Morgunblaðið - 25.08.1996, Blaðsíða 4
4 C SUNNUDAGUR 25. ÁGÚST 1996
MORGUNBLAÐIÐ
FERÐALÖG
Skokkað
yfir heim-
| skautsbaug
\ Nokkrir Siglfirðingar oq Bandaríkjamenn héldu ó vit ævin-
týra í Grímsey til að skokka. Sigríður Ingvarsdéttir
fór með þeim eina falleqg sumarnótt I jómfrúarferð ferju.
PYSJUR í litla húsdýragarðinum.
SIGLT til Grímseyjar.
AÐ var eftirvænting, gleði og
spenna í loftinu er fámennur
en góðmennur hópur Sigl-
firðinga og Bandaríkjamanna safn-
aðist saman á bryggjunni á Siglu-
firði að kvöldi laugardagsins 27.
júlí. Nú skyldi horfið frá reglu-
bundnu amstri hversdagsins og
haldið á vit ævintýranna þessa fal-
legu sumarnótt með feiju.
Farþegarnir, sem voru 32, höfðu
komið sér fyrir um borð var haldið
út fjörðinn og stefnan tekin á
Grímsey. En Bandaríkjamennirnir
af sk. Hash House Harriers, alþjóð-
legu skemmtiskokkarafélagi, ætl-
uðu að skokka norður fyrir heim-
skautsbaug.
Ný Dalvíkurferja
Það eru Sjóferðir ehf. sem fest
hafa kaup á nýrri feiju. Það hefur
hingað til haft einn bát til umráða
„Hófí“, sem tekur um 20 farþega.
•í Hefur starfsemin byggst upp á sjó-
ferðum með ferðamenn á sjóstöng,
í útsýnis- og hvalaskoðunarferðir,
ýmsar leiguferðir og tvisvar í viku
er farið í sk. grillferðir til Hríseyjar.
Nýja feijan tekur 30-40 manns.
í sæti og segir Þórður Skúlason
skipstjóri að ætlunin sé að reyna
að nýta feijuna allt árið í framtíð-
inni.
Eftir jómfrúrferð feijunnar hér
við land sagði Þórður að sér litist
vel á bátinn, þetta væri góður sjó-
bátur og ætti við bestu aðstæður
að geta gengið 25-30 mílur, enda
er hann búinn tveimur 530 hestafla
vélum.
Hash House Harriers
Bandaríkjamennirnir, sem fóru í
jómfrúrsiglingu feijunnar kalla sig-
Hash House Harriers, sem er al-
þjóðlegur hópur hressra skemmti-
skokkara sem hittast reglulega og
skemmta hver öðrum með margvís-
legum hætti. Virkir þátttakendur
eru yfir 70.000 í yfir 100 löndum.
Reynt er að hlaupa vikulega og
gjarnan á nýjum slóðum. Hlaupið
fer þannig fram að nokkrir „hérar“
leggja af stað á undan hinum og
merkja slóð með hveiti og krít, sem
hinir reyna síðan að rekja. Á leiðar-
enda eru síðan ýmsar serímoníur
s.s. útnefningar, söngur, glens og
grín.
Grímseyingar og gæludýr
Eftir um tveggja og hálfs tíma
sjóferð var staulast á land í Gríms-
ey. Golan hafði reynst ansi nöpur
og lítilsháttar sjóveiki gert vart við
sig, en það var fljótt að gleymast,
er föstu landi var náð.
Ferðalöngum var vel tekið af
heimamönnum, enda Grímseyingar
annálaðir fyrir gestrisni. Var hópn-
um boðið að geyma hafurtaskið í
nýlegri sundlaugarbyggingu eyjar-
skeggja. Þar beið hópurinn og menn
fengu yl í kroppana á meðan að
„hérarnir" merktu slóð um eyjuna.
En ég hafði hinsvegar á leiðinni að
sundlauginni rekið augun í girðingu
með éinhverskonar þústum í við
eitt íbúðarhúsið og ákvað að svala
forvitninni og kanna málið fyrst
tími gafst til. Þessar þústir reynd-
ust vera fuglsungar, þ.e. þijár pysj-
ur og einn álkuungi. Einnig var
þarna grindverk með tveimur kan-
ínum í. Þetta reyndust vera gælu-
dýr eyjabarna og var mér tjáð að
ungar væru ekki óalgeng gæludýr
í Grímsey, því bæði hundar og kett-
ir væru bannaðir vegna fuglalífsins,
auk þess væru kettir óþarfir í
Grímsey vegna skorts á músum og
rottum.
Þegar ég kom úr leiðangrinum
úr litla húsdýragarðinum voru regl-
ur og merki hlaupsins útskýrð fyrir
nýliðum og að því loknu flautað
hressilega og allir ruku af stað. í
um það bil klukkutíma var hlaupið
og kallað um eyjuna þvera og endi-
langa, og ekki að furða að undr-
andi, syfjulegum andlitum brygði
fyrir i einstaka svefnherbergis-
glugga.
Er endastöðinni var náð, hafði
verið komið fyrir ýmsum drykkjar-
föngum sem voru teiguð við hveija
tilnefningu.
Synt og verslað um lágnættlA
Allir notfærðu sér hinn freistandi
möguleika aðbregða sér í sund og
gufu að hlaupi loknu. Og fengu
ferðalangarnir einnig árituð skjöl
af oddvita Grímseyjarhrepps, Þor-
láki Sigurðssyni, um að viðkomandi
hefði hinn 28. júlí 1996 stigið fæti
sínum á land í Grímsey og um leið
komist norður fyrir heimskauts-
baug.
Eftir sundið brá hópurinn sér í
Kaupfélagið og fannst afgreiðslu-
fólkinu ekki tiltökumál að hafa opið
um miðja nótt.
Dottið hafði á dúnalogn og höfðu
ýmsir orð á að nú væri ferðin full-
komnuð: Fólk sat úti á tröppum
Kaupfélagsins og gæddi sér á
hangikjöti, samlokum, súkkulaði og
kaffi, þreytt en afar ánægt norður
undir heimskautsbaugi um miðja
nótt.
Nú var kominn tími til að halda
aftur í land. Siglt var áleiðis til
Siglufjarðar og blasti yndisleg sjón
við ferðalöngum: Sólin að rísa úr
sæ og spegilsléttur hafflöturinn var
baðaður geislum. Smáhveli sáust á
ferð og fyrr en varði var landi náð
á ný. ■
ÓSKALAND
fuglaskoðarans.
„CAPRI norðursins“:
Helladýrðin.
DRAUMALAND
myndasmiðsins.
Ljósmynd/Margret Guttormsdóttir
LAGT af stað í ævintýrið.
Ævintýri umhverfis
Vestmannaeyjar
NAFNGIFTIN „Capri norðursins"
rennur upp fyrir sjófarendum sem
fara umhverfis Vestmannaeyjar.
Fleiri nöfn skjóta líka upp kollin-
um, eins og „Draumaland mynda-
* smiðsins" enda erfitt að smeila af
lélegri mynd. „Óskaland fugla-
skoðarans" er nafngift sem einnig
opinberast á siglingu kringum
Eyjarnar.
Báturinn P.H. Víking fer tvær
fastar ferðir á dag með farþega
hringinn í kringum Heimaey og
oft nokkrar aukaferðir, til dæmis
með hundrað sunnlenska bændur
siðasta miðvikudag. Annars er
seglum hagað eftir vindi.
„Capri norðursins“ er tilvísun í
alla hellana sem sjá má úr bátnum.
Klettshellir hefur sérstöðu, sökum
góðs hljómburðar, enda kallaður
Sönghellir. Skipstjóri P.H. Víking
hefur gert það að vepju sinni að
drepa á bátsvélinni í þessum helli
og grípa flautu eða baritonhorn
og leika fyrir farþega sína. Hljóm-
urinn berst víst líka fallega upp á
land. Það er líka gaman hjá fugla-
áhugamönnum í hellunum, fylgj-
ast með mávi, súlu, fýl, lunda og
öðrum fuglum sitja á syllum eða
svífa yfir höfðum.
Ekiri sést til stórfiska í öllum
túrum, en skipsmenn segja al-
gengt að hval, hnýsu eða háhyrn-
ingi bregði fyrir. „Og á fallegum
kvöldum er farið út í úteyjar og
Surtsey."
Filman í myndavélinni klárast
og P.H. Víking kemur í höfn á
nýjan leik eftir klukkustundar
siglingu í góðu veðri. GH ■
Morgunblaðið/Ágúst
HERBERGI í Trölla.
Trölli í Nes-
kaupstað
NÝTT gistiheimili, Trölli, var opnað
hér í sumar, en það er til húsa í
hæðinni yfir söluskálanum Trölla-
naust. í því eru 6 vistleg herbergi,
eins og tveggja manna, ásamt setu-
stofu og eldhúskrók, einnig er Trölli
með þijú gistiherbergi á öðrum stað
í bænum svo að nú geta á milli 15
og 20 manns gist í einu þar. Segja
má að með tilkomu Trölla hafi gisti-
rými í bænum nánast tvöfaldast níu
mánuði ársins því sumarhótelið er
aðeins starfrækt í þijá mánuði.
Áformað er að stækka gistiheim-
ilið um 6 herbergi í framtíðinni og
ætti þá þörf fyrir gistirými hér að
vera fullnægt yfir mestan hluta
ársins. Það eru ekki bara fjárhús
og fjós sem breytt er í gistiaðstöðu,
því að nýja gistiheimilið er til húsa
þar sem áður var sláturhús Norð-
firðinga. Aðsókn að gistiheimilinu
hefur verið samkvæmt væntingum
frá því það var opnað.
Það eru hjónin Sigríður Guð-
bjartsdóttir og Magnús Kristjáns-
son sem eiga og reka nýja gisti-
heimilið.
Morgunblaðið/Jenný
ELÍN á Hótelinu.
Hótel aö
Laugarhóli
ELÍN Sigríður Óladóttir tók við
rekstri hótels Laugarhóls í Bjarnar-
fírði á Ströndum í vor. Gagngerar
endurbætur hafa verið gerðar á
matsal hótelsins. Einnig hefur gisti-
rými hótelsins verið aukið.
Að sögn Elínar hefur sumarið
verið gott og virðist sem Strandir
séu í tísku. Ferðaþjónusta á Strönd-
um hefur sjaldan eða aldrei verið i
eins miklum blóma og framboð á
dægradvöl mikla.
Elín ætlar að leggja' áherslu á
umhverfísvænan rekstur og að nýta
menntun sína sem garðyrkjufræð-
ingur.
Svæðið í kringum Laugarhól er
mjög vel fallið til gönguferða bæði
lengri og styttri og má í því sam-
bandi nefna að nýlega er komið út
göngukort fyrir Strandasýslu með
merktum gönguleiðum víðsvegar
um sýsluna og sagði Elín að ferða-
fólk hefði greinilega mikinn áhuga
á þessu korti og notfærði sér þær
upplýsingar.
Elín Oladóttir ætlar að hafa hót-
el Laugarhól opið allt árið og er
það nýtt í rekstri hótelsins en áður
var skóli rekinn þar á veturna.
Aðstaða er þannig á Laugarhól að
hún hentar vel fyrir hópa, ráðstefn-
ur eða æfingabúðir fyrir kóra eða
þess háttar og ætlar Elín að reyna
að nýta sér þann markað yfir vetur-
inn. í hótelinu er stór salur og þar
er sundlaug og náttúrulegur heitur
pottur þar sem ekki er amalegt að
baða sig á tunglskinsbjörtum nótt-
um.
Á dagskrá hjá Elínu erhjónahelgi
í september og verður hún árviss í
rekstri hótelsins á næstu árum. ■