Morgunblaðið - 18.03.1997, Blaðsíða 9
MORGUNBLAÐIÐ
KNATTSPYRNA
ÞRIÐJUDAGUR 18. MARZ 1997 B 9
h
Spennan
magnast í
Þýskalandi
Stuttgart hefur verið á mikilii
siglingu að undanförnu og
gert 13 mörk í þremur leikjum á
átta dögum. Um helgina tók liðið
meistara Dortmund í kennslustund
og vann 4:1. Stuttgart hefur
hleypt mikilli spennu í baráttuna
um Þýskalandsmeistaratitilinn en
aðeins tvö stig skilja að efsta og
fjórða lið.
Þýski landsliðsmaðurinn Stefan
Reuter skoraði fyrir Dortmund á
áttundu mínútu en Búlgarinn
Krasimir Balakov jafnaði fyrir
Stuttgart úr umdeildri vítaspyrnu
rétt fyrir hlé. Hollendingurinn
Frank Verlaat bætti öðru marki
við áður en flautað var til hálfleiks
en brasilíski miðheijinn Giovane
Elber og Króatinn Zvonimir Soldo
skoruðu í seinni hálfleik.
Stuttgart þótti leika skemmti-
legustu knattspyrnuna í fyrri hluta
keppninnar og liðið virðist vera
að komast aftur á sömu braut eft-
ir góða sigra á Hamburg, Köln
og Dortmund. Mark snemma leiks
setti það ekki út af laginu og
53.000 áhorfendur á Gottlieb-
Daimler leikvanginum - fullt hús
- fengu að sjá snilidartakta. Gest-
irnir mótmæltu vítaspyrnunni,
sem dómarinn dæmdi á Jiirgen
Kohler fyrir brot á Elber, og
hrukku úr gír. Rétt áður en flaut-
að var til hálfleiks skoraði Verlaat
með vinstri af um 20 metra færi,
Elber, sem sótti í sig veðrið eftir
því sem á leið, sneiddi hjá rang-
stöðugildru meistaranna og skor-
aði átta mínútum fyrir leikslok en
Solo innsiglaði sigurinn með lang-
skoti tveimur mínútum síðar. „Við
létum þá finna fyrir okkur í seinni
hálfleik en það nægði ekki,“ sagði
Ottmar Hitzfeld, þjálfari Dort-
mund, sem mætir Auxerre í seinni
leik liðanna í átta liða úrslitum
Meistaradeildar Evrópu á morgun.
„Þetta var engin vítaspyrna,“
bætti hann við.
Bayern Munchen vann Schalke
3:0 og er með jafn mörg stig og
Dortmund í efsta sæti. Bayern
hefur gengið illa að undanfömu
og því var sigurinn sérstaklega
mikilvægur. Thomas Helmer kom
heimamönnum á bragðið á 13.
mínútu en Christian Nerlinger
bætti öðru marki við á 89. mínútu
og Jurgen Klinsmann átti síðasta
orðið rétt áður en flautað var til
leiksloka.
Leverkusen, sem er með jafn
mörg stig og Stuttgart en lakari
markatölu, vann Arminia Bielefeld
1:0 og er í fjórða sæti. Hollenski
miðheijinn Erik Meijer skoraði
fjórum mínútum fyrir leikslok en
Bielefeld missti tvo menn út af
með rautt spjald.
SKOTINN Paul Lambert hjð
Dortmund og Zvonlmir Sol-
don hjá Stuttgart berjast um
knöttlnn.
Rangers
nálgast metið
RANGERS vann Celtic 1:0 á
sunnudag og er á góðri leið
með að verða Skotlands-
meistari níunda árið í röð en
aðeins Celtic hefur afrekað
það, 1965 til 1974. Leikurinn
var ekki góður. Brian Laudr-
up gerði eina markið rétt
fyrir hlé en miðheijinn Mark
Hateley fékk að sjá rauða
spjaldið í fyrsta leik sínum
með Rangers og vamar-
manninum Malky Mackay hjá
Celtic var einnig vikið af
velli.
„Ég hafði alltaf á tilfinn-
ingunni að fyrsta markið
ætti eftir að ráða úrslitum
og þannig fór það,“ sagði
Tommy Burns, þjálfari
Celtic. „En leikurinn var ekki
augnayndi.“
Rangers er með átta stiga
forystu en liðin eiga eftir sex
leiki. „ Við fögnum ekki titlin-
um strax,“ sagði Walter
Smith, þjálfari Rangers. „Við
höfum sigrað Celtie fjórum
sinnum á tímabilinu en erum
aðeins með átta stiga for-
skot. Það sýnir að árangur
okkar á móti hinum liðunum
hefur ekki verið eins góður
og haim gæti verið. Við get-
um ekki tekið því rólega eina
einustu mínútu.“
Sex lykilmenn Rangers
léku ekki með vegna veik-
inda eða meiðsla og m.a. var
Andy Dibble, þriðji mark-
vörður liðsins, í marki og
stóð sig vel.
Reuter
Einvígi Juve
ogParma
KEPPNIN um meistaratitilinn á Ítalíu, „lo scudetto" er nú al-
gjört einvígi Parma og Juventus. Parma sigraði Inter og er
áfram 5 stigum á eftir Juve meðan inter er heilum 10 stigum
á eftir toppliðinu og er úr leik í baráttunni um titilinn. Juve var
í litlum vandræðum með Roma á heimavelli og AC Milan lék
sinn besta leik ílangan tíma og sigraði Fiorentina örugglega.
Einar Logi
Vignisson
skrífar frá
ítaliu
Parma hirti enn einu sinni þrjú
stig með 1:0 sigri. Enrico
Chiesa gerði sigurmarkið gegn
Inter um miðjan fyrri hálfleik eftir
sendingu Ben-
arrivo. Leikmenn
Inter mótmæltu ák-
aft, töldu að um
rangstöðu hefði
verið að ræða en sjónvarpsupptök-
ur sýndu að dómarinn hafði rétt
fyrir sér og markið var löglegt.
Inter náði ekki að jafna þrátt fyr-
ir að vera manni fleiri undir lok
leiksins eftir að Dino Baggio var
vikið af leikvelli fyrir brot á Paul
Ince. Buffon markvörður Parma
átti stórleik og bjargaði liðinu með
stórkostlegri markvörslu. Hann
var vígreifur i leikslok: „Við einir
getum stoppað Juve og ætlum
okkur að gera það.“ Frakkinn Lill-
ian Thuram sem sýndi enn einu
sinni að hann er einn besti varnar-
maður heims hrósaði Buffon mjög:
„Það er ótrúlegt til þess að hugsa
að hann sé einungis 19 ára gam-
all, stöðugleikinn og öryggið er
slíkt.“ Landi Thurams, Youri
Djorkaeff leikmaður Inter, var
ákaflega svekktur yfir úrslitunum.
„Við lékum alls ekki illa en úrslit-
in eru dæmigerð fyrir þær sveiflur
Amunike hetja Barcelona
Ásgeir
Sverrísson
skrífar
frá Spáni
Nígeríski landsliðsmaðurinn
Daniel Amunike var hetja
Barcelona er liðið vann mikinn
heppnissigur á Lo-
gronyes, 1:0, í
spænsku meistara-
keppninni í knatt-
spyrnu á sunnu-
dagskvöldið. Barcelona-liðið er
enn í öðru sæti í spænsku fyrstu
deildinni en það lið sem mesta
athygli vekur þessa dagana á
Spáni er Real Betis. Liðið vann
enn einn stórsigurinn, drifið áfram
af framheijanum Alfonso, sem
endurtók leikinn frá í fyrri viku
og gerði aftur þrennu um helgina.
Leikmenn Barcelona virtust
með öllu áhugalausir í leiknum
gegn Logronyes og tæpast var
unnt að ímynda sér að hér færi
sama liðið og sigraði Atletico de
Madrid I bikarleiknum ótrúlega á
miðvikudag.
Eina mark leiksins kom á 83.
mínútu. Amunike skallaði þá bolt-
ann í markið eftir aukaspyrnu frá
miðjumanninum Ivan de la Penya,
sem var einna skástur leikmanna
Barcelona. Markið verður hins
vegar fært í syndaregistur Aiz-
korreta, markvarðar Logronyes,
sem misreiknaði sig gjörsamlega
í úthlaupinu. Þetta var fyrsta
mark Amunike á þessari leiktíð.
Enn á ný sannaðist að það eru
mörkin sem telja í knattspyrn-
unni; Nigeríumaðurinn nýtti sér
mistökin og innsiglaði heppnissig-
ur liðs síns.
Staðan á toppi 1. deildarinnar
breyttist ekki í leikjum sunnudags-
ins. „Spútnik“-liðið í deildinni, Real
Betis, gjörsigraði Rayo Vallecano
á útivelli 0-4. Framheijinn magn-
aði, Alfonso, gerði þrennu í leikn-
um eins og um síðustu helgi og
hafði lítið fyrir því. Eitt spænskt
dagblað sagði í gær að þrennuna
hefði hann gert „án þess að rugla
hárgreiðslunni“.
Liðið er hins vegar það sem
mest hefur komið á óvart á þessu
keppnistímabili. Það hefur nú skor-
að 64 mörk, fleiri en nokkru sinni
í sögu félagsins í fyrstu deildinni
og enn eru heilar 13 umferðir eftir.
sem hafa einkennt okkur í ár.“
„Baby-lið Juve vægðarlaust“
sagði „La Gazetta dello Sport“ um
sigur Juve á Roma þar sem fram-
herjarnir ungu Vieri og Amoruso
voru í aðalhlutverki. Engu virðist
skipta hve marga fastaleikmenn
vantar í lið Juventus - í þetta skipti
voru þeir fimm - vélin hikstar ekk-
ert. Christian Vieri átti mjög góðan
leik og setti tvö mörk í fyrri hálf-
leik og félagi hans Amoruso það
þriðja undir lok leiksins. Öll komu
mörkin eftir hraðar sóknir sem ein-
kenna Juventus.
„Ungu leikmennirnir nýta vel
tækifærin sem þeim gefast til að
sanna sig en það er liðsheildin sem
ég var ánægðastur með, við sýnd-
um enn einu sinni að enginn leik-
maður er ómissandi hjá okkur“
sagði Marcello Lippi, þjálfari Juve.
Aðspurður um það hvort Juventus
myndi flytja sig frá Tórínó sagði
hann það ólíklegt en bæði Juve og
lið Torino eru afar óánægð með
hinn kalda, stemmningslausa Delle
Alphi leikvang sem rekinn er af
borginni og hyggja á flutning á
gamla Stadio Communale leik-
vanginn, eða út fyrir borgina.
„Vorið er komið, í fyrsta skipti
á tímabilinu sáum við hið rétta
andlit Milan, taktík Sacchi gekk
upp, Savicevic er kominn í gang
og Albertini hafði gott af því að
sitja aðeins á bekknum. Nú er bara
að koma sér í Evrópukeppnina,"
sagði eigandi AC Milan, Silvio Ber-
lusconi, kampakátur eftir 2:0 sigur
á San Siro gegn Fiorentina. Frakk
inn Desailly gerði fyrra markið með
skalla eftir sendingu Savicevic og
Albertini, sem sat á bekknum í
fyrri hálfleik en kom inn á í leik
hléi fyrir Jesper Blomqvist, það síð-
ara úr vítaspyrnu á síðustu mínútu
leiksins.
Sampdoria náði að rífa sig upp
eftir slakt gengi undanfarið.sigraði
botnlið Reggiana 3:0 og skaust
uppfyrir Inter í þriðja sætið. Átti
markahrókurinn Vincenzo Montella
góðan dag, gerði tvö mörk og lagði
eitt upp fyrir Carparelli.
Úrslit / BIO
Staðan / BIO
FOLK
■ ARSENE Wenger, knatt-
spymustjóri Arsenal, er sagður
hafa mikinn áhuga á að kaupa
vinstri bakvörðinn Graeme Le
Saux frá Blackburn. Þeir munu
þegar hafa rætt saman og miklar
líkur eru á þessi fyrrum leikmaður
Chelsea snúi aftur til London fyrir
næsta keppnistímabil.
■ LE Saux hefur leikið frábærlega
síðan hann kom inn í lið Blackburn
á ný nóvember, eftir 14 mánaða
fjarveru vegna mjög slæmra
meiðsla.
■ JAMIE Redknapp, enski
landsliðsmaðurinn hjá Liverpool,
hefur verið orðaður við mörg félög
að undanförnu - síðast við Arsen-
al, Newcastle og Roma um helg-
ina. Talsmaður Liverpool segir
hann hins vegar ekki til sölu og
fljótlega verði farið að ræða við
hann um framlengingu samnings,
fram yfir aldamót. Redknapp er
23 ára.
■ TREVOR Sinclair, framheijinn
snjalli hjá QPR, er væntanlega á
fömm einhvem næstu daga. Ever-
ton og Leeds munu slást um fram-
heijann og sögð tilbúin að greiða 6
milljónir punda fyrir hann.
■ TONY Yeboah leikur varla
framar fyrir Leeds. Ghanabúanum
var skipt út af á 72. mín. gegn
Tottenham og brást ekki vel við.
Fór úr keppnistreyjunni og henti
henni í átt að George Graham,
knattspymustjóra, er hann strans-
aði framhjá varamannabekknum.
■ KENNY Dalglish stjóri New-
castle er staðráðinn í að styrkja
vörn liðsins, enda veitir ekki af.
Talið er að hann gangi frá samn-
ingi við Portúgalann Raul á næstu
dögum. Hann er 24 ára og kostar
félagið ekkert, þar sem samningur
hans við Farense er útrunninn.
■ FRANSKI varnarmaðurinn
Bruno Ngotty hjá París Saint
Germain er líka orðaður við New-
castle. Ef af verður í sumar þarf
Dalglish að greiða 2,5 miljónir
punda fyrir hann. Þess má geta að
Inter Milan hefur einnig sýnt
franska harðjaxlinum áhuga.
■ TIM Flowers, markvörður
Blackburn, er líka sagður á óska-
lista Newcastle. Dalgiish keypti
hann á sínum tíma til Blackburn
frá Southampton fyrir 2,4 miljónir
punda, sem enn er hæsta verð sem
greitt hefur verið fyrir markvörð í
Englandi. Dalglish er sagðurtilbú-
inn að slá það met í sumar.
■ GLASGOW Rangers er á hött-
unum eftir franska landsliðsmann-
inum Marcel Desailly hjá AC
Milan. Frakkinn, sem er 28 ára,
er gífurlega sterkur leikmaður og
getur hvort sem er leikið á miðj-
unni eða í vörn. Fulltrúar Rangers
og Milan hafa þegar rætt hugsan-
leg viðskipti að sögn Mail on
Sunday.
■ WALTER Smith, knattspyrnu-
stjóri Rangers, hefur einnig áhuga
á að kaupa argentínska framheij-
ann frábæra Gabriel Omar Bat-
istuta frá Fiorentina.
■ RYAN Giggs hjá Manchester
United hefur leikið frábærlega
undanfarið. „Hann er besti vinstri
útherji í heiminum. Það er einföld
staðreynd. Ég hef aldrei mætt
manni sem kemst í hálfkvisti við
hann,“ sagði Gary Neville, hægri
bakvörður United eftir sigurinn á
Sheff. Wedn. um helgina - „ekki
einu sinni í leikjum með enska
landsliðinu."
f.