Morgunblaðið - 14.02.1997, Blaðsíða 4

Reuter
SHAQUILLE O’Neal sem hefur verlð melddur í hné að undanförnu, reyndi að lelka (fyrrlnótt en varð að hœtta vegna kvaia (hnénu.
Fimmta þrenna
Hills í vetur
ELDEN Campbell lék vel er hann
tók á ný stöðu Shaquille O’Neals í
liði Los Angeles Lakers er það heim-
sótti Minnesota í fyrrakvöld. O’Ne-
al, sem hefur verið meiddur á hné
upp á síðkastið, gerði tilraun til að
leika að þessu sinni en varð frá að
hverfa í fyrsta leikhluta. Campbell
og Travis Knight tóku stöðu hans
og einkum náði sá fyrrnefndi sér vel
á strik í 16 stiga sigri Lakers á
gestgjöfum sínu, 100:84.
Campbells gerði 21 stig, tók 9
fráköst og varði auk þess fjögur
skot. „Það setti að mér skrekk er
það var ljóst að O’Neal varð að
hætta eftir átta mínútur," sagði Del
Harris, þjálfari Lakers. „Þeir leik-
menn sem eftir voru létu það ekki
á sig fá, léku vel og verðskulduðu
sigur,“ bætti hann við. Eddie Jones
gerði 19 stig að þessu sinni. Kevin
Garnett og Tom Gugliotta voru
stigahæstir hjá Minnesota, Garnett
gerði 17 og Gugliotta 16.
Glenn Rice gerði 27 stig og Anth-
ony Mason 21 auk þess að taka 18
fráköst og eiga átta stoðsendingar
er Charlotte tók á móti New Jersey
Nets og sýndi af sér takmarkaða
gestrisni, lokatölur 113:100. Vlade
Divac skoraði 18 stig, varði 12 skot
og tók 9 fráköst fyrir heimamenn.
Kendall Gill var aðsópsmestur gest-
anna og gerði 26 stig og Kerry Kitt-
les var með 23.
Atlanta gjörsigraði Toronto Rapt-
ors á heimavelli, 106:84, þar sem
Dikembe Mutombo gerði 22 stig og
tók 11 fráköst fyrir heimamenn í
20. sigurleik þeirra í röð á heima-
velli. Mookie Blaylock gerði 19 stig,
var með 11 stoðsendingar og tók 8
fráköst fyrir Atlanta og Christian
Laettner var með 19 stig og tók
einnig 12 fráköst.
Grant Hill náði í fimmta sinn á
leiktíðinni þrennu er hann fór fyrir
félögum sínum í Detroit í sigri á
Orlando, 96:87. Hill skoraði 31 stig,
tók 10 fráköst og sendi 10 stoðsend-
ingar. Nick Anderson skoraði 20
stig fyrir gestina og Horace Grant
gerði 17 stig og tók 8 fráköst. Penny
Hardaway hafði hægt um sig, skor-
aði aðeins 16 stig, en dofi var yfir
leikmönnum Orlando í fjórða leik-
hluta því þá gerðu þeir aðeins 18
stig.
Wesley Person tókst vel til er
Phoenix vann stórsigur á Boston,
131:100. Person gerði 33 stig og
hefur aldrei gert fleiri stig í einum
leik í NBA. Kevin Johnson kom hon-
um næstur með 22 stig. Anthonie
Walker gerði flest stig leikmanna
Boston, 29 talsins.
tltargMttWtóWfr
FOLK
■ PHIL Babb, varnarmaður hjá
Liverpool, var skorinn upp vegna
meiðsla í hné á miðvikudag. Vonast
er til að hann geti leikið gegn
Brann í Evrópukeppninni 6. mars.
■ STEVE McManaman sagði í
vikunni að hann vildi helst leika
með Liverpool þar til hann legði
skóna á hilluna. Þessi enski lands-
liðsmaður, sem er 25 ára, hefur
vakið mikinn áhuga fjölda erlendra
félaga.
■ FABRIZIO Ravanelli, ítalski
landsliðsmaðurinn hjá Middles-
brough, sagði í vikunni að
McManaman búi yfir nægilegum
hæfileikum til að verða launahæsti
leikmaður í ítölsku knattspyrnunni.
■ RAVANELLIsagði fyrir lands-
leik Englendinga og ítala: „Væri
ég forseti ítalsks félags væri ég til-
búinn að eyða miklum peningum í
að kaupa McManaman.”
■ JOHN Hartson, framheiji hjá
Arsenal, er efstur á óskalista bæði
West Ham og Leicester. Talið er
að Arsenal sé ekki tilbúið að láta
hann fara fyrir minna en 5 miljónir
punda.
■ NEWCASTLE er að reyna að
fá markvörðinn Kevin Miller frá
Watford fyrir 1,5 miljónir punda.
■ PAVEL Srnicek, tékkneski
landsliðsmarkvörðurinn hjá New-
eastle, fer mjög líklega til ná-
grannaliðsins Middlesbrough ef
Miller kemur frá Watford. Shaka
Hislop hefur staðið í marki New
castle undanfarið og þess vegna
vildi Srnicek fara.
■ JOHN Ebbrell, miðvallarleik-
maður hjá Everton, ætlar að yfir-
gefa félagið í sumar, þegar samn-
ingur hans rennur út, og ganga til
liðs við Sheffield United, þar sem
Howard Kendall - fyrrum „stjóri"
hans hjá Everton, er við stjórnvöl-
inn.
■ SÖGUR af fundi Graeme Soun-
ess, „stjóra“ Southampton og ít-
alska leikmannsins Gianlucas
Viallis hjá Chelsea, munu vera
stórlega ýktar, svo ekki sé meira
sagt. Bæði félögin drógu í gær
fréttir af fundinum til baka - og
talsmaður Southampton sagði
m.a.s. að Souness væri í fríi í Suð-
ur-Afríku.
■ RYAN Giggs var ekki með
Wales í vináttuleiknum gegn írum
í vikunni. Kenndi um meiðslum en
áhorfendur urðu margir ævareiðir
og í Cardiff, heimaborg hans, er
verið að gera skoðanakönnun um
það hvort velja eigi Giggs framar
í landsliðið eða ekki.
■ MÖRGUM knattspyrnuunnend-
um í Wales fínnst grunsamleg sú
staðreynd, að Giggs hefur aldrei
tekið þátt í vináttuleik með landslið-
inu. Fólk telur hann einfaldlega
ekki hafa áhuga á því og Bobby
Gould, landsliðsþjálfari, sagðist í
gær ætla að ræða sérstaklega við
leikmanninn vegna þessa.
■ EKVADOR sigraði Kólumbíu
1:0 í undankeppni HM í fyrrakvöld,
eins og kom fram í blaðinu í gær.
Þjálfari Ekvadorbúa þessa stund-
ina er Francisco Maturana, sem
stýrði liði Kólumbíu í lokakeppni
HM á Ítalíu árið 1990 og í Banda-
ríkjunum fjórum árum síðar.
■ ALLAN Bristow hefur verið
skipaður varaforseti bandaríska
NBA-körfuboltaliðsins Denver
Nuggets. Hlutverk hans á næst-
unni verður að grandskoða mögu-
leika á að ná í nýja leikmenn fyrir
næsta tímabil.
Eiður Smári Guðjohnsen fór í annan uppskurð í Belgíu í gær
Hefur ekki sparkad
bolta í níu mánuði
EIÐUR Smári Guðjohnsen, knattspyrnumaðurinn efnilegi sem er
atvinnumaður hjá PSV Eindhoven í Hollandi, varð að gangast
undir annan uppskurð í gær. Hann fótbrotnaði með landsiiði
leikmanna 21 árs og yngri gegn írlandi í Dublin 7. maí sl. sumar
og hefur ekki getað sparkað bolta síðan og nú er Ijóst að enn
verður hann að bíða í nokkra mánuði eftir því. Þetta kemur sér
mjög illa fyrir Eið Smára vegna þess að samningur hans við PSV
rennur út í júní og því verður samningsstaða hans mjög erf ið.
Sjúkrasaga Eiðs Smára er orðin
nokkuð löng. í leiknum í Dubl-
in brotnaði hægri sperrileggur og
tvö liðbönd slitnuðu. Liðböndin voru
negld föst og plata sett við brotið.
Fyrir nokkrum mánuðum voru síð-
an naglarnir og platan tekin úr
fætinum. Hann náði litlum bata og
hefur ekkert getað æft eða sparkað
bolta í níu mánuði og verið meira
og minna undir læknishendi. Nú
kom í ljós að samgróningur er á
milli kálfabeins og sköflungs og því
þurfti hann aftur í uppskurð.
„Þetta eru mjög alvarleg meiðsli
og koma sér afar illa,“ sagði Ólöf
Einarsdóttir, móðir Eiðs Smára, við
Morgunblaðið. „Nú verðum við bara
að biða og sjá hver framtíð hans
verður í fótböltanum. Hann verður
í gifsi og má ekki stíga í fótinn í
langan tíma - einhverja mánuði.
Þetta kemur sér illa vegna þess að
hann er í samningaviðræðum við
félagið um þessar mundir. Það er
erfitt fyrir leikmenn sem eru meidd-
ir að ná góðum samningi, það seg-
ir sig sjálft. Það skemmir líka fyrir
að hann meiddist í landsleik en
ekki hjá félaginu.“
Ólöf segir að Eiður Smári taki
þessum áföllum með jafnaðargeði.
„Hann er ótrúlega bjartsýnn og þol-
inmóður. Auðvitað tekur þetta á, en
nú vonast hann eftir að ná fullkomn-
um bata. Við tókum þá ákvörðun
að fara nú til dr. Martens í Antwer-
pen í Belgíu, sem er mjög þekktur
og góður íþróttalæknir og hefur
hjálpað mörgum knattspymumönn-
um^ þar á meðal Amóri pabba hans.“
Ólöf sagði að það tæki langan
tíma fyrir Eið Smára að komast
aftur í gang. „Það er mikilvægt að
hann fái nú allan þann tíma sem
hann þarf til að koma sér í góða
æfingu. Það er ómögulegt að spá
því á þessari stundur hvenær það
verður. Það væri gott ef hann næði
sér fyrir næsta keppnistímabil,“
sagði Ólöf við Morgunblaðið í gær,
rétt áður en hún lagði af stað frá
Eindhoven til Antwerpen í Belgíu
til að heimsækja son sinn.
KORFUKNATTLEIKUR / NBA
Shaquille O’Neal hætti eftir átta mínúturvegna meiðsla íhné
KNATTSPYRNA