Morgunblaðið - 11.08.1996, Blaðsíða 4
4 C SUNNUDAGUR 11. ÁGÚST 1996
MORGUNBLAÐIÐ
FERÐALÖG
SPRUNGUSVÆÐI á Langjökli skoðað.
Morgunblaðið/ Arna
HORFT frá Langjökli yfir til Þjónustuskálans Jaka.
I návígi við
Langjökul
„SJÁÐU, hvernig þokan læðist í
burtu,“ segir Jakob við afa sinn
Kristleif Þorsteinsson frá Húsafelli,
sem keyrir veginn í gegnum Kalda-
dal í átt að Langjökli. Blaðamaður,
sem einnig er með í för, lítur út um
bílgluggann og sér hvernig Langjök-
ull kemur smám saman í ljós undan
þokunni, rétt eins og einhver sé að
svipta hulunni af þessum fallega og
tignarlega jökli. Við jökulrætur
glampar á lítið hús, sem Kristleifur
segir vera þjónustuskála, meðal ann-
ars fyrir þá sem hyggja á ferðir upp
á jökulinn. „En þangað er för okkar
einmitt heitið í dag,“ segir hann.
Kristleifur er einn af stofnendum
vélsleðaleigunnar Langjökuls hf. sem
bjóða upp á vélsleða- og snjóbílaferð-
ir um jökulinn.
Skömmu síðar rennur Kristleifur
í hlað hjá þjónustuskálanum sem
nefnist Jaki, en þaðan er stórbrotið
útsýni. Nokkrir ferðamenn eru að
baksa við að klæða sig í hlýja galla
og stígvél, en aðrir standa með
hjálma undir hönd, tilbúnir að leggja
af stað upp jökulinn. Blaðamaður fær
einnig hlífðarföt á staðnum og heldur
af stað, í snjóbíla- og vélsleðaferð,
ásamt öðrum ferðamönnum.
Hægt er að velja um tvenns konar
ferðamáta á jöklinum. Sumir vilja
þeysa um á vélsleðum, á meðan aðr-
ir velja rólegri ferð á snjóbílnum.
Leiðsögumenn eru í broddi fylkingar
og fara með hópinn í skemmtilega
ferð, þar sem meðal annars er stopp-
að hjá sprungusvæði skammt frá
Geitlandsjökli, hæsta kolli Langjök-
uls. Útsýnið er stórkostlegt og ólýs-
anleg sú tilfinning að þeysa um á
vélsleða um víðáttu jökulsins.
Dagsferðir frá Reykjavík
Vélsleðaleigan Langjökull hf. býð-
ur upp á þessar skipulögðu snjóbíla-
og vélsleðaferðir allt sumarið og fram
í október, alla daga vikunnar. Boðið
er upp á ólíkar leiðir um jökulinn,
sem taka mislangan tíma og fer verð-
ið á ferðunum eftir því, frá 2.200
krónum upp í 8.400 krónur. Innifalið
í því er leiðsögn og allur nauðsynleg-
ur klæðnaður. Blaðamaður minnir
þó fólk á, að taka með sér sólgler-
augu og sólvarnarkrem.
Að sögn Magnúsar Magnússonar
ráðsmanns í þjónustuskálanum Jaka
njóta ferðirnar upp á Langjökul sf-
fellt meiri vinsælda og hefur þeim
sem nýta sér þessar ferðir fjölgað
um helming frá því í fyrra. „Mark-
aðssetning á jöklaferðunum er að
skila sér, en einnig skiptir miklu
máli að vegurinn að jöklinum er mun
betri. Þetta vita bílstjórar fólkflutn-
ingabifreiða og víla því ekki fyrir sér
að koma hingað með ferðamenn,“
segir Magnús og bætir því við, að
venjulegir fólksbílar eigi líka auðvelt
með að komast að jöklinum.
Vélsleðaleigan Langjökull hf. er
um 100 kílómetra frá Reykjavík,
enda verða dagsferðir þangað frá
höfuðborginni æ vinsælli. Auk þess
eru reglulegar rútuferðir á Langjökul
frá Þjónustumiðstöðinni á HúsafelK
Arna Schram
Gistiheimili opnað í Gamla bænum á Húsafelli
Áhersla hefur verið lögð á að hafa innviði
hússins í upprunalegu horfi, og má þar sjá
marga hluti sem hafa fylgt bænum alla tíð.
f kjallara hússins er veitingastaður, þar sem
ríkjum ræður kokkurinn Matthías Jóhanns-
son, en hann hefur reyndar fleiri skyldum
að gegna í þessum gamla bæ, því hann sér
meðal annars um daglegan rekstur gisti-
heimilisins.
Á miðhæðinni eru þrjú herbergi, með
tveimur rúmum hvert, en á efstu hæðinni
eru tvö tveggja manna svefnherbergi. Matt-
hías segir að ein nótt í tveggja manna her-
bergi, með uppábúnum rúmum, þar sem
baðaðstaða er frammi á gangi, kosti fjögur
þúsund krónur, en ein nótt í tveggja manna
herbergi, með sér baði kosti fimm þúsund
krónur. Svefnpokapláss kostar tólf hundruð
krónur. f veitingasalnum í kjallaranum er
svo meðal annars boðið upp á morgunverð,
sem kostar sjö hundruð krónur á manninn.
Sælkeraferð
með Randver
FERÐASKRIFSTOFAN Úrval/Út-
sýn býður upp á svokallaða drauma-
ferð sælkerans, sem er vikudvöl í
helsta vínræktarhéraði Norður-ítal-
íu. Flogið verður til Milanó 7. sept-
ember og frá sama stað 14. septem-
ber.
Randver Þorláksson leikari verð-
ur fararstjóri og mun hann leiða
tuttugu manna hóp í fræga vínkjall-
ara og veitingastaði, sem annálaðir
eru fyrir ljúffenga rétti. Að sögn
Randvers verður gist eina nótt í
Mílanó, farið í skoðunarferð um
borgina daginn eftir og síðan haldið
til Soavehéraðsins þar sem gestir
gæða sér á ýmsum vínum, sem
framleidd eru í héraðinu. Um kvöld-
ið verður haldið til Bassano del
Grappa, sem Randver segir und-
urfagra borg, en þar verður dvalið
á fjögurra stjörnu hóteli.
Frá hótelinu leggur hópurinn upp
í hinar ýmsu ferðir næstu daga. í
öllum ferðunum skipa margrétta
sælkeramáltíðir og vínsmökkun
veglegan sess, en auk þess verða
gamlar byggingar og kastalar og
sögufrægir staðir skoðaðir. Meðal
annars verður farið til Padua í Ven-
eto-héraðinu, Feneyja, borgarinnar
Vicenza og einum degi verður varið
við Garda-vatnið.
Randver þekkir vel til á Italíu
og er mikill Italíuaðdáandi. Hann
hlakkar til að sýna landanum hvað
ítalirnir bjóða best í mat og drykk.
Sjálfur hyggst Randver dveljast
áfram á Ítalíu. „Ég ætla að skella
mér í skóla, svona á gamals aldri,
og læra ítölsku í Flórens. Síðan hef
ég mikinn áhuga á að fara til Bol-
ogna og fylgjast með æfingum
Kristjáns Jóhannssonar á Othello
eftir Verdi,“ segir Randver, sem
hyggst vera með kynningu á fyrir-
hugaðri sælkeraferð á veitingahús-
inu La Prima Vera á næstunni. ■
Á BÆJARSTÆÐINU á Húsafelli í Hálsa-
sveit stendur gamalt en reisulegt steinhús,
sem heimamenn kalla Gamla bæinn. Undan-
farna áratugi hefur húsið verið í mjög
slæmu ásigkomulagi en síðastliðinn vetur
var hafist handa við að gera það upp að
frumkvæði Kristleifs Þorsteinssonar á
Húsafelli. Gamli bærinn var gerður upp
með það í huga að þar yrði gistiheimili og
var það formlega opnað 1. ágúst síðastlið-
inn.
Rétt er að getajæss að Gamli bærinn á
sér merka sögu. Astríður Þorsteinsdóttir,
ekkja Þorsteins Magnússonar, og börn
hennar hófust handa við byggingu hússins
árið 1908, og var það fyrsta steinhúsið I
Hálsasveit. Gamli bærinn þykir líka sér-
stæður vegna þess hve margir íslenskir
myndlistarmenn hafa dvalið þar í gegnum
tíðina. Má sem dæmi nefna Ásgrím Jónsson
og Guðmund Thorsteinsson eða Mugg.
Skemmtilegt er um að litast í Gamla
bænum eftir að hann var gerður upp.
Morgunblaðið/Ama
KRISTLEIFUR á Húsafelli og eiginkona
hans Sigrún Bergþórsdóttir í anddyri
Gamla bæjarins á Húsafelli, sem
nýlega var gerður upp.
RANDVER
Þorláksson
BASSANO
del Grappa
Bæklingur
f rú Heims-
ferðum
um London
HEIMSFERÐIR hafa gefið út
átta síðna, litprentaðan upp-
lýsingabækiing um London í
tilefni þess að ferðaskrifstofan
verður með flug til borgarinn-
ar tvisvar í viku, á mánudög-
um og fimmtudögum, frá og
með næstu mánaðamótum.
í bæklingnum eru upplýs-
ingar um hótel sem Heims-
ferðir bjóða upp á, fjallað er
um það helsta í leikhúsunum,
söfn, sem vert er að skoða,
kynnisferðir undir leiðsögn
fararstjóra, þægilegasta
ferðamátann um borgina,
verðlag og sitthvað fleira.
Ennfremur eru verðdæmi, t.d.
kostar flug og hótel í þijár
nætur 24.930 kr. ■
Haustferðir
hjá Bænda-
ferðum
BÆNDAFERÐIR efna til
tveggja haustferða, annars
vegar til Þýskalands 26. októ-
ber - 2. nóvember og hins veg-
ar til írlands 17.-22. nóvem-
ber.
Þýskalandsferðin hefst á því
að flogið er til Lúxemborgar.
Gist verður hjá vínbændum í
þorpi, sem heitir Leiwen við
ána Mosel. Farið verður í stutt-
ar skoðunarferðir, m.a. til
Rúdesheim við Rín, Bernkastel
og Trier við Mosel, auk þess
sem Lúxemborg verður skoð-
uð. Þá verður bóndi, sem
stundar lífræna búvörufram-
leiðslu, heimsóttur og einnig
annar sem rekur stórt, tækni-
vætt kúabú.
Ferðin er á kr. 44.550 á
mann. Innifalið flug, skattar,
gisting í tveggja manna her-
bergi, morgunverður, akstur
og fararstjóm.
írland
Flogið verður til Dublin,
ekið rakleiðis til vesturstrand-
arinnar og gist á hóteli í miðbæ
Galway i þrjár nætur. Farin
verður skoðunarferð suður til
Shannon-flugvallar og lýkur
ferðinni með miðaldaveislu í
Bunratty-kastala. Þá verður
farið í heimsókn til nautgripa-
og sauðfjárræktarbónda. Gist
verður á Burlington-hótelinu í
Dublin tvær síðustu næturnar.
Ferðin er á 35.800 kr. á
mann. Innifalið flug, skattar,
gisting í tveggja manna her-
bergi, morgunverður, akstur
og fararstjórn. ■