Heimskringla - 01.10.1896, Side 1

NR. 40.
Heimskringla.
ÁR. WINNIPEGr, MAN., 1 OCTOBER. 1896.
Gröf Rousseaus.
Eftir Schiller.
Minningartákn um minkun tíðarinnar,
margfalda níðstöng fósturjarðar þinnar,
þú Rousseaus gröf, ég heilsa, heilsa þér !
Friðsæld og ró þór foldin megi veita,
friðsæld og ró, þess varst þú æ að leita,
friðsæld og ró, það fannstu loksins hér !
Hvenær mun undin forna saman siga ?
Svartdimt var fyr, þeir spöku máttu
hniga,
Ijósara’ er nú, þó leið hinn spaki enn.
Sókrates féll mót hópum hártogara,
hniginn er Rousseau fyrir kristnum
skara,
Rousseau, sem kristnum reyndi að
breyta í menn.
U. U.
(Eftir Þjóðólfi).
Engilsaxneski flokkurinn.
(Niðurlag frá 2. bls.)
sex voldugar þjóðir eru þannig tengdar
þeim böndum, sem vér höfum áður lýst?
Vér stöndum nú þegar á vegamót-
unum. Með breytni vorri, með orðum
vorum nú, getum vér haft áhrif til ills
eða góðs á framtíð ættbálks vors um
öll ókomin ár.
Eramundan oss liggja tvær brautir,
—tvær greinilega merktar brautir,sýni-
legar margar mílur framundan. Þessi
brautin er eins greiðfær eins og hin.
Hverja þeirra eigum vér þá að taka ?”
Önnur þessara brauta, segir Sir
Walter að leiði til stríðs og styrjalda,
sem í öllum afleiðingum sinum reynist
eins og hræðilegustu innanrikisstríð. A*
þeim leiddi hatur og sundrung sem héld-
ist mann fram af manni. Öðrum þjóð-
um væri þar gefið hraparlegt eftirdæmi
og að auki legðu menn þá í rústir allar
vonir um að framkvæmt yrði það, sem
hinum engilsaxneskaættbálki var ætlað
að framkvæma. Er þvílík styrjöld
hugsanleg, spyr hann svo, og svarar því
að hún sé enganveginn ólíkleg. Og svo
bendir hann á það, að leggi bræður til
orustu, einn á móti öðrum, hætti þeir
aldrei að berjast. Því liver orusta auki
haturseldinn sem áður var. Aðalkjarn-
inn í ritgerð hans er svo á þessa leið:
“Þess vegna þurfum vér aðbúa svo
um, að stríð milli þessara frændþjóða
verði ómögulegt. Og þar sem fjórar
þeirra [Canada, Ástralía. Nýja Sjáland,
Suður-Afríka] eru enn tengdar móður-
þjóðinni, þá er að eins að gera strið ó-
mögulegt milli hinna tvegga,— beggja
stórdeildanna.
Hvað mig snertir, þá get ég ekki
séð nema einn veg til þessa, — þann, að
á komist sáttaréttur, þar sem öll vor á-
greiningsmál verði útkljáð. Væri nefnd
manna til, sem dæmdi í slikum málum,
mundi það í sjálfu sér fyrirbyggja deil-
ur, og meðvitundin að strið gæti ekki
átt ser stað, mundi breyta orðalagi blað-
anna, þegar þau töluðu um frændþjóð
sina.
Setji maður svo, að þessi sáttarétt-
urkomistá. Hvernig lítur framtíðin
þá ut? Þjóðirnar sex verða sundur-
skildar, en þ<s same i naðar. Hver um
sig vinnur að síUUm sérstöku st«rfum
að vild sinni og á hvern hátt sem henni
sýnist, en standa aldrei ein í hári ann-
arar. Þær mundu komast í skilning
Rm að óhindruð verzlun þeirra á milli
verði happasælust. Blöðin verða kurt-
eis, hvert við annað. Þær verða keppi-
nautar að eins að því er snertir lista-
verk, vísindi oaí bókmentir. Og það
sem mest gildir: þær munu ganga i
sóknar og varnar samband og hafa þá
jrfir þeim herflota að ráða, að allar aðr-
ar þjóðir til samans hefðu ekki bolrnagn
á móts við þær. Fögur fyrirmynd fyrir
alla aðra yrði þetta volduga bandalag
frjálsra, löghlýðinna, friðsælla, en fram-
gjarnra og hraustra manna, er ekki
rnundu hika við að berjast, ef á þyrfti
eð halda. Hjá þeim réði gamla vana-
festan, gömlu siðirnir. Eins og forfeður
Þeirr frá Hollandi, viðurkendu þeir
familiuna eininguna; hvert heimili
þungamiðju heimsins; hvert township
með enda einum 12 búendum í, þunga-
miðju stjórnarinnar.
Íslknzkr læknir
DR. M. HALLDORSSON,
Park River — N. Dak.
FRETTIR.
DAGBÓK.
FIMTUDAG 24. SEPT.
í dag hefir Victoria Englandsdrottn-
ing ríkt lengur en nokkur konungur
Breta. Hefir nú ríkt 59 ár og 96 daga,
en George III. sem lengst ríkti var kon-
ungur í 59 ár og 95 daga. Þessa vega-
merkis í sögu gömlu konunnar var
minns hátíðlega á Englandi.
Gulldemókratar í New York riki
höfðu fund í Madison Square Garden í
fyrrakvöld til að staðfesta það sem gert
var á þjóðfundi gull-demókrata i Indi-
anapolis. Fundurinn var mannmargur
ekki síður en fundir hinna flokkanna, er
áður voru haldnir á sama stað.
Gullsjóður Bandarikja er nú sem
stendur $121J milj. Fékk í gær milj.
frá Ástralíu.
Auðmannafélag í Bandaríkjunum
er að semja við stjórn Rússa um að
koma á fót gufuskipalínu milli Vladi-
vostok og San Francisco.
Brezk-Indverska gufuskipafélagið
stóra hefir ákveðið að koma á fót nýrri
gufuskipalínu milli Ástralíu og Van-
couver. Fyrsta skipið leggur af stað
frá Nýja Sjálandi innan viku.
Tíðin hefir verið köld yíðar en liér
vestra um undanfarinn tíma. Aðfara
nótt hins 23. Sept. var svo mikið frost í
New York-ríki og víðar eystra, að ís á
vatni varð 1 úr þuml. á þykt.
Samkvæmt síðustu fregnum frá Sú-
dan er ófriðnum og uppreystinni þar
lokið. Fáni Egyfta veifar yfir Dongola
rikinu og öll vígin í þessum héruðum
eru nú i höndum Breta og Egyfta. Der-
visharnir eru Jivervetna á flótta og
brezkir hermenn reka flóttamennina
eins og sauðfé væri. En mikið er eftir
að vinna, að hrinda í lag því sein í ó-
reglu er, losa fáráðlinga úr klóm der-
vishanna, og byggja ný virki og varnar-
garða. Fyrri en alt þetta verður gert
verður héraðið ekki búið að ná sér.
FÖSTUDAG, 25. SEPT.
I gær var haldinn geysistór fundur
í Liverpool á Englandi til að ræða um
Tyrki og meðferð þeirra á Armeniu-
mönnum, til að ávita Tyrki fyrir, og
skora á Norðurálfuþjóðir að binda enda
á slíkt. Sérstaklega var skorað á stjórn
Breta að gera eitthvað. Hún mætti ó-
hætt treysta fylgi lýðsins í hvað sem
færi. Gamli Gladstone var einn af
ræðumönnunum og var honum fagnað
mikillega. Þótti hann djarfmæltur og
óhlífinn, og ekki óliklegt að Soldán
kvarti undan orðum hans ekki síður en
í vetur er leið. Karl talaði 20 mínútur
og var furðanlega þolinn, svo háaldrað-
sem hann er orðinn.
Bryan forsetaefni flutti tvær Væður
í Brooklyn, N. Y., á miðvikudagskvöld
ið fyrir fjölda áheyrenda—5000 á öðr-
um staðnum og 8000 í hinum, og var sá
mannfleiri eingöngu verkamannfundur.
Bryan var vel tekið.
Bayard ráðherra Bandarikja á Eng-
landi er meðmæltur þvi, að á komist
sáttaréttur til að útkljá öll þrætumál
milli Breta og Bandaríkjamanna. Sagði
það afdráttarlaust í gildi í Liverpool í
gærkvöldi.
Stjórnleysi algert er ríkjandi i Lead-
ville, Colorado. Hermenn hafa verið
sendir þangað til varnar, ennámamenn
eru að draga saman lið til að yflrbuga
þá og vinna bæinn.
London ‘Times’ dáist að þreki Glad-
stones og tilraunum hans Armeniu-
mönnum í hag, en lízt ekki á þá uppá-
stungu hans, að stjórn Breta kalli
heim erindreka sinn í [Konstantinópel
og reki burt ráðherra Tyrkja í London.
Meðal fanga, sem Bretar fundu i
Dongola og létu lausa, er sonur prívat-
VKITT
0Æ8TD VBRÐLAUN a HEIMS8ÝNINQUNN
Da
BAKINfi
P0MDIR
IÐ BEZT TILBÚNA
Óblönduð vínberja Cream of Tartaf
jowder. Ekkert álún, ammonia eða
Önnur óholl efni.
40 ára xeynslu.
ritara Kína-Gordons, og einn af þjón-
um hans. Segja þeir báðir að Gordon
hafi virkilega látið Kíið í Kartum.
Stúdentaflokkur frá Yale hafði svo
hátt um sig á fundi Bryans í gær í New
Haven, Conn., að Bryanmátti um síðir
til með að hætta.
LAUGARDAG 26. SEPT.
Auka-gjaldaskrá sambandsstjórn-
arinnar var lögð fyrir þingið í Ottawa í
gær og er upphæð aukagjaldanna sam-
tals $2,889,857.—Af þeirri upphæð koma
$8,432 til Manitoba.
Venezuela-nefnd Bandaríkjastjórn-
ar hefir nú lokið starfi sínu, að öðru en
þvi, að eftir er að leita betur i skjala-
söfnum í Hollandi, en því verður lokið
um miðjan Október. Nefndarálitið
verður afhent Cleveland forseta ein-
hvern tíma um lok Nóv.mán.
Skogareldar miklir í grend við bæj-
ina Port Arthur ogFort William. Hefði
ekki vindstaða bieytzt í gærkvöldi hefði
eldurinn borist inn í bæinn og lagt hann
í rústir.
60—70 þúsundir manna hlýddu á
ræðu Bryans forsetaefnis i gærkvöldi í
Boston. Fundurinn var hafður undir
beru lofti.
Nú er sagt að Bretar, Rússar og
Frakkar séu gengnir í bandalag til að
útkljá tyrkneska málið. Tilgangurinn
kvað vera, að gera bæði Tyrkland og
Egyftaland að skjólstæðingum stór-
veldanna allra.
MÁNUDAG 28. SEPT.
McKinley forsetaefni er ekki ræðu-
maður á borð við Bryan og heyrist þess
vegna sjaldan til hans. Hann er heima
hjá sér í Canton, Ohio, þegai' hann getur
og þangað heimsækja menn hann í stór-
hópum úr öllum áttum og þar flytur
hann sínar helztu ræður. Á föstudag-
inn og laugardaginn flutti hann þannig
margar ræður heima hjá sér, fyrir
15,000 áheyrendum alls.
Repúblikar eru nú farnir að gera á-
ætlun um úrslitin ekki siður en silfur-
demókratar. Telja þeir McKinley 278
atkv. alveg vis og 35 að auki nokkurn-
veginn vís, eða 313 alls.
C. P. R.-skipið “Empress of China”
er flutti Li Hung Chang yfir Kyrrahaf,
kom til Yokohama í Japan á laugardag-
inn var. Karl var hinn hraustasti og
yfirgaf Canadamenn þar. Steig á kín-
verskt herskip, er sent var til að flytja
liann það sem eftir var.
ÞRIÐJUDAG 29. SEPT.
Mattsukaraa heitir hinn nýi stjórn-
arformaður Japaníta. Var fjármála-
stjóri í ráðaneyti Ito’s greifa, er sagði af
sér í lok Ág. síðastl.
Búizt er við að sambandsþingi Can-
ada verði slitið á laugardaginn 3. þ. m.
Telegrafh-þjónar C. P. R. félagsins
allir hættu vinnu aðfaranótt hins 29. f.
m. Heimta hærra kaup m. m.
Eftir síðustu fregnum að dæma eru
nú Frakkar einnig tilbúnir að elta grátt
silfur við Tyrki. I gær og aftur í dag
sitja þeir á ráðstefnu Salisbury stjórnar-
formaður Breta og Rússakeisari. Ar-
meníu-málið er að sögn aðal-ræðuefnið.
Tyrkir í Armeníu.
Hið alkunna og merka þýzka blað
‘Reichsbote’ hefir flutt nákvæma
skýrslu eftir Jóhannes doktor Lepsius
um grimdarverkin í Armeníu. Alls var
slátrað 65,000 mönnum, nálægt 2500
þorp og borgir yoru í eyði lögð; 568
kyrkjur og klaustur voru brotin; 559
þorp og borgir voru neydd til að taka
Mahúmedstrú með öllum íbúum þeirra;
282 kyrkjur voru gerðar að tyrknesk-
um bænahúsum. En sagt er að tala
þeirra,er húsviltir eru og ekki eiga mál-
ungi matar séu 500,000.
Tölur þessar sýna að eins litið á-
grip af skýrslunum og eru nákvæmar
frásagnir um ódáðaverk þessi enn þá
voðalegri. Ef að taldir væru allar þær
þúsundir manna, sem myrtir hafa ver-
ið í þorpum þeim, sem enn eru ekki
komnar skýrslur frá, sem dáið hafa af
sárum og sjúkdómum, sem farizt hafa
á flótta, soltið í hel eða fent til dauðs í
fjöllunum, þá verður óhætt að segja að
alls hafi farizt einar 100,000 manns.
í sama nr. blaðsins ‘Reichsbote’
setur dr. Lepsius grein með yfirskrift-
inni: ‘Dálítið fyrir hraustar taugar’,
og skýrir þar nákvæmar frá grimdar-
verkum þeim, er hann sjálfui var sjón-
arvott.ur að. Sakar hann þar yfírvöld
Tyrkja, borgara og hermenn um það,
að hafa æst til [hryðjuverka þessara og
hvatt og styrkt til þeirra á allan máta.
í fyrstu drógu Tyrkir vopnlausa og
verjulausa Armeníumenn hundruðum
Saman út úr húsum sínum og fylgsn-
um og tóku einn af öðrum, hjuggu af
honum höfuðið, stungu hann, kyrktu
hann, hengdu eða rotuðu með bareflum
öxum og járnstöngum. En brátt urðu
þeir þreyttir á þessu. Skrillinn tyrk-
neski vildi fá tilbreytingu, vildi fá eitt-
hvað að skemta sér við. Þeim þótti
miklu meira gaman að því að kveikja
eld og steykja við þá er særðir voru,
hengja suma á staurum og láta höfuð-
ið snúa niður, [að stinga hundruðum
nála og títuprjóna í þá, eða að binda
svo sem hálft hundrað saman og skjótaf
svo inn í kös þessa.
Til hvers áttu Armeníumenn að
hafa svona marga limi, ef ekki til þess
að þeir skyldu höggva þá af einn og
einn og stinga stúfunum upp í þá. Þeir
voru leiknir orðnir í því Tyrkir, að
stinga út augu, að skera af nef og eyru.
Einkum þótti þeim klerkar þeir, sem
ekki vildu trú kasta, ekki eiga betra
skilið.
En þetta alt er svo gamalt að á þvi
er engin nýjung. Þeir tóku og til að
brúka steinolíu og kerosene, Yfirvöld-
in létu þá hafa kveikjuefni þessi, er
þeir þurftu að kveikja í húsum og þvi
um líkt, en þau urðu ekkert reið við
þá þó að þeir notuðu þau til fleira.
Þarna sjá þeir mann einn, ljós-
myndasmið með miklu síðu skeggi.
Þeir geta ekki stilt sig um að hella stein
olíu í það og kveikja svo i. Þeir draga
kristna menn saman í hrúgu og hella
yfir þ'á olíu og kveikja svo i og þegar
kviknað er vel í þeim, !þá kasta þeir
fleirum inn í bálið. Sjái þeir konu með
miklu hári, þá hella þeir á það púðri og
kveikja svo i, og sprengja af henni höf-
uðið.
Æfingin gerir þá leiknari og leikn-
ari. Tyrkneskur yfirmaður, Abdulla
að nafni, setur saman ungan mann og
konu í klaustrinu Kaghzorhayatz og
leikur sér að því að reyna að höggva af
þeim höfuðin í einu höggi. Eo svo
deyða þeir og fólkið öðruvísi en með
eldi eða járni. Kurdahöfðinginn Djev-
hörr frá Gabour lætur binda saman
bræður tvo og reka þá í gegn með staur
um. Það smá fer að koma keppni í
þessa morðingja og þeir metast um það
hver geti höggið höfuð af sem flestum.
I Kesserik var bakari einn, sem
drepið hafði 97 Armeniumenn, og til
sýnis um það hafði hann skorið af þeim
nef og eyru; en ekki þótti honum það
nóg, því að hann steig á stokk og
strengdi þess heit að ekki skyldi hann
linna fyrr en hann næði hundraðinu.
Þó var annar honum meiri;“hét sá Hadi
Beys frá Tadem. Hafði hann drepið
yfir hundrað manns og til að krýna það
lætur hann höggva konu eina í f jögur
stykki og setja stykkin á staura upp til
sýnis.
Slátrari einn í Aintap stakk sex
höfðum Armeníumanna á steikaratein
sinn, og í Subaschigulp slátruðu Tyrkir
þeim og hengdu þá upp hér og þar á
kjötkróka á strætum úti. Þá fór skríll
inn í Trapezunt ekki þokkalegar að.
Armeniskur slátrari einn, Adam að
nafni, var skotinn með syni sínum.
Voru þeir svo skornir í smá stykki og
limir þeirra reknir upp á staura og
bornir svo um strætin og boðnir til sölu
fyrir gjafverð ! !
Jíy medul.
Dr. Agnews hafa heppnast
tilraunir sínar vlð hjart-
veiki og hálsveiki.
Flestir hafa verið á þeirri skoðun,
að þó lækna megi diphteria og hydro-
phobia (vatnsæði),, þáséenginn vegur
til að lækna hjartveikl. Það sé að eins
hægt að lina þrautirnar. Uppgötvanir
Dr. Agnews hafa einu sinni enn sýnt að
það er ómögulegt að gizka, hve langt
meðalafræðin getur komist.
Það hefir nú sannast, að meðal það,
sem kallað er Dr. Agnews Cure for the
Heart, hefir bjargað lifi marnra sem
áður voru álitnir að vera ólæknandi.
Eitt af þvi góða við þetta meðal er, að
það verkar undireins, ef það væri ekki,
þá væri það þýðingarlaust, þvi þegar
um hjartveiki er að ræða, þá þarf ætíð
fljóta hjálp. Mr. Aaron Nichols frá
Peterboro, Ont., segir þetta um Dr.
Agnews Cure for the Hart:
“Konan mín þjáðist í 20 ár af hjart
veiki. Frá þvi fyrst að hún fór að brúka
Dr. Agnews Cure for the Heart, og af
áframhaldandi brúkun þessa meðals
hefir hún haft meira gagn en af öllum
öðrum meðölum oglæknum, sem hún
hefir reynt. Þetta meðal verkar merki-
lega vel á hjartað”.
Allir finna til þess, hve ógeðfeld
sýki Catarrh er, og þó sérstaklega þeir
semeiga að tala framí fyrir almenningi.
Hin sterkustu vottorð um ágæti Dr.
Agnews Catarrh Fowder eru _ frá eftir-
fylgjandi persónum: Biskupií Toronto,
Kev. A. Sweatman D. D.D.,C. L. og
helztu kennurunum í McMaster Hall,
Rev. W. H. Withrow, D. D.; Metho-
dista prestum Rev. Mungo Fraser, D.
D., frá Hamilton og ýmsum öðrum
merkum mönnum. Allir þessir menn
hafa undirskrifað vottorð um að Dr.
Agnews Catarrh Powder hafi reynzt
sér óbrigðult við þessum leiða kvilla.

í
Vetrar-varningur! |
Vöru-upplag vort í fyrra var mikið — meira þá en nokkru sinni áður. Þó eru engar ýkjur að segja
það EINUM FJÓRÐA MEIRA NÚ EN í FYRRA. Um þctta getur hver sannfært sjálfan sig, sem geng-
ur gegnum búðina, og — vér bjóðum alla velkoipna.
Stærsta Alnavoru- kloeclnadar- og Sko-verzlnn i vestnr-bœnum !
Stærsta upplag af karl-
manna og drengjaklæðnaði
í vestur-bænum. — Yfir-
kápur úr ‘Tweed,’ ‘Etoffe,’
Irsku og Canadisku ‘Freize,’
Alklæðnaðir úr “Serge,”
“Basket”- klæði (brugðnu
klæði), “Etoffe,” ‘Worsted’
o. s.frv.—fyrir karlmenn og
drengi, Ýfirkápur á öllu
verðstigi, frá $4,50 til $15
og efni, litur og snið að því
skapi fjölbreytt. Vér getum
fullnægt öllum sanngjörn-
um kröfum í því efni, hvort
heldur sem er að ræða um
yfirkápur eða alfatnað. —
Ekkert skran á boðstólum,
eða vara sem legið hefir á
hyllunum svo árum skiftir.
Alt er nytt
í búðinnijog vörurnar koma
daglega tií vor að austan.

Stærsta upplag af skó-
fatnaði í vestur-bænum.
Eina islenzka skófataverzl-
unin í Winnipeg. Skólata-
birgðirnar sem vér i vor er
leið keyptum af A. F. Reyk-
dal & Co., eru, fyrir löngu
uppgengnar. í þeirra stað
bjóðum vér nú spánýjan
skófatnað, á ferðinni nú á
liverjum degi beina leið frá
verksmiðjunum, og vér
kaupum frá sjö skó-verk-
smiðjum. Af því má ráða
hverju sé úr að velja.
Kistur og töskur.
Vér höfum þær af allri stærð
og á öllu verðstigi, í skó-
fatnaðardeildinni. Kistur
á $2.75 og yfirog töskur 75c.
og yfir. Stórar og vandaðar
leðurtöskur kosta auðvitað
meira, og vér höfum þær til
ekki síður en þær ódýrustu.
S.-V. horn Ross Ave. og Isabel Str.
m-
TII athugunar fyrir ungu piltana.
Vér höfum nokkuð nýtt að bjóða ungu mönnunura, sem ýmsra hluta vegna vilja og þurfa að fylgja tízkunni og sem
þar af leiðandi hafa þreytt við að kaupa skraddaragerðar kápur. Þeir sem það hafa reynt vita, að þar þarf peninga
til. Nú hefir eitt skraddarafélag í Toronto tekist i fang að búa til SKRADDARÁGERÐÁN KLÆÐNAÐ CG
YFIRKÁPUR, EFTIR MALI, af mönnum af allri stærð og öllu vaxtarlagi og er þar nákvæmlega fylgt tízkunni.
Vér höfum náð i æðimikið upplag af þessum klæðnaði og kápum, sem nú eru til sýnis i búð vorri. Allir sem hafa
skoðað þær, dást að sniðinu og öllum frágangi og þekkja ekki frá ‘tailor-made’ kápum. En verðmunurinn er mikill.
Fyrir ungu stulkurnar.
Vér höfum hugsað um þær ekki siður en ungu piltana. Þær þurfa einnig og ekki síður að fylgja hinni breytilegu
tízku. Handa þeim höfum vór stórt upplag af JÖKKUM, sniðnum og gerðum samkvæmt Parisarmóðnum í haust
KVENN-JAKKAR þessir eru með öllum almennum litum, svartir, “navy-blue,” gráir, morauðir, o. s. frv. og á
öllu hugsanlegu verðstigi,—frá 8 til 20 dollars. í þessu efni getum vér mætt öllum hugsanlegum kröfum.
Urvals nærfatnad
fyrir karla, konur og börn höfum vér nú á boðstólum og talsvert ódýrari en í fyrra. Meðal nýrra tegunda má nefna
“fleece-lined” nærfatnað. Hlýrri nærfatnað er ekki hægt að hugsa sér. Komið og skoðið þau.
Yfirkapur fyrir börn
$
*
AÐ SíðuStU " Vér hikum ekki við að segja, að samskonar varningur, á sama gæðastigi og jafn-nýr, FÆST
HVERGI í BÆNUM ÓDÝRARI. Vér höfum Asett oss að selja vörurnar svo ódýrt að enginn geti boðið betri kjör
Og vér erum í kringumstæðum til þess nú. Vér skiftum ekki lenj?ur við milligöngumenn, en kaupum beint af sjálf-
um verksmiðjueigendunum. Vér stöndum þess vegna jafnt að vigi nú og stórkaupmenn bæjarins, og getum því
5elt med heildsoluverdi
ekki síður en þeir, ef stærri kaup eru gerð í einu. KAUPMENN í SMÁBÆJUM OG SVEITUM geiðu sjálfum
sér gagn ef þeir vildu finna oss jafnframt og þeir finna aðra heildsala í bænum. Það getur orðið þeim til hagnaðar.
Komið og skoðið vörurnar og- spyrjið um verðið. Allir velkomnir !
G. JOJHNSOJM;
Suð-vestur horn Ross Ave. og Isabel Str.
&