Morgunblaðið - 03.11.1996, Blaðsíða 4

A D SUNNUDAGUR 3. NÓVEMBER 1996
MORGUNBLAÐIÐ
BÍLAR
Discovery
XSi
hnotskurn
Dísilvél: 2,5 lítrar, §6rir
strokkar, 8 ventlar, 111
hestöfl, forþjappa, milli-
kælir.
Sítengt aldrif.
Aflstýri - veltistýri.
Samlæsing með fjarstýr-
ingu.
Rafdrifnar rúður.
Rafstillaniegir hliðarspegl-
ar.
Hemlalæsivörn.
Útvarp.
Þjófavörn.
Lengd: 4,48 m. Breidd:
2,18 m. Hæð: 1,91 m.
Hjólhaf: 2,54 m.
Hæð undir lægsta punkt:
20 cm.
Þyngd: 2.080 kg.
Eldsneytiseyðsla: 12
1/100 í þéttbýli, 8 1 á þjóð-
vegi.
Staðgreiðsluverð kr.:
3.190.000.
Umboð: Bifreiðar og land-
búnaðarvélar, Reykjavík.
Morgunblaðið/jt
DISCOVERY er álitlegur jeppi með sítengdu aldrifi og fáanlegur með bensín- eða dísilvélum.
Þýður Discovery með
hljóölátri dísilvél
MÆLABORÐ er að mestu með góðri uppsetningu. Stýrið skygg-
ir þó aðeins á rofa sem eru á brún stokksins umhverfis hraða-
og snúningshraðamæla.
TVÖ smásæti eru aftast í XS gerðinni. Farangursrými mælist
yfir einn rúmmetra.
LAND Rover Discovery hefur ekki
verið fyrirferðamikill í íslenska
bílaflotanum en á vegum umboðs-
ins, Bifreiða og landbúnaðarvéla,
eru nú komnir nærri tveir tugir
Discovery á götuna og verður trú-
lega orðið annað eins í árslok.
Allir jeppar frá Land Rover eru
nú í boði og kennir þar margra
grasa eins og þegar hefur verið
fjallað um hér í blaðinu. Auk
Discovery er flaggskipið Range
Rover fáanlegur og svo Land
Rover með „gamla“ laginu sem
nú heitir Defender og er hann
aðeins pantaður eftir óskum hvers
og eins. Discovery er með sí-
tengdu aldrifi, fimm eða sjö
manna og fáanlegur í þremur út-
gáfum, tveimur með dísilvél með
mismunandi búnaði og einni með
bensínvél. Verðið er frá tæpum
2,6 uppí nærri 3,9 milljónir króna,
allt eftir búnaði og þægindum sem
sníða má talsvert mikið að óskum
hvers og eins. Við skoðum nánar
Discovery XS með dísilvél og
handskiptingu.
Discovery er hár bíll og virkar
því kannski dálítið kubbslegur.
En hann er sterklegur á velli og
hann er kantaður og því ekki um
of í ætt við fólksbíl. Þetta er fyrst
og fremst jeppi og lítur þannig
út en er samt sem áður búinn
margs konar þægindum. Brotlína
er ofarlega í hliðunum og hliðar-
listi neðarlega og þakið er með
stalli um miðju og þakglugga aft-
ast á hliðum. Stuðarar eru fínleg-
ir og hurð að aftan opnast til hlið-
ar. Discovery hefur ekki tekið
stórkostlegum ytri breytingum frá
því hann kom fyrst á markað árið
1989 en ýmsar endurbætur og
nýjungar hafa þó verið gerðar.
Rúmgóður að Innan
Discovery er rúmgóður að inn-
an. Gott er að sitja í framsætum
og þau er hægt að stilia á fjöl-
breyttan hátt og sömuleiðis er
bíllinn búinn veltistýri. í aftursæt-
um er einnig gott pláss til allra
átta og þar fer þokkalega vel um
þrjá og hefur miðjufarþeginn
magabelti en hinir venjulegt
þriggja punkta belti. Farþegar við
glugga hafa há sætisbök en ekki
miðjufarþeginn og mætti fremur
hugsa sér að í aftursæti væru
þrír höfuðpúðar.
Mælaborðið er með nokkuð
hefðbundnum hætti, hraða- og
snúningshraðamælar, eldsneytis-
og hitamælar beint fram af öku-
manni undir bogadreginni hlíf og
á kanti hennar sitja rofar fyrir
hita, þurrkur og þvott á aftur-
rúðu, þokuljós og stillingar á út-
varpi svo nokkuð sé nefnt. Galli
við þessa staðsetningu rofanna
er að stýrið skyggir alltaf svolítið
á þá. Útvarpið og miðstöðvarrofar
eru á miðju mælaborðinu eins og
venjan er, gírstöng í gólfinu og
aftan við hana rofar fyrir raf-
magnsrúður.
Eins og fyrr segir er Discovery
með sítengdu aldrifi, háu og lágu.
Hægt er að læsa bæði háu og
lágu drifi gegnum millikassann
og tryggir það betra átak þar sem
gripið er mest.
Discovery er fáanlegur með 2,5
lítra dísilvél með forþjöppu og
millikæli eða 4,0 lítra bensínvél
sem er 182 hestöfl. Prófaður var
bíll með dísilvél og er hún fjög-
urra strokka, með 8 ventlum og
111 hestöfl. Hún togar 265 Nm
við 1.800 snúninga. Hámarks-
hraði hennar er 150 km/klst. og
er hún 18,5 sekúndur að ná 100
km hraða úr kyrrstöðu. Elds-
neytiseyðslan er 8 1 á 100 km á
90 km hraða á þjóðvegi og 12 1
í þéttbýli.
Góö seigla
Þetta er hljóðlát vél og þýð-
geng. Hún hefur ekkert ofurvið-
bragð en einkenni hennar er seigla
og góð vinnsla. Á þjóðvegi er
auðvelt að halda eðlilegri siglingu
á 90 km hraða í fímmta gír (fjórða
gír í Kömbunum) og þarf ekki að
skipta meira niður en í í fjórða
þótt leggja þurfi í brekkur. Við
framúrakstur verður einnig að
skipta niður í fjórða gír til að
drífa hann af og ná betri hröðun.
Diseovery er að flestu leyti
ágætlega lipur í akstri og meðför-
um. í þéttbýlinu er vandræðalaust
að athafna sig með hann í öllum
aðstæðum enda ekki lengri en
gengur og gerist með fólksbíla
af millistærð, 4,48 m langur, hann
leggur ágætlega á og ökumaður
situr hátt og sér vel til allra átta.
Fimm gíra handskiptingin er lipur
og mjúkleg en samt sem áður
þarf að ná einhvers konar lagi til
að skiptingin gangi hnökralaust
og kemur það með meiri akstri.
Discovery er búinn gormafjöðrun
sem er sérlega mjúk og slaglöng.
Fer hún mjög vel með bílinn yfir
grófustu malarvegi og liggur
Fjöðrun
Rými
Rásfesta
Viðbragð
ÁGÆTT rými er
í aftursætum.
Discovery mjög vel fyrir það og
sídrifið.
VerA eftlr búnaðl
Verðið á þeim Discovery sem
var prófaður, þ.e. XS gerðinni, er
kr. 3.190.000. Sé hann tekinn
með sjálfskiptingu hækkar það
um kr. 200.000. Ódýrari gerðin
kostar 2.590.000 en hann er
nokkuð minna búinn en XS gerð-
in. Þar vantar m.a. sóllúgurnar,
ekki er leður á sætum, ekki heml-
alæsivörn, ekki aukasætin aftast
og ekki álfelgur. Útgáfan með
bensínvélinni kostar kr.
3.690.000.
Telja verður þetta sæmilega
gott verð og þá kannski helst á
dísilútgáfunni sem er minna búin.
Þar hefur engu verið sleppt sem
telja má til nauðsynja og sú út-
gáfa er fremur keypt ef menn
hyggjast breyta einhverju. Disco-
very er álitlegur vagn, þýður,
rúmgóður og rásfastur. Snerpan
í dísilvélinni er ekki beint sérstök
en hún bætir það upp með seigri
vinnslunni. ■
Jóhannes Tómasson