Morgunblaðið - 14.06.1997, Qupperneq 4

ámm
|K«r0intitlaMb
GOLF
Fyrsta högg-
ið á 18 holu
vellinum
NÝI 18 holu golfvöllurinn að Korp-
úlfsstöðum var opnaður í gær, en
hafist var handa við gerð hans 13.
júní 1995 og níu fyrstu holumar
voru opnaðar fyrir ári . Fyrrverandi
formenn Golfldúbbs Reykjavíkur
komu saman við þetta tækifæri og
núverandi stjórn golfklúbbsins auk
fleiri kylfínga. Meðal gesta var
Hannes Þorsteinsson, sem hannaði
völlinn og Stefán Hermannsson borg-
arverkfræðingur sló upphafshöggið
og var myndin tekin við það tæki-
færi. Viðstaddir virðast horfa afar
spenntir á eftir kúlunni.
Reiknað er með að þessi nýi völlur
verði formlega vígður í tengslum við
Landsmótið í sumar.
Morgunblaðið/Ámi Sæberg
AKSTURSIÞROTTIR
Kapphlaup við tímann
Morgunblaðið/Gunnlaugur Rögnvaldsson
LOKAMYND er hér að komast á Dodge Ram-torfærujeppa
Rafns Harðarsonar, sem verður sá fyrsti með útlitl nýs jeppa
á markaðnum hérlendis. Jeppinn verður með nýrrl 700 hest-
afla vél og allur annar búnaður verður nýr.
MIKIÐ kapphlaup var hjá Rafni
Harðarsyni og aðstoðarmönn-
um og Haraldi Péturssyni og
aðstoðarmönnum að Ijúka
smíði yfirbyggingar torfæru-
jeppa með útliti nútímajeppa
fyrir torfærukeppni í Jósepsdal
í dag. Rafn er búinn að smíða
nýjan jeppa með Dodge Ram-
útliti og Haraldur er að setja
Musso-yfirbyggingu á sitt
gamla ökutæki, meistarajepp-
ann þrautreynda.
Auk þessara kappa eru aðrir
búnir að breyta, m.a. Gísli
G. Jónsson í Þorlákshöfn. „Ég
ákvað að smíða nýja
skrifar snúin. Þá er ég að
setja loftpúðafjöðr-
un allan hringinn, var með loftpúða
að framan á Akureyri, en ætla að
sjá hvernig þetta kemur út,“ sagði
Gísli. Hann var óheppinn í síðustu
keppni, vélin gafst upp í mikilvægri
þraut. „Ég komst að því eftir keppn-
ina að vélin hafði ryksugað gryíj-
urnar, var full af mold. Lofthreins-
ari hafði klofnað og sogaði moldina
inn í vél og kertin mótmæltu, hættu
að virka. Ég hreinsaði vélina og
verð tilbúinn í slaginn, reyndar á
síðustu stundu,“ sagði Gísli.
Haraldur og Rafn verða líka sein-
ir fyrir. Rafn er búinn að smíða
jeppa frá grunni með Dodge Ram-
útliti. „Ég setti vélina í gang og
hún hljómar fallega, á örugglega
eftir að kitla einhvetja. Þetta hefur
verið miklu meiri vinna en ég og
aðstoðarmenn mínir bjuggumst við,
en það verður spennandi að mæta
á spánýjum jeppa,“ sagði Rafn, sem
verður búinn að prófa jeppann fyrir
keppni. Haraldur ætlaði að reyna
að koma Musso-yfirbyggingu á sinn
jeppa, en óljóst var í gærkvöldi
hvort það tækist í tæka tíð. „Ég
verð að gera betur en í fyrsta mót-
inu, þar sem ég varð fjórði. Verð
að vinna í Jósepsdal. Ég hef breytt
fjöðruninni lítilsháttar sem vonandi
kemur til góða,“ sagði meistarinn.
Átta þrautir verða eknar í Jós-
epsdal og sigurvegarar síðasta
móts, Einar Gunnlaugsson frá Ak-
ureyri og Gunnar Pálmi Pétursson
frá Hornfírði, verða báðir meðal
keppenda. Fjögur mót af fimm gilda
til lokastiga og úrslitin í mótinu
núna geta ráðið miklu um framhald-
ið. Keppt verður á Egilsstöðum, á
Akranesi, í Jósepsdal og á Hellu.
Villenuve á
heimavelli
KANADABÚINN Jacques VU-
lenueve verður á heimavelli í
kanadíska Formula 1 kapp-
akstrinum á morgun. Hann ekur
Williams Renault og hefur for-
ystu í stigakeppni ökumanna.
Er með 30 stig, en Þjóðveqinn
Michael Schumacher er með 27.
Brautin sem ekin verður er
skírð eftir föður Villenueve,
Gilles Villenueve sem lést í
kappakstri. Hann þótti einn
snjallasti ökumaður síns tima
og vann sinn fyrsta sigur á
brautinni í Kanada. Sonur hans
á nú brautarmetið í einum hring
í keppni, 1.21,916 mínútur sem
þýðir 194 km meðalhraða.
Keppnin í Montreal verður
305 km löng, en 69 hringir eru
eknir á braut, sem er bæði hröð
og hæg. Mesti hraði er 310 km
á klukkustund, en minnsti um
75 í einstökum beygjum, en
hluti brautarinnar er hluti af
vegkerfí borgarinnar. Reynir
mikið á hæfni ökumanna á
bremsum og gírskiptingum í
þessari braut, en bensíneyðslan
er líka mikil. I síðustu keppni
lentu margir ökumenn í vand-
ræðum með dekkjabúnað sinn.
Villenueve sýndi mikla kænsku,
ók af meiri mýkt en aðrir og
kom þannig í veg fyrir óþarfa
slit á dekkjum. A meðan lentu
helstu keppinautar hans í vand-
ræðum vegna dekkjaslits.
Á æfingum Magny Cours
brautinni í Frakklandi fyrir
skömmu náði Jean Alesi besta
aksturstíma ökumanna, en hann
varð þriðji í síðustu keppni.
Jordan ökumennirnir Giancarlo
Fisichella og Ralf Schumacher
náðu einnig mjög góðum tímum
og eru bjartsýnir fyrir keppnina
í Kanada. Á æfingum í Montre-
al í gær var Þjóðverjinn Heinz
Harald Frentzen með bestan
tima i brautinni, 1.20,289 mín.,
Giancarlo Fisichella náði næst
besta tíma og Villeneuve var
þriðji í röðinni.
Kvennaliðið
til Kanada
KVENNALANDSLIÐ íslands í
handknattleik leikur á æfingamóti
í Kanada 27. júní til 1. júlí. Liðið,
sem leikur í forkeppni Evrópumóts-
ins í haust, er þannig skipað:
Fanney Rúnarsdóttir, Stjörnunni,
Helga Torfadóttir, Víkingi, Vigdís
Sigurðardóttir, Haukum, Anna
Blöndal, ÍBA, Auður Hermanns-
dóttir, Haukum, Björk Ægisdóttir,
FH, Brynja Steinssen, KR, Dagný
Skúladóttir, FH, Halla María
Helgadóttir, Sola, Harpa Melsteð,
Haukum, Heiða Erlingsdóttir, Vík-
ingi, Herdís Sigurbergsdóttir,
Stjörnunni, Hrafnhildur Skúladótt-
ir, FH, Inga Fríða Tryggvadóttir,
Stjömunni, Svava Sigurðardóttir,
Eslövs og Thelma Ámadóttir,
Haukum.
Landsliðið á
Polar Cup
LANDSLIÐ 22 ára og yngri í körfu-
knattleik er í Ósló í Noregi, þar sem
Polar Cup mótið hefst í dag og lýk-
ur á miðvikudag.
Jón Kr. Gíslason landsliðsþjálfari
stjórnar liðinu. Eftirtaldir skipta
hópinn:
Gunnar Einarsson, Elentínus
Margeirsson og Þorsteinn Húnfjörð
úr Keflavík, Páll Kristinsson og Órv-
ar Kristjánsson úr Njarðvík, Páll
Axel Vilbergsson og Helgi Jónas
Guðfinnsson úr Grindavík, Daníel
Árnason úr Haukum, Bergur Emils-
son úr Val, Fannar Ólafsson úr
Laugdælum, Hafsteinn Lúðviksson
úr Þór og Arnar Kárason úr Tinda-
stóli.
Kænur og
bretti til sölu
ÁKVEÐIÐ hefur verið að selja allan
þann búnað sem notaður var við
keppni á seglbátum og brettum á
Smáþjóðaleikunum í síðustu viku, í
stað þess að senda hann aftur utan.
Báðar gerðir era í ólympíuflokki
kæna og bretta og valin af ólympíu-
nefndum, þar sem þessar gerðir
þykja henta vel fyrir æfða siglinga-
menn svo og byrjendur.
Um er að ræða 22 Laser-báta og
18 Mistral-bretti. Þess má geta að
brettin eru með tveimur seglum og
aukabúnaði, svo sem möstrum og
bómum.
Þeir sem hafa áhuga geta kynnt
sér búnaðinn og greiðsluskilmála í
aðstöðu íþrótta- og tómstundaráðs
Reykjavíkur við Fossvog í dag. Selj-
andi er Siglingasamband Islands
fyrir hönd Ölympíunefndar. Einnig
má leita upplýsinga í 564 4477 og
898 2757.
Smellubiixur
Kringlunni 8-12 • Sími 568 6010