Morgunblaðið - 03.05.1997, Blaðsíða 1
LANDSMANNA
___ BLAÐ ALLRA
JNwgttnlritoMfr
C
1997
LAUGARDAGUR 3. MAI
BLAD
KNATTSPYRNA
KANU með knöttlnn
f landsleik gegn Brasllfu.
Kanu má
leika á ný
NWANKO Kanu, Nígeríumaðurinn
snjalli, hefur fengið grænt ljós á
að hefja knattspymuiðkun á ný eft-
ir að hafa þurft að gangast undir
hjartauppskurð fyrir fimm mánuð-
um vegna hjartagalla. Þetta er haft
eftir foráðamönnum Inter Milan en
þessi tvítugi knattspymumaður
skrifaði undir samning við félagið
nokkru áður en gallinn uppgötvað-
ist í fyrrahaust. Kanu átti hvað
mestan þátt í að Nígeríumenn urðu
Ólympíumeistarar í knattspyrnu í
fyrra.
Forvígismenn Inter glöddust yfír
fréttinni í gær en forðuðust samt
að gera of mikið úr henni þrátt
fyrir að læknar á sjúkrahúsinu í
Bandaríkjunum, þar sem aðgerðin
fór fram, segðu að Kanu væri nú
betur á sig kominn en nokkru sinni
fyrr og gæti óhikað látið til sín taka
á knattspyrnuvellinum á nýjan leik.
ÍSLENSKA landsliðið í handknatt-
leik byijaði ekki vel á æfíngamótinu
á Spáni í gær; tapaði 20:23 fyrir
Þjóðveijum. íslenska liðið lék ekki
vel, og fyrirliðinn, Geir Sveinsson,
sem er á myndinni hér til hliðar,
sagðist vona að leikurinn þýddi að
fall væri fararheill. íslendingar
mæta Spánveijum í dag og Hvít-
Rússum á morgun. Þetta eru síð-
ustu leikir íslands fyrir HM í Japan.
■ Leikurlnn / C2
HANDKNATTLEIKUR
Bjarki til Drammen
Félagið vill einnig fá Rúnar Sigtryggsson landsliðsmann úr Haukum
Bjarki Sigurðsson landsliðs-
maður í handknattleik hefur
ákveðið að gera þriggja ára samn-
ing við norska meistaraliðið
Drammen. Formaður norska fé-
lagsins, Areld Österby, greindi frá
þessu í gær og Bjarki staðfesti í
samtali við Morgunblaðið að þetta
væri rétt.
„Ég neita því ekki að ég hef
gefíð þeim vilyrði fyrir þriggja ára
samningi, sem er uppsegjanlegur
eftir eitt ár af minni hálfu. En
ég ítreka að ég er ekki búinn að
skrifa undir neitt. Ég á eftir að
tala við forráðamenn Afturelding-
ar þegar ég kem heim og þetta
skýrist endanlega eftir þann
fund,“ sagði Bjarki við blaðamann
Morgunblaðsins á Spáni, en þar
er hann með landsliðinu.
Að sögn Österbys verður vænt-
anlega gengið frá samningnum
við Bjarka í næstu viku.
„Ég er að sjálfsögðu mjög sátt-
ur við þessa niðurstöðu," sagði
Gunnar Gunnarsson, við Morgun-
blaðið í gær, en hann tók á dögun-
um við þjálfarastöðunni hjá
Drammen. „Bjarki er mér að góðu
kunnur og ég þekki vel getu hans
og styrk,“ bætti Gunnar við en
þeir félagar léku saman í landslið-
inu og hjá Víkingi undir stjórn
Gunnars.
Gunnar sagði ennfremur að ekki
væri loku fyrir það skotið að fleiri
íslenskir leikmenn yrðu undir sinni
stjóm á næstu leiktíð. Hann væri
að leita sér að rétthentri skyttu
og það kæmi alveg eins til greina
að hún kæmi frá Islandi. Morgun-
blaðið hefur heimildir fyrir því að
áðumefndur Österby hafí þegar
sett sig í samband við forráðamenn
bikarmeistaraliðs Hauka í því
skyni að semja um kaupa á Rún-
ari Sigtryggssyni. Hann er enn
samningsbundinn Hafnarfjarðar-
félaginu, viðræður enn á fmmstigi
og því óljóst hvort af því verður
að hann fari utan.
Oldham
vill selja
Þorvald
ÞORVALDUR Örlygsson,
landsliðsmaður í knattspyrnu,
sem verið hefur á mála þjá
enska félaginu Oldham síðustu
mánuði, hefur verið settur á
sölulista hjá félaginu.
Oldham féll niður i 2. deild
ensku knattspyr nunnar nú í
vor og Neil Warnock, fyrrum
leikmaður liðsins, sem tók við
starfi knattspyrnustjóra þegar
langt var liðið á tímabilið, hef-
ur ákveðið að byggja liðið upp
frá grunni. Tiu leikmenn fá
að fara frá félaginu án þess
að greiðslu verði krafist fyrir
þá, en Þorvaldur er reyndar
ekki einn þeirra. Oldham vill
selja hann ásamt fieirum.
Zola bestur
GIANFRANCO Zola, italski
landsliðsmaðurinn hjá
Chelsea, hefur verið valinn
knattspyrnumaður ársins i
Englandi af blaðamönnum
sem fjalla um knattspyrnu
þar í landi. Þetta kom fram
á Sky sjónvarpsstöðinni í gær-
kvöldi. Brasilíumaðurinn Jun-
inho hjá Middlesbrough varð
í öðru sæti í kjörinu og þriðja
framherjinn Mark Hughes hjá
Chelsea.
KAPPAKSTUR: BEIIMAR ÚTSENDINGAR FRÁ FORMULA1 AÐ HEFJAST Á RÚV / C3