Morgunblaðið - 08.04.1998, Blaðsíða 1
B L A Ð
A L L R A
LANDSMANNA
c
1998
MIDVIKUDAGUR 8. APRIL
BLAD
Úrslitin hefjast
á laugardaginn
FYRSTI úrslitaleikur Fram og Vals fer fram i
Framhúsinu á laugardaginn og hefur verið settur
á klukkan 14. Önnur viðureign liðanna verður á
mánudaginn á Hlíðarenda og þriðja sinni hefja
liðin leik á miðvikudag eftir viku, 15. apríl. Fjórði
leikur er settur á laugardaginn 18. apríl og fímmti
leikurinn, komi til hans, verður í Framhúsi mánu-
daginn 20. apríl.
Konumar byrja á þriðjudaginn
Fyrsti leikur Stjömunnar og Hauka í úrslitum
kvenna verður á þriðjudaginn í Ásgarði í Garða-
bæ. Öðru sinni mætast félögin í íþróttahúsinu við
Strandgötu fimmtudag 16. aprfl. Stjaman á
heimaleik sunnudaginn 19. aprfl og Haukar hýsa
fjórðu viðureign liðanna miðvikudaginn 22. aprfl.
Komi til fimmta leiksins fer hann fram í Ásgarði
laugardaginn 25. apríl.
Morgunblaðið/Einar Falur
TEITUR Öriygsson, í miðið, átti mjög góðan leik í gær og hér
fagna þeir Páll Kristinsson og Petey Sessoms honum.
Morgunblaðið/Árni Sæberg
FRAMARAR fögnuðu gríðarlega eftir sigurínn á FH-ingum í gærkvöldi. Fyrír miðrí mynd er Reynir
Þór Reynisson, markvörður iiðsins og hetja, umkringdur áköfum áhangendum liðsins.
Var kominn
tími á okkur
Stöndum sam-
an allt til loka
„ÞETTA var rosalegur leikur
eins og vænta mátti enda var
mikið í húfí og þá hittir skratt-
inn ömmu sína og menn gerðu
sín mistök eins og gengur þeg-
ar svo stendur á,“ sagði Friðrik
Ingi Rúnarsson þjálfari Njarð-
víkinga eftir að lið hans hafði
tryggt sér réttinn til að leika til
úrslita við KR í úrvalsdeildinni í
körfuknattleik með sigri á ná-
grönnunum í liði Keflavíkur í
gærkvöldi.
„Við byrjudum mjög vel en
síðan komust Keflvíkingar yfir
en sem betur fer náðum við
okkur á strik á ný. Okkur lang-
aði rosalega til að komast f úr-
slitin enda finnst okkur orðið
of langt síðan Njarðvík hefur
verið í úrslitum, heil tvö ár og
tími til kominn að fara þangað
aftur. Hver einn og einasti
leikmaður skilaði sínu og bar-
áttan var rosaleg í mannskapn-
um og vörnin var góð lengstum
og frábær fyrstu tíu mínúturn-
ar. Okkur tókst að halda
nokkrum af lykilmönnum
þeirra niðri, svo sem Spillers
og Guðjóni.
Mér líst vel á að mæta KR í
úrslitum þó svo ég sé ekkert
farinn að hugsa um það. Ætli
maður byrji ekki á því seinna í
kvöld. Það má ef til vill segja að
þar mætist austrið og vestrið,
svipað og í Bandaríkjunum, því
liðin hafa talsvert ólíkan
leikstíl,“ sagði Friðrik Ingi.
■ Okkur langaði / C3
MÉR líðiw vitaskuld stórkost-
lega,“ sagði Guðmundur Guð-
mundsson, þjálfari Fram eftir að
liðið tryggði sér rétt til að leika til
úrslita um íslandsmeistaratitilinn í
handknattleik, með sigri á FH í
æsispennandi, framlengdum leik
(24:22) í Framheimilinu í gærkvöldi.
„En þetta reyndi hrikalega á taug-
amar. Við höfum lent í nokkru basli
í vetur, verið nálægt því að verða
deildarmeistarar og auðvitað bikar-
meistarar. Við vorum að missa sig-
urinn úr höndunum í þessum spenn-
andi leik.“
Guðmundur sagði erfitt að útskýra
þann mun sem var á leik Fram í
fyrri hálfleik og þeim seinni. „Það er
erfitt að útskýra það. Ef ég vissi
svarið, væri ég líklega ekki hér(!) -
svo virðist sem menn ætli aðeins að
slaka á þegar þeir ná jafh miklu for-
skoti og við gerðum. Við gáfum þeim
tækifæri með því að reyna ótímabær
skot. Orsökin er ákveðið reynslu-
leysi. Við vorum einfaldlega ekki
jafn grimmir og við ætluðum okkur
og lið eins og FH er fljótt að ganga á
lagið. En eftir þetta sýndi liðið gríð-
arlegan viljastýrk með því að snúa
leiknum sér í hag á ný.“
Hvað sagðirðu við leikmenn þína
áður en framlengingin hófst,
skömmu eftir að þið misnotuðuð
vítakast, sem hefði getað fært ykkur
sigur?
„Ég reyndi bara að stappa stálinu
í þá. Ég sagði bara: „Við höldum
áfram og stöndum saman allt til
loka.“ Það er ekkert annað hægt að
gera,“ sagði Guðmundur.
Úti að aka
„Þetta er rosalega sárt - sérstak-
lega þegar dómaramir dæma eins og
þeir gerðu nú í lokin. Boltinn fór
greinilega í Gunnar Berg í teignum,“
sagði Hálfdán Þórðarson, línumaður
FH. Áttí hann þá við vamarfrákast
Gunnars Bergs Viktorssonar, leik-
manns Fram, eftír skot Sigurjóns
Sigurðssonar þegar um mínúta var
eftír af framlengingunni. „Sigurgeir
[Sveinsson, dómari] fór augljóslega á
taugum. Hann var algerlega úti að
aka. Það er hræðilegt fyrir félaga
hans [Gunnar Viðarsson], sem er
góður. Hinn fer alltaf á taugum,“
sagði Hálfdán.
„Við urðum bara að gefa allt sem
við áttum. Það fór mjög mikil orka í
að vinna upp muninn, en við vorum
klaufar að gera ekki út um leikinn.
Við áttum möguleika á að skora
nokkrum sinnum eftir hraðaupp-
hlaup, en nýttum okkur það ekki,“
bættí línumaðurinn við.
■ Ótrúlegar sveiflur/C2
HANDBOLTI: HAMELN TAPAR STIGUNUM VEGNA FINNS JÓHANNSSONAR / C4