Morgunblaðið - 02.06.1996, Blaðsíða 4

4 D SUNNUDAGUR 2. JÚNÍ 1996
MORGUNBLAÐIÐ
ASTRA er nú fáanlegur með
sterkari 1.400 rúmsentimetra vél
sem er ágætlega snörp.
Opel Astra með nýrri og
sprækari vél og aukapakka
ARCTIC Edition útgáfan er talsvert reistari
og verður verklegri þegar hún er komin á
14 þumlunga álfelgurnar.
ALLT er með sama sniði að innan og verið
hefur. Bæði er rými gott og frágangur
á öllu vandaður.
NÝJA vélin eyðir kringum 8,8 lítrum í þéttbýl-
isskakinu en eyðslan fer niður í 5,2 lítra á
jöfnum 90 km þjóðvegahraða.
OPEL Astra er nú fáanlegur með
nýrri aflmeiri 1.400 rúmsenti-
metra vél en verið hefur í boði
til þessa og þótt hestöflunum
fjölgi ekki meira en úr 82 í 90
er nokkur munur á því hversu
þetta er sprækari og skemmti-
legri kostur. Astra er fáanlegur
í ýmsum útgáfum og tilbrigðum,
stallbakur, hlaðbakur og lang-
bakur og nú er einnig farið að
bjóða pakka með ýmsum auka-
búnaði, hækkun, stærri hjólbarða
og fleira og er sú útgáfa kölluð
Arctic Edition. Astra hefur náð
ágætu flugi hérlendis eftir frem-
ur hæga markaðssókn lengi vel
enda ekki á þokkalegu verði fyrr
en á síðari misserum. Verðbilið
á útgáfunum með 1.400 rúms-
entimetra vélunum er frá rúmum
1.300 þúsund og uppí tæp 1.500
þúsund. Við skoðum báðar þessar
gerðir nánar hér í dag.
Opel Astra er ágætlega lagað-
ur í útliti, hefur skemmtilegar
sveigjur, boga og stalla á hliðum
eða fram- og afturenda. Hver
gerð hefur sömu heildareinkenni
en „bak“-lagið gefur hverri gerð
sín séreinkenni. Luktir og rúður
eru hæfilega stórar og fínlegir
hliðarlistar og stuðarar undir-
strika vel góðar línur.
Að innan eru Astra bílarnir
vel úr garði gerðir. Sætin fara
vel með alla farþega og rýmið
er gott á flesta enda og kanta.
Ökumannssætið hefur stillanlega
setu auk hinna hefðbundnu still-
inga og í báðum framstólum fá
menn góðan stuðning við læri og
bak. Mælaborð er skemmtilega
buggt upp af þremur einingum.
I einni, beint fram af ökumanni,
eru hefðbundnir hraða- og snún-
ingshraðamælar með bensín-
mæli, næsta eining til vinstri
hefur að geyma blástursop frá
miðstöð og rofa fyrir aðvörunar-
Ijós og neðan við hana er eining
fyrir útvarpið og miðstöðvarrof-
ana.
Lítll hækkun
Nýja aflmeiri vélin er sem sagt
1.400 rúmsentimetrar, fjögurra
strokka, 16 Aventla og með
beinni fjölinnsprautun og 90
hestöfl. Þau hafa verið 82 í 1.400
vélinni til þessa og virðist þessi
aukning skila sér mjög vel í
vinnslu og viðbragði. Eyðslan í
bæjarakstri er 8,8 lítrar á 100
km og á þjóðvegi á jöfnum hraða
fer hún niður í 5,2 lítra.
Það sem er þó kannski
ánægjulegasti kosturinn við
þessa vél er að þar sem rúmtak-
ið er hið sama hrekkur bíllinn
ekki upp um flokk í aðflutnings-
gjöldum og því hækkar verðið
ekki nema um 32 þúsund krónur
á sjálfskipta bílnum sem reyndur
var. Hér er því nánast óþarfí að
leggja í 150 þúsund króna fjár-
festingu til að fá 1.600 rúmsenti-
metra vél - hér er aflið feikilega
nægjanlegt við allar helstu að-
stæður sem venjulegur fjöl-
skyldubíll ratar í. Stallbakurinn
kostar sem sagt 1.487 þúsund
krónur með sjálfskiptingu en fer
niður í 1.388 þúsund sé hann
tekinn með handskiptingu.
Nýr kostur í Arctic Edition
í þessari upprifjun og endur-
skoðun á Astra með stærri vél
var einnig tekið í Arctic Edition
útgáfuna og var það handskiptur
langbakur. Þessi útgáfa er örlítið
breytt frá hinni hefðbundnu og
eru breytingamar þessar:
Bíllinn hefur verið hækkaður
um 2 cm og jafnframt settur á
14 þumlunga álfelgur en venju-
legi bíllinn er á 13 þumlunga
felgum. Þá kemur hann á svo-
nefndum heilsárshjólbörðum sem
segja má að dugi í flestum tilvik-
um en þeir sem á annað borð
kjósa neglda hjólbarða skipta trú-
lega yfir veturinn. Þá fylgir bíln-
um aukasett af mottum.
Þessi pakki kostar 50 þúsund
krónur og er mjög hagstæður
þegar litið er til þess að aðeins
álfelgurnar kosta hátt í þetta.
Hægt er að fá Arctic Edition-
pakkann í allar gerðir af Opel
Astra.
Opel Astra er ágætlega búinn
bíll með grunnbúnaði sínum sem
er þessi helstur: Vökvastýri,
samlæsingar, fjarstýrðir hliðar-
speglar, útvarp með segulbandi
og fjórum hátölurum, stillanleg
hæð bílbelta og strekkjarar, tví-
skipt og fellanlegt aftursæti,
hreyfdtengd þjófavörn, 8 ára ís-
lensk ryðvarnarábyrgð og
þriggja ára ábyrgð.
Hljóðlátur
Ekki þarf að fjölyrða mikið um
sjálfan aksturinn. Astra stendur
fyrir sínu, hann er ágætlega
röskur og viljugur með þessari
90 hestafla vél og engin þörf á
meiru fyrir venjulega fjölskyldu-
notkun. Bíllinn er einnig ágæt-
lega rásfastur, lipur í handskipt-
ingunni og hljóðlátur. Ilelsti gall-
inn við Astra bílana er að vatn
getur stundum lekið inn um rúð-
ur, t.d. ef framrúða er opnuð og
bleyta er á þakinu (sem gerist
t.d. þegar aka þarf inn í bílastæð-
ishús) og það sama á við um
afturhurðina - þama er eins og
útlit hafí ráðið ferðinni en ekki
þægindin í umgengni við vatn-
sagann.
Stallbakurinn með þessari nýju
vél kostar kr. 1.487.000 og er
það nokkuð hagstætt verð því
Opel Astra er vissulega traust-
vekjandi bíll, rúmgóður og með
ágætum búnaði. Þetta á við um
sjálfskipta bílinn en sá með fimm
gíra handskiptingunni kostar kr.
1.388.000. Arctic Edition gerðin
kostar kr. 1.5001.000 beinskipt.
Eins og fyrr segir er þessi auka-
hlutapakki í boði í allar gerðir
Opet Astra og kostar 50 þúsund
krónur. ■
Jóhannes Tómasson
FORD hyggst smíða smájeppa
sem byggður er á 1999 árgerð
af Escort. Alpe hugmyndabíll-
inn að ofan var einnig byggð-
uráEscort 1999.
Smójeppi
fró Ford
FORD hyggst setja á markað smá-
jeppa árið 1999. Aætlanir hljóða upp
á framleiðslu á 200 þúsund slíkum
jeppum á ári sem byggðir eru á Ford
Mondeo fólksbílnum. Bíllinn kallast
nú UW187 og á aðeins að taka þrjú
ár í hönnun. Ford íhugar einnig fram-
leiðslu á enn smærri jeppa, UW221,
sem byggður yrði á endurhönnuðum
Escort árgerð 1999. Sá bíll kæmi á
markað sem 2001 árgerð.
BMW f járfestir
BMW hyggst fjárfesta 500 milljónum
punda í dótturfýrirtæki sitt Rover
næstu fímm til sex árin. Framleiðslu-
geta verksmiðja Rover verður aukin
og núverandi gerðir verða algjörlega
endurnýjaðar. BMW hyggst líka nota
200 milljónir punda til þess að auka
framleiðslugetu sína í verksmiðju
sinni! Spartanburg í Suður-Karólínu.
Sú fjárfesting er talin til marks um
háan framleiðslukostnað á megin-
landi Evrópu og vandamál vegna
sterkrar stöðu þýska marksins. Inn-
an tíu ára er talið að 40% kostnaðar
við framleiðslu á hveijum Rover bíi
verði vegna drifbúnaðar og rafkerfis.
Honda
Orthia
HONDA hefur kynnt bílinn Orthia í
Japan. Orthia er fjórhjóladrifinn
langbakur sem byggður er á sömu
grind og Civie. Bíllinn var frum-
kynntur á síðustu Tókíóbílasýning-
unni. Hann er fáanlegur í Japan með
1,8 lítra og 2,0 lítra vélum. Honda
hyggst ekki flytja bílinn út frá Japan.
VW Caravelle er kominn nýr
og endurbættur.
NýVW
Caravelle
VW hefur kynnt endurhannaðan
Caravelle fjölnotabíl, þar á meðal
gerðir sem eru með kraftminni út-
færslum af VR6 og Audi fimm
strokka TDI vélum. Báðar vélarnar
eru með meira togi en í upprunalegu
gerðunum en færri hestöflum. Cara-
velle verður boðin með 2,8 1 VR6 sem
skilar 145 hestöflum, (var 140 hest-
öfl), og forþjöppudísilvélin frá Audi
skilar 102 hestöflum (var 140 hest-
öfl). Caravelle er einnig með nýrri
innréttingu með líknarbelgjum og
framendinn er endurhannaður.
hjólbaröar
GOODYEAR hefur sett á markað
nýja gerð hjólbarða, Infítred, sem
eiga að vera mun endingarbetri en
venjulegir hjólbarðar. Ef Infítred
hjólbarðarnir slitna þannig að þeir
verði ónothæfir innan þriggja ára frá
kaupum endurgreiðir Goodyear þá
með nýjum. Eftir þriggja ára notkun
fá notendur hjólbarðanna nýja á 50%
afslætti. Hver hjólbarði kostar um
100 dollara, um 6.500 kr.