Morgunblaðið - 22.06.2000, Page 4

Þýsk knattspyma get-
ur ekki sokkið dýpra
f ÞÝSKALANDI ríkir þjóðarsorg á meðal áhugamanna um knatt-
spyrnu eftir afleita frammistöðu þýska landsliðsins í knattspyrnu á
Evrópumeistaramótinu í Belgíu og Hollandi, en Þjóðverjar unnu síð-
ustu keppni sem fram fór fyrir fjórum árum. Fjölmiðlar og einstakl-
ingar gagnrýna landsliðið og þjálfara þess, Eric Ribbeck, mjög
harðlega og er sú gagnrýni á tíðum einkar óvægin. Aðrir segja að
frammistaðan hafi ekki átt að koma neinum á óvart, landsliðið hafi
einfaldlega leikið illa undanfarin tvö ár. í Ijósi þessa laka árangurs
gefist nú tími til þess að stokka spilin upp á nýtt og byggja upp
sterkt landslið sem geti endurheimt stolt þjóðarinnar.
Frá Vggó Sig-
urðssyni í
Þýskalandi
Berti Vogts, fyrrverandi lands-
liðsþjálfari og forveri
Ribbecks, segir að menn hefðu bet-
ur hlustað á sig íyrir tveimur árum
þegar hann vildi gera verulega
breytingar á leikmannahópnum og
um leið breyta leikaðferð þess.
Hefði verið farið eftir því stæði
landsliðið ekki í þeim sporum sem
það stendur í nú.
Þess í stað hafl
breytingar hans
fallið í grýttan jarð-
veg og hann verið
rakkaður niður sem hafi endað
með því að honum var nauðugur sá
kostur að segja af sér.
Ekki vilja allir skella skuldinni á
Ribbeck landsliðsþjálfara, sem
reyndar sagði af sér í gærmorgun.
Ribbeck hafi ekki haft tækifæri til
þess að gera mikla breytingar þar
sem hann hafi verið upptekinn af
þvi að tryggja landsliðinu rétt til
þess að taka þátt í keppninni. Þar
af leiðandi hafi honum verið nauð-
ugur sá kostur að halda sig við
svipað lið og sama skipulag og und-
anfarin ár.
Eiga ekki betri leikmenn
Þrátt fyrir gagnrýni á landsliðið
telja flestir að Ribbeck hafi valið
þá leikmenn sem sterkastii- eru.
Enginn leikmaður hafi verið skilinn
'eftir sem hefði hugsanlega getað
hresst upp á liðið. Staðan sé ein-
faldlega sú að Þjóðverjar eigi ekki
betri knattspyrnumenn en raun
ber vitni. Það sé napurleg stað-
reynd sem verði að hafa í huga og
gera bót á. Þýskir knattspyrnu-
menn hafi einfaldlega dregist aftur
úr á flestum sviðum, einkanlega
hvað knatttækni áhrærir, og því
miður séu fáir ungir og efnilegir
knattspyrnumenn í sjónmáli.
Stöðnun ríki og nú sé lag að huga
að grunnuppbyggingu. Sem dæmi
má nefna að flestir bestu knatt-
spyrnumenn þýsku deildarinnar
eru útlendingar, ólíkt því sem var
uppi á teningum fyrir tíu árum.
Daum eða Trappatoni?
Mikið er rætt um hver taki við af
Ribbeck og eru nöfn Christophs
Daums, þjálfara Bayer Lever-
kusen, og Giovannis Trappatonis,
fyrrverandi þjálfara Fiorentina og
Bayern Munchen, einkum nefnd.
Daum á eitt ár eftir af samningi
sínum við Leverkusen og verður að
öllum líkindum ekki leystur undan
honum. Hugsanlegt er talið að
þangað til muni Trappatoni og
Daum annast landsliðið í samein-
,ingu með það fyrir augum að
Daum taki alfarið við eftir ár. Þótt
Trappatoni njóti mikillar virðingar
í Þýskalandi er afar ósennilegt tal-
ið að hann verði einn ráðinn, ein-
faldlega af þeim sökum að hann er
ítali. Utlendingur hefur aldrei
stýrt þýska landsliðinu og á því
verði engin breyting nú. Hins veg-
ar gæti samvinna hans og Daums
orðið ofan á sem tímabundin lausn.
Vitað er að Daum hefur áhuga á
sæti landsliðsþjálfara og hann hef-
ur látið hafa það eftir sér að það
yrði mesti heiður sem honum gæti
hlotnast að vera boðið starfið.
Reiner Calmund, forseti Lever-
kusen, segir það ekki koma til
greina að leysa Daum undan samn-
ingi nú þar sem það sé svo stuttur
tími þar til undirbúningur fyrir
næstu leiktíð hefjist.
Matthaus harðlega
gagnrýndur
Einn leikmaður fær harðari
gagnrýni en aðrir og það er gamla
brýnið Lothar Mattháus. Sagt er
að hann hafi ekkert erindi átt í
keppnina þar sem hann hafi fyrir
löngu lifað sitt fegursta sem knatt-
spyrnumaður og því hafi ekki verið
nokkur ástæða til þess að draga
hann á flot á ný eftir að hafa verið
utan liðsins árum saman, m.a. þeg-
ar keppnin fór fram fyrir fjórum
árum.
Gerhard Mayer-Vorfelder, for-
seti Stuttgart, tekur á næstunni við
formennsku í þýska knattspyrnu-
sambandinu. Hann sagði í gær að
þýsk knattspyrnu gæti ekki sokkið
dýpra en hún hefði gert nú og fram
undan væri tími uppbyggingar.
Jupp Heynckes, einn reyndasti
þjálfari Þjóðverja, sagði eftir leik-
inn við Portúgal að knatttækni
þýska leikmanna væri mjög ábóta-
vant. Þeir væru langt á eftir félög-
AP
Erick Ribbeck ræðir hér við Lothar Matthaus er þeir gengu til
seinni hálfleiksins gegn Portúgal. Matthaus lék sinn 150.
landsleik - jafnframt þann síðasta - fyrir Þýskaland.
um sínum á Spáni, Ítalíu, Portúgal
og Frakklandi í þeim efnum.
Greinilegt væri að uppbygging
knattspyrnumanna hefði algjörlega
mishe.ppnast undanfarin ár. Otto
Rehhagel, þjálfari Kaiserslautern,
lýsti leiknum í sjónvarpi í heima-
landi sínu. Sagði hann agaleysi
þýska liðsins vera algjört óg á því
þyrfti að gera bragarbót. Nefndi
hann sem dæmi að leikmenn hefðu
verið að gagnrýna hvern annan á
opinberum vettvangi á meðan
keppnin stóð yfir.
Neville
blóra-
böggull
BRESKIR fjölmiðlar skella
skuldinni á bakvörð enska
landsliðsins Phil Neville
eftir tap landsliðsins gegn
Rúmeníu, 3:2. Phil braut
kiaufalega á Viorel Moldov-
an, sóknarmanni Rúmena, í
vítateig Englendinga
tveimur mínútum fyrir
leiksiok. Rúmenar fengu
vítaspyrnu, sem Ioan Gan-
ea skoraði sigurmarkið úr.
Þess má geta að Phil á
fast sæti í enska landsliðinu
þrátt fyrir að vera vara-
maður Man. United,
FOLK
■ PAUL Jewell hefur verið ráðinn
knattspyrnustjóri Sheff. Wed.
Jewell stýrði Bradford á síðustu
ieiktíð en lagði fram uppsagnarbréf
sitt um nýliðna helgi.
■ RUUD van Nistelrooy er á bata-
vegi eftir uppskurð á hné fyrir
skömmu. Reiknað er með að hol-
lenski markaskorarinn verði kom-
inn á fulla ferð á knattspyrnuvellin-
um með Eindhoven í kringum
áramót.
■ TORE Andre FIo gæti verið á
leið til Rangers í Skotlandi frá
Chelsea. Reiknað er með að fram-
tíð hans skýrist um leið og hann
snýr til Lundúna á nýjan leik eftir
að Norðmenn hafa lokið keppni á
EM. Chelsea setti upp 1,4 milljarða
fyrir Flo í vor, en jafnvel er reiknað
með að slegið verði eitthvað af
þeirri tölu nú.
■ DAVID Ginola, Frakkinn snjalli
hjá Tottenham, fer ekki til Aston
Villa eins og búist hafði verið við.
Ginola náði ekki samningum við
forráðamenn Villa en áður höfðu
félögin komist að samkomulagi um
kaupverðið, 370 milljónir króna.
■ CHELSEA hefur sent Colin Hu-
tchinson til ítaliu til að ganga frá
sölu á Gianfranco Zola til Napolí
og um leið að kaupa króatíska mið-
vallarleikmaninn Mario Stanic frá
Parma á sex millj. punda.
■ CHARLTON hefur boðið Bolton
tvær millj. punda fyrir vamar-
manninn Mark Fish.
Hugmyndasnauðir
ENGLENDINGAR féllu verð-
skuldað úr keppni á EM í fyrra-
kvöld eftir að hafa leikið hug-
myndasnauða og íhaldsama
knattspyrnu. Þrátt fyrir að kom-
ast yfir í öllum þremur leikjun-
um töpuðu þeir verðskuldað
bæði gegn Portúgal og Rúmen-
íu.
Jafntefli dugði gegn Rúmeníu og
Englendingarnir voru með
pálmann í höndunum í hálfleik, einu
marki yfir. Þrátt fyr-
ir það töpuðu þeir
leiknum á sanngjar-
nan hátt og enska
þjóðin hefur nú feng-
ið nýtt fórnarlamb til að tæta í sig -
bakvörðinn Phil Neville sem olli vít-
inu á 88. mínútu sem tryggði Rúm-
enum sigurinn.
IrisB.
Eysteinsdóttir
skrifar
Sigurinn mikilvægi gegn Þjóð-
verjum um helgina skiptir nú engu
máli.
Vantaði jafnvægi í leik liðsins
Kevin Keegan sagði slakar send-
ingar hafa orsakað slæmt gengi í
keppninni. Vandræðagangur Eng-
lendinga er þó mun meiri en það.
Helsti styrkleiki Keegans er að bæta
liðsanda og undirbúa menn andlega
fyrir leiki. Leikmenn liðsins lögðu
sig vissulega fram í leikjunum en
meira þarf til árangurs í svona móti.
Liðið var algjörlega hugmynda-
snautt í sókninni og eyddi 60 mínút-
um hvers leiks í að elta andstæðinga
sína. Skipulag liðsins var í molum og
miðjumennirnir kraftlausir utan
David Beckhams. Jafnvægi liðsins
var ekkert þar sem enginn örfættur
leikmaður var til staðar til að leika á
vinstri kanti og Dennis Wise leitaði
alltaf inn á miðjuna. Þar af leiðandi
reyndi mest á Beckham hægra meg-
in sem var besti maður liðsins í
keppninni.
Síðari hálfleikur gegn Úkraínu í
æfingaleik í síðasta mánuði var góð-
ur þar sem enska liðið kom vel út
með fimm leikmenn á miðjunni. En
þegar verulega á reyndi fór Keegan
aftur í gamla leikkerfið 4-4-2 vegna
þess að leikmönnunum fannst það
þægilegast - ekki eins þægOegt og
andstæðingunum þó.
Þrátt fyrir að Keegan sé maður
fólksins þá spyrja margir sig hvort
hann sé rétti maðurinn í starfið.
Hann hefur lítinn tíma til að um-
breyta liðinu fyiir næsta leik gegn
Þýskalandi í undankeppni HM í
október og sýna hvers hann er
megnugur.
Býr meira í liðinu
„Við vorum einfaldlega ekki nógu
góðir,“ sagði Keegan á blaðamanna-
fundi í gær.
„Það býr mun meira í liðinu heldur
en við sýndum. Við þurfum að líta til
framtíðar því þegar við lítum um öxl
þá blasa bara vonbrigði við og það
þýðir ekkert að dvelja við þau. Þeir
18 mánuðir sem notaðir voru í undir-
búning fyrir keppnina voru ekki auð-
veldir. Við spÚuðum marga erfiða
æfingaleiki og alltaf var ný pressa á
okkur fyrir hvem leik. Við gátum
aldrei spilað afslappað. Knattspyrn-
an í þessari keppni er allt öðmvisi
heldur en sú sem er spiluð í ensku
úrvalsdeildinni og við verðum að
reyna að laga okkur að því, en það
gekk alls ekki í þessari keppni,“
sagði Keegan.