Morgunblaðið - 19.03.1997, Qupperneq 4

KORFUKNATTLEIKUR
Opna skandinavíska meistaramótið í karate í Eslöv í Svíþjóð
Edda með
silfur og
Halldór brons
EDDA Blöndal og Halldór
Svavarsson landsliðsþjálfari
stóðu sig vel á Opna skandinav-
íska meistaramótinu í karate,
sem fór fram í Eslöv í Svíþjóð
um helgina. Mótið er eitt fjöl-
mennasta og sterkasta karate-
mót Evrópu en keppendur voru
480 frá 17 löndum. Edda varð
í öðru sæti í 60 kg flokki
kvenna, tapaði fyrir þýskri
stúlku í úrslitaglímunni, og
Halldór vann þýskan landsliðs-
mann örugglega, 6-0, í glímu
um þriðja sætið og bronsið í
65 kg flokki karla. „Þetta er
einn besti árangur sem við höf-
um náð enda eitt stekarsta opna
mótið sem fram fer í Evrópu,“
sagði Halldór Svavarsson,
Iandsliðsþjálfari.
Island vann Litháen á stigum
í fyrstu umferð en tapaði fyrir
Júgóslavíu í 2. umferð. Þrettán
þjóðir tóku þátt liðakeppninni,
auk sex félagsliða. Þjóðveijar
sigruðu og Júgóslavar voru í
öðru sæti.
HALLDÓR Svavarsson og Edda Blöndal.
*

,,, jM.n.uiuim'mr’
BLAA
GULU
örko
Hreystí
Velliftin
ms«:

MorgunDiaoio/ivnstinn öen.
SKÍÐI
Haukur og Dagný í sérflokki
Fögnuður!
MIKILL fögnuður braust út í
Grindavík í fyrrakvöld þegar
Grindavíkurstúlkur lögðu lið
Keflavíkur í öðrum leik liðanna í
undanúrslitum um íslandsmeist-
aratitilinn. Keflvíkingar, sem eru
deildar- og bikarmeistarar og sigr-
uðu í öllum leikjum sínum i deildar-
keppninni, eru því úr leik eftir að
hafa tapað tvívegis. Körfuknatt-
leiksáhugamenn segja að fánar
hafi verið dregnir að húni í Grinda-
vík í gær en Keflvíkingar hafi hins
vegar flaggað í hálfa stöng.
Haukur Arnórsson úr Ármanni
og Dagný Linda Kristjáns-
dóttir frá Akureyri höfðu töluverða
yfirburði á bikarmóti SKÍ, Her-
mannsmótinu, í alpagreinum sem
fram fór í Hlíðarfjalli við Akureyri
um helgina. Keppt var tvívegis í
stórsvigi og einu sinni í svigi. Þau
sigruðu bæði í öllum þremur grein-
unum og unnu því Hermanns- og
Helgubikarinn, sem veitur er þeim
einstaklingi sem nær bestum sam-
anlögðum árangri úr svigi og stór-
svigi. Þau unnu einnig svigið sem
fram fór á Ólafsfirði á föstudag og
má því segja að uppskeran hafi ver-
ið góð.
Dagný Linda, sem er aðeins 16
ára, var einnig gjaldgeng í flokki
15-16 ára sem kepptu samhliða
þeim eldri og vann því einnig gull-
verðlaunin í þeim flokki. Hún vann
því samtals sex gullverðlaun í Hlíð-
arfjalli um helgina og ein á Ólafs-
firði á föstudag. Þessi efnilega
skíðakona sigraði í bikarmótunum í
Reykjavík fyrir hálfum mánuði og
fór þá heim með sex gull. Hún hef-
ur því unnið til 13 gullverðlauna á
síðustu tveimur bikarmótum.
Heimaleikir
Albaníu á
Spáni
TVEIR næstu leikir ung-
mennaliðs Albaníu (U-21) í
riðlakeppni Evrópumóts
landsliða fara fram í Guadix
á Spáni vegna stjórnleysisins
í Albaníu. Um er að ræða við-
ureign á móti Úkraínu 29.
mars og leik við Þýskaland
1. aprfl. Knattspyrnusamband
Evrópu tók þessa ákvörðun
en áður hafði Alþjóða knatt-
spyrnusambandið ákveðið að
HM-leikir Albaníu á mótí fyrr-
nefndum þjóðum verði í
Granada á Spáni.
■ ARSENAL gekk frá kaupum á
markverðinum Alexander Mann-
inger frá austurríska liðinu Casino
Graz í gær - hann skrifaði undir
samning til ársins 2001. Manning-
en kemur til Arsenal í sumar.
■ MANNINGER, sem er aðeins
19 ára, er framtíðarmarkvöðrur
Arsenal. Tekur við af David Sea-
man, 33 ára, og John Lukic, 35
ára.
■ JÚRGEN Klinsmann hefur til-
kynnt Franz Beckenbauer, for-
manni Bayern MUnchen, að hann
hyggist leika með liði utan Þýska-
lands næsta tímabil.
■ KLINSMANN er með samning
fram í júní 1998 en má fara fyrr
án þess að greiðsla komi fyrir. „Ég
fell ekki inn í þetta umhverfi," sagði
miðherjinn sem hefur átt í útistöðum
við Bayern í vetur en taiið er að
hann sé með tilboð frá Englandi og
Spáni.
■ MARIO Basler, miðjumaður hjá
Bayern, sagðist vera óánægður eins
og fleiri leikmenn hjá félaginu og
því skildi hann vel afstöðu Klins-
manns.
■ TONY Yeboah, miðheiji Leeds,
á ekki framtíðina fyrir sér hjá félag-
inu en Hertha Berlin, félag Eyj-
ólfs Sverrissonar, er tilbúið að
leggja fram um 550 millj. kr. til að
krækja í Ghanamanninn fyrir
næsta tímabil.
■ PETER Schmeichel, markvörð-
ur Manchester United, hefur hafn-
að kröfu Knattspyrnusambands
Englands um að hann sættist við
Ian Wright, miðherja Arsenal.
Eins og greint hefur verið frá lenti
þeim saman í leik liðanna fyrir ára-
mót og aftur á dögunum. Schmeic-
hel var sakaður um kynþáttafor-
dóma en hann vísaði því á bug.
■ LIVERPOOL hefur keypt mark-
vörðinn Jörgen Nielsen frá
Hvidovre i Danmörku fyrir
400.000 pund. Roy Evans, stjóri
Liverpool, fylgdist einnig með
dönsku miðheijunum Jesper
Gronkjær og Miklos Molnar í
Danmörku um helgina.
■ JENS Lehmann, markvörður
Schalke, hélt markinu hreinu í sam-
tals 596 mínútur samfellt í deildinni
og var 46 mínútum frá því að slá
met Olivers Recks hjá Bremen.
■ RALF Regenbogen, sem er 39
ára, lék með Schalke um helgina
en hann hefur ekki leikið í deildinni
í áratug. Kappinn var með vegna
mikilla forfalla í hópnum en átta
menn af 22 gátu ekki spilað.
■ JÚRGEN Klinsmann verður í
banni þegar Bayern mætir
Karlsruhe um helgina en miðheij-
inn er kominn með fimm gul spjöld.