Morgunblaðið - 21.08.1996, Blaðsíða 4

Teitur er tilbúinn
TEITUR Örlygsson hefur œft stíft að undanförnu með sínu nýja liði, Larissa á Grikklandi, en
þar mun hann leika í vetur, í einni bestu deild Evrópu. Teitur var í byrjunarliði Larissa á dögun-
um og á von á að vera það þegar deildarkeppnin hefst, þann 14. september.
MMR
inn Grikki í byijunarliðinu. Við vor-
um með ítalskan miðhetja, ég og
[Richard] Dumas vorum framherjar
og Arthur nokkur Long, sem er hér
til reynslu, var bakvörður og ieik-
stjórnandinn er frá Úrugvæ. Mér
sýnist eins og við munum leggja upp
með að leika hratt og hiaupa mikið,
síðan verður maður að vera duglegur
að skjóta."
- Er liðið orðið fullmannað hjá
ykkur?
„Nei, ekki segja forráðamennirnir.
Þeir segjast ætla að kaupa einn leik-
mann til viðbótar og Long er til
reynslu og ég veit ekki hvort þeir
ætla að taka hann eða einhvern
annan. Dumas er frábær leikmaður,
en hann lék í fyrra með Philadelphia
76ers í NBA deildinni. Hann er mjög
geðþekkur og þægilegur náungi og
alls ekki eigingjarn," segir Teitur
um Richard Dumas, sem hann leikur
við hliðina á í vetur.
Aldrei borðað
eins mikið
Félagið, Larissa, er í samnefndri
borg um þriggja klukkustunda akst-
ur norður af Aþenu. Borgin er á
austanverðum skaganum, þó ekki
við ströndina og því hlýtur að vera
heitt hjá Teiti. „Já, blessaður vertu.
Þetta er eins og í suðupotti og ég
hef aldrei nokkurn tíma borðað eins
mikið og ég geri núna. Ég verð að
borða og drekka meira og minna
allan daginn til að hafa orku í æfing-
arnar. Það er reyndar ágætt að mér
finnst maturinn hér góður þannig
að þetta er engin kvöl. Það gengur
rólega að læra grískuna því letrið
er öðruvísi og því tekur þetta allt
lengri tíma en ella. Larissa er ein
af stærri borgum Grikklands og hér
er maður í hjarta menningarinnar,
það er ekki mikið um ferðamenn hér
og menn tala því lítið annað en
grísku," sagði Teitur.
Söguleg-
ur sigur
Stoke
LÁRUS Orri Sigurðsson og
félagar í Stoke sigruðu Old-
ham, sem Þorvaidur frændi
hans Örlygsson leikur með,
2:1 i 1. uraferð ensku 1. deild-
arinnar á Iaugardag. Lárus
Orri sagði sigurinn hafa verið
sætan en varla telst hann hafa
verið sanngjarn. „Þeir byij-
uðu mun betur, áttu raeira
fyrstu 20 mínúturnar en svo
skoraði Mike Sheron fyrir
okkur eftir skyndiupphlaup.
Við höfðum ekkert átt í leikn-
um!“ sagði Lárus Orri við
Morgunblaðið.
Eftir hálftima leik meiddist
svo markvörður Stoke og fór
af velli. Dean Cranson, sem
var miðvörður með Lárus
Orra, fór þá í markið og fljót-
lega skoraði Stoke aftur.
„Eftir það pökkuðum við bara
í vörn, vorum í nauðvörn
langtimum saman.“ Oldham
minnkaði muninn er tíu mín.
voru eftir en náði ekki að
jafna.
Neita að
keppa
í Alsír
S-AFRÍSKA knattspyrnufé-
lagið Pretoria City hefur neit-
að að taka þátt í meistara-
keppni Afríku, sem fram fer
í Alsír í september, og mun
ástæðan vera sú að forráða-
menn félagsins te[ja öryggi i
Alsír ábótavant.
Pretoria, sem leika átti
gegn CR Belouizdad í fyrstu
umferð keppninnar þann 6.
september, á nú yfir höfði sér
háa sekt frá afriska knatt-
spyrnusambandinu vegna
þessa en félagið er það fyrsta
í tvö ár sem neitar að ferðast
til Alsír vegna öryggisleysis.
Haukar til
Finnlands
KÖRFUKN ATTLEIKSLIÐ
Hauka heldur um helgina til
Finnlands þar sem piltamir
munu taka þátt í móti, svo-
kallaðri Norður-Evrópu-
keppni. Mótið fer fram i Uusi-
kaupunki, hefst mánudaginn
26. ágúst og þar keppa auk
heimaliðsins lið Via Riga frá
Lettlandi, Haukar og Ste-
vengade frá Danmörku.
Fimmta sæti á NM
Islenska landsliðið skipað leikmönn-
um 18 ára og yngri hafnaði í
fimmta sæti á Norðurlandameistara-
mótinu sem lauk í Falköping í Sví-
þjóð um helgina. Liðið tapaði tveimur
leikjum en hafði betur í tveimur.
Fyrsti leikurinn var gegn Norðmönn-
um og tapaðist hann 3:1, 15:12,
15:12, 7:15 og 15:6. Næst lék ís-
lenska liðið gegn Svíum og var sá
leikur mun jafnari þrátt fyrir að
hann tapaðist einnig, 3:2. Þar höfðu
íslensku piltarnir betur í tveimur
fyrstu lotunum, 15:8, 15:8, en þá
tóku Svíar til sinna ráða og unnu
þriðju lotuna 15:5. Fjórða lotan var
hnífjöfn en íslenska liðið náði þriggja
stiga forystu undir lokin, 13:10, en
frábær endasprettur Svía færði þeim
sigur, 15:13.15:13. Sænsku strákam-
ir höfðu fmmkvæðið í þriðju lotunni
og höfðu betur, 15:10, er yfir lauk.
Þar með varð ljóst að íslendingar
mættu Færeyingum í leik um 5.
sætið og áttust þjóðirnar við í tví-
gang og hafði íslenska liðið betur í
bæði skiptin 3:1 og 3:0. í fyrri leikn-
um unnu Færeyingar fyrstu hrinuna
15:12 og önnur lotan var jöfn og
skemmtileg en íslensku piltarnir
náðu að vinna 15:12. Tvær síðari
lotumar vora einstefna af hálfu ís-
lands og úrslit 15:1 og 15:7. Tvær
fyrstu hrinur í síðari leiknum enduðu
15:12 og sú síðasta 15:4.
Danir urðu Norðurlandameistarar,
Finnar höfnuðu í öðra sæti, Noregur
í þriðja og Svíar höfnuðu í fjórða sæti.
KEPPNISTÍMABILIÐ ígriska
körfuknattleiknum hefst eftir
tæpan mánuð, eða 14. septem-
ber. Meðal þeirra sem þá hefja
leik er Teitur Örlygsson, sem
mun leika með Larissa í vetur.
Gríska deildin er talin ein sú
besta í Evrópu og það verður
því athyglisvert að fylgjast með
hvernig Teiti gengur þar.
Eg kann ágætlega við mig hérna,
við erum komin með íbúð og
fáum bíl á næstu dögum, þannig að
það stendur flest sem Grikkirnir lof-
uðu. Það eina sem er fremur leið-
inlegt eru æfíngarnar, en æfinga-
tímabilið er venjulega leiðinlegt
þannig að það er engin breyting frá
því sem var heima. Maður bíður
spenntur eftir að æfingaálagið
minnki og leikirnir taki við, alveg
eins og maður gerði heima,“ sagði
Teitur í samtali við Morgunblaðið.
Tvær langar æfingar á dag
Hann segir að mikið sé æft. „Við
æfum tvisvar á dag. Á morgnana
eru það lyftingar og hlaup og er sú
æfing um það bil tvær klukkustund-
ir og á kvöldin æfum við frá klukk-
an sjö og maður er kominn heim
um klukkan tíu. Ég bý rétt hjá
íþróttahúsinu þannig að kvöldæfíng-
arnar era í tvo og hálfan tíma. Þetta
fer nú að lagast því það styttist í
að deildin byiji og í næstu viku för-
um við til Saloniki þar sem við verð-
um með í móti. Þar leika auk okkar
' lið Saloniki, PAOK, Partisan
Belgrad, Bologna frá Ítalíu og tyrk-
nesku meistararnir. Þetta eru allt lið
sem eru sterkari en við og það verð-
ur gaman að eiga við þau.“
Var feiminn við að skjóta
- Eru þetta þá fyrstu ieikirnir hjá
ykkur?
„Nei, ekki alveg því við lékum
æfingaleik við júgóslavneskt lið um
síðustu helgi og unnum það með
fimmtán stiga mun. Liðið hafði áður
unnið Saloniki þannig að það eru
sviftingar í þessu. Ég var í byijunarl-
iðinu og lék í um það bil 25 mínút-
ur. Ég gerði sjö stig í leiknum, mað-
ur var hálffeiminn við að skjóta og
é-g skaut bara fimm sinnum og hitti
úr þremur.“
- Er markið sett hátt í vetur?
„Liðið rétt slapp við fall í fyrra
en hefur keypt fleiri leikmenn núna
þannig að menn gera sér vonir um
að komast í úrslitakeppnina. Það eru
Qórtán lið í deildinni og tólf komast
í úrslitakeppnina en tvö falla. Mér
sýnist að þetta geti orið ansi erfitt
því við erum með lágvaxnasta liðið
og stóru liðin, eins og Panathinaikos
og Olympiakos, tapa varla leik á
heimavelli."
- Áttu von á að vera í byrjunarlið-
inu í vetur?
„Maður getur auðvitað aldrei sagt
neitt um það, en miðað við hvernig
þetta er þessa stundina á ég von á
því. Það er rúmlega tvítugur strákur
sem leikur tvistinn, sömu stöðu og
ég, og ég er miklu betri skytta en
hann. í þessum æfingaleik var eng-
KORFUKNATTLEIKUR
Teitur í byijunari iði
Larissa í Grikklandi
BLAK