Morgunblaðið - 01.07.1998, Síða 39

MORGUNBLAÐIÐ
MIÐVIKUDAGUR 1. JÚLÍ 1998 39
MINNINGAR
ekkert nema með því að bera
vinnulúnar hendur til nátta. Þá var
happatíð í útvegi hans.
Kreppu köllum við það þegar kýrin
er blóðmjólkuð. Ekkert er eftir í
henni sem til afurða getur talist. Mis-
tækir menn á valdastóli raða saman
kvörnunum í höfði sér til úrlausnar.
En ekki tókst betur til en svo í þeim
efnum, að ýmsum var stjakað af
grunni með léttan mal í poka þegar
mikilvæg atvinnutæki og verðmæti
urðu verðlaus. Þá varð Bergur eng-
inn séra Jón. Það var glappatíðin í út-
vegi hans.
Bergur Hallgrímsson var ekki
þeirrar gerðar að gefast upp þótt
vindar blésu illyi-mislega að honum.
Ef til vill var það ekki hann sem hóf
sóknina á ný, heldur hans trausta og
sterka eiginkona, Helga Bjamadótt-
ir, sem stóð þétt að baki honum alla
tíð. Hún var þannig sjálfri sér sam-
kvæm í því sem hún hafði lofað á
stórri stund fyrir augliti Guðdómsins
að standa með honum „í blíðu og
stríðu". Hún stóð að baki honum á
gróskumikilli tíð með miklu álagi á
eigin örmum.
Ef til vill var það hún sem gaukaði
því að manni sínum: „Nú skulum við
verka síld og selja hana í Kolaport-
inu.“ Það gerðu þau með góðum ár-
angri. Þannig gerðist það að hetjan
Bergur Hallgrímsson ók um héruð
og seldi síld. Hann kom svo víða við á
landinu í þeim erindagjörðum og þró-
unin á þessum ferli hans varð sú að
hann viðaði að sér alls konar flskmeti
og seldi, svo að ætla mætti að Hall-
dór Kiljan hefði gælt við það að gefa
honum nafnið „trosberi" í eftirminni-
legri frásögn eða sögu.
Hvað sem því líður hefur Bergur
nú fleygt sínum tréskóm, eins og það
er orðað þegar menn staulast til eigin
grafar, misjafnlega sárfættm. -
Flestir myndu kjósa sér dauðdaga
með sama hætti og hann fékk.
Hann, eins og allir aðrir á mikil-
væga fór fyrir höndum í tilefni af þvi.
Við hin, sem stöndum enn um stund í
veraldarinnar blámóðu, lítum í himin-
blámann og biðjum honum velfarnað-
ar. Þjóðin öll stendur í þakkarskuld
við hann, sem mætan og dugmikinn
athafnamann.
Við, sem áttum samleið með hon-
um í Kolaportinu, fljdjum honum og
fjölskyldu hans hugheila þökk fyrir
kynninguna og drengilegt samstarf.
Guð veri með honum. - Kær
kveðja.
Skarphéðinn Ossurarson.
Bergur Hallgrímsson var orðinn
þjóðsagnapersóna sem fi’amleiðandi
og seljandi síldar í Kolaportinu til
margra ára. Hann varð landsfrægur
á sínum tíma fyrir að keyra með vör-
una á markaðinn í Kolaportinu aust-
an af fjörðum um hverja helgi og á
seinni árum fyrir að hafa lagt grunn
að byltingu á síldarneyslu hér á
landi. Hann var sífellt að prófa nýjar
aðferðir við verkun og vinnslu á síld-
inni og var kominn með ótrúlegt úr-
val með hinum ýmsu bragðtegundum
sem slegið höfðu í gegn.
Sumir Islendingar standa svo upp
úr fjöldanum að tekið er eftir og hægt
er að flokka Berg Hallgrímsson í hóp
landsfrægustu athafnamanna á þess-
ari öld. Kominn að sjötugsaldri var
hann enn að keyra um landið og selja
framleiðsluvöru sína og var að setja
upp söluaðstöðu á Selfossi þegar
hinsta kallið kom. Bergur þurfti alla
tíð að hafa mikið fyrir lífinu, en með
Helgu konuna sína sem styrka stoð
óð hann í gegnum hverja eldraunina á
fætur annarri. Þau upplifðu saman að
vera með stærstu síldarverkendum á
landinu þegar rússasíldin svokallaða
var og hét, en seinni árin hafa þau
unnið mest að framleiðslu sinni fýrir
innanlandsmarkað.
Það veit enginn fyrr en á reynir
hvað það er sárt að missa góða vini.
Þetta máttu vinir og samstarfsaðilar
Bergs Hallgrímssonar í Kolaportinu
upplifa þegar hann féll frá laugar-
daginn 19. júní sl. Það er samhentur
hópur sem starfar saman og selur
vöru sína á matvælamarkaði Kola-
portsins og flestir hafa verið þar til
margra ára. Samstöðuna í þessum
hópi má sjá á því að félagar og vinir
Bergs og Helgu tóku strax við söl-
unni fyrir þau þegar kallið kom og
verða með hana þar til Helga og
börnin koma aftur til starfa.
Það eru menn eins og Bergur sem
hafa gert Kolaportið að því sem það
er og lagt grunn að því hve vel það
hefur dafnað og vaxið í gegnum árin.
Kolaportið átti hug hans allan og
trúnaður hans við það var svo mikill
að hann hafnaði því ítrekað að selja
vöru sína í verslunum og stórmörkuð-
um. Bergur kom einnig með ákveðn-
um hætti að rekstri Kolaportsins þeg-
ar flutt var á nýjan stað í Tollhúsinu
og skipti sá stuðningur sköpum fyidr
Kolaportið á þeim tíma.
Við sem störfuðum með Bergi Hall-
grímssyni í Kolaportinu sendum hon-
um okkar hinstu kveðju með þakklæti
fyrir að hafa fengið að vera honum
samferða á lífsleiðinni. Elsku Helga,
megi Guð styrkja þig og börnin til að
takast á við þessa erfíðu tíma.
F.h. samstarfsfélaga í Kolaportinu,
Guðmundur G. Kristinsson.
ATVIMNU AUGLÝSIIMGA
NUH — Norræna
þróunarmiðstöðin
fyrir hjálpartæki
fatlaðra
vinnurað samnorrænni þróun háþróaðra
hjálpartækja fyrir fatlaða.
Aðalmarkmiðið með norrænu samstarfi er að
styðja góð rannsóknar- og þróunarverkefni
innan sviðsins.
Þróunarmiðstöðin heyrir undir Norrænu sam-
starfsnefndina um málefni fatlaðra (NSH), sem
er stofnun undir Norrænu ráðherranefndinni.
Þróunarmiðstöðin flytur í október 1998 frá
Tammerfors til Helsingfors og fær þá tvo fasta
starfsmenn.
NUH óskar eftir, frá 1. október, að ráða
framkvæmdastjóra
sem staðsettur verður í STAKES í Helsingfors,
sem er spennandi alþjóðlegt þróunarumhverfi
innan starfssvæðis NUH.
Við leitum að: Sjálfstæðum einstaklingi með
gottfrumkvæði og hæfileika til að byggja upp
samstarf og vinna í hópi. Á auðvelt með að
aðlagast nýju starfsumhverfi og lítur á norr-
æna og alþjóðlega samvinnu sem spennandi
áskorun.
Æskilegir eiginleikar: Reynsla af verkefnis-
stjórnun og sjálfstæði til að geta stjórnað og
þróað reksturfyrirtækis. Háskólamenntun,
grundvallarþekking og reynsla á málefnum
fatlaðra. Auk eins Norðurlandamáls er góð
enskukunnátta í töluðu og rituðu máli áskilin.
Aðrar upplýsingar: Staðan er veitt til 4ra ára.
Opinberir starfsmenn eiga rétt á fríi frá opin-
berri þjónustu á ráðningartímanum.
Fyrir umsækjendurfrá öðru norrænu landi en
Finnlandi, eru ákvæði um uppbót og flutnings-
styrk auk annars.
Nánari upplýsingarfást hjá Finn Petrén, skrif-
stofustjóra NSH, sími +46 8 620 18 90 eða hjá
Björk Pálsdóttur, stjórnarmanni hjá NUH, í
síma 557 4250.
Umsóknir, með upplýsingum um nám og fyrri
störf, aukannarra upplýsinga sem umsækjandi
vill koma á framfæri, sendist fyrir 15. ágúst
1998 til:
NSH,
Box 510,
S-162 15 Vállingby,
Svíþjóð.
Haukeland sjúkrahús
Lyfjadeild
5021 Bergen, Noregi,
www.haukaland.no
Hjúkrunarfræðinga
vantar strax
Haukeland sjúkrahús er aðalspítali fyrir Bergen
og nágrenni og svæðissjúkrahús fyrir allan vest-
urhluta Noregs. Um 20 íslenskir læknar vinna
þar. Á lyfjadeild er mikill skortur á hjukrunar-
fræðingum á öllum deildum í júlí og ágúst í
sumar. Góðir möguleikar eru á framlengingu
á mörgum deildum.
í eftirfarandi stöðurvantar34 hjúkrunarfræð-
inga í sumar: Á meltingarfæradeild 2, nýrna-
deild 1 —2, sýkingadeild 3 hjúkrunarfræðinga
og 2 með sérmenntun, blóðdeild 5, lungnadeild
8, hjartadeild 10 hjúkrunarfræðinga og 10 með
sérmenntun, gigtardeild 1 og húðdeild 1.
Mánaðarlaun eru samkvæmt samningumfrá
14.775 norskum krónum fyrir hjúkrunarfræð-
inga án reynslu til 17.208 kr. fyrir þá, sem hafa
a.m.k. 10 ára reynslu í hjúkrun eða öðru opin-
beru starfi. Að auki greiðist 10,2% orlof. Nýbúið
er að semja um enn hærri laun en ekki er enn
vitað hve miklu það nemur.
Ókeypis húsnæði er í boði í sumar. Flugfarfram
og til baka verður greitt fyrir þá sem geta unnið
í a.m.k. 2 mánuði.
Þeir, sem áhuga hafa á þessu tilboði, eru beðnir
að hafa strax samband við annan hvorn hjúkr-
unarforstjóra lyfjadeildar: Rannveig Myhr Er-
ichsen, sími 00 47 55 97 29 87, netfang:
rannveig.m.erichsen@med.haukaland.no eða
Solveig Hansen, sími 00 47 55 97 29 85,
netfang: solveig.hansen@haukeland.no
Fax 00 47 55 97 29 59.
Einnig eru lausar stöður á flestum öðrum deild-
um spítalans í sumar og geta ofangreindir
hjúkrunarforstjórar komið óskum um það til
skila til réttra aðila sé þess óskað.
Ertu góður
sölumaður?
Óskum að ráða vantfólktil sölustarfa hálfan
eða allan daginn. Góð vinnuaðstaða og miklir
tekjumöguleikarfyrir skipulagða og vinnusama
einstaklinga.
Áhugasamir leggi inn umsókn á afgreiðslu
Mbl., merkta: „Sölufólk — 5201", fyrir 15. júlí.
Öllum umsóknum verður svarað.
FISKVINNSLUSKÓLINN
HAFNARFIRÐI
Lausar kennarastöður
Lausar eru til umsóknar eftirtaldar stöður:
Staða kennara í fiskvinnslufræðum
Um er að ræða fullt starf. Starfið felst bæði
í verklegri og bóklegri kennslu. Krafist er veru-
legrar reynslu úrfiskiðnaði. Menntunarkröfur
eru háskólapróf í sjávarútvegsgreinum eða
hliðstæð menntun.
Staða kennara í rekstrarhagfræði
Um hlutastarf er að ræða. Krafist er háskóla-
menntunar í rekstrarfræðum, og/eða verulegr-
ar reynslu í rekstrarbókhaldi fiskvinnslufyrir-
tækja.
Ráðning í störfin er frá 1. ágúst nk. Laun eru
samkvæmt launakerfi opinberra starfsmanna.
Nánari upplýsingar veitir forstöðumaður skól-
ans í síma 565 2099 eða 892 0030.
A
Heilsugæslan í Kópavogi
Afleysingastöður
lækna
Læknir óskast til afleysinga frá 1. september
1998 í eitt ár. Krafist er sérfræðiviðurkenningar
í heimilislækningum. Starfskjör eru samkvæmt
gildandi ákvæðum um launakjör heilsugæslu-
lækna.
Einnfremur er óskað eftir tveimur læknum til
afleysingastarfa strax í júlí, ágúst og
september.
Umsóknareyðublöð eru fáanleg í afgreiðslu
stöðvarinnar. Umsóknarfresturertil 15. júlí
nk. Umsóknum ber að skila til framkvæmda-
stjóra Heilsugæslunnar í Kópavogi, Birnu
Bjarnadóttur, sem jafnframt veitir upplýsingar
um störf og kjör í símum 554 0400 og 895 6500.
Öllum umsóknum verðursvarað skriflega eftir
að um þær hefurverið fjallað og ráðning
staðfest.
Við Heilsugæsluna í Kópavogi starfa nú um
50 manns í 35 stöðum, en síðar á árinu verður
tekin í notkun nýstöðvið Hagasmára. Heilsu-
gæslan í Kópavogi er reyklaus vinnustaður.
Heiisugæsla í Kópavogi,
Fannborg 7—9,
pósthólf 140,
200 Kópavogi.