Morgunblaðið - 10.11.1996, Blaðsíða 4

4 C SUNNUDAGUR 10. NÓVEMBER 1996
MORGUNBLAÐIÐ
+
FERÐALÖG
íslendingar ó ferð um ísrael 09 Jórdaníu
Söguslóóir sem
f anga hjartað
Anna Sigurðardóttir
JERÚSALEM, myndin er tekin á Olíufjallinu.
ÍSLENDINGARNIR í Amman. Efsta röð frá vinstri: Hildur Ásgeirs-
dóttir, Bjarni Sigfússon, Guðrún Magnúsdóttir, Elísabet Eiríksdótt-
ir, Matthías Á. Mathiesen og gestur konsúlsins Guðríður Guðfinns-
dóttir með hönd á dóttur sinni. Miðröð: Einar Kristjánsson, Anna
Sigurðardóttir, Sigrún Stefánsdóttir, Lilja Guðmundsdóttir, Sigrún
Þ. Mathiesen. Fremsta röð: Sigfús Sigurþórsson, Hulda Guðmunds-
dóttir, sonur Guðríðar, Stefanía Khalifeh konsúll íslendinga í Jórd-
aníu og Ólafur Jóhannsson fararstjóri.
HÓPUR íslendinga fór á vegum
ferðaskrifstofunnar Úrvals/Út-
sýnar hinn 24. september síðast-
liðinn til ísraels og Jórdaníu, og
var það í fyrsta sinn sem leið
íslendinga lá héðan og til Jórdan-
íu í gegnum Israel. Ástæðan felst
í friðarsamningum milli þessara
landa.
Ólafur Jóhannsson var farar-
stjóri, en hann hefur í sautján
ár búið í Jerúsalem á sumrin og
starfað meðal annars við farar-
stjórn. Það var líka einstakt við
þessa ferð að haldið var upp á
3.000 ára afmæli Jerúsalem-
borgar og tók hópurinn þátt í
20-30 þúsund manna göngu
fólks frá 105 þjóðlöndum af því
tilefni.
Þrettán íslendingar skipuðu
hópinn og stóð ferðin í 14 daga.
Ólafur segir það hafa komið
flestum á óvart hversu gróður-
sælt Israel er. „Þetta er blómstr-
andi land, hver hektari er rækt-
aður,“ segir hann, „hinsvegar
telja margir landið merkt eyði-
mörkinni."
Friðsæld og gestrisni kom líka
á óvart, en þjóðirnar eru víst
ekki ofurseldar hatri og reiði eins
og oftlega birtist í fjölmiðlum
heimsins. „Það eru bara einstaka
staðir sem ófriður ríkir á,“ segir
Ólafur, „en arabar og Israels-
menn búa annars staðar í frið-
semd.“
„Við fórum víða á þessum
dögum og sáum til Sýrlands,
Líbanon, Egyptalands og Jórd-
aníu,“ segir Ölafur. „Meðal ann-
ars fórum við að Dauðahafinu
sem er lægsti staður jarðarinnar
á þurrlendi, eða 400 metra fyrir
neðan sjávarmál." Jerúsalem er
hinsvegar 850 metrum fyrir ofan
sjávarmál, og þar er þægilegt
loftslag.
Hópurinn gisti í austurhluta
Jerúsalemborgar en þar eru fjöl-
sóttir staðir eins og musteris-
svæðið, Olíufjallið og fleira sem
kemur við sögu Jesú Krists. Ar-
abar búa gjarnan í Austur-Jerú-
salem, en raunin er að þeir eru
margir hveijir hlynntir ísraels-
mönnum, að sögn Ólafs.
Hópurinn fór meðal annars til
Kapernaum en þar gerði Jesús
flest kraftaverkin, til Kana en
þar breytti meistarinn vatni í
vín, Nasaret og að Galelíuvatni
(Getsemane), þar sem finna má
veitingastaði sem selja físk
kenndan við Pétur postula.
Ólafur segir að þrátt fyrir að
hann hafí verið fararstjóri á þess-
um slóðum í sautján ár sé ávallt
eitthvað nýtt að sjá, því fornleifa-
uppgröftur sé stundaður í land-
inu dag og nótt. „ísrael hefur
mikið aðdráttarafl,“ segir hann,
„hinsvegar þora ekki allir að fara
þangað, en það er aðallega vegna
ranghugmynda um ófrið.“
Gestrisnir Jórdanirog borg í
hamraveggjum
Einn af hápunktum ferðarinn-
ar var heimsókn til Jórdaníu, en
konsúll íslendinga, Stefanía
FRÁ Petra, borginni sem
höggvin er í hamra.
Khalifeh, tók á móti hópnum.
„Hún hélt okkur móttöku á hót-
eli og flutti ávarp. „Gestrisni
Jórdana er einstök og þeir vin-
gjarnlegir á allan hátt,“ segir
Olafur. Gist var í höfuðborginni
Amman.
Hópurinn fór til hinnar fornu
borgar Petra, en hún er að mestu
höggvin inn í hamra austan Vadi
Araba í S-Jórdaníu. Petra var
höfuðborg Nabatea, arabísks
þjóðflokks, sem höfðu allstórt
ríki í NV-Arabíu frá 300 f.Kr.
til 106 e.Kr. „Það var mjög til-
komumikið að koma þangað,“
segir Ólafur. Einnig var farið hjá
hinu þekkta ijalli Hór, þar sem
Aron bróðir Móses dó.
Ferð á þessar fjarlægu en um
leið nálægu Biblíuslóðir þykir
gestum mjög áhrifarík og segist
Ölafur Jóhannsson aldrei fá leiða
á því að verða vitni að upplifun
ferðalanganna sem hann fylgir
um þessar söguríku staði. Hann
segir að Úrval/Útsýn hyggi á
ferðir til ísrael og Jórdaníu á
næsta ári. ■
GH
Sögusetrið ó Hvolsvelli undirbýr
Njúlusýningu fyrir ferðumenn
Á HVOLSVELLI er ætlunin að stofna sýningar- og ferðamiðstöð þar sem menningin verður
nýtt í ferðaþjónustu.
SEX sveitarfélög í austurhluta
Rangárvallasýslu hafa ákveðið að
stofna sýningar- og ferðamiðstöð á
Hvolsvelli þar sem menningin verð-
ur nýtt í ferðaþjónustu. Fyrsta verk-
efni Sögusetursins heitir Á Njálu-
slóð og miðar að því að gera Njáls-
sögu sýnilega í umhverfinu og vekja
áhuga ferðafólks á héraðinu, að
sögn Guðjóns Árnasonar fram-
kvæmdastjóra Sælubúsins ehf. á
SHvolsvelli, sem er framkvæmda- og
söluaðili Sögusetursins.
Guðjón Amason segir að verk-
efnið Á Njáluslóð hefjist um páska.
Sett verður upp Njálusýning á
Hvolsvelli, væntanlega í félagsmið-
stöðinni í upphafi en hann vonast
til að fá stærra húsnæði síðar.
Ætlunin er að setja upp aðgengi-
lega sýningu um efni Njálu og tíðar-
anda víkingaaldar. Guðjón segir að
þar eigi gestir að geta fengið inn-
sýn í söguna, helstu atburði og
persónur og þá staði sem atburðir
jgerðust, fengið kort og upplýs-
ingar, og þar verði aðstaða fyrir
fyrirlestra og kvöldvökur.
Sögustaðir merktir
I vetur verður byrjað á því að
merkja sögustaði í Rangárþingi og
er ætlunin að bæta smám saman
við. „Nú er mjög tómlegt um að
'litast á sögustöðum Njálu. Þar er
ekkert sem segir frá því sem gerð-
ist,“ segir Guðjón. Hugmyndin er
að merkja 30-40 staði, ýmist með
einföldum vegvísum eða ítarlegum
upplýsingaskiltum þar sem greint
er frá atburðum í máli og myndum
á fjórum tungumálum. Búast má
við því að Hlíðarendi, Bergþórs-
hvoll og Þingskálar verði ofarlega
á verkefnalistanum. „Þetta fram-
tak leiðir svo vonandi til þess að
heimafólk á sögustöðunum geti
sett upp einhvers konar þjónustu
við ferðafólk og nýtt sér þá auknu
umferð sem beint er til þess,“ seg-
ir Guðjón.
Gert verður kort af sögustöðum
í Rangárþingi með fróðleik um at-
burði og persónur sem við sögu
koma, staði og leiðir til forna.
Kortið mun jafnframt sýna vega-
kerfi, helstu örnefni og náttúru-
perlur í héraðinu. Ákveðið er að
kynna Sögusetrið og verkefni þess
á ýmsan hátt í veitingastaðnum
Hlíðarenda við Hringveginn.
Þá verður boðið upp á ferðaþjón-
ustu af ýmsu tagi og hún tengd við
Njálu. Guðjón segir að í upphafi
verði skipulagðar tvær skoðunar-
ferðir með leiðsögn um Njáluslóð,
dagsferðir og tveggja daga ferðir.
Síðar verði vonandi boðið upp á
fleiri valkosti, helgarferðir með
kvöldvökum og fróðleik um Njálu,
lengri dvöl með námskeiðum, hesta-
ferðir, gönguferðir og fleira. Stefnt
er að sölu vandaðara minjagripa
sem tengdir verða viðfangsefninu
og áhugi er á því að í framtíðinni
verði boðið upp á lifandi flutning
þátta úr Njálu, til dæmis með svið-
settum og leiknum atriðum á vett-
vangi, sögustundum og veislum í
skála með fornu sniði og fleira.
Verður að vanda til verka
Vandað hefur verið til alls undir-
búnings Sögusetursins. „Njála er
slíkt gersemi að ekki þýðir að kasta
til hennar höndunum,“ segir Guðjón
Árnason. Hugmyndavinna og hönn-
un hefur verið unnin af Birni G.
Björnssyni sýningahönnuði í sam-
vinnu við starfshóp verkefnisins.
Jón Böðvarsson fyrrverandi skóla-
meistari og kunnur leiðsögumaður
um Njáluslóð hefur mótað hug-
myndir varðandi sögustaði, leiðir
og leiðsögn. Mun Jón annast gerð
leiðsöguhandbókar og þjálfun leið-
sögumanna.
„Njála er okkar þekktasta íslend-
ingasaga og er virkilega þess virði
að vera sýnileg. Menning hefur lítið
verið notuð í ferðaþjónustu hér á
landi þar til á allra síðustu árum
og fer nú vaxandi. Verkefni okkar
fellur því vel að tíðarandanum,“
segir Guðjón þegar hann er spurður
um ástæður þess að þetta viðfangs-
efni er tekið fyrir. Sögusetrið bein-
ir spjótum sínum að ferðamönnum,
bæði innlendum og erlendum, og
segir Guðjón að töluvert berist af
fyrirspurnum erlendis frá eftir að Á
Njáluslóð var kynnt á Vest-Norden
ferðakaupstefnunni á Akureyri í
haust. Hann bindur ekki síður von-
ir við að hópar skólafólks komi á
vettvang Njálu. ■
H