Morgunblaðið - 17.06.1999, Page 10

10 B FIMMTUDAGUR17. JÚNÍ 1999
MORGUNBLAÐIÐ
VIÐSKIPTI
Islensk miðlun sinnir úthringiþjónustu fyrir ýmis fyrirtæki
Borgar
sig að taka
áhættu
Hjónin Karólína Hróðmarsdóttir og Svavar
------------------------7----------
Kristinsson reka fyrirtækið Islenska miðl-
un ehf., sem sérhæfír sig í símamiðstöðva-
þjónustu. Eigendurnir hafa staðið í viðræð-
um við fjölda fulltrúa sveitarstjórna og
atvinnuþróunarfélaga úti á landi í kjölfar
-------------------7---------------
opnunar starfsstöðvar Islenskrar miðlunar
—
á Raufarhöfn í apríl sl. Steingerður Olafs-
dóttir kynnti sér málið og ræddi við
eigendur og aðra hlutaðeigandi.
Morgunblaöið/Þorkell
Karólína og Svavar í höfuðstöðvum Islenskrar miðlunar að Krókhálsi:
„Það var annaðhvort að hrökkva eða stökkva eftir að Stöð 3 hvarf.“
Morgunblaöiö/Gunnlaugur Júlíusson
Tveir af starfsmönnum íslenskrar miðlunar að störfum á Raufarhöfn,
Angela Agnarsdóttir og íris Erlingsdóttir.
Karólína og Svavar
stofnuðu fyrirtækið Þjóð-
ráð í félagi við aðra árið
1989, en Þjóðráð sérhæfði
sig í úthringingum fyrir félagasam-
tök og fyrirtæki. Árið 1997 seldu
hjónin Þjóðráð og stofnuðu íslenska
miðlun. Aðdragandinn var verktaka-
samningur Þjóðráðs við Heimskaup,
fyrirtæki í eigu Williams Worldwide
Television sem hafði keypt allan aug-
lýsingatíma hjá Stöð 3 sem þá var
nýstofnuð. „Við þekkjum öll sögu
Stöðvar 3,“ segir Svavar, „og það var
annaðhvort að hrökkva eða stökkva
eftir að Stöð 3 hvarf, við vorum búin
að fjárfesta í dýrum og flóknum bún-
aði og ráða til okkar starfsfólk."
Hjónin ákváðu að stökkva á það sem
þeim þótti mesta framtíðin í, síma-
miðstöðvarfyrirtæki.
„Við fórum á ráðstefnu til London
og þar blómstraði þessi þjónustu-
grein,“ segir Svavar. „Okkur fannst
líklegt að veruleikinn yrði svipaður á
íslandi og ákváðum að slá til og
stofna íslenska miðlun." Fyrirtækið
veitir fyrirtækjum þá þjónustu að
hringja í nafni þeirra í ýmsum er-
indagjörðum, t.d. að fylgja boðskort-
um eftir og gera kannanir.
Gott starfsfólk lykilatriði
Fyrirtækið íslensk miðlun er nú
starfrækt á tveimur stöðum, í
Reykjavík og á Raufarhöfn. Samn-
ingar hafa verið undirritaðir um opn-
un starfsstöðva fyrirtækisins á Pat-
reksfirði og Stöðvarfirði og að sögn
Svavars er stefrit að opnun í ágúst nk.
Svavar og Karólína hafa frá árinu
1995 haft höfuðstöðvar fyrirtækis
síns að Krókhálsi 5a í Reykjavík. Þar
kemur hátækni- og þjónustumiðstöð
fyrirtækisins til með að verða. „Við
viljum frekar fækka starfsmönnum í
símaþjónustu hér í höfuðborginni og
bæta við fólki úti á landi. Þar er
mjög hæft og gott starfsfólk, en
starfsfólkið er að sjálfsögðu lykillinn
að góðum rekstri,“ segja hjónin.
„Starfsfólkið okkar verður að vera
tilbúið að ganga í öll störf,“ segir
Karólína með bros á vör. „Nýju
starfsfólki er gerð grein fyrir á hvers
konar vinnustað það er að ráða sig,
hann er nefnilega léttgeggjaður!" Og
Karólína heldur áfram: „Við fáum
hugmyndir og framkvæmum þær.
Fyrir síðustu jól fengum við þá
hugmynd að setja á markað kassa
með tilbúnum gjöfum í skóinn og svo
vorum við hér öll að pakka í kassa
fram á síðustu stundu. Starfsfólkið
okkar var alveg til í þetta og að mínu
mati verður starfið fjölbreyttara og
að sama skapi skemmtilegra." Kar-
ólína og Svavar eru sammála um
mikilvægi góðs starfsfólks og segja
strax tekið á málinu ef einhver óá-
nægja finnist. Þau segja góðan
starfsanda ríkja á báðum starfs-
stöðvum íslenskrar miðlunar.
Það er töluvert langt á milli jóla-
kassans og símamiðstöðvaþjónust-
unnar en Karólína segir það stefnu
fyrirtækisins að kanna alla mögu-
leika áður en beiðni er játað eða neit-
að og reyna að framkvæma aOar
góðar hugmyndir. „Við höfum oft
tekið áhættu en það hefur líka borg-
að sig,“ segir hún. Hún segir þau
hjónin alla tíð hafa verið samstiga í
ákvörðunum sínum og vel hafi geng-
ið að vinna á sama stað. „Það er gott
að maki hafi skilning á því sem er að
gerast á vinnustað hins og ég sé ekki
eftir því að hafa hellt mér út í rekst-
urinn,“ segir Karólína, en hún var í
hlutastarfi hjá fyrirtækinu þar til
fyrir rúmu ári, er hún tók við yfir-
umsjón bókhalds, launamála auk
þess að sinna stjómun ásamt
Svavari.
Hugsjónastarf
á landsbyggðinni?
íslensk miðlun hefur boðið íbúum
Raufarhafnar og Stöðvarfjarðar á
tölvunámskeið en á Raufarhöfn
mættu 60 manns en alls 100 manns
mættu á Stöðvarfirði. „Þetta er sam-
bærilegt við að 40.000 manns mættu
á tölvunámskeið í Reykjavík!" segir
Svavar. Að hans mati er nauðsynlegt
að byggja upp ákveðið þekkingarstig
til að reka fyrirtæki vel og Svavar er
ánægður með árangurinn af tölvu-
námskeiðunum.
Hálfgerð tilviljun réð því að fyrir-
tækið flutti stóran hluta starfsemi
sinnar til Raufarhafnar. Mikið hefur
verið rætt og ritað um fjarvinnslu,
fjarfundi, fjarkennslu og þess háttar
og hefur t.d. hluti starfsemi upplýs-
ingaþjónustu Landssímans, 118, ver-
ið fluttur út á land. Raufarhafnar-
hreppur sýndi áhuga á því að fá þá
starfsemi í sveitarfélagið en ekkert
varð úr því. Þess í stað hófust samn-
ingaviðræður Raufarhafnarhrepps
og íslenskrar miðlunar sem leiddu
til opnunar starfsstöðvar fyrirtækis-
ins á Raufarhöfn. „Ég hef sagt þegar
fólk spyr af hverju Raufarhöfn, að
Raufarhöfn væri fjarlægasti staður
til að opna fjarvinnslufyrirtæki á ís-
landi, en það er allt hægt,“ segir
Svavar kankvís.
Eftir að starfsstöð íslenskrar
miðlunar var opnuð á Raufarhöfn
hafa fyrirspurnir utan af landi aukist
mjög og Svavar hefur séð um samn-
ingamál og samskipti við sveitar-
stjórnir og atvinnuþróunarfélög víða
um landið.
Karólína og Svavar eru bæði borg-
arbörn og drifkrafturinn að lands-
byggðarstarfi þeirra því áhugaverð-
ur. „Starf okkar er að hluta til hug-
sjónastarf, að fjölga atvinnutækifær-
um fólks úti á landi,“ segir Karólína.
„En að sjálfsögðu hefur þetta líka
með vinnuafl að gera. Það hefur ver-
ið mikil þensla á höfuðborgarsvæð-
inu og erfitt að fá fólk til starfa. Það
er mikið af mjög hæfu fólki á lands-
byggðinni og við erum mjög ánægð
með starfsfólk okkar,“ segja hjónin.
Og Svavar heldur áfram: „Starfsfólk
í símaþjónustu þarf að vera þroskað,
það gengur ekki að ráða fólk innan
við tvítugt, eins og okkur bauðst
kannski á höfuðborgarsvæðinu, ef
vinnan felst í því að spyrja fólk um
stjórnmálaskoðanir fyrir skoðana-
könnun. Spyrilhnn verður a.m.k. að
hafa kosningarétt, annað verður
ótrúverðugt."
Karl Friðriksson framkvæmda-
stjóri Iðntæknistofnunar íslands
hefur unnið að uppbyggingu og
skipulagningu upplýsingavæðingar
og gagnavinnslu á landsbyggðinni í
samvinnu við íslenska miðlun frá ár-
inu 1997. Fundur aðila frá Iðntækni-
stofnun, Byggðastofnun, íslenskri
miðlun, Tæknivali og Raufarhafnar-
hreppi leiddi til þess að lögð voru
fram drög að áætlun um könnun
möguleika og tækifæra landsbyggð-
arinnar í upplýsingavæðingu og
gagnavinnslu.
I drögunum kemur fram að veru-
leg þróun hefur orðið í málefnum
fjarvinnslu og hraði breytinga hefur
stóraukist með tilkomu ATM-kerfis
Landssímans. Þar er lagt til að val-
kostir landsbyggðarinnar varðandi
fjarvinnslu verði skoðaðir m.t.t. hag-
kvæmni og er vinna við slíka athug-
un að hefjast, að sögn Karls Frið-
rikssonar.
Afskekkt byggðarlög
Uppsetningu fjarfundabúnaðar ís-
lenskrar miðlunar lýkur á næstu vik-
um. Myndhluti fjaifundabúnaðarins
er ekki tilbúinn að fullu en þegar
hann verður kominn upp verður
hægt að halda fundi með möguleika
á sendingu og viðtöku mynda, hljóða
og annarra gagna. Tengipunktur
Raufarhafnar inn á ATM-kerfi
Landssímans er á Egilsstöðum og
ljósleiðarinn nær ekki nema upp á
Viðarfjall, sem er í nokkurri fjarlægð
frá Raufarhöfn. Þar á milli er notast
við örbylgjusamband og gerir það
vinnslu hjá fyrirtækinu nokkuð hæg-
virka.
Þegar allur tækjabúnaður verður
kominn í gagnið, verða myndavélar
og sjónvarpsskjáir á öllum starfs-
stöðvum fyrirtækisins. Nú þegar er
myndavél komin fyrir norðan.
Svavar segir fyrirtækið hafa keypt
512 kb tengingu af Landssímanum
en í raun hefur bandbreiddin ekki
verið nema helmingurinn af því
vegna þess að örbylgjusamband er
frá fjalli og inn í þorp. Svavar er
hræddur um að arðsemisjónarmið
ráði ferðinni nú þegar umræður um
einkavæðingu Landssímans eru í há-
marki. „Þorp með 300-500 íbúa eru
ekki hagkvæm stærð á mælikvarða
markaðarins en það skapar líka
ákveðið fordæmi ef Landssíminn
leggur í framkvæmdir í litlu þorpi
eins og Raufarhöfn." Þau eru sam-
mála um að þjóðin geri kröfur um
tengingu landsbyggðarinnar og höf-
uðborgarsvæðisins.
Svavar hefur ekki lausn á tenging-
arvandanum á Raufarhöfn á reiðum
höndum. „Eina lausnin er í kapli eða
gervihnetti beint fyrir ofan landið,
en slíkur gervihnöttur er ekki á dag-
skrá næstu áratugina," að mati
Svavars.
ATM-tenging í afskekkt byggðar-
lög er þó ekki eingöngu hagsmuna-
mál fyrirtækja, því með sameiningu
sveitarfélaga þurfa menn oft að ferð-
ast lengri veg til funda en áður.
Sveitarstjórnarmenn á Vestfjörðum
hafa tengingu til fjarfunda tiltæka
en eins og áður er lýst er annað uppi
á teningnum í nágrenni við Raufar-
höfn á Norðurlandi eystra og margir
lýst yfir nauðsyn á góðum fjarfunda-
búnaði þegar aðrar samgöngur
bresta.
Uppgangur hjá fyrirtækinu
Karólína og Svavar segja fyrir-
tækið alla tíð hafa gengið vel en eftir
landsbyggðarátakið sé sérstaklega
allt upp á við í rekstrinum. Velta fyr-
irtækisins í ár stefnir í 100 milljónir
króna, að sögn Svavars. Á síðasta ári
þegar uppbygging íslenskrar miðl-
unar stóð sem hæst fór veltan í 40
milljónir króna. Hjónin leggja
áherslu á að launakjör starfsfólks
séu þau sömu hvort sem það er úti á
landi eða á höfuðborgarsvæðinu.
Nú í vikunni var undirritaður
samningur á milli íslenskrar miðlun-
ar og ráðgjafar- og endurskoðunar-
fyrirtækisins Pricewaterhouse
Coopers. Karólína segir samninginn
gera það að verkum að starfsfólk ís-
lenskrar miðlunar geti sinnt skoð-
anakannanaþættinum betur en legg-
ur áherslu á að hann komi til viðbót-
ar öðrum þáttum fyrirtækisins. ,Auk
þess byggja verkefni sem koma í
kjölfar samningsins upp kvöldvinnu
hjá fyrirtækinu, þar sem um er að
ræða úthringingu vegna ýmissa
skoðanakannana í nafni Pricewater-
house Coopers," segir Karólína. Nú
er unnið á tvískiptum vöktum hjá ís-
lenskri miðlun, annars vegar á tíma-
bilinu 9-17 og hins vegar 18-22.
Mikið álag verður á öllum starfs-
mönnum fyrirtækisins í sumar og
haust og Svavar segir þennan mikla
hraða gera það að verkum að erfitt
sé að spá fyrir um framtíðina. Hjón-
in búast ekki við þvi að taka sumar-
frí, nema í formi fyrirlestraferða út á
land. í samstarfi við Tæknival er
ætlunin að búa til um 40 mínútna
fræðsludagskrá um fyrirtækið og
tæknina sem liggur að baki starf-
seminni. Mikið hefur verið óskað eft-
ir slíku og hafa hjónin í hyggju að
fara a.m.k. eina fræðsluferð til Húsa-
víkur í sumar.
Karólína og Svavar segjast fara á
a.m.k. eina ráðstefnu erlendis á ári.
Nú síðast fór Karólína á svokallaða
DM daga (Direct Marketing) í Sví-
þjóð. Aðalefni ráðstefnunnar í ár var
vitneskja um viðskiptavininn. Kar-
ólína og Svavar segja það líka það
sem skiptir máli, að skrá allar upp-
lýsingar til að geta veitt betri þjón-
ustu. „Því meira sem þú veist, því
betri þjónustu geturðu veitt,“ segir
Karólína.
I $ i. c $9 s k i r 11 * s i ö » « ji t s s at.
Aðalfundur
Fimmtudaginn 1. júlí 1999 kl.14:00, Hótel Sögu
Dagskrá:
1. Skýrsla stjórnar.
2. Staöfesting ársreiknings.
3. Ákvöröun um þóknun til stjórnarmanna.
4. Tillaga um breytingar á 9. grein
samþykkta félagsins.
5. Ákvörðun um hvernig fara skuli með
afkomu félagsins á liðnu reikningsári.
6. Tillaga um heimild til stjórnar um kaup
á eigin bréfum félagsins.
7. Kosning stjómar félagsins skv. 21.
grein samþykkta.
8. Kosning endurskoðenda félagsins skv.
28. grein samþykkta.
9. Önnur mál.
LANDSBREF HF.
www.landsbref.is
Sími 535 2000