Lögberg - 01.12.1949, Qupperneq 8

8
LÖGBERG, FIMTUDAGINN, 1. DESEMBER, 1949
Úr borg og bygð
Á ársfundi Kvenfélags fyrsta
lúterska safnaðar sem haldin
var í samkomusal kirkjunnar á
fimtudaginn 24. nóvember 1949,
voru eftirfylgjandi konur kosn-
ar í embætti fyrir komandi ár.
Heiðursforseti: Mrs. B. B.
Jónsson; Forseti: Mrs. O. Steph-
ensen; Varaforseti: Mrs. Paul
Johnston; Ritari: Mrs. Albert
Wathne; Bréfa viðskifta ritari:
Mrs. Sigurjón Sigurdson; Fé-
hirðir: Mrs. M. W. Dalman;
Varaféhirðir: Mrs. M. Paulson;
General Convener; Mrs. A. S.
Bardal; Meðráðanefnd: Mrs. B.
J. Brandson, Mrs. Fred Stephen-
son, Mrs. S. O. Bjerring, Mrs.
Frank Dalman.
Kaffi veitinga nefnd: Mrs. J.
S. Gillies og Mrs. S. O. Bjerring.
Eigna- og eftirlitsnefd: Mrs. S.
Backman, Mrs. S. Oddson og
Mrs. O. Frederickson.
Betel nefnd: Mrs. B. J. Brand-
son, Mrs. Fred Stephenson, Mrs.
J. . Gillies.
Yfirskoðunarkonur: Mrs. D.
Jonasson, Mrs. Bertha Nichol-
son.
Forstöðukonur deilda: Mrs.
Gunnl. Johannson, Mrs. Fred
Stephenson, Mrs. Sigurjón Sig-
urdson, Mrs. S. Sigurdson.
☆
Gefin saman í hjónaband á
prestssetrinu í Selkirk, þann 19.
nóv. Kristinn Albert Jacobson
og Thorey Guðrún Guðmunds-
son, bæði til heimilis í Árborg,
Man. Til aðstoðar við giftinguna
voru: Miss Laura Björnsson og
Mr. Lawrence Sigurdson. Fram-
tíðarheimili ungu hjónanna verð
ur í Árborg.
☆
Ársfundur „FRÓNS“ verður
haldinn í G. T.-húsinu á mánu-
daginn 5. des. n.k., kl. 8 e. h.
Fyrir fundinum liggur kosn-
ing embættismanna til næsta
árs o. s. frv. — Að fundarstörf-
um loknum flytur Mrs. Guðlaug
Jóhannesson erindi um dvöl
sína á íslandi árið sem leið.
Styrkið þjóðræknisstarfsemi
Fróns með því að sækja þennan
fund.
Enginn inngangur verður seld
ur, og engin samskot tekin í
þetta sinn.
H. THORGRIMSON,
ritari Fróns
☆
Gefið í Blómveigarsjóð
kvenfélagsins Björk, Lundar:
Hr. Th. Backman Chapter, $10.00
í minningu um ástkæran eigin-
mann, Guðmund J. Jonasson,
dáinn 1918 í grennd við Otto,
Man. og ástkæra foreldra, Krist-
ján og Margréti Sigurðson, dá-
in í grennji við Otto P. O. Man.
Frá Margréti Jónasson Lundar.
$10.00 í minningu um hjartkær-
an eiginmann og föður, Guðjón
Runólfson, og kæra vinkonu
Ólöfu Johnson, frá Mrs. Herdísi
Runólfson og Mrs. J. L. Jónas-
son.
— Með kæru þakklæti —
Mrs. Helga Ólafson,
Lundar, Man.
JOHN J. ARKLIE
Optometrist and Optician
(Eyes Examined)
Phone 95 650
MITCHELL COPP LTD.
PORTAGE AT HARGRAVE
HAGBORG FUEL^/
PHOME 2ISSI J--
The Swan Manufacluring Co.
Oor. ALEXANDER and ETjIiEN
Phone 22 641
Halldór M. Swan eigandl
Helmlll: 912 Jessle Ave — 46 958

MESSUBOÐ
Fyrsta Lúterska Kirkja
Séra Valdimar J. Eylands.
Heimili 776 Victor Street. Sími
29017. —
Guðsþjónustur á hverjum
sunnudegi:
Á ensku kl. 11 f. h.
Á íslenzku kl. 7 e. h.
Sunnudagaskóli kl. 12:15 e. h.
☆
Argyle Prestakall—
Sunnudaginn 4. desember 2.
sunnudaginn í aðventu.
Grund kl. 2:00 e.h.
Baldur kl. 7:00 e.h.
Enskar messur.
Allir boðnir og velkomnir.
Séra Eric H. Sigmar
☆
Arborg-Riverton Prestakall
4. desember—Framnes, messa
kl. 2:00 e.h.
Árborg ensk messa kl. 8.00 e.h.
11. desember — Víðir, ensk
messa kl. 2:00 e.h.
Riverton, íslenzk messa kl.
8:00 e.h.
B. A. Bjarnason
☆
Lúterskn kirkjan i Selkirk
Sunnud. 4. desember.
2. s.d. í Aðventu.
Enske messa kl. 11 árd.
Sunnudagsskóli kl. 12.
íslenzk messa kl. 7 síðd.
Allir boðnir og velkomnir
S. ÓLAFSSON
HEIÐARBÝLIÐ
Það andar minning moldum þessum frá,
hér móðir vakti yfir bönum sínum.
Og gróðurinn, hann segir sögu þá
að sólin vermdi horfna bænum þínum.
Hve hér er kyrrt, þótt hrynji í gljúfri foss.
Ó, heilög stund, ég ann þér næturvökum.
Hér heiðablærinn ber mér þýðan koss,
og bœrir strá á föllnum húsaþökum.
Hér geymast eflaust æsku þinnar spor,
er ung þú gekkst um lyngi vaxna móa.
Eg veit þú þráðir sumar, sól og vor,
—að sjá er húsavöllur tók að gróa.
Og enn er moldin mjúk á stekkjargrund,
og máske eitthvað, geymist þar í leynum
frá barnsins sál, er létt og viðkvæm lund
sér lífsveig drakk úr fjállablænum hreinum.
Og hérna lifðu fyrrum frjálsir menn,
þar fallnir veggir hylja gengnu sporin,
en mér finnst þó sem eitthvað sé hér enn
af ást og friði er grænkar jörð á vorin.
En sagan verður víst ei sögð hér öll,
ég veit svo fátt, en geta má í eyður.
Og vonalönd þín varða dalsins fjöll
þar vorsins himinn brosir tær og heiður.
Er litkast jörð og leysir vötnin blá,
þá líða heiðasvanir fram um dalinn,
og fuglar una hreiðrum sínum hjá,
en horfnu fólki er annar staður valinn.
Eg heyri kveðið vinhýrt vögguljóð,
það vermir sál og yljar hugans rótum,
sem heiðalöndin Ijómar kveldsins glóð,
er leikur blærinn þýtt á dalamótum.
Hér heiðadísir hefja fagran söng,
en hulda vorsins lætur strengi óma,
og fossinn kveður kátt í gljúfra þröng,
hér kyssir döggin álfa meðál blóma.
Og mér finnst hugur himni færast nœr,
og hugsa mér þín sál í lotning krjúpi,
en minninganna Ijóma á landið slœr
með Ijúfri þrá frá þínu sálar djúpi.
Hér andar blítt af barnsins fögru þrá
þess bezta draums, sem andi mannsins geymir.
minn hugur viknar, vina mín, að sjá
hve vel í föðurtúni blómin dreymir.
Svo líð ég áfram leiðir fram að dröfn,
en landið þitt í móðu vorsins sefur.
Ei þýðir neitt að þylja göfug nöfn
í þögli býlið minningamar vefur.
Hin ágæta og margeftirspurða
bók
ICELAND, NEW WORLD
OUTPOST
eftir Agnes Rothery $5,25
fæst nú í
BJÖRNSSONS BOOK STORE,
702 Sargent Ave.,
Winnipeg, Man., Canada
Hvert horfið býli á sögu, sem er merk,
um segul hugans minningarnar þjóta.
Hér birtist dýrlegt drottins handaverk,
svo dásamlegt var hér að elska og njóta.
Hér saman bjuggu söknuður og þrár
og saman þœtti örlaganna spunnu,
og fólkið hryggðist, felldi gleðitár.
Við fegurð himins nœturljósin brunnu.
Jörgen frá Húsum — Tíminn
Gáfnaprófin ómissandi liður í skólakerfi þjóðanna
13. nóv.—Ungfrú Gunnhildur Snorradóttir magister í sálarfræði
og uppeldisfræði er fyrir nokkru komin hingað heim, en hún hefur
undanfarin ár stundað nám í námsgreinum sínum við bandaríska
háskóla. Lauk hún þar prófum með ágætum vitnisburði. Ungfrúin
er dóttir Snorra Sigfússonar skólastjóra og lauk stúdentsprófi frá
Menntaskólanum á Akureyri.
Morgunblaðið hefur átt stutt
samtal við Gunnhildi Snorra-
dóttur og leitað tíðinda hjá
henni um nám hennar og starf.
Nam uppeldisfræði og
sálfræði.
Eg stundaði nám í tvö ár við
American University í Washing-
ton og lauk þar B. A. prófi árið
1946 í uppeldisfræði og kennslu-
fræði, segir ungfrúin. Kom síð-
an heim en hélt aftur til Banda-
ríkjanna haustið 1947 og stund-
aði nám við hinn fræga Cornell
háskóla í Ithaca í New York.
Var ég þar við nám í þrjú miss-
eri, 12 mánuði og lauk þar
magisterprófi s.l. vor. Aðalnáms
grein mín var sálarfræði og
uppeldisfræði.
Námið var mjög ánægjulegt
þarna og undi ég vistinni við há-
skólann hið besta. í fríum mín
um frá skólanum hef ég fengist
við ýmiskonar störf, allt frá
barnfóstrustöðum til blaða-
mennsku í Washington. Þar
veittist mér m. a. sú ánægja að
hitta og hlusta á margt ágætra
og frægra manna, svo sem t. d.
frú Roosevelt og Truman for-
seta.
Vinnur að
uppeldisrannsóknum.
Og nú ertu komin heim og
tekin til starfa?
Já, það er yndælt að vera
komin heim á Frón aftur. Það
er það besta. Eg hef þegar byrj-
að starf og vinn með dr. Matthí-
asi Jónassyni að hinum uppeld-
islegu rannsóknum, sem hann
hefur stundað í ein fjögur ár.
Er það staðssetning (standardi-
zation) gáfnaprófakerfis. Er
mjög ánægjulegt að sjá, hve
mikið og merkilegt starf hefur
þegar verið unnið á þessum vett-
vangi hér á landi. Nauðsyn á
slíku kerfi eða prófi er auðvitað
geysimikil ekki síður hér en
annars staðar, enda eru þau not-
uð og þykja ómissandi liður í
skólakerfum allra menningar-
þjóða.
Lestrarkunnáttan lítill
mœlikvarði á greind
barnsins
Lestrarkunnáttan ei; ekki
mikill mælikvarði á greind og
getu barnsins, en eftir henni er
aðallega flokkað í skólana okk-
ar, sem stendur. Eg álít að skóla-
menn hér á landi hafi augun op-
in fyrir því og sjái að þannig
getur það ekki verið, ef vel á
að vera.
Þessi próf á auðvitað ekki að
taka alveg bókastflega eins og
ég hefi orðið vör við að sumir
álíta. En þau eru ómetanleg og
nauðsynleg, ekki aðeins, sem
hjálpartæki við flokkun og til-
högun skólanáms, heldur líka
við leiðbeiningarstarfsemi fyrir
börn og unglinga.
Verða þessar rannsóknir ekki
framkvæmdar hér víðar en í
Reykjavík?
Jú, að sjálfsögðu. Þar, sem
prófið er miðað við öll börn
landsins verðum við að fara víða
um og prófa þau, ekki aðeins hér
í Reykjavík. Eg hef t.d. unnið
undanfarið á Akureyri við að
prófa þar börn og unglinga.
Verð þar í þrjá mánuði að þessu
sinni, en kem síðan aftur til
Reykjavíkur. S. Bj.
Mbl. 22. nóv.
Fárviðri veldur Iíf
og eignatjóni í B.C.
Um síðastliðna helgi geisaði
slíkt fárviðri í British Columbia
fylki, að til fádæma má teljast;
að minsta kosti tuttugu og fjór-
ir menn létu lífið, en eignatjón
skiptir miljónum dollara; sam-
göngur tepptust svo að segja
með öllu, húskjallarar fyltust
vatni, og tólf brýr, svo vitað sé,
sópuðust með öllu í burtu; vatna
vextir urðu svo gífurlegir, að
áin sem stundum var ekki í hné,
er orðin að skaðræðisfljóti, eins
og Hannes Hafstein forðum
daga komst að orði.
Það væri synd að segja, að
náttúruöflin hefðu tekið mjúk-
um móðurhöndum á íbúum
British Colubíafylkis í seinni
tíð.
KIRKJUFUNDURINN:
Hvernig verður
Biblían bezt
útbreidd?
I dag er síðasti dagur hins al-
menna kirkjufundar, sem hófst
s.l. sunnudag.
Hefir aðsókn að honum verið
með ágætum, alltaf húsfyllir í
hinum rúmgóðu salarkynnum K.
F.U.M. og K. Fulltrúar á fundin-
um eru eitthvað innan við
hundrað, þar af rúmir 30 prest-
ar.
Umræðurnar í gær snerust
fyrst um Biblíuna, og var helzt
rætt um, með hverjum hætti
hún yrði bezt útbreidd. Var rætt
um, að vekja þyrfti til starfs
„Hið íslenzka Biblíufélag“, sem
hefir lítið látið á sér bæra. Var
bent á, að Færeyingar hafa
sjálfir gefið út alla Biblíuna á
eigin máli, en við höfum alltaf
þegið hana af „Brezka og er-
lenda Biblíufélaginu“. Var mik-
ill áhugi ríkjandi um útbreiðslu
Heilagrar Ritningar, sem er að
sjálfsögðu fyrsta skilyrði bættr-
ar og aukinnar kristindómsfræð-
slu í landinu.
Síðari hluta dags var rætt um
fræðslulögin nýju og kristin-
dómsfræðsluna. Kom fram gagn-
rýni á nýja skólakerfinu, ekki
sízt vegna þess að það gerir ráð
fyrir mun minni kristindóms-
fræðslu en tíðkast á hinum Norð-
urlöndunum og í Englandi. —
Var og bent á skort á kenslubók-
um og hæfum mönnum til þess-
arar kennslu. Fræðslu lögin
mæla ekki fyrir um tilgang krist-
indómsfræðslunnar að öðru leyti
en því að ala upp háttprúða og
siðaða borgara. Trúnni er
gleymt og einnig þá þeim til-
gangi fræðslunnar að ala upp
kristna borgara innan evan-
gelisk-lútherskrar þjóðkirkju.
Sagði annar framsögumanna,
að lágmarkskröfur, sem gera
ætti til fræðslulaga í kristnu
þjóðfélagi, væri, að þau tryggðu
fræðslu á kristinni trú í öllum
bekkjum framhaldsskóla upp að
stúdentsprófi.
í blaðinu í gær var getið um
dagskrá fundarins í dag, svo að
óþarft er að rifja hana upp.
Margir áhugamenn hafa sótt
fundinn og má segja, að fundar-
bragur hafi allur verið hinn
bezti. Fundarstjórnin að þessu
sinni var í höndum Ólafs kaup-
manns Björnssonar á Akranesi
og þykir hafa tekizt sérlega vel.
Margra sjónarmiða gætir, en
rökræður allar miða að því að
komast að einhverjum niður-
stöðum, og er þess að vænta, að
þessi fundur verði stórt spor í
þá átt, að efla kirkju og kristin-
dóm í landinu. Er þess og engin
vanþörf, ef dæma má eftir sum-
um barnaskólaprófum í kristn-
um fræðum nú undanfarið.
Til umræðfundarins í gær var
boðið nemendum kennaraskól-
ans, og er það vel, að kennarar
og kirkjunnar menn leggja sam-
an til stuðnings þeim málum,
sem allir góðir synir landsins
sjá, að mestu máli skipta þjóð-
ina.
Vísir, 1. nóv.
HEILDARAFLINN 287.176
SMÁL. í FYRRA 355.792
SMÁL.
Heildarfiskaflinn í lok sept-
embermánaðar nam samtals
287.176 smálestum, að því er
Fiskifélag Islands tjáði Vísi ný-
lega.
Til samanburðar má geta þess,
að á sama tíma í fyrra nam
heildaraflinn 355.792 smál., en
þá var síldaraflinn 147.815 smá-
lestir, en í ár ekki nema 64.286
lestir.
Skipting heildarflans í ár hef-
ir annars verið sem hér segir:
Afli togaranna og útflutt af
þeim 104.364 smál., flutt út af
fiskkaupaskipum 9534 smál., til
frystingar hafa farið 73.591
smál., til herzlu 59 lestir, til nið-
ursuðu 271 lestir, til söltunar
45.766 smál., innanlandsneyzlan
nemur 2648 smál., beitifrysting
nemur 4929 smál. og síldarbræð-
sla 46.003 smál.
Vísir, 31. okt.
“MENSTREX”
Ladies! Use full strength “Menstrex”
to help alleviate pain, distress and
nervous tension associated with
monthly periods. Ladies, o r d e r
genuine “Menstrex” today. $5.00.
Rushed Airmail postpaid. GOLDEN
DRUGS, St. Mary’s at Hargrave,
Winnipeg.
Bus. Phone 27 989—Res. Phone 36 151
Rovaizos Flower Shop
Our Speeialties:
WEDDING CORSAGES
COLONIAL BOUQUETS
FUNERAL DESIGNS
Miss K. Christie, Proprietress
Formerly with Robinson & Co.
253 Notre Dame Ave.
WINNIPEG MANITOBA
Minnist
EETEL
í erfðask rám yðar
Magrir menn, konur
Þyngjast 5, 10, 15 pd.
Nýr þróttnr, nýtt fjör, þrek
Hvllík unun, limir styrklr, ójöfnur
sléttast, hálsin verður liðugur; ltkam-
inn ekki framar veiklulegur; þösundir
manna og kvenna hafa komist I gó8
hold: þetta fölk þakkar Ostrex töflum
heilsubót sína; vegna hins mikla nær-
ingarkrafts, er Þær hafa. Engin hætta A
offitu, magurt fólki þyngiat frá 5, 10,
og 15 pd. Kynnist þessum nýja lækn-
ingalyfi! NotiB Ostrex Tonic töflur, sem
styrkja llkamann. I öllum lyfjabúðum.
f M
| Œtlbaltn jólagjöf! |
f Það er gamall og góður siður, að gleðja vini sína um jólin; |
s það eru ekki ávalt dýrustu gjafirnar, sem veita hina dýpstu &
i og sönnustu ánægju; hitt ræður meira um, hvað þær tákna, A
f og hversu varanlegt gildi þeirra frá minninga — og menn- |
? ingarlegu sjónarmiði er. — Lögberg hefir yfir sextíu ára
f skeið haldið uppi þrotlausri baráttu fyrir viðhaldi íslenzkr- &
? ar tungu í þessu landi, heilbrigðum þjóðræknislegum metn- ^
\ aði og sérhverju því, er að þjóðhollustu og öðrum borgara- ^
5 legum dygðnm lýtur; öllum slíkum málum vill blaðið veita
(t óskipt fulltingi í framtíðinni án hiks eða efa. — Jólagjafa- %
l ráðgátan verður greiðast leyst með því að kaupa Lögberg %
(t og senda það vinum bæði hér og á íslandi. S
FYLLIÐ ÚT EFTIRFARANDI EYÐBLAÐ:
THE COLUMBIA PRESS LIMITF.I)
695 Sargent Avenue, Winnipeg, Man.
Sendið Lögberg vinsamlegast til:
Nafn.............................................
Árittin..........................................
Hér með fylgir $5.00 ársgjáld fyrir blaðið
Nafn gefanda.....................................
Áritiin..........................................