Morgunblaðið - 01.09.1996, Blaðsíða 1

Morgunblaðið - 01.09.1996, Blaðsíða 1
MARKAÐURICAMDEN TOWN Á áttunda ára f ugnum breyttu lista- og handverks- menn ásjónu Camden hverfisins. Þar er nú iðandi mannlif og fjölskrúðugur markaður. 3 TSJESKY KRUMLOV Suður af Prag er borgin Tsjesky Krumlov, þar sem lítið virðist hafa breyst í aldanna rás. SUNNUDAGUR1. SEPTEMBER1996 BLAÐ C Ýmsar uppákomur víða um land veqna markaðsátaks Flugleiða í innanlandsfluqi G jugg í borg og sex bæjum landsins GJUGG í bæ nefnist markaðsátak Flugleiða í innanlandsflugi, sem ætlað er að gefa íbúum höfuðborgarsvæðisins kost á að kynnast því sem sex bæjarfélög hafa upp á að bjóða í menningu, listum, skemmtunum og útivist að vetrarlagi. Sérstakt tilboðsverð verður á flugi og gistingu um helgar til þessara staða frá 15. september til 1. maí. Ef miðað er við gistingu í tvær nætur er verðið frá níu til sextán þúsund krónum og fer eftir því hvað er innifalið. Skemmtileg dagskrá Að sögn Gunnars Más Sigurfinnssonar, sölu- og markaðsstjóra innanlandsdeildar, var hafist handa við undirbúning verkefnisins fyrir einu og hálfu ári. „Við buðum landsbyggðarfólki sér- staka helgarpakka „Gjugg í borg" til Reykjavík- ur í fyrra. Mikil ásókn var í ferðirnar, selt var í um sjö þúsund sæti, og jafnframt jókst salan í öðru innanlandsflugi. Við fundum fljótlega að Reykvíkingar vildu fá sambærileg kjör til ýmissa staða úti á landi og höfðum því samband við ferðamálafulltrúa hvers bæjarfélags til að kanna grundvöll fyrir slíkum ferðum." Gunnar Már segir afþreyingarmöguleika bæj- anna sex; ísafjarðar, Akureyrar, Húsavíkur, Egilsstaða, Hafnar og Vestmannaeyja, vitaskuld ekki eins fjölbreytta og í höfuðborginni. Þó hefði nefndum, sem settar voru á laggirnar á hverjum stað til að útfæra hugmyndir og skipuleggja ýmsar uppákomur, tekist að setja saman skemmtilega dagskrá. „Nefndirnar fengu skemmtistaði, leikfélög, veitingastaði, verslanir og ýmsa aðila í bæjunum til samstarfs. Þeir sem kaupa Gjugg í bæ farseð- il fá því afslátt í ýmsum verslunum og veitinga- stöðum, auk þess sem skemmtistaðirnir bjóða upp á óvenju öfluga dagskrá. Ýmis önnur fríð- indi verða í boði og geta gestir haft í hendi sér hvort þeir nýta ferðina í skemmtanir og vellyst- ingar, menningu og listir, útivist og fróðleik eða sitt lítið af hvoru." Sprönguskellur og Kántrfhelgi Gunnar Már segir næsta skref að selja Gjugg í borg og Gjugg í bæ ferðir í útlöndum. Núna bjóðist einungis Færeyingum Gjugg í borg ferð- ir en hjá þeim hafi slíkar ferðir átt vinsældum að fagna. „Það er líka líf á landsbyggðinni á veturna. DORGAÐ á bryggjunni á Akureyri. Til áramóta er ein helgi tileinkuð ákveðnu þema; Skógarstemning á Egilsstöðum, Síldarhelgi á Höfn í Hornafirði, Sprönguskellur í Vestmanna- eyjum, Sagnasöngur í Ísafjarðarbæ, Kántríhelgi á Akureyri og Bryggjudagar á Húsavík." ¦ KANTRI- KLÚBBURINN ? FARIN verður hópferð þann 17. til 22. október til tjl Nashville í Tennessee á vegum íslenska kántríklúbbsins. Aðdáendur bandarískrar sveitatónlistar eru margir á íslandi og geta nú heim- sótt til The Music City eins og Kaninn kallar borgina Nashville. Ferðin byrjar í Keflavík 17. okt., flogið er til Baltimore og gist þar eina nótt. Haldið til Nashville snemma morguns 18. okt. Ferðin hefur verið skipulögð með það fyrir augum að ferða- fólkið kynnist borginni og sögu hennar. Bestu kántrí-búðirnar höndla með kántrívarning, föt, hatta, stígvél, bækur og geisla- diska. Tónlistin skipar stærstan sess í hugum þeirra sem fara til Nashville og verður því farið í Grand Ole Opry, á kántrísýningu og Kántrídansleik. Samstarf er við ferðaskrifstof- una Úrval-Útsýn og annast hún skipulagningu ferðarinnar. Að- eins þrjátiu sætí eru í boði i fyrstu ferðina og kostar kr. 60.370 krónur fyrir manninn. Fleiri upplýsingar fást í síma 569-9300. Fararstíóri er Bjarni Dagur Jónsson. Himbriminn á Þingvallavatni Morgunblaðið/Gunnar Hersvcinn SIGLT á vængjum sögunnar. „ VELKOMIN út á Þingvallavatn," hljóniiii- í kallkerfinu á bátnum Him- brimanum sem nefndur er í höfuðið á einkennisfugli Þingvallavatns. Báturinn brunar af stað frá Skála- brekku með 16 farþega í eins og hálfs tíma siglingu á Þingvallavatninu sem í öndverðu hét Ölfusvatn. Heiður himinn- inn speglar sig í sléttu vatninu og far- þegarnir fylgjast með fjöllum, fuglum og eyjum líða hjá og rifja upp sögu ís- lands i huganum: Alþingi árið 930, kristnitakan, Jón Hreggviðsson — Þingvallasvæðið hefur hingað til verið kjörið til ferðalaga og nú hefur nýtt sjónarhorn skapast með Þingvallavatns- siglingum, að upplifa náttúrufegurðina einstöku. Þingvallavatn er stærsta stöðuvatnið á íslandi, tæpir 84 ferkílómetrar að flat- armáli. Farþegar sitja öruggir í björgun- arvestum, en vatnið er aðeins 9-10 gráða heitt í ágústmánuði þegar það er hlýjast og dýptin mest 114 metrar. Það rýkur úr borholum á Nesjavöllum og farþegar eru upplýstir um að þar sé ískalt Þingvallavatnið hitað upp með brennheitri gufunni og dælt til Reykja- vikur til að verma hús borgarbúa. Farþegar eru líka fræddir á því að á Hofmannaflöt hafi þeir Ármann Dal- mannsson og Bárður Snæfellsás forðum stjórnað kappglímu þursa og blendinga. Jónas ber á góma og setning eftír Meg- as rifjast upp: „Sauðdrukkinn útí í Iu-iuini lá Hallgrímsson Jónas." Tíminn líður notalega áfram. Kolbeinn Sveinbjörnsson stýrir bátnum svo að bryggju og farþegar stíga á I.iihI með náttúruna og söguna ferska í blóðinu, fugla í augum og skáldskap í huga. ¦ HIMBRIMINN við bryggju á Skála- brekku Þingvallasveit.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.