Morgunblaðið - 22.01.1999, Blaðsíða 5

MORGUNBLAÐIÐ
FÖSTUDAGUR 22. JANÚAR 1999 C 5
KÖRFUKNATTLEIKUR
Jón Kr. Gíslason landsliðsþjálfari og þjálfari Keflvíkinga í sex ár:
Full frakkir við
að reka menn
ÞAÐ eru ekki bara erlendir körfuknattleiksmenn sem koma og
fara hjá úrvalsdeildarliðum því síðustu fjögur keppnistímabil
hafa félögin skipt tólf sinnum um þjálfara á miðju keppnistíma
bili. Fjórtán lið hafa leikið í úrvalsdeildinni á þessum tíma og
hafa átta þeirra séð ástæðu til að skipta um þjálfara en sex
aldrei; Keflavík, Valur, KFÍ, Tindastóll, Þór frá Akureyri og
Breiðablik.
Jón Kr. Gíslason núverandi
landsliðsþjálfari og þjálfari
Keflvíkinga í sex ár, segir að vissu-
■■■■■■I lega sé þetta dálítið
Eftir Skúla mikið, en skoða verði
Unnar við hvaða aðstæður
Svemsson menn séu látnir fara.
„Það hefur verið ör
þróun í körfuknattleiknum hér og
margir ungir og líttreyndir þjálfar-
ar að hefja störf síðustu árin og þeir
eiga eftir að sanna sig. Menn eru
ekki alltaf tilbúnir að gefa sér tíma,
bæði hvað varðar þjálfara og ekki
síður leikmenn. Síðan sýnist mér
mögulegt að hlutirnir séu orðnir
þannig að menn séu orðnir ansi
frakkir við að reka og þá virðist sem
þeim finnist ekkert tiltökumál að
reka einhverja fleiri.
Menn hugsa of skammt fram í
tímann, sérstaklega varðandi leik-
menn. Það er stutt í næsta leik og
það verður að fá mann strax, mann
sem síðan stendur ekki undir vænt-
ingum. Það hefur ekki lítið að segja
þegar verið er að fá erlenda leik-
menn að þeir falli inn í mannlífið á
þeim stað sem þeir eru. Ég held til
dæmis að þeir sem hafa verið í
Njarðvík og Keflavík séu á vissan
hátt nær sínum heimahögum vegna
nálægðar við Keflvíkurflugvöllinn
og Bandaríkjamenhina þar. Leik-
mennirnir fara mikið þangað, hitta
landa sína og fá sér bandarískan
mat. Félagslegi þátturinn í þessu
öllu er mjög mikilvægur og ég
fagna því að farið er að ræða þessa
hluti því þetta er dýrt spaug fyrir
félögin," sagði landsliðsþjálfarinn.
KR-ingar reknir þrjú ár í röð
KR-ingar koma oft við sögu þeg-
ar brottrekstrar þjálfara eru athug-
aðir því vesturbæingar ráku þjálf-
ara þrjú keppnistímabil í röð. Axel
Nikulásson var látinn fara 1995/96
og við tók Benedikt Guðmundsson.
Honum var sagt upp störfum árið
eftir og Hrannar Hólm tók við. Arið
eftir, 1997/98 var Hrannar rekinn
og Jón Sigurðsson tók við. í vetur
hafa Keith Vassel og Ingi Þór
Steinþórsson haldið um stjórnvölinn
hjá KR og eru enn að.
Tvö félög hafa tvívegis rekið
þjálfara á þessum tíma. Haukar
ráku Reyni Kristjánsson 1996/97 og
Einar Einarsson tók við. Hann var
síðan látinn fara í haust og Jón Ai-n-
ar Ingvarsson tók við. Skallagríms-
menn ráku Terry Upshaw 1996/97
og Tómas Holton tók við þjálfun
liðsins og hélt áfram með það í
fyrra. Fyrir áramótin var Henning
Henningsson rekinn og Eric Fran-
son tók við.
Fimm félög hafa rekið einn þjálf-
ara á umræddum tíma, Njarðvík
rak Hrannar Hólm 1996/97, Grind-
víkingar Guðmund Bragason í vet-
ur og við tók Einar Einarsson, ÍR
rak Antonio Vallejo í fyi'ravetur og
Karl Jónsson tók við. Veturinn
1995/96 ráku Skagamenn Hrein
Þorkelsson og Milton Bell tók við
og nú nýverið var Birgir Mikaels-
son rekinn frá Snæfelli og Bob Wil-
son tók við.
Veturinn 1995/96 voru tveir þjálf-
arar reknir, Axel frá KR og Hreinn
frá ÍA. Næsta vetur voru fjórir
þjálfarar látnir taka pokann sinn,
Hrannar hjá Njarðvíkingum, Reyn-
ir hjá Haukum, Benedikt hjá KR og
Upshaw hjá Skallagiími. I fyrravet-
ur voru það Hrannar hjá KR og
Vallejo hjá ÍR og í vetur hafa fjórir
þjálfarar misst starfið, Guðmundur
hjá Grindvíkingum, Einar hjá
Haukum, Henning hjá Skallagrími
og Birgir hjá Snæfelli.
Erfitt er að meta hversu mikið
það kostar lið að skipta um þjálf-
ara, fyrst og fremst vegna þess að
svo virðist sem þjálfarar í úrvals-
deildinni séu með mjög mismun-
andi laun. Algeng laun þjálfara
virðast þó vera rétt um 130 þúsund
krónur en þó heyrðust tölur allt
upp í um 300 þúsund fyrir leik-
mann og þjálfara. Hjá sumum fé-
lögum eru laun þjálfaranna árang-
urstengd, verða hærri eftir því sem
betri árangur næst. Þeir sem rætt
var við sögðu að ef þjálfara væri
sagt upp störfum án þess að hann
hefði brotið af sér yrði að gera
starfslokasamning við hann ellegar
yrði félagið að greiða honum laun
út samningstímabilið.
Flestir þeir sem þjálfa í úrvals-
deildinni eru í annarri vinnu og
þjálfunin því í raun „aukavinna“.
Hjá mörgum félögum eru það inn-
anbúðarmenn sem sjá um þjálfun-
ina og þiggja því lægri laun en ella,
gera þetta að hluta til fyrir félagið,
og sögðu menn það mikilvægt ef
hægt væri að fá menn sem aldir eru
upp hjá félögunum til að þjálfa,
menn sem þekktu innviði félagsins.
Fjöldi erlendra leikmanna sem léku
í úrvalsdeildinni hvert tímabil
síðan erlendir leikmenn
voru aftur leyfðir
þar árið 1989
Samtals 189 leikmenn
1996 verða leik■
menn afevrópska
efnahagssvæðinu
utan takmarkana
1989- 1990- 1991- 1992- 1993- 1994- 1995- 1996- 1997- 1998-
1990 1991 1992 1993 1994 1995 1996 1997 1998 1999
Morgunblaðið/Kristinn
irinn sem leikur með Haukum i vetur,
>g gerði 32 stig. Hér hefur hann betur
arssyni Valsmanni.
17. Þá má segja að forysta heimamanna
hafi ekki síst verið til komin vegna af-
spyrnuslaks fyrri hálfleiks hjá erlenda
leikmanninum í liði IA, Anthony Jones, en
hann hitti einungis úr einni af átta til-
raunum sínum í fyrri hálfleik og virtist
fyrirmunað að skora.
í síðari hálfleik rúlluðu heimamenn ein-
faldlega yfir gestina, náðu að pressa þann
sem kom með boltann fram völlinn hjá
Skagamönnum þannig að þeir misstu
boltann hvað eftir annað og gáfust gest-
irnir raunar fljótlega upp enda forystan
orðið 20 stig eftir 7 mínútur.
Langbestur í liði gestanna var Dagur
Þórisson en aðrir í liði þeirra voru ótrúlega
áhugalausir og slakir. Grindavíkurliðið átti
góðan leik, þó einkum í síðari hálfleik, en
enginn spilaði betur en Pétur, sem spilaði
lítið í þeim síðari. Þá hélt Warren Peeples
uppá nýjan samning sinn með skínandi
leik. Herbert var sterkur í síðari hálfleik
efth- frekar rólegan fyrri hálfleik. Einar
Einarsson þjálfari Grindvíkinga hafði
þetta að segja að leik loknum: „Við lögðum
upp með það að þreyta þá og það fór að
bera árangur undir lok fyrri hálfleiks. Það
er nefnilega ýmislegt hægt ef allir leggjast
á eitt.“
íslenskur unglingur vekur athygli í menntaskólakeppninni í Bandaríkjunum
Jón Amór í hópi 25
efnilegustu nýliðanna
Jón Arnór Stefánsson úr KR
hefur vakið mikla athygli í
bandarisku menntaskólakeppninni
í körfuknattleik. Hann er á fyrsta
ári í Artesia menntaskólanum í
Los Angeles og í nýjustu handbók-
inni um körfuknattleiksmenn á
skólastigi, The Blue Ribbon, er
hann talinn einn af fimm efnileg-
ustu nýliðum í menntaskóla í Kali-
forníu og einn af 25 efnilegustu í
Bandaríkjunum. Morten Þór
Szmiebowicz úr Grindavík er líka
nefndur til sögunnar en hann er á
þriðja ái'i í menntaskóla í Virginíu
og er í hópi 50 efnilegustu leik-
manna ríkisins í þeim aldursflokki.
„Ef Jón Arnór heldur rétt á
spilunum á hann möguleika á að
ná gríðarlega langt,“ sagði Axel
Nikulásson við Morgunblaðið en
hann hafði milligöngu um að pilt-
urinn fór til Bandaríkjanna sl.
sumar. Þá æfði hann og keppti
með skólaliðinu víðs vegar um
Bandaríkin í einn og hálfan mán-
uð og var þegar boðin skólavist.
Axel sagði að lið Artesia væri
talið fimmta besta menntaskóia-
lið Bandaríkjanna um þessar
mundir og frá skólanum hefðu
komið margir frábærir
körfuknattleiksmenn. „Þetta er
einn af „stóru“ körfuboltaskólun-
um og til marks um það má geta
þess að um jólin fór liðið á sterkt
mót í Flórída en langflest lið fara
í mesta lagi í næsta bæ í slíkum
tilgangi. í liðinu er strákur sem
heitir Jason Kapono, sem er tal-
inn einn af fímm bestu leikmönn-
um Bandaríkjanna í menntaskóla.
Hann er gífurlega fjölhæfur og
því beinist athyglin að honum og
hans liði.“
Jón Arnór verður 17 ára í ár en
þess má geta að hann er hálfbróð-
ir Ólafs Stefánssonar, landsliðs-
manns í handknattleik, sem er at-
vinnumaður hjá Magdeburg í
Þýskalandi. Bakvörðurinn var í
sigursælu unglingaliði KR, sem
m.a. varð tvisvar meistari á al-
þjóðamóti í Stokkhólmi, svo-
nefndu Scania-Cup, 1996 og 1998,
en í bæði skiptin var hann kjörinn
besti leikmaður keppninnar.
„Hann er jarðbundinn eins og
Ólafur bróðir hans og gaman
verður að fylgjast með honum í
framtíðinni," sagði Axel og bætti
við að útsendarar helstu háskóla
fylgdust með stráknum. „Með
réttu hugarfari og réttum metn-
aði á hann möguleika á að komast
á hæsta stig í bandarísku háskóla-
keppninni en auðvitað er ekkert
sjálfgefið í þessu.“