liðs við Anderlecht og gert fimm
ára samning við félagið. Hann lék
áður með Cercle Briigge. Selymes
hefur leikið 27 landsleiki og er í
22 manna hópi Rúmeníu sem kepp-
ir á Evrópumeistaramótinu í Eng-
landi í næsta mánuði.
■ ROMARIO var heldur betur á
skotskónum er Flamengo lagði
Olaria 4:1 í deildarkeppninni í
Brasilíu í vikunni. Hann gerði öll
mörk Flamengoliðsins og virðist
kunna vel við varnarmenn Olaria
því hann gerði fimm mörk í leik
gegn þeim í fyrra. Romario hefur
nú gert 24 mörk í 16 leikjum og
er greinilega í sókn eftir lægð um
tíma.
■ CELTIC fékk í gær til liðs við
sig ítalska sóknarleikmanninn Pa-
olo Di Canio frá AC Milan. Di
Canio kom til Skotlands í gær í
einkaflugvél til að ganga frá ijög-
urra ára samningi. Hann er þriðji
leikmaðurinn sem hefur komið til
Celtic á tveimur mánuðum, hinir
eru Portúgalinn Jorge Cadete,
miðhetji og varnarmaðurinn Alan
Stubbs, félagi Guðna Bergssonar
hjá Bolton.
KORFUKNATTLEIKUR
Seattle sá aldrei til sólar
LEIKMENN Seattle Super Sonics sáu aldrei til sólar í sjöttu viður-
eigninni gegn Utah Jazz í Salt Lake City ífyrrinótt. Heimamenn
komu sem grenjandi Ijón til leiks og skoruðu tólf fyrstu stigin
og létu forystuna aldrei af hendi eftir það og sigruðu með 35
stiga mun, 118:83. Gestirnir náðu aldrei að koma forskoti Utah
neðar en ítíu stig. Staðan er þvíjöfn íeinvígi liðanna um sigurinn
íVesturdeildinni og réttinn til að leika gegn sigurvegurum Austur-
deildarinnar, Chicago Bulls, í úrslitum. Því verður leikið til þraut-
ar á sunnudagskvöldið sjöunda leik liðanna í Seattle.
Rússar og
Spánverjar í
úrslitum EM
ÞAÐ verða Rússar og Spán-
veijar sem leika til úrslita í
Evrópumeistaramótinu í hand-
knattleik á Spáni á sunnudag-
inn. Júgóslavar og Svíar munu
bítast um þriðja sætið. í undan-
úrslitum í gær lögðu Spánverj-
ar liðsmenn Júgóslaviu 27:23
og Rússar lögðu Svia að velli
24:21. Með framgöngu sinni í
mótinu hefur landslið Spán-
verjar tryggt sér sæti í hand-
knattleikskeppni Ólympíuleik-
anna í Atlanta.
í leikjum um önnur sæti báru
Frakkar sigurorð af Þjóðveij-
um með 24 mörkum gegn 21
og Rúmenar hrepptu níunda
sætið með sigri á Ungveijum í
jöfnum leik, 28:27. Frændur
vorir Danir töpuðu enn einum
leiknum í keppninni er Slóven-
ar lögðu þá að velli 27:24. Kró-
atar unnu Tékka 27:25 í keppni
um fimmta sætið.
Utah hefur nú haft betur í tveim-
ur síðustu leikjum á heima-
velli sínum eftir að hafa verið und-
ir, 3:1, í einvíginu. Um leið hefur
það opnað fyrir möguleikanum á
að leika í fyrsta sinn til úrslita í
NBA. Seattle-liðið sem hafði hæsta
vinningshlutfallið í Austurdeildinni
að lokinni deildarkeppninni lék hins
vegar síðast til úrslita 1979.
„Þetta var sætur sigur í þýðing-
armiklum leik og nú þurfum við að
halda uppteknum hætti og leika
jafnvel í síðasta Ieiknum á sunnu-
daginn,“ sagði Karl Malone glaður
í bragði að leikslokum. Hann átti
stórleik, skoraði 32 stig, tók 10
fráköst, gaf sjö stoðsendingar og
vann knöttinn fjórum sinnum af
andstæðingunum. Jeff Hornacek
kom honum næstur með 23 stig.
John Stockton rak af sér slyðruorð-
ið eftir slaka leiki gegn Seattle í
úrslitakeppninni, gerði 14 stig, átti
12 stoðsendingar og gætti Paytons
sem sjáaldurs auga síns.
Shawn Kemp var stigahæstur
leikmanna Seattle með 26 auk þess
sem hann náði 14 fráköstum. Detl-
ef Schrempf gerði 16 stig og Sam
Perkins 14.
Eins og fyrr segir fóru leikmenn
Utah hreinlega hamförum strax í
upphafi, skoruðu 12 fyrstu stigin
og héldu uppteknum hætti til loka
fyrsta leikhluta - voru þá þrettán
stigum yfir, 35:22. Þeir tóku þráð-
inn upp að nýju í byijun annars
leikhluta og voru komnir með 22
stiga forskot um tíma áður en smá-
neisti kviknaði hjá gestunum sem
gerðu 11 stig í röð og löguðu stöð-
una örlítið fyrir leikhlé - 58:47.
Hafi vonarneisti leikmanna Se-
attle glæðst snemma í þriðja leik-
hluta er Gary Payton minnkaði for-
skot Utah í tíu stig, 61:51, slokkn-
aði hann jafnskjótt. Leikmenn Utah
náðu aftur öruggri forystu, 78:60,
eftir að Homacek hafði tekið góða
rispu og gert átta stig í röð.
Snemma í fjórða leikhluta varð öll-
um það ljóst að Seattle var endan-
lega úr myndinni. Utah náði 26
stiga forystu, 93:67, og fékk aukinn
byr í seglin það sem eftir lifði leiks
og er að landi var komið hafði 35
stiga sigur verið innbyrtur. Þetta
var versta útreið sem Seattle-liðið
hefur hlotið í úrslitakeppni síðan
1978 er það tapaði fyrir Washing-
ton, 117:82.
Skotnýting leikmanna Utah var
framúrskarandi, þeir hittu úr sextíu
af hundraði langskota auk þess sem
vörnin lék við hvurn sinn fingur og
olli því að leikmenn Seattle misstu
knöttinn tuttugu og þrisvar sinnum.
Þrátt fyrir allt var engan bilbug
að finna á George Karl þjálfara
Seattle að leikslokum, hann var viss
um að leikmenn sínir myndu snúa
við blaðinu í lokaleiknum á sunnu-
daginn sem verður sýndur beint á
Stöð tvö og hefst leikurinn og út-
sendingin klukkan 23.00.