Morgunblaðið - 04.02.1998, Blaðsíða 2

2 B MIÐVIKUDAGUR 4. FEBRÚAR 1998
KÖRFUKNATTLEIKUR
MORGUNBLAÐIÐ
Eins og í sögu
Grímurní
PEGAR Njarðvíkingar flugu til ísafjai'
ar, vegna leiks þeirra við KFÍ í undanú
slitum bikarkeppninnar fyrir skömm
brugðu nokkrir forystumanna félagsins
leik. Þeir höfðu rykgn'mur meðferðis c
héldu þeim fyrir vitum sér er þeir koir
til bæjarins. Ástæða þessa uppátækis v;
ísfírðingar hafa átt mikilli velgengni að
fagna í úrvalsdeildinni í körfuknattleik,
/
síðan KFI komst þangað fyrst haustið
1996. Edwin Röffnvaldsson ræddi við
þjálfarann Guðna 0. Guðnason og David
Bevis, bandaríska driffiöður liðsins á
s
vellinum, á Isafírði á dögunum - í kjölfar
þess að liðið öðlaðist rétt til að leika til
úrslita í bikarkeppninni um aðra helgi.
Iíörfuknattleiksfélag ísafjarðar,
KFI, hefur náð athyglisverðum
árangri á Islandsmótinu og í bik-
arkeppninni í körfuknattleik í
vetur. Félagið er nú á sínu öðru
ári í úrvalsdeild og er þar í 4.
sæti. A dögunum tiyggði liðið sér
rétt til að leika til úrslita í bikar-
keppninni við Grindavík, en leik-
urinn fer fram í Laugardalshöll
hinn 14. febrúar nk. Fyrir vikið
ríkir mikil gleði og eftii’vænting á
meðal Isfírðinga, sem eru án efa
dyggustu stuðningsmennirnir í
íslenskum körfuknattleik - og
þótt leitað væri í fleiri hópíþróttir
hér á landi.
Þegar KFÍ hafði tryggt sér
sæti í úrvalsdeild vorið 1996,
gerðist Guðni 0. Guðnason, fyrr-
um leikmaður KR, þjálfari þess.
Hann segir markmið sitt á fyrsta
tímabilinu með liðið hafa verið
einfalt: „Að halda liðinu í úi-vals-
deildinni. Þegar það hafði verið
tryggt, reyndum við að komast í
úrslitakeppnina, en það gekk nú
ekki. Við lukum keppni með jafn-
mörg stig og ÍR, sem komst
áfram, en við urðum að láta í
minni pokann vegna úrslita úr
innbyrðis viðureignum."
Isfirðingar gerðu nokkrar
breytingar á leikmannahópi sín-
um frá fyrra tímabiii. Þeir fengu
Bandaríkjamanninn David Bevis,
sem hefur reynst þeim mjög vel
sem miðherji, KR-inginn Ólaf
Jón Ormsson, sem hóf leik að
nýju eftir ársfrí frá körfuknatt-
leik, og spænska leikstjórnand-
ann Marcos Salas, svo einhverjir
séu nefndir. Þessir þrír skipa eitt
allra sterkasta byrjunarlið úr-
valsdeildarinnar ásamt Friðrik
Stefánssyni og Baldri I.
Jónassyni.
„Við vorum ekki búnir að
mynda endanlegan leikmannahóp
fyrr en Marcos [Salas] kom,“
segir Guðni, en Spánverjinn kom
til landsins örfáum dögum áður
en keppnistímabilið hófst, „En
þegar ég hafði fengið Ólaf í liðið
og æfíngar hófust, sá ég að liðið
var svo gott að við gátum farið
nokkuð langt. Við settum okkur
samt engin sérstök markmið. Við
vissum að ef við fengjum góðan
leikstjómanda, gætum við orðið á
meðal efstu liða. Það kom á dag-
inn þegar við fengum Marcos,
sem var alger draumasending,
því hann er mjög góður leikmað-
ur. Þá vorum við komnir með
góðan mann í hverja stöðu.
„Breiddin“ er ef til vill ekkert
gríðarleg, en við erum með
nokkra varamenn sem geta skil-
að sínu hlutverki með sóma,“
segir þjálfarinn.
Vil bara sigra
Guðni segist ekki hafa sett lið-
inu neitt ákveðið markmið í upp-
hafi tímabilsins. „Ég fer bara í
hvern leik til að vinna hann. Það
er mitt markmið - að sigra. Ég vil
bara sigra og er óánægður þegar
ég tapa. Samt mun ég ekki taka
því sem ósigri ef við verðum ekki
meistarar. Það er ósanngjarnt.
Ég vona bara að liðið komist eins
langt og það getur.
Það kann ekki góðri lukku að
stýra að setja sér eitthvert mark-
mið í upphafi tímabils, sem liðið
nær síðan ef til vill auðveldlega
og að allir séu síðan himinlifandi
yfir því. Mér finnst það bara
rangt. Fyrir tímabilið held ég að
menn hafi alls ekki einbh'nt á
fyrsta sætið, en við höfum unnið
öll efstu liðin og sýnt að við get-
urn unnið þau öll.
A góðum degi getum við leikið
mjög vel, en við höfum líka sýnt
að við getum spilað mjög illa þess
á milli. Stöðugleikann vantar - að
spila af fullum krafti í hverjum
einasta leik.“
Hafíð þið ekki sýnt fram á að
þið eigið engu minni möguleika
en aðrir á Islandsmeistaratitli,
þar sem ykkur hefur tekist að
sigra efstu lið úrvalsdeildarinn-
ar?
„Ég segi strákunum að halda
sig á jörðinni. Við erum ekki bún-
ir að tryggja okkur sæti í úrslita-
keppninni ennþá, því það er stutt
í áttunda sætið. Það má því lítið
út af bregða - meiðsli geta t.d.
gert okkur erfitt fyrir. Þess
vegna er best að einbeita sér að-
eins að næsta leik.“
Þú hefur varla búist við svona
miklum framförum á jafn
skömmum tíma, þegar þú tókst
við.
„Nei, þetta hefur gengið von-
um framar. Ég varð bara ánægð-
ur þegar við unnum fyrsta leik-
inn, því ég bjóst ekki við því að
vinna marga. Síðan þá hefur
strákunum farið fram. Friðrik
[Stefánsson] hefur blómstrað - ég
bjóst aldrei við því sem þann hef-
ur sýnt undanfarið. Ólafur er
einnig mjög góður leikmaður og
David Bevis er óstöðvandi undir
körfunni. Þegar við náum saman
er mjög erfitt að stöðva okkur.“
Bevis einstakur
persónuleiki
Þú hefur verið heppinn með
erlendu leikmennina, sem hingað
komu íhaust, ekki satt?
„Já, t.d. er David Bevis mjög
góður leikmaður - það fer ekkert
á milli mála. En við erum einnig
heppnir með hann að öðru leyti,
vegna persónuleikans. Hann
sættir sig ekki við annað en sig-
ur, er líka mjög góður leiðtogi
inni á vellinum og fær alla með
sér með baráttunni. Þannig
leggjast allir á eitt, í því skyni að
sigra,“ segir Guðni.
Isafjörður er einstakur staður
hvað stuðning bæjarbúa varðar,
ekki satt?
„Þetta er bara alveg ótrúlegt.
Það liggur við að áhorfendur,
sem eru á okkar bandi í útileikj-
um, séu fleiri en ég átti að venj-
ast í heimaleikjum þegar ég lék
með KR.“
A þessi stuðningur Isfírðinga
GUÐNI Ó.
Guðnason, þjálfari KFI, og David Bevis, besti leikmaður iiðs
til Akureyrar á fimmtudag, þar sem Pórsars
Gentvy tapaði í
í fyrsta leiknum
ekki mikinn þátt í hröðum fmm-
fórum liðsins?
„Jú, alveg tvímælalaust. Stuðn-
ingur þeiiTa er mjög mikilvægur.
Að auki er nauðsynlegt að margir
áhorfendur komi á heimaleiki
okkar, því þá koma peningar í
kassann. Það er dýrt að reka hð-
ið. Við erum með tvo erlenda
leikmenn og hver útileikur kostar
okkur um hundrað þúsund krón-
ur. Þetta er svakaleg velta og
gott gengi hðsins auðveldar okk-
ur vitaskuld að fá dæmið til að
ganga upp. Þetta er í raun ekkert
annað en viðskipti."
Grindvíkingar
ekki ósigrandi
Þú hlýtur að vera farinn að
hugsa eitthvað um bikarúrslita-
leikinn?
„Jú, vissulega. Um það sem
leikaðferð snertir og annað slíkt,
en það eina sem ég veit fyrir víst
er að við ætlum að vinna leikinn.
Við erum nýbúnir að spila við Gr-
indvíkinga og þeir verða erfiðir.
Helgi Jónas [Guðfinnsson] var
meiddur þegar við lékum við þá
síðast, en hann verður nær ör-
ugglega með í bikarúrslitunum.
Það er líka mjög erfitt að eiga við
Darryl Wilson, en í svona leik
gefa allir það sem þeir eiga - og
rúmlega það. En þeir eru ekkert
ósigrandi, þessir Grindvíkingar,
langt í frá.
Má ekki búast við því að marg-
ir Isfírðingar leggi leið sína í
Laugardalshöllina 14. febrúar?
„Ég hugsa að ótrúlegur fjöldi
ísfirðinga fylgi okkur, þótt sam-
göngur héðan til Reykjavíkur séu
ekki mjög einfaldar. Að auki búa
margir Isfirðingar í Reykjavík.
Það má segja að það sama gildi
um Isfirðinga í Reykjavík og Is-
lendinga í útlöndum. Menn fylgja
sínum, fara langar leiðir til þess
að styðja sína menn,“ segir
Guðni.
Alvin Gentry reið ekki feitum
hesti frá fyrsta leik sínum sem
þjálfari Detroit Pistons í fyrrinótt,
en lið hans tapaði íyrir Washington
Wizards, 113:101, í höfuðborginni.
Rod Strickland gerði 26 stig og gaf
tíu stoðsendingar fyrir sigurliðið
auk þess sem Chris Webber skor-
aði 23 stig og tók tólf fráköst.
Gentry tók við þjálfun Detroit eftir
að Doug Collins hafði verið sagt
upp.
„Þetta var hræðilegt. Við höfum
ekki leikið jafn slæma vörn í um
þrjú ár,“ sagði Gentry sem hefur
verið aðstoðarþjálfari hjá Detroit
um nokkurt skeið. Jerry Stackhou-
se var stigahæstur leikmanna
Detroit, gerði 22 stig.
Cleveland Cavaliers vann
Minnesota Timberwolwes á heima-
velh, 109:99. Nýliðinn Cedric
Henderson setti persónulegt met
er hann gerði 24 stig og Shawn
Kemp skoraði sextán stig og tók 12
fráköst. Zydrunas Ilgauskas gerði
að auki 19 stig og tók tíu fráköst.
Sömu sögu er að segja af Wesley
Person, nema að hann gerði einu
stigi minna.
„Þetta var mikilvægur sigur,“
sagði Mike Fratello, þjálfari
Cleveland, en liðið er jafnt
Charlotte og Atlanta í þriðja sæti
miðriðilsins. Stephon Marbury var
stigahæstur leikmanna Minnesota,
gerði 27 stig, en liðið lék án Tom
Gugliotta, sem á við margvísleg
fótamein að stríða.
Alonzo Mourning gerði 22 stig,
hitti úr tíu af tólf skotum sínum, og
tók sautján fráköst í sigri Miami
Heat á Atlanta Hawks, 90:83. Mi-
ami jók þannig naumt forskot sitt í
Atlantshafsriðlinum. Mookie Blay-
lock skoraði 22 stig íyrir Atlanta,
en miðherji liðsins,' Dikembe Mut-
umbo, meiddist þegar skammt var
til leiksloka eftir brot Voshons
Lenards og var fluttur á sjúkrahús
í myndatöku.
Kevin Johnson lék sinn fyrsta
leik með Phoenix Suns eftir að hafa
misst af 31 leik vegna meiðsla og
gerði þýðingarmikla körfu í sigri
liðsins á Philadelphia. Antonio
McDyess átti góðan leik fyrir
Phoenix, gerði 22 stig, tók þrettán
fráköst og gaf sjö stoðsendingar.
Rex Chapman gerði að auki 29 stig
og hitti úr fjórum af fimm þriggja
stiga skotum.
Chicago gerði góða ferð til Den-
ver og burstaði lið Denver, 111:72,
eftir að hafa tapað illa fyrir Los
Angeles Lakers á sunnudagskvöld.
Scott Burrell, bróðir hlauparans
Leroy Burrell, gerði 24 stig og
Scottie Pippen nítján. Rick Fox
gerði 25 stig og Shaquille O’Neal
24 stig fyrir Lakers á sunnudag,
þegar Bulls kom í heimsókn. Þetta
var næststærsta tap Bulls á tíma-
bilinu. Michael Jordan gerði 31 stig
fyrir Bulls. Del Han-is, þjálfari Los
Angeles, sagði þetta besta leik liðs-
ins síðan hann tók við því fyrir
tæpum fjóram árum.