Morgunblaðið - 23.08.1996, Blaðsíða 3

2 C FÖSTUDAGUR 23. ÁGÚST 1996
MORGUNBLAÐIÐ
MORGUNBLAÐIÐ
FÖSTUDAGUR 23. ÁGÚST 1996 C 3
ÍÞRÓTTIR
ÍÞRÓTTIR
Þá var gaman að vera
íslendingur í Ósló
Fimmtíu ár eru í dag, 23. ágúst, frá því
Gunnar Huseby varð Evrópumeistari í frjáls-
íþróttum, fyrstur íslendinga. Sigurður
Helgason er að skrifa bók um Huseby og
einn kaflinn fjallar um þennan sögulega
atburð í íþróttasögu landsins. Kaflinn úr
væntanlegri bók fer í heild hér á eftir.
Ohætt er að fullyrða að árið
1946 hafi verið brotið blað
í sögu íslenskra íþrótta. Segja má
að það marki upphaf þess tímabils
sem oft hefur verið kallað gullöld
fijálsra íþrótta á íslandi. Meðan á
heimsstyijöldinni stóð voru öll
milliríkjasamskipti íþróttafólks af
skornum skammti. Það hafa
reyndar án efa talist forréttindi
fyrir íslenska íþróttamenn að fá
tækifæri til að etja kappi við
íþróttamenn úr hernámsliðinu.
Heimsókn fjögurra sænskra
íþróttamanna til Islands í júlíbyij-
un 1946 vakti talsverða athygli.
Okkar fremsti íþróttamaður átti
sér ekki marga innlenda keppi-
nauta sem líklegt var talið að
gætu sigrað hann og þess vegna
hljóta erlendir keppnismenn að
hafa verið hinir mestu aufúsugest-
ir. Sé miðað við fréttir af fijáls-
íþróttamótum þetta sumar hlýtur
heimsókn Svíanna að teljast hafa
skipt miklu máli og að hafa verið
mikilvægur liður í undirbúningi
þeirra sem til stóð að tækju þátt
í fyrsta Evrópumótinu eftir seinni
heimsstyijöldina, en það var haldið
í ágúst 1946 í Ósló. Eftir Svía-
keppnina birtist yfírlitsgrein í Al-
þýðublaðinu eftir Helga Sæmunds-
son. Þar segir meðal annars:
„Margir munu hafa búist við
harðri keppni í kúluvarpinu og
kringlukastinu milli Gunnars
Husebys og Herberts Willnys.
Willny hefur í heimalandi sínu
kastað kúlunni yfir 15 metra, en
á fyrsta fijálsíþróttamóti ársins
var Huseby illa fyrirkallaður og
kastaði um metra styttra en hið
glæsilega met hans var. Og afrek
Willnys í kringlukasti bentu ótvír-
ætt til þess að Huseby ætti skæð-
um keppinauti að mæta. En
Huseby kom, sá og sigraði. Hann
vann kúluvarpið báða dagana með
miklum yfírburðum, þar eð hann
kastaði fyrri daginn 15,69 metra
en Willny 14,30 metra og síðari
daginn 15,48 metra, þegar Willny
kastaði aðeins 13,95 metra. Bætti
Huseby þannig hið glæsilega met
sitt frá 17. júní í fyrra um 12 senti-
metra og sýndi enn einu sinni að
hann er konungur fijálsíþrótta-
manna okkar.“
Síðar í sömu grein segir: „Hið
nýja metafrek Gunnars Husebys í
kúluvarpinu veitir 999 stig sam-
kvæmt finnsku stigatöflunni og
er miklum mun besta afrek sem
íslenskur fijálsíþróttamaður hefur
unnið. Var þó afrek þetta unnið
við mjög óhagstæð skilyrði sem
fyrr getur. Þess er því vissulega
að vænta, að Huseby geri enn
betur, sér í lagi í harðri keppni,
en hana fær hann efunarlaust á
Evrópumeistaramótinu í Ósló. Æfi
hann vel þangað til, er hann líkleg-
ur til mikilla afreka og jafnvel sig-
urs.“
Kannski voru íþróttaáhuga-
menn á Islandi þarna fyrst að átta
sig á að það væri fræðilegur mögu-
leiki á góðum árangri á mótinu í
Ósló og jafnvel einhver möguleiki
á sigri.
En afrek íslenskra fij álsíþrótta-
manna og þá ekki síst Husebys
voru farin að vekja athygli erlend-
is. Menn leituðu skýringa og með-
al þess sem var nefnt var að
Bandaríkjamenn í hernámsliðinu
hefðu veitt Gunnari Huseby til-
sögn. Það var ekki á rökum reist.
í Arbók íþróttamanna árið 1945
segir m.a.: „Nýlega hefur sænska
íþróttablaðinu borist fregn um
árangur Gunnars Huseby og Skúla
Guðmundssonar. Það hefur farið
nokkrum orðum um afrek Gunnars
og telur hann vera besta eða með
bestu kúluvörpurum Evrópu, sé
árangur hans réttur. Blaðinu kem-
ur afrek hans greinilega á óvart
og heldur að þetta muni vera verk
bandarískra hermanna, en Amer-
íkumenn eru beztu kúluvarparar í
heimi, svo sem kunnugt er. Þetta
er þó rangt til getið. Gunnar
Huseby hefur ekki notið leiðsagn-
ar erlendra manna.“
Einn fararstjóra sænsku fijáls-
íþróttamannanna sem kepptu hér
á landi í júlí 1946 var Sverker
Benson íþróttaritstjóri. Hann
skrifar í grein sem birtist í Morg-
unblaðinu laugardaginn 10. ágúst
1946:
„Það er enginn efi á því, að þér
eigið nú þijá menn sem munu
standa sig vel í Ósló, sem sé Gunn-
ar Huseby, Finnbjörn Þorvaldsson
og Skúla Guðmundsson.
Gunnar Huseby er líklegastur.
En hann verður að nálgast 16
metrana ef hann á að koma með
sigri heim. Og það gerir hann.
Hann hefur hæfileika til að verða
besti kúluvarpari í heimi, eins og
nú stendur. En það er undir honum
sjálfum komið hve langt honum
tekst að ná. Hann ákveður það
sjálfur með líferni sínu - löngum
nætursvefni, stöðugri þjálfun og
afneitun áfengis og annarra eitur-
tegunda. Það eru grundvallar skil-
yrði. En það borgar sig að leggja
það á sig.“
Þarna er kveðið skýrt að orði
og í orðum Svíans er fólgin ákveð-
in ögrun sem án efa hefur haft
tilætluð áhrif. Ekki hefur sú vitn-
eskja að á þessum tíma var Gunn-
ar talinn meðal bestu kúluvarpara
í heiminum heldur dregið úr kappi
hans og áhuga. Þeir voru alls ekki
margir sem gátu sigrað hann þeg-
ar hann lagði sig fram í keppni.
Fram að þessu hefur það
áreiðanlega ekki verið algengt að
íslenskir íþróttamenn færu í æf-
ingabúðir til að búa sig undir stór-
ræði. í frétt í Alþýðublaðinu 24.
júlí er greint frá því að Óslóarfar-
arnir væru að undirbúa ferð í
æfingabúðir að Reykjum í Hrúta-
firði. Auk þeirra áttu að vera þar
nokkrir fleiri íþróttamenn, þar á
meðal ungir íþróttamenn sem voru
að æfa fyrir drengjameistaramót-
ið. Meðal afreksmanna á því
drengjameistaramóti voru margir
þeirra sem gerðu garðinn frægan
á fijálsíþróttavellinum á sjötta
áratug aldarinnar.
Keppendur íslands á Evrópu-
meistaramótinu 1946 voru tíu tals-
ins og kepptu í ellefu keppnis-
greinum. Þeir voru: Björn Vil-
mundarson, KR, í langstökki og
þrístökki, Finnbjörn Þorvaldsson,
IR, í 100 og 200 metra hlaupum,
Gunnar Huseby, KR, í kúluvarpi
pg kringlukasti, Jóel Sigurðsson,
ÍR, í spjótkasti, Jón Ólafsson, UÍA,
í kringlukasti, Kjartan Jóhanns-
son, ÍR, í 400 og 800 metra hlaup-
um, Oliver Steinn, FH, í lang-
stökki, Óskar Jónsson, IR, í 800
og 1500 metra hlaupum, Skúli
Guðmundsson, KR, í hástökki og
Stefán Sörensson, HSÞ, í þrístökki
og langstökki.
Spádómar um sigurvegara í ein-
stökum greinum voru í gangi og
ætluðu margir sér stór afrek.
Sænski spretthlauparinn Lennart
Strandberg gerði slíkan lista og
reiknaði þar með sigri Gunnars
Huseby í kúluvarpinu. Rússar áttu
eins og margar aðrar þjóðir í
stríðshijáðri Evrópu erfitt upp-
dráttar eftir seinni heimsstyijöld-
ina. í frétt í Alþýðublaðinu frá 8.
ágúst segir að áætlað sé að 15
rússneskir keppendur taki þátt í
mótinu og að þar séu ekki bundn-
ar vonir við sigur nema í einni
keppnisgrein, kúluvarpi. Meistari
þeirra, Heino Lipp, hafði þá nýlega
varpað 16,12 metra. í frétt blaðs-
ins segir ennfremur: „Er því svo
að sjá sem Lipp verði íslandsmeist-
aranum Gunnari Huseby skæður
keppinautur. En saga verður það
til næsta bæjar, ef stærsta og
minnsta ríki Evrópu beijast um
meistaratitilinri í þessari íþrótta-
grein, sem jafnframt er að líkind-
um eina greinin sem þau gera sér
vonir um að vinna.“
Þegar keppnislið íslands var
komið til Óslóar kynntu keppendur
sér aðstæður og æfðu eftir því sem
kostur gafst. Mótið hófst 22. ág-
úst, en hinn 21. kastaði Huseby
kúlunni 15,98 metra á æfingu. Það
er 29 sentimetrum lengra kast en
íslandsmetið var þá.
Til að gera langa sögu stutta
varð Stefán Sörensson fyrstur ís-
lendinga til að etja kappi á mót-
inu, þegar hann keppti í þrí-
stökki. Hann hafnaði í sjöunda
sæti, stökk 14,11 metra, en sigur-
vegarinn, Rautio frá Finnlandi,
stökk 15,17 metra.
Næstur kom Skúli Guðmunds-
son sem keppti í hástökki og átti
hann við einhver meiðsli á fæti
að stríða. Hann stökk 1,90 metra
og hafnaði í sjöunda sæti, en sá
sem bar sigur úr býtum, Bolinder
frá Svíþjóð, stökk 1,99 m. Kjartan
Jóhannsson hljóp 400 metra hlaup
og hafnaði í 6. sæti í sínum riðli
á 50,7 sekúndum og var það jafnt
íslandsmeti hans. Eftirvæntingin
jókst umtalsvert hjá íslenskum
áhorfendum og keppendum þegar
kom að keppninni í kúluvarpi.
Þrettán hófu keppni. Skilyrði til
að öðlast rétt til að taka þátt í
aðalkeppninni var að kasta yfir
14 metra í forkeppninni. í henni
kastaði Gunnar 15,64 metra og
var þá sá eini sem kastaði yfir 15
metra.
Ingólfur Steinsson var fréttarit-
ari Vísis á mótinu og að því loknu
skrifaði hann greinaiy þar sem
hann rakti gang mála. í umfjöllun
um keppnina í kúluvarpi þar sem
forkeppninni var lokið og Gunnar
beið eftir úrslitakeppninni segir
m.a.: „Á meðan Huseby beið eftir
bíl, til að fara til „herbúðanna" fór
hann inn á veitingahús, er var
skammt frá íþróttavellinum og
fékk sér kaffi - en á meðan fyllt-
ist veitingahúsið af mönnum, er
söfnuðu eiginhandarskriftum og
hópuðust þeir kringum Huseby.
Veitingamaðurinn sá sér ekki ann-
að fært en að loka, svo fjölmennt
var orðið inni.“
Gátum bara
veifað höttunum
Konráð Gíslason skrifaði í grein
um þessa keppni í íþróttablaðinu:
„Við íslendingarnir sem horfðum
á þessa keppni vorum með lífið í
lúkunum meðan á henni stóð. Við
hétum á Gunnar að duga nú vel
landi sínu og þjóð, því að hér var
eini möguleikinn fyrir okkur til
þess að eignast Evrópumeistara.
Eftir fyrstu umferðina höfðum við
allir hjartslátt. Gunnar hafði kast-
að 14,94 m en Rússinn 15,28. En
í næstu umferð lyftist á okkur
brúnin. Nú kastaði Gunnar 15,56
m en Rússinn ekki nema 14,95 m
og aðrir þaðan af styttra. Ennþá
voru fjögur köst eftir svo að margt
gat skeð. En við treystum á Gunn-
ar. Þó var það svo að í hvert sinn
sem Goijainov gekk í hringinn þá
fengum við sting og urðum óróleg-
ir og utan við okkur. Og mikið
létti okkur þegar þessari keppni
var lokið og Gunnar orðinn Evr-
ópumeistari. íslenski fáninn var
dreginn að hún og íslenski sigur-
vegarinn stóð á miðjum verðlauna-
pallinum og tók við gullmerkinu.
Þá óskaði ég eftir því að við vær-
um orðnir 50 saman svo við gæt-
um látið alla viðstadda heyra fagn-
aðarhróp okkar. En við vorum
aðeins 2 íslenskir fréttaritarar sem
sátum saman (Ingólfur Steinsson
frá dagblaðinu Vísi sat við hlið
mér) og það eina sem við gátum
gert var að standa upp, taka ofan
hattana og veifa þeim framan í
Gunnar. Op úr aðeins tveimur
mannsbörkum voru alveg þýð-
ingarlaus; þau hefðu dáið út á leið-
inni. En við vorum í sjöunda himni.
Það var tilvinnandi að ferðast alla
leið frá Reykjavík til Ósló til þess
að vera viðstaddur þegar fyrsti
íslenski Evrópumeistarinn var
krýndur. Þá var gaman að vera
íslendingur í framandi landi.“
Þessi lýsing Konráðs Gíslasonar
er ekki sú eina sem til er. Jón
nons StykkishólmsiriáfiA
Laugardaginn 24. ágúst
1-6 sæti kvenna og karla.
Stórglæsilegir vinningar
m.a. 4 utanlandsferðir og 4 GSM farsímar.
Tímapantanir í síma 438-1075 fimmtudag
18.00 - 22.00 og föstudag 16.00 - 22.00
GUNNAR Huseby býr sig undir aí kasta kúlunni í úrslitakeppni Evrópumótslns í Ósló 23. ágúst 1946.
Ingimarsson skrifaði um þetta fyrir
Alþýðublaðið:
„Kúluvarpið hófst um þetta leyti.
Gunnar var 3. í kaströðinni af 9 kepp-
endum í úrslitum. Tveir fyrstu kasta
ekki 14 metra. Huseby nær 14,94 í
fyrsta kasti. Gott kast sem getur þó
aldrei orðið vinningskast. Betur má
ef duga skal. Patterson nær 14,70 m
og svo kemur Rússinn Goijainov með
15,28 m. Við eigum bágt með að trúa
að Huseby láti þetta viðgangast, enda
kemur svarið í næsta kasti: 15,56 m.
Gífurlegur fögnuður í íslensku nýlend-
unni í blaðamannastúkunni. Þó erum
við enn á milli vonar og ótta. Hvað
getur Rússinn? Kemur Huseby með
16 metra kast? Við fáum svörin bráð-
lega. Rússinn getur sem betur fer
ekki meira og 16 metra kastið kemur
heldur ekki í dag. Huseby nær í seinni
köstum 14,82, 15,49, 14,98 og 15,22
metrum, en Rússinn aðeins einu kasti
yfir 15 metra.
Þá loks urðum við rólegir, reistum
okkur í sætunum, réttum úr krypp-
unni og urðum hinir fyrirmannlegustu.
Tókum með lítillæti við hamingjuósk-
um kolleganna og horfðum yfír stúk-
una eins og við ættum allan heiminn.
Síðan _var kallað til verðlaunaafhend-
inga. Islenski fáninn blakti í fyrsta og
eina skiptið á flaggstöng sigurvegar-
anna; Huseby tók brosandi við ákafri
hyllingu mannfjöldans og gullverð-
laununum — þeim fyrstu sem íslend-
ingur vinnur á alþjóðaíþróttamóti.
Blaðamennirnir í kringum okkur
spyija okkur í þaula, og við svörum
þeim eftir bestu getu - erum hinir
elskulegustu, því okkur er svo ein-
kennilega hlýtt til alls og allra.“
I lok greinarinnar segir svo: „Oðrum
degi mótsins, degi íslands var lokið.
Við Islendingarnir hópuðumst saman
til innilegra hamingjuóska, og síðan
héldum við á Karl Johan til að fagna
sigri yfir gómsætum kræsingum."
Viðbrögðin heima á íslandi
Dagblöðin hér heima á íslandi tóku
fregnum af sigri Husebys á Bislett í
Osló fagnandi. Oftar en ekki voru
fregnir af góðum afrekum á forsíðum
blaða og leiðarahöfundar helstu dag-
blaða sáu ástæðu til að láta í ljós gleði
sína yfir góðum árangri.
í leiðara Morgunblaðsins segir m.a.:
„Það hlýtur að vera okkur íslending-
um mikið gleðiefni, þegar einhveijir
landa okkar vinna afreksverk, sem
vekja alþjóða athygli og aðdáun. Nú
hafa fréttir borist um það að íslensku
fijálsíþróttamennirnir sem staddir eru
í Osló og taka þar þátt í Evrópumeist-
aramótinu hafi staðið sig þar mjög
vel, jafnvel framar björtustu vonum.
Einn þeirra, Gunnar Huseby, reyndist
snjallari öllum öðrum íþróttamönnum
álfunnar í einni íþróttagrein, kúlu-
varpi. Getur hver sem er gert sér grein
fyrir hvílíkur heiður það er fyrir hann
og land hans.“
í lok leiðarans segir: „ísland hefur
eignast Evrópumeistara í einni íþrótta-
grein 1946. Þeirri tign megum við
ekki sleppa. Þetta er glæsileg byijun,
höldum áfram á þessari braut.“
í leiðara Alþýðublaðsins 30. ágúst
1946 segir m.a.: „Erlend blöð og þá
sér í lagi blöð grannþjóðanna á Norð-
urlöndunum hafa undanfarna daga
lokið miklu lofsorði á frammistöðu ís-
lensku íþróttamannanna á Evrópu-
meistaramótinu. Sé á það litið hversu
íslenska þjóðin er fámenn og hversu
keppni í hverri íþróttagrein á móti
þessu er hörð verður frammistaða ís-
lendinganna líka að teljast einstakur
viðburður. Það þykir að vonum meira
en lítil tíðindi að smáþjóð skuli eignast
Evrópumeistara." Og síðar í sama leið-
ara: „Það sýnir óneitanlega táp og dug
þjóðarinnar."
í leiðara Vísis 26. ágúst segir að
svo hafi farið eins.og margir hefðu
gert sér góðar vonir um, að Gunnar
Huseby hafi orðið Evrópumeistari í
kúluvarpi. Þar kemur fram sú ósk að
hann eigi eftir að reynast sá brautryðj-
andi, þannig að landið megi síðar eign-
ast marga slíka. Er einnig undirstrikað
mikilvægi íþrótta til að skapa heil-
brigðara samfélag. íslenska keppnisl-
iðið í Ósló hafnaði í 11. sæti. Það þótti
glæsilegur árangur, ekki síst með hlið-
sjón af gömlu, góðu fólksfjöldaregl-
unni. { lokaorðum greinar Konráðs
Gíslasonar um mótið í íþróttablaðinu
segir að við íslendingar getum verið
ánægðir með þann árangur sem okkar
menn náðu á mótinu. Einn hafí orðið
Evrópumeistari í kúluvarpi, annar hafi
komist í úrslit í 100 metra hlaupi og
í fjórum greinum hafi verið sett ís-
landsmet. Og síðan segir: „Og það sem
ekki er minna um vert, framkoma
þeirra var öll með ágætum eins og
sönnum íþróttamönnum sæmir. Og svo
hafa þeir allir lært mikið á þessari
IÞROTTIR FATLAÐRA
Verðlaunin
_ streymatil
íslendinganna
Tvenn bronsverðlaun bættust við í gær
för, sem kemur ekki aðeins þeim
sjálfum að gagni, heldur og öllu
íþróttalífí. Þessi för hefur orðið
Islandi góð landkynning - á því
er enginn vafi.“
Þá var 13 ekki óhappatala
Ingólfur Steinsson sem var
fréttaritari Vísis í Ósló sagði í við-
tali við blaðið 6. september 1946
aðspurður hvar keppendur og aðr-
ir íslendingar sem tengdust
keppninni hefðu búið:
„Þeir bjuggu í svonefndum
Smedstadskamp, rétt utan við
Ósló, sem er talsverðan spöl frá
Bislet-vellinum. Eru þetta gamlar
þýskar herbúðir og hafði hver þjóð
til umráða einn skála. íslending-
arnir bjuggu í skála númer 13, en
þó er ekki hægt að segja að það
hafi verið óhappatala að þessu
sinni, því þeir stóðu sig með af-
brigðum vel eins og öllum er kunn-
ugt.“
Síðar í sömu frétt segir: „Sigri
Gunnars Huseby var óspart fagn-
að og hann vakti mjög mikla eftir-
tekt. Var það hátíðleg stund fyrir
okkur íslendinga þegar íslenski
fáninn var dreginn að hún á þeirri
fánastöng, sem hæst gnæfði við
völlinn.“
Enda þótt sigur Gunnars
Huseby á Evrópumeistaramótinu
í Ósló 1946 hafí vakið mesta at-
hygli, má alls ekki gleyma frábær-
um árangri Finnbjörns Þorvalds-
sonar sem komst í úrslit í 100
metra hlaupi. Hann vann sigur í
sínum riðli í undankeppninni, varð
þriðji í sínum milliriðli og hafnaði
loks í sjötta sæti í úrslitahlaupinu.
Þar fékk hann lakari tíma en í
riðlakeppninni eða 10,9 sek., en
hljóp sekúndubroti hraðar í hinum
tveimur riðlunum. Fyrr má geta
þess að tveir íslenskir keppendur
höfnuðu í sjöunda sæti og aðrir
stóðu sig mjög vel og voru að
gera betur en oft áður.
Aðspurður um viðbrögð er-
lendra blaðamanna við frammi-
stöðu íslendinga segir Ingólfur
Steinsson: „Þeir furðuðu sig á því
hvað ísland ætti marga góða
íþróttamenn þar sem þjóðin væri
svo fámenn, og þótti það vel af
sér vikið, að þeir skyldu standa
sig betur en margar margfalt
stærri þjóðir. Nokkrar þjóðir fengu
ekkert stig, en íslendingar fengu
átta.“
Séu afrek einstakra Evrópu-
meistara metin samkvæmt stiga-
töflu reynist árangur Gunnars
Huseby vera sá tólfti besti af sautj-
án sigurvegurum. Og af stigunum
átta sem íslenska liðið hlaut aflaði
hann sjö, en Finnbjörn fékk eitt
stig fyrir sinn ágæta árangur í
100 metra hlaupinu.
Norska blaðið Aftenposten birti
grein 24. ágúst undir fyrirsögn-
inni: Dagur Englands, Norður-
landa eða íslands. Segir þar m.a.:
„Ja, var ikke dagen Islands, den
artiske öyas pá glödende bunn.
Huseby, Thorvaldsson, Gudmunds-
son, de to 800 meter löperne under
1,57 i gár - kan noen annen na-
sjon pá 100.000 mennesker oppvise
noe lignende. Hill deg, du gamle
sagaomspunne, lille bror!“ Þetta er
í stuttu máli lýsing á aðdáun
greinarhöfundar á því hvers þessi
litla þjóð í Norðurhöfum er megn-
ug. Því lýkur með heillaóskum til
gömlu sagnaþjóðarinnar sem er í
raun litli bróðir Noregs.
Gunnar Huseby var ekki gam-
all þegar hann varð Evrópumeist-
ari í Ösló. Hann var tæplega 23
ára og hætt er við að margir jafn-
aldrar hans hefðu lent í erfiðleik-
um með að fóta sig á þeim tíma
þegar hyllin var mikil og allir vildu
umgangast þessa miklu íþrótta-
stjörnu. Líklega dugðu frýjunarorð
Sverkers Bensons Gunnari Huseby
til að sýna og sanna hvað í honum
bjó í Ósló. En eftir að fálætið og
daglega lífið tók aftur við var erf-
iðara að feta stíg dyggðarinnar.
Þá var hætt við að sá sem var
vínhneigður leitaði að rósrauðum
bjarma á altari Bakkusar.
LÍTIÐ lát er á velgengni ís-
lensku keppendanna á Ólymp-
íumóti fatlaðra sem fram fer í
Atlanta í Bandaríkjunum. í gær
kræktu íslensku keppendurnir
sér ítvenn bronsverðlaun og
hafa þvf hlotið fern gullverð-
laun, ein siifur og þrenn brons
eftir sex keppnisdaga.
að var í sundi sem íslensku kepp-
endurnir nældu sér í þriðja
sætið. Fyrst var það Kristín Rós
Hákonardóttir, sem keppir í flokki
S7, sem varð þriðja í 100 metra skrið-
sundi, synti á 1.22,87 og setti ís-
landsmet. Hún átti sjálf gamla met-
ið, 1.23,77.
Skömmu eftir að Kristín Rós hafði
tekið við bronspeningi sínum stakk
Ólafur Eiríksson sér til sunds í úrslit-
um 100_ metra skriðsunds karla í S9
flokki. Ólafur varð einnig þriðji, synti
á 1.01,69 sem er íslendsmet en hann
átti sjálfur gamla metið, 1.07,77.
Á fijálsíþróttavellinum voru tveir
íslenskir keppendur. Geir Sverrisson
keppti í undanrásum í 400 metra
hlaupi í flokki T46 og hljóp á 51,4
sekúndum, en á best 49,6 sekúndur.
Geir komst í úrslit, átti annan besta
tímann. Haukur Gunnarsson keppti
í undanrásum í 200 metra hlaupi í
flokki T36. Hann hljóp á 27,58 sek-
úndum og varð áttundi inn í úrslit.
Haukur á best 26,90 sekúndur í 200 .
metra hlaupi.
Ikvöld
Knattspyrna
2. deild karla:
Akureyri: ÞórA.-ÍR...........18.30
Húsavík: Völsungur - Þróttur ...18.30
Kaplakriki: FH-KA............18.30
Valbjarnarv.: Fram - Vikingur..18.30
3. deild:
Egilsstaðir: Höttur - Þróttur N.18.30
G.9xðs.vQllur;...Yíair.7.E!j.Qlnir..18.30
Kópavogsv.: HK - Reynir S....18.30
Eyrarbakkav.: Ægir-Grótta....18.30
Frjálsíþróttir
Reykjavíkurleikar
Reykjavíkurleikarnir í fijálsíþróttum
verða haldnir í dag, föstudag, í Laug-
ardalnum og hefiast kl. 20.00. Skrán-
ing verður á staðnum.
Ekki opið á Selfossi
Fram kom í blaðinu í gær að opið mót í
golfi yrði á Selfossi á laugardaginn. Það
er ekki rétt því sveitakeppni unglinga er
þar um helgina svo og á Hellu.
Rangur tími hjá Halldoru
I blaðinu í gær var sagt að Halldóra Þor-
geirsdóttir, sem keppti á Evrópumeistara-
móti unglinga í sundi i Danmörku fyrir
skömmu, hafi synt 100 metra bringusund
á 1.15,97 en hið rétta er hins vegar að
Halldóra synti á 1.15,77. Beðist er velvirð-
ingar á þessum mistökum.
TENNISAHUGAFOLK
Vetraráskrift hefst 1. sept. nk.
Þeir sem voru með fastan tíma síðastliðinn vetur
og vilja halda honum eru vinsamlegast beðnir um
að staðfesta bókun á völlum, eigi síðar en 26. ágúst nk.
Að þeim tíma liðnum verða vellir leigðir öðrum.
Tennishöllin, Dalsmári 9-11, Kópavogur
s. 564-4050, fax. 564-4051, tennis@islandia.is
« OPNA at
SPARISJÓÐSMÓTIÐ
Opna Sparisjóðsmótið í golfí verður haldið laugardaginn
24. ágúst hjá Golfklúbbnum Keili í Hafnarfírði.
Keppnisfyrirkomulag: 18 holu höggleikur, mótið er jafnframt stigamót.
Veitt verða glæsileg verðlaun með og án forgjafar.
Stigamót karla 36 holur:
1. sxti: Vörnúttekt fyrirkr. 25 þús.
2. sxti: Vöruúttekt fyrir kr. 15 þús.
3. sceti: Vöruúttekt fyrir kr. 10 þiis.
Opinn flokkur án forgjafar 18 holur:
1. sceti: Vöruúttekt fyrir kr. 25 þús.
2. saeti: V'öruúttekt fyrir kr. 15 þús.
3. sieti: Vöruúttekt fyrir kr. 10 þús.
Opinn flokkur með forgjöf 18 holur:
1. sœti: Vöruúttekt fyrir kr. 20 þtis.
2. sceti: Vöruúttekt fyrir kr. 15 þús.
3. sceti: Vöruúttekt fyrir kr. 10 þús.
Vöruúttektir fyrir kr. 10 þús. verða veittar fyrir að vera
næst holu á 6., 8. og 9- braut.
Heppinn keppctmli fcer óvcentan glaðning í
mótslok verði hann á staðnum.
Ræst verður út frá kl. 8.00. • Skráning er í síma 555 3360.
SPARISJÓÐUR HAFNARFJ ARÐAR