Morgunblaðið - 06.11.1998, Síða 22

22 FÖSTUDAGUR 6. NÓVEMBER 1998
ERLENT
MORGUNBLAÐIÐ
Efnahagslífíð í Hondúras og víðar í Mið-Ameríku í rústum af völdum fellibylsins Mitch
Óttast að sjúkdómar auki
enn á hörmungarnar
Managua, San Salvador, Miami. Reuters.
TÖLUR yfir látna og slasaða af
völdum fellibylsins Mitch hækka
með degi hverjum og jafnframt
kemur betur í ljós hve eyðileggingin
er gífurleg. Talið er, að hamfarirnar
hafi fært veikburða efnahagslífið í
Mið-Ameríku aftur um 20 ár og nú
er mikil hætta á, að sjúkdómar gjósi
upp og verði að faraldri.
Talsmaður Matvælaaðstoðar Sa-
meinuðu þjóðanna sagði í Róm í
gær, að á mestu hamfarasvæðun-
um, aðallega í Hondúras, væri öll
uppskera landsmanna ónýt og
mestur hluti búpeningsins dauður.
Eyðilegginging væri gífurleg, á að-
eins einum degi hefði allt, sem
áunnist hefði sl. 20 ár, verið þurrkað
út. Áætlað er, að í Hondúras kosti
það ekki minna en 140 milljarða ísl.
kr. að koma samfélaginu aftur af
stað en það samsvarar þriðjungi
þjóðarframleiðslunnar. Hafa vest-
ræn ríki lagt nokkurt fé af mörkum
nú þegar en það er þó ekki nema
brot af því, sem til þarf.
Tölur yfir látna eru eðlilega á
reiki en talið er, að um 9.000 manns
hafi farist með vissu og um 13.000
sé saknað. Mannfallið getur því á
endanum orðið á bilinu 20 til 30.000.
Líkamleg og andleg kröm
Embættismenn í Mið-Ameríku-
ríkjunum sögðu í gær, að búast
mætti við sjúkdómsfaröldrum, bein-
brunasótt og malaríu, sem berast á
milli manna með moskítóflugum, en
lirfur hennar þrífast vel í vatninu,
pollum og tjörnum, sem fellibylur-
inn skildi eftir sig. Þá er einnig bú-
ist við, að taugaveiki, blóðsótt og
kólera gjósi upp og þar fyrir utan
hafa margir orðið fyrir sálarlegu
áfalli í hörmungunum. Sem dæmi
um það er nefndur maður, sem
horfði á fljót í miklum vexti hrífa
með sér 160 manns í bænum
Chilanguera.
Amoldo Aleman, forseti
Nicaragua, sagði í gær, að fellibyl-
urinn hefði valdið meiri skaða en
jarðskjálftarnir 1972 en þá fórust
um 10.000 manns. Væri mannfallið
að vísu minna nú en jarðskjálftinn
hefði fyrst og fremst haft afleiðing-
ar í höfuðborginni. Nú hefðu flóð
valdið miklu tjóni í helmingi lands-
ins.
Fellibylurinn Mitch var um tíma
sá fjórði öflugasti, sem mælst hefur,
en nokkuð dró úr honum áður en
hann fór yfir Mið-Ameríkuríkin
Hondúras, Nicaragua og E1
Salvador. Róaðist hann síðan enn
frekar en í gær var hann aftur vax-
andi og þá á norðausturleið í átt til
Kúbu, Florida og Bahamaeyja.
Reuters
MEXÍKANSKIR hermenn stafla upp hjálpargögnum á flugvellinum í
Tegucigalpaí Hondúras sem tekin eru að berast handa bágstöddum í
löndunum sem orðið hafa verst úti vegna fellibylsins Mitch.
Örmagna kona fannst í sjónum 120 km frá strönd Hondúras
ÁHÖFNIN á bandarísku strand-
gæsluflugvélinni var ekki viss
um hvað hún sá í sjónum nokkuð
langt framundan en hún var að
leita að ummerkjum um
skemmtisnekkjuna Fantome, sem
hefur verið saknað í rúma viku.
Þegar flugvélin kom nær sást að
þetta var kona, örmagna og hálf-
meðvitundarlaus en hún áttaði
sig þó á flugvélinni fyrir ofan sig.
Hún veifaði með annarri hend-
inni en hinni hélt hún í báru-
járnsplötu, sem vafist hafði um
rætur trés.
Konan var í sjónum í um 120
km fjarlægð frá Hondúrasströnd
og áhöfnin taldi, að hún hefði
hugsanlega komist af er fellibyl-
urinn Mitch sökkti Fantome.
Gerði hún áhöfninni á bresku
freigátunni Sheffield viðvart og
Hékk í rótum
trés í sex daga
innan klukkustundar var búið að
bjarga konunni um borð í þyrlu
frá skipinu.
Þegar komið var með konuna
um borð í skipið var hún aðeins
með meðvitund öðruhverju og
blóðþrýstingurinn orðinn
hættulega lágur og einnig lík-
amshitinn. Voru henni strax
gefin lyf og næring í æð. Konan
umlaði eitthvað á spænsku og
spænskumælandi skipverji
reyndi að tala við hana. Hann
vildi vita hvað hefði gerst,
hvaðan hún væri og hvort hún
hefði verið með Fantome.
Konan hresstist brátt og þá
sagði hún, að hún héti Isabella
Arriola og hefði ekki verið um
borð í Fantome. Lýsingin á því,
sem hún hafði gengið í gegnum,
var furðulegri en svo.
„Þetta var stórfurðulegt, eigin-
lega kraftaverk. Hún sagði, að
beljandi fióðvatn hefði skollið á
húsinu sínu í Hondúras og borið
það til sjávar. Með því hefði hún
farið, maðurinn hennar og börn-
in þeirra þrjú. Sjálfri hefði henni
tekist að ná taki á einhverju
braki en ekki séð neitt meira til
fjölskyldu sinnar,“ sagði Colin
Hamp, foringi um borð í Sheffi-
eld.
Arriola var í sex daga í sjónum
og um tíma var hún í miðju auga
fellibylsins í ölduhæð, sem hefur
líklega ekki verið minni en 10
metrar. Undir lokin var hún að
því komin að örmagnast og mátti
ekki tæpara standa, að lienni
yrði bjargað.
Hamp segir, að ljóst sé, að
Arriola sé óvenjulega þrekmikil
manneskja enda hafi hún verið
búin að jafna sig líkamlega á
minna en sólarhring eftir að
henni var bjargað úr sjónum.
Hún sé hins vegar áhyggjufull yf-
ir örlögum fjölskyldunnar og
raunar ekki líklegt, að hún sjái
hana aftur.

Tilboð á
MYNDBONDUM
um helgina
999 kr.^
upa fyrirlOC
verður boi
onicajhe Boy ’,s Mine*
andy ,NevefSayNever,
U2 Best of 80- 90,
NINTENDO
i»0 GtbN'R
ÁÍStANP'