Morgunblaðið - 09.08.2000, Blaðsíða 1

BLAÐ ALLRA LANDSMANNA
2000
plorgunMfiítiJ*
■ MIÐVIKUDAGUR 9. ÁGÚST
BLAÐ
Eyjastúlkur
til Búlgaríu
ÍSLANDSMEISTARAR ÍBV í
handknattlcik kvenna dróg’ust;
gegn búlgarska félaginu Pirin
Blagoevgrad í fyrstu umferð
EHF-keppninnar, en dregið var í
gær. Fyrri leikur liðanna fer
fram í Búlgaríu helgina 7. og 8.
október en sá síðari viku síðar í
Eyjum. Þetta er í fyrsta skipti
sem kvennalið IBV tekur þátt í
Evrópukeppni, en liðið var eitt
sjö meistaraliða sem ekki fær að
fara í forkeppni meistaradeildar-
innar, eins og Morgunblaðið
greindi frá á dögunum og upp-
lýsingar hafa legið fyrir um á
heimasíðu Evrópska hand-
knattleikssambandsins í u.m.b.
einn mánuð.
Um leið var dregið í 2. umferð
í undankeppni Meistaradeildar
karla, þar sem íslandsmeistarar
Hauka eru á meðal þátttakenda.
Á dögunum þegar dregið var til
fyrstu umferðar forkeppninnar
drógust Haukar gegn Eynatten
frá Belgíu. í gær kom í Ijós að
takist Haukum að komast yfir þá
hindrun, mætir liðið ABC Braga
frá Portúgal í annarri umferð.
Onnur umferð fer fram 14. og 15.
október og síðari umferðin viku
síðar. Tapi Haukar fyrir Eynatt-
en í fyrstu umferð kemst liðið í 2.
umferð EHF-keppninnar og
mætir þar Viborg frá Danmörku.
Sturíaugur
og Páll í
bann
Á FUNDI aganefndar KSÍ í gær
voru Sturlaugur Haraldsson
leikmaður ÍA og Páll
Guðmundsson í liði ÍBV úr-
skurðaðir í eins leiks bann
vegna fjögurra gulra spjalda.
Sturlaugur mun því missa af
leik ÍA gegn Grindavík í átta
liða úrslitum bikarkeppninnar
þann 14. ágúst og Páll mun ekki
leika með IBV gegn Val í sömu
keppni þann 13. agúst. Þá verð-
ur Guðmundur Orn Guðmun-
dsson, Brciðabliki, fjarri góðu
gamni þegar Breiðablik mætir
KR á KR-vellinum í kvöld þegar
liðin mætast í 14. umferð Islan-
dsmótsins. Auk leiksins á KR-
velli tekur efsta lið deildarinn-
ar, Fylkir, á móti Fram, Kefla-
vík heimsækir Stjörnuna,
Grindavík mætir Leiftri í
Grindavík. Allir leikirnir hefjast
kl. 19.
Morgunblaðið/Hasse Sjögren
Guðrún Arnardóttir, hlaupakona úr Ármanni, hefur í þrígang á fjórum dögum hlaupið 400 m
grindahlaup á skemmri tíma en 55 sekúndum og bætti eigið íslandsmet um 22/100 úr sekúndu á
laugardag. Myndin að ofan er tekin í Malmö á mánudaginn þar sem Guðrún kom fyrst í mark og
bætti vallarmetið. Þá vann Guðrún m.a. ólympíumeistarann, Deon Hemmings, og sést hér á
fleygif erð upp að hlið Hemmings á síðustu grindinni. Var þetta annar sigur Guðrúnar á Hemmings
á þremur dögum. —
l „Ég er í skýjunum “/ C4
KR hefur
samþykkt
tilboð í Andra
ENSKA knattspyrnufélagið Portsmouth og rekstrarfélag KR hafa
komist að samkomulagi um sölu á framherjanum Andra Sigþórs-
syni og er kaupverðið tæpar 45 milljónir króna. Þrátt fyrir sam-
komulag félaganna hefur Andri Sigþórsson enn ekki fengið form-
legt tilboð hvað varðar hans persónulegu samninga við enska
félagið.
Samkvæmt frétt á knattspyrnu-
vefnum Teamtalk hefur Ports-
mouth óskað eftir því að fá Andra
fyrst til reynslu um óákveðinn tíma
áður en af kaupunum verður, en því
hafi forsvarsmenn rekstrarfélags KR
hafnað. Samkvæmt sömu heimild er
væntanlegt kaupverð á Andra tæpar
45 milljónir króna eða 375.000 pund.
„Ég veit í raun ekki hver staðan í
þessu máli er, þar sem ekkert tilboð
hefur borist til mín frá Portsmouth
og ég veit aðeins það sem fram hefur
komið í fjölmiðlum," sagði Andri Sig-
þórsson er Morgunblaðið náði tali af
honum í gærkvöldi. „Félögin hafa
lokið viðræðum sín á milli og komust
að samkomulagi um kaupverð en ég
hef ekki fengið tilboð frá Ports-
mouth. Það er allt útlit fyrir að bið
verði á þessu enn um sinn en því er
ekki að neita að ég vildi sjá fyrir end-
ann á þessu máli fljótlega,“ sagði
hann.
„Portsmouth gerði rekstrarfélagi
KR ákveðið tilboð um sölu á Andra
Sigþórssyni og tilboðið var samþykkt
af okkar hálfu,“ sagði Magnús Orri
Schram, framkvæmdastjóri rekstr-
arfélags KR.
„Komist Andri að samkomulagi
um sína persónulegu samninga við
enska félagið verður hann leikmaður
Portsmouth. Við vitum af áhuga fleiri
félaga á Andra og ef honum líst ekki á
að fara til Englands á þessum tíma-
punkti þá erum við alveg rólegir yfir
því,“ sagði hann. Magnús sagði frétt
Teamtalk um beiðni um væntanlegan
reynslutíma vera ranga.
SKAGAMENN TÖPUÐU MEÐ ÞREMUR MÖRKUM/C2
INTER
afsláttur af sportfatnaði
VINTERSPORT
afsláttur af öllum sundfatnaði
VINTERSMRT
afsláttur af barnafatnaði
VINTERSPORT
afsláttur af fitnessfatnaði
»V7^
ifsláttur af útsöluskóm
VINTERSPORT
Þín frfstund - Okkar fag
Bíldshöföa 20 • 112 Reykjavík
• 510 8020 • www.intersport.is
i
j
1