Morgunblaðið - 28.07.1996, Blaðsíða 4
4 D SUNNUDAGUR 28. JÚLÍ 1996
MORGUNBLAÐIÐ
VITO heitir nýi sendi- eða fjölnotabíllinn frá Mercedes Benz. Morgunbiaðið/Svemr
Vito — nýr f jölnotabíll
f ró Mercedes Benz
VITO er nafnið á nýjasta atvinnu-
tækinu frá Mercedes Benz, þ.e.
hér er um að ræða fjölnotabíl,
sendibíl, bfl stórfjölskyldunnar
eða lítinn hópferðabíl. Vito er
kannski helst hentugur sem
sendibíll þar sem klæðningar eru
ekki á hliðum og bfllinn með lág-
marksbúnaði en í haust er hins
vegar væntanleg önnur gerð,
Viano, sem er með þessum venju-
legu þægindum og því sem menn
eiga að venjast í farþegabílum.
Vito er í boði með 2,3 lítra dísilvél-
um með eða án forþjöppu eða
tveggja lítra bensínvél og kostar
gluggabíll með sjö sætum 2,8
milljónir en sendibíllinn rétt rúm-
ar tvær milljónir með gluggum
en án virðisaukaskatts. Vito og
Viano tilheyra V-línunni frá
Mercedes Benz en bílarnir voru
fyrst kynntir á bílasýningunni í
Genf snemma á þessu ári. Við
skoðum stuttlega Vito hér á eftir.
Vito er með hefðbundnu sendi-
bflslagi, er nokkuð síður að sjá á
götu og hjól eru lítil. Framendinn
er hallandi með fínlegum stuðara
og luktum og framrúðan stór.
Hliðarúður eru eins og samfelldar
með svörtum póstum og hliðar-
hurð, rennihurð, er staðalbúnaður
vinstra megin en hægt að fá hana
hægra megin einnig ef óskað er.
Afturhleri opnast upp og er það
frekar ókostur en hitt þegar svo
stór hleri er annars vegar, liðlegra
er að hurðin opnist til annarrar
hliðar eða sé tvískipt með hlið-
aropnun.
Skemmtileg gírsklptlng
Að innan er Vito nokkuð hefð-
bundinn, þ.e. fyrirkomulag mæla-
borðs og mælarnir sjálfir en
skemmtileg tilbreyting er gír-
stöngin. Hún er í mælaborðinu,
rétt hægra megin við bflstjóra og
nokkuð vel staðsett en ekki í gólfí
eins og algengt er/Hún er stutt
og þarf ekki miklar hreyfingar
milli gíra, jafnvel of stutt en það
venst hins vegar nokkuð veL Þetta
er mjög haganlegt þegar farþega-
sætin við hlið bflstjóra eru tvö -
þá er ekki hætta á að miðjufarþeg-
inn sé fyrir eða trufli við gírskipt-
ingar.
Sé bíllinn tekinn til farþega-
flutninga getur sætaskipan verið
mjög fjölbreytt. Hægt er að hafa
tvo stóla frammí eða tvö minni
háttar sæti við hlið bflstjóra. Þá
AÐSTAÐA ökumanns er góð í Vito og sérstaklega er staðsetning gírstangar skemmtileg.
HÆGT er að taka Vito með eða án farþegasæta.
er hægt að hafa þijá stóla í miðju
eða tvo þar og þijá aftast og
getur Vito því verið allt að átta
manna bíll. Þá er farangursrými
orðið takmarkað en örlítið samt.
í þessari útgáfu fer lítið fyrir
klæðningum og þægindum og því
myndu þeir sem taka bílinn sem
farþegabíl trúlega vilja klæða
hann meira. Þannig hefur Guð-
mundur Jónasson hf. t.d. tekið
einn slíkan bíl til smærri hóp-
ferða.
Vlnnur vel
Vélin í Vito sem var prófaður
er 2,3 lítra dísilvél með forþjöppu
sem er 98 hestöfl en hún er ann-
ars 79 hestöfl. Hún býður uppá
góða vinnslu, hefur ekkert ofurvið-
bragð þrátt fyrir forþjöpppu og
millikæli en dugar mjög vel til
allra venjulegra snúninga í þétt-
býli og er seig í langferðum. Á
vissu snúningssviði á þjóðvega-
akstri verður vart við eins konar
hátíðnihljóð í efsta gír sem getur
orðið hvimleitt en það er þó ekki
til stórvandræða. Vito er mjög
meðfærilegur og lipur og er á all-
an hátt vel fallinn til snattferða
sem fyrirtækisbíll í smáflutning-
um. Burðargetan er kringum 900
kg en bíllinn sjálfur vegur 1.705
kg. Vito er 4,66 m langur, 1,87 m
breiður og 1,87 m hár. Hjólhafið
er 3 metrar.
Vito kostar kr. 2.850.000 sé
hann tekinn með farþegasætum,
rúmar 2,5 milljónir ef hann er
ætlaður til sendiferða (2,4 m. kr.
með minni vélinni) og rúmar 2,3
ef hann er tekinn gluggalaus. Bíll-
inn er einnig fáanlegur með
tveggja lítra bensínvél sem er 129
hestöfl og kostar þá gluggalaus
bfll tæpar 2,3 milljónir, 2,5 með
gluggum og tæpar 2,8 með glugg-
um og sætum. ■
Jóhannes Tómasson
Utbúa
sjúkrabíl
fyrir Fær-
eyinga
FORD-umboðið Brimborg, Bíla-
smiðja G og Ó og Donna hf. í Hafn-
arfirði hafa tekið að sér að útvega
og útbúa Ford Econoline sjúkrabfl
fyrir Landsjúkrahúsið í Þórshöfn í
Færeyjum. Ford-umboðið gerði
sjúkrahúsinu tilboð ásamt sam-
starfsaðilunum og segir Ríkharður
Ulfarsson hjá Brimborg að hér sé
um að ræða fullkominn sjúkrabíl
með margs konar neyðarbúnaði.
Um er að ræða aldrifinn Econol-
ine með 7,3 1 210 hestafla dísilvél,
vökvastýri, fjögurra gíra sjálfskipt-
ingu með yfirgír, tregðulæsingu,
hemlalæsivörn, líknarbelg og fleiru.
Hliðhurðir eru tvískiptar með
gluggum og afturhurð sömuleiðis.
Bifreiðasmiðja Gunnlaugs og Ósk-
ars tekur að sér ýmsar breytingar
á bílnum, m.a. að hækka yfirbygg-
ingu, setja skilvegg með rennihurð
milli bílstjóra- og sjúkrarýmis, bekk
og borð og ýmsan annan búnað
vegna tækjakosts sem í bílnum
þarf að vera. Þá er komið fyrir
aukamiðstöð, Ijósum og bíllinn er
klæddur í hólf og gólf. Frá Donnu
í Hafnarfirði koma sjúkrabörur, ljós
og sírena.
Gert er ráð fyrir að afhenda bfl-
inn sem er af árgerð 1997 síðar á
þessu ári. ■
Mitsubishi
innkallar
MITSUBISHI Motors, þriðji stærsti
bflaframleiðandi Japans, hefur
þurft að innkalla næstum 300 þús-
und bíla í Japan og 335 þúsund
bfla annars staðar i heiminum til
þess að gera við galla sem gæti
leitt til hemlabilunar. Bílarnir eru
allir framleiddir á tímabilinu 2. apríl
1990 til 31. maí 1995 og eru af
gerðunum Sigma, Pajero, Dia-
mante, Debonair og GTO.
Bíll númer 250
millj.
BÍLL númer 250 milljón af Ford
gerð rúllar af færibandi einnar af
47 verksmiðjum Ford einhvem
næstu daga. Ford hefur framleitt
bíla síðan 1903. Mest hefur verið
framleitt af Ford Escort en í öðru
sæti kemur svokallaður „Tin Lizzie"
sem einnig kallaðist Ford T. Smíð-
aðir voru 12,5 milljónir bílar af
þeirri gerð.
Jenið lækkar
LÆKKANDI gengi japanska jens-
ins gagnvart dollar er mikill
ánægjuauki fyrir japanska bíla-
framleiðendur. Þeir gætu notað
gengislækkunina til þess að auka
hagnað sinn eða til þess að auka
söluna á kostnað samkeppnisaðila
heima fyrir og erlendis. Bandarískir
og evrópskir framleiðendur eru að
sama skapi uggandi vegna gengis-
þróunarinnar.
C-línu coupé
MERCEDES-Benz býr sig undir að
setja á markað tveggja dyra sport-
útfærslu af C-línu bflnum en hann
verður kynntur í Evrópu snemma á
næsta ári. Hjólhaf bílsins verður hið
sama og C-stallbaksins en afturljós
og kringlóttar framlugtir eru með
sama útliti og á E-línu bflnum. ■