Þjóðólfur - 30.07.1883, Blaðsíða 2
92
um tilhœfulausu orðum, og skal ég
endrtaka þá yfirlýsing af og til með 2-—3
línum hér í blaðinu þangað til hann tekr orð
þessi aftr eða fœrir sönnur á þau. pangað
til skal hann i hvers manns augum standa
sem ósannindamaðr !
þar sem Gestr tekr mig ttil dœmis« upp á
thneykslanlegan mann í sinni stöðu«, þá skal
hann fá að svara til þeirra orða fyrir dóm-
stólunum. Bkki af virðingu fyrir hans orð-
um, heldr sakir almennings, skal ég geta
þess, að þeir kenslutímar mínir, sem ég hefi
ekki komið í, í skólanum, eru mjög fáir, og
t. d. miklu færri, en tímar þeir, er úr hafa
fallið fyrir Halldóri yfirkennara. A síðast-
liðnum vetri munu það vera einir þrír tím-
ar, er ég kom eigi í án þess að veikindi for-
fölluðu mig, og hafði ég til þess gildar ástœð-
ur og leyfi rektors. Enda fæ ég ekki séð að
neitt ósœmilegt sé í því, þótt ég fái t. d. frí
úr tíma til að mœta í rétti, þegar mér er
stefnt; þá er þó mun ótilhlýðilegra að van-
rœkja tíma, eins og yfirkennarinn hefir gjört,
til þess að hafa atvinnu af að vera í málaþrasi
fyriraðra. Égmaneftir, að það kom fyrir, að
ég kom frá réttarhaldi við þetta tœkifœri og
var eitthvað £ stund eftir áðr en ég átti að
fara á skrifstofu, þar sem ég hafði störfum
að gegna, og gekk ég þá inn á hótel hér í
bœnum og drakk glas af öli. Enda ætla ég
ekki framvegis framar en hingað til að spyrja
Gest um leyfi til að ganga á veitingahús, þá
er mér lízt, og neyta þar þess, er mér lízt.
Ef ég vanrœkti ekki skylduverk mín fyrir
það og misbýð ekki stöðu minni með því að
sýna ndg þar fullan, þá þykist ég ekki þurfa
að bera kinnroða af þvi fyrir neinum manni.
I þessu sambandi skal ég annars geta
þess, að ég hefi með sama tímafjölda, sem
áðr var í ensku, lesið langt um meira
í sérhverjum hekk, heldr en nokkur annar
kennari í þeirni grein hefir gjört á undan
mér hér við skólann. Sem dœmi þess, hvort
skólinn hafi ekki haft, ég vil leyfa mér að
segja stóran hag af minni kenslu, skal ég
nefna það, að með 2 tímum á viku í 1. bekk
(eins og áðr hefir verið) tókst mér í vetr að
gjöra piltana þar svo fœra í ensku, að ég
fékk leyfi til að taka til næsta árs þá búk til
kenslu í 2. hekk, sem hingað til hefir verið
notuð i 3. bekk. þannig hefi ég getað gjört
lærisveina mínaí 1. bekk ámóta færa í ensku
á einum vetri, eins og þeir áðr voru vanir
að vera eftir tvo vetr. Ætli þetta sé ekki
meir talandi vottr um kenslu mína, heldr en
það, hvort ég hafi sleppt ttr einum eða fleiri
tímum fyrir gild forföll ?
En að maðr geti stundum jafnvel gjört
góðverk með því að ganga á veitingahús, það
vona ég að Gestr verði aó viðrkenna. Eekr
hann ekkert minni til þess, að ég hafi fyrri-
part vetrar komið inn á veitingahús hér í
bœnum eitt kvöld og hitt svo á, að rétt á
eftir kom þar inn maðr dauðadrukkinn, sem
dottið hafðí í rennusteininn eða hl...forina,
ogað ég gjörði þá gustukaverk á þeim manni
með því að draga hann heim til sín og koma
honum í rúmið. þessa vona ég Gest reki
minni til, og skal ég minna hann á, að þetta
var um það leyti sem núverandi ritstjóri
»Suðra« var á síðasta slœma túrnum í vetr,
áðr en spillingu holdsins sló út um hann,
svo að hann lagðist kaunum sleginn á sótt-
arsæng. Ég nefni þetta ekki af því, að
Gesti sé þetta mál skylt að öðru leyti en því,
að svo stoð á, að hann vissi vel þetta kvöld,
hvert gustukaverk ég þá gjörði á drukkna
manninum—og ég vona að hann reki minni
til þess enn, — og mun því verða að játa, að
svo greiðvikinn maðr sem ég er, getr vel átt
miskunnar-erindi á veitingahús, og er því
ekkert hneykslanlegt í því í sjálfu sér að
lcoma á sllka staði.
Jón Olafsson.
Nýjasta réttvísi Theodórs!
— Eftir því, sem haft er eftir mági Theo-
dórs bœjarfógeta, Franz Siemsen, kvað
Theodór hafa afráðið að dœma ritstj. Jón
Olafsson i 150 kr. sekt fyrir það, hversu
hann svaraði árás Tryggva riddara. Ridd-
inn kvað aftr á móti eiga að sleppa sekta-
laus af meiðyrðum sínum við Jón.
— Dómr er enn eigi uppkveðinn, en vafa-
laust fer hann fyrir yfirréttinn, svo að Jón
inn meinhægi, Magnús inn margvitri og Lár-
us inn laungáfaði geti prófað réttvísi hans.
(Ritað »þ.).
Alþingisfréttir.
IV.
Neðri deild.
14. júlí : l.umr. um frv. til 1. um hreyting
á o. br. 27. maí 1859. Orðalaust vísað til
2. umr.
16. júlí : 2 umr. um fiskiveiðar hluta-
félaga í landhelgi. Gekk með breytingu til
til 3. umr.
2. umr. um hyggingarkostnað fangelsa.
Gekk til 3. umr.
1. umr. um frv. til 1. um að afnema gjald
af fasteignasölum. Gekk til 2. umr.
Uppástunga frá fjárl.nefnd. til þingsálykt-
unar um mæling á innsiglingum á hafnir —
var svo ófimlega orðuð, að taka varð málið
út af dagskrá, svo nefndin gæti gjört bragar-
bót.
Uppást. til þingsálykt. um 4 aukalækna
(styrk til 4 praktísérandi lækna, er setjast
að á ákveðnum stöðum) vísað til fjárl.nefnd.
17. JÚlí : Fyrirsp. þingm. Borgf. um
lestagjald af póstskipum. Ein umr. Að
henni lokinni samþ. deildin í einu hljóði svo
felda dagskrá: »1 þeirri von, að ráðherra
Islands með alúð framkvæmi ályktun þings-
ins frá 1881 um heimtu á 34,302 kr. (lesta-
gjaldi af póstgufuskipunum) úr ríkissjóði, ef
þörf gjörist með lögsókn gegn fjármála-
stjórn Dana, tekr þingdeildin næsta mál
á dagskránni til umrœðu«.
1. umr. um þjóðjarðasölu. Gekk til 2.
umr.
1. umr. um frv. til 1. um bœjarstjóm á
Akreyri. Vísað orðalaust til 2. umr.
1. umr. um frv. til 1. um eftirlaun presta-
ekkna. Vísað til 2. umr.
2. umr. um breyting á o. br. 27. maí 1859
(um að ráða útl. menn á dönsk skip). Gekk
til 3. umr.
18. júlí : 3. umr. um uppgjöf á eftirstöðv-
um á byggingarkostnaði fangelsanna. Samþ.
og afgr. til efri d.
3. umr. um fiskiveiðar hlutafilaga í land-
helgi. Samþ. með breytingum og afgr. til
e. d.
2. umr. um afnám gjalds af fasteignasölu.
Gekk til 3. umr.
1. umr. um breyting á lögum 27. febr.
1880 um skipun prestakalla. Vísað til 2.
umr.
1. umr. um breyting á skottulœknalögum.
Gekk til 2. umr.
Framh. 1. umr. um horfellis-frv, Gekk
til 2. umr.
Aðsent frá Nesjahrepp.
Á næstliðnu hausti kom herra Eiríkr
Magnússon með korngjafir upp á Djúpavog
frá Englandi, og skipaði þar upp 800 sekkj-
um af mais, rúg, byggi og höfrum ; mest var
korntegundin af mais, hver sekkr var með
100 pd. þunga. Af þessum korntegundum
ákvað hr. E. M. að 400 sekkir skyldu ganga
til Austr-Skaftafellssýslu, hinir 400 sekkirn-
ir áttu að ganga til 3 hreppa Suðrmúlasýslu.
Einnig gat herra E. M. þess í hréfi því, er
hann sendi hreppstjóra Nesjahrepps, um
gjafirnar, sem hann ákvað Austr-Skaftafels-
sýslu, að hann hefði skilið eftir á Djúpavogi
2700 kr. í peningum, en Múlasýslumenn túlk-
uðu svo mannúðlega harðærisástandið í þessu
sýslufélagi fyrir hr. E. M., að þeir náðu und-
ir sig öllum peningunum, enda þó ekki væri
annað að sjá af bréfi hr. E. M. en að pen-
ingarnir ættu að skiptast á Múlasýslu og
Austr-Skaftafellssýslu í sama hlutfalli og
korngjafirnar. En þó svona fœri með pen-
ingana og skip það, er herra E. M. gat um í
bréfi sínu að kœmi frá Norvegi með niðr-
soðnar kjöttegundir, en það skip hefir ekki
komið og kemr líklegast aldrei, þá á herra
E, M. miklar þakkir skilið fyrir þann korn-
forða sem hann ákvað Austr-Skaftfellingum,
því hefði ekki þessar mannúðlegu gjafir
komið frá Englandi fyrir milligöngu hr. E.
M., hefði í þessu sýslufélagi orðið mesta
hungrsneyð í vetr, því fjártapið í vor er leið
var ógrlegt, og þótt kýr skrimtu fram horað-
ar, var lítið málnytugagn að þeim í sumar,
en ekki var að tala um málnytu af ám, því
í sumum hreppum þessa sýslufélags voru
sárfáar ær til málnytu, svo sem í Nesja-
hrepp, að eins á 5 til 6 bœjum frá 12 til 20
ær. I Nesjahreppi einum nam fjártapið
fullum 11,000 kr., reiknað út eftir tíundar-
framtali 1881 og 1882. en í hinum hreppum
Austr-Skaftafellssýslu mun fjártapið ■ hafa
verið talsvert minna en í Nesjahreppi, en
víst er það, að i hverjum hinna 4 hreppa
þessa sýslufélags má gjöra 4000 kr. tap, og
og verðr þá skepnutapið í Austr-Skaftafels-
sýslu kringum 30,000 kr. Astandið fyrir fram-
tíðina er því mjög sorglegt, þar sem vöru-
byrgðir manna verða sár-litlar, og fé til frá-
lags í haust lítið sem ekkert, enn um vörur
er ekki að tala í þessu bygðarlagi nema ull,
sem ekki getr talizt nema fáein pund, móti
því sem áðr hefir verið, um fiskvöru er hér
ekki að tala, það væri því œskilegt að lands-
stjórnin léti tiltölulegan skerf koma í sýslu-
félag Austr-Skaftafelssýslu af þeim stórkost-
legu gjöfum frá Danmörku sem hún hefir til
urnráða, því óvíst er að nokkurstaðar á land-
inu sé nú sem stendr ískyggilegra ástand en
í þessu umrœdda sýslufélagi, út af sauðfén ■
aðar og hrossafelli næstliðið vor, því þó
allar skepnur væri í góðu standi um sumar-
mál, þá hrundu þær niðr út úr byl-hríðum
þeim sem dundu yfir þetta hérað seint í apr-
íl og maí með hagleysum og göddum, en
hvergi hey að fá í þessu sýslufélagi, en það
fáa sem lifði, var lífgað á korni, hrossakjöti
og ýmsu öðru.
Skrifað í febrúar 1883.