Lögberg - 04.12.1952, Blaðsíða 3

LOG.BERG, FIMTUDAGINN, 4. DESEMBER, 1952
3
í ÖÐRUM HEIM
Það mun ekki markvert fyrir
mann að bregða sér vestur að
hafi. Það er orðið svo vanalegt,
eins og að ganga í næsta hús,
og þó getur naumast farið hjá
því að það ferðalag vekji ýmsar
hugleiðingar; minsta kosti reynd
ist mér það þannig.
Ég lagði því upp í þá ferð, en
hafði hvorki nesti né nýja skó;
ég fól C.P.R. „plögg“ mín og
farangur. Líka fékk ég herbergi
út af fyrir mig með öllum nú-
tíma þægindum og hentugleik-
um; þar bjó ég sem einvaldur
eins og sá sem á mikið undir
sér, og leyfðist engum að troða
mér um tær.
Eftir að hafa lesið mig þreytt-
an fór ég að horfa út; sléttlendið
mikla, nær takmarkalausa, eins
og yfirborð hafsins, blasti við.
Væn er sléttan til matfanga og
fögur í sumarskrúði, en alt þetta
getur þó valdið hugarþreytu ef
til lengdar lætur; því veldur til-
breytingarleySð og að því er
virðist svipleysi, eins langt og
augað eygir; það sjást fáar
skógarreinar, dalverpi engin,
vötn eða grænar hlíðar. Að vísu
bregður heimilum fyrir á nokkr-
um stöðum, en það bætir lítið
úr skák, því húsakynni öll virð-
ast steypt í sama móti, þó sést
skjólvíðir á einstaka sta§. Um
mikla svipbreyting er ekki að
ræða. Það má mikið vera ef þetta
ómælilega sléttlendi elur upp
mörg skáld eða andleg stór-
menni; það virðast svo fá skil-
yrði fyrir því að geta hafið
hugann „yfir moldina."
Skáld alast bezt við fjöll, fossa
og skóga; það er engin tilviljun
um skáldhneigð Islendinga eða
frændaþjóða þeirra. Satt að segja
er ég hálfhræddur við þetta
sléttlendis bákn, ég óttast hin
andlegu dáleiðsluáhrif þess. —
Ekki efast ég um það, að „viðlit“
Klettafjallanna hefir heillað
fram marga hugsun í Andvökum
Stephans G. Stephanssonar.
Þar sem þetta mikla sléttlendi
er svo víðáttumikið og sviplítið
geta smáviðburðir og fyrirbrigði
vakið athygli og hugsun. Eitt
sinn er mér varð litið út sá ég
tvær lifandi skepnur, sem hvíldu
hlið við hlið — tvö hross flat-
möguðu sig í grængresinu; þeim
leið auðsjáanlega vel yfir á-
nægjulegum kjörum sínum; þau
virtust með öllu áhyggjulaus.
Hvort þau hafa þekt til mann-
legrar harðýðgi veit ég ekki, en
þó vil ég halda, að þeim hafi
ekki verið það ljóst, hvernig
menn troða skóinn hver af öðr-
um, eða berast á banaspjótum út
af ímynduðum órétti. Ég tel víst
að þau hafi ekkert vit'að um
slysfarir, vígaferli og manndráp.
Hólgirnd þekkja þau ekki né
nafnbótaglans. Mér lá við að öf-
unda þessi börn náttúrunnar af
öllum þessum hlunnindum.
Nú tók útlitið að breytast; hár
skýjabakki reis í lofti, að því er
virtist. Ég vil ekki reyna til að
lýsa undrun minni þegar mér
varð ljóst, að þetta var ekki ský
heldur himinhátt fjall, sem þoka
huldi að nokkru. Ég hafði gert
mér í hugarlund svip og útlit
hárra fjalla, en ekkert svipað
þessu. Sumstaðar voru fjöllin
nokkru lægri, en hátignarsvipur
yfir öllu. Þar sem fjöllin voru
lægri, gat maður ímyndað sér
að þar hefðu tröllahendur verið
að verki, en orðið að ganga frá
hálfunnu verki.
Eitt fjall bar af öllum öðrum;
er það talið vera þúsundir feta á
hæð og nefnist „Robsmountain".
Nafn það þótti mér alt of til-
komu lítið fyrir svona merki-
legt fjall. Fór ég að leita í fórum
mínum; mintist ég þess að hafa
heyrt getið um fjall á íslandi,
sem „Tröllakirkja“ nefnist. Þetta
fanst mér heppilegt nafn, með
því líka að fjall þetta líktist
mjög frábærlegri kirkjubygg-
ingu. Það var mikið til ferkant-
að með reisulegu þaki, hátt til
lofts og vítt til veggja. Þakið var
skreytt hvítum geirum, sem vel
hefði mátt vera silfurbúnaður.
Hvað verður úr hinum heims-
frægu stórhýsum mannanna í
samanburði við byggingu þessa.
Musteri Gyðinganna, gert af
skygðum marmara, skreytt gulli
og dýrum steinum, er fyrir
löngu fallið til grunna; fáeinir
undirstöðusteinar eru sýnilegir;
þangað sækja Gyðingar, telja
sér harmatölur og trega forna
frægð og velgengni. En þetta
veglega fjallbákn, sem er vottur
um hátíðleik guðlegs sköpunar-
verks, hefir staðið frá ómuna-
tíð, og mun líklega standa til
ómuna-aldurs. Aldrei held ég
mynd þess líði mér úr minni.
Næsta morgun reis ég snemma
úr rekkju; ég vildi ekki missa
af hinni indælu fjallasýn. Nú
kom ég auga á indæla mynd.
Það var hnjúkur eins og mynda-
stytta; þetta var virkilega
drottning fjallanna. Það stóð
líka heima; sólin var byrjuð að
lýsa hið hressandi morgunloft;
„drottningin“ fór að skrýðast;
fyrst setti hún upp kórónuna,
síðan steypti hún yfir sig gulln-
um möttli; mér virtist hún líta
til mín hýrum augum; mér rann
hugur til hennar, en nú mintist
ég þess, að það er ekki fyrir aðra
en konunga og konungssyni að
verða hugfagnir af konungleg-
um hefðarkonum.
Nú tóku fjöllin að fjarlægjast
og rísa lægra í lofti; smábæir og
þorp í skjólsælum hvömmum og
dalverpum liðu fram hjá. Menn
voru byrjaðir að vinna, allir
sýndust eiga annríkt. Landið
okkar er mikið framtíðarland.
Ótal auðuppsprettur eru fundn-
ar á ári hverju, og enginn hefir
hugmynd um auðæfi þeirra. —
Bandaríkin eru auðugt land, en
nú er svo komið, að auðsupp-
sprettur þeirra sumar eru að
ganga til þurðar, þá verður að
leita til Canada til þess að bæta
úr skortinum.
Útsýnið á þessu svæði þýtur
fram hjá í óslitnu samhengi.
„Alt á ferð og flugi var,
fjöllin hrærðust stóru,
hólar, borgir hæðarinnar,
á hlaupi allar vóru.“
Dag þennan náði ég til áfanga
staðar í Vancouver. Nú var ég
kominn í nýjan heim og óþekt
umhverfi.
Gengin er ég nú af hjátrú
sumra, sem halda því fram að
talan „13“ sé óhappatala. Það
var 13. júlí, sem mér var boðið
til skemtifundar á fyrrum heim-
ili frænda míns, Sigurðar
Christophersonar. staður sá
nefnist „Cresent." Vil ég kalla
hann „Sunnuhvol." Þar er slétt
og prýðileg grund annars vegar
en ilmsæll og glitgrænn skógur,
en fram undan blasir við hið
mikla Kyrrahaf þakið smáeyj-
um og skerjum, og sólin speglar
sig í djúpi þess. Staður þessi er
hlýr og vistlegur. Það fanst
fjallaskáldinu St. G.Stephans-
syni:
„Hér er hlýtt á þinni strönd.
Hér er blítt í veðri.
Hafið vítt með boðabönd.
Belti prýtt með eyjabönd."
Oft sannast það: „Hvað er svo
glatt, sem góðra vina fundur,
þá gleðin skín á vonarhýrri brá.“
Fólkið, sem hér var saman
komið, var frjálslegt, mannbor-
legt og glatt. Mönnum hafði
komið saman um að eiga saman
gleðistund á þessum stöðvum
þennan bjarta og indæla dag;
þar rakst ég á vini, yngri og
eldri, fleiri en mig dreymdi um;
góðsemi þeirra naut ég í svo rík-
um mæli, að mér finst að ég
hafi lifað minn blíðasta dag
ævinnar, þannig er það ávalt í
hvert sinn þegar ég minnist
þessa dags.
Hjartans þakkir fyrir daginn
þennan og fleiri; megi allir dag-
ar reynast ykkur hagkvæmir og
blessunarríkir.
Eitt sinn var farið upp í fjöll-
in sunnanvert við Vancouver;
voru keyrðar margar krókaleið-
ir þar til komið var í hvamm
um fimmtán hundruð fet yfir
sjávarmál. Má svo heita að þar
sé völdunarhús fjallanna. Þar
eru björg svo stór og hnullung-
ar, að ég hygg, að Gretti As-
mundssyni hefði þótt nóg um að
lyfta þeim; þar sjást trjástofn-
ar um sjö fet í þvermál. Á ein-
um stað þegar gengið er fram á
fjallsbrúnina sjást smábollar,
lengst niður á undirlendinu;
smáflugur að því er virtist flutu
á vatninu í bollunum, en við
nánari athugun kom í ljós, að
þetta voru stöðuvötn og mann-
legar verur voru þar á ferð.
Mynd þessi sýnir býsna skýr-
an svip af mannlegu lífi. Margir
hafa mikið fyri stafni og ryðj-
ast um allmjög og kunna vel við
að vera settir niður í „heldra“
dálkinn, en þegar í harðbakka
slær, reynast þeir með litlum
burðum og smáir í athöfnum. —
„Þektu sjálfan þig,“ sögðu
Grikkir. Það er nauðsynlegt að
menn athugi líf sitt í ljósi þess
háa og heilaga; þá kemur mann-
leg smæð í ljós. Ýmsir láta sér
nægja að sitja á sömu þúfunni
alla ævi; þess vegna verða menn
andlega smáir og óþroskaðir.
Þrátt fyrir alt annríkið, sem er
á mönnum, og sem snýst að
mestu um sjálfa þá, ríkir þó
andlegt logn og framfaraleysi.
„Lognið, þar sem lífið er
letimók í blóma sínum,
er varla í draumi veit af sér,
vil ég reka úr huga mínum.“
I fjarlægð sást til enn hærri
fjalla, skrýddum geirum og
hjálmum vetrar-ríkisins. Fjöll
þessi búa einvöld að töfrum
sínum og leyndardómum. Þar
ríkir hið heilaga þagnarmál
guðs náttúru.
Á heimleiðinni dýfði ég hönd-
um í hið mikla Kyrrahaf með
þeirri hugsun, að það minnir á
hið óendalega mikla djúp eilífð-
arinnar. Hinu megin við Kyrra-
hafið eru lönd, þjóðir og at-
hafnir; mun ekki það sama eiga
sér stað hinu megin við hið
mikla djúp eilífðarinnar? Þar
hygg ég yfrið verkefni og
mörgum á að skipa.
Ekki vil ég reyna að nafn-
greina alla þá, sem ég sá í þess-
ari ferð; þó vil ég geta eins vinar
míns, sem ávalt er unun að eiga
samræður við. Það er Finnbogi
Hjálmarsson, sem á heima hjá
dóttur sinni í Vancouver. Hann
er ávalt hress og ungur í anda,
eins og nýgræðingur vorsins.
Hann er hagmæltur vel í bundnu
og óbundnu máli, fróður og
minnugur vel. Ér ávinningur að
eiga samræður við hann.
Elliheimilin bæði þar vestra
heimsótti ég; var mikil ánægja
að líta umhverfið og ágæta að-
búð gamla fólksins; má segja
með sanni um elliheimili þessi,
eins og um hin íslenzku elli-
heimilin, að þar sé haft um hönd
hið himneska mál kærleikans.
Ég hefi iðulega verið spurður
hvernig mér litist á Vancouver.
En ekki varð ég svo kunnugur
bænum, að ég treysti mér til að
segja mikið um það; til þess að
geta það, var ég ekki nógu lengi,
því bærinn er stór og dreifður;
landslag er mishæðótt og nokkr-
ar öldur með köflum. Gaman var
að horfa á ljósin að kvöldlagi;
það var eins og stjörnunar
hefðu flutt sig til jarðar og stað-
næmst á þessum hæðum. Blóma-
ríki mikið er um allan bæinn;
nálega við hvert heimili er mik-
ið af blómum. Það er ekki vana-
legt í stórbæjum, í það minsta
ekki eins alment og á sér stað í
Vancouver; ef til vill gerir lofts-
lagið fólki létt fyrir með að
stunda blómarækt.
Það mætti segja, að Vancouver
sé svipmikill bær, það gera hin
miklu fjöll og hafið. Yfirborð
hafsins er vanalega hljótt og
kyrlátt, vegna þess að hvass-
viðri eru þar fremur fátíð. Ég
var meir en þrjár vikur í Van-
couver, voru það alt kyrrir
dagar; þótti mér það allmerki-
legt.
Lítið eitt vil ég lýsa þeim á-
hrifum, sem ég varð fyrir þegar
ég heimsótti Stanley-skemti-
garðinn. Þar var margmenni,
frjálslegt, prúðbúið og léttklætt
fólk, það var glaðlegt og blátt
áfram; skemtisnekkjur margar
runnu um sjóinn; alt þetta skap-
aði hugarhlýju. Ekrur voru al-
þaktar hinum yndislegustu
blómum með öllum hugsanleg-
um litum og gerðum. Mér kom
til hugar að á þessa leið myndi
hið himneska aldingarðs um-
hverfi Guðs vera. Vafalaust mun
staður þessi bæjarmönnum kær;
mun ekkert látið ógert til að
auka fegurð hans.
Það má með réttu segja, að
landið okkar kæra — Canada —
sé prýðilegt land; staðfestist sú
sannfæring enn betur við þetta
ferðalag. Það er með öllu óþarft
að leita að fögru landslagi til
annara landa. — Hér eru lendur
miklar og stöðuvötn, fjöll og
dalir, greniskógur og grænar
hlíðar, straumvötn mörg og
fagrir fossar. Hér virðist ekki
skortur á prýði til þess að geta
fullnægt fegurðarlöngun manna.
Að endingu vil ég senda hug-
hlýjar hjartans kveðjur vinum
og vandamönnum í Vancouver
og á heimleið minni, sem létu
ekkert ógert til þess að skemta
mér og til að hjálpa mér til að
eignast gleðilegar endurminn-
ingar, sem munu endast'mér til
daganna enda.
—s. s. c.
Dánarfregn
Ingibjörg Sigurdson lézt að
heimili sínu að Baldur, Man.,
þann 10. nóv. s.l. Ingibjörg var
fædd í Sæmundarhlíð í Skaga-
firði þann 13. ágúst 1874. Faðir
hennar var Sölvi Pálmason. Sá,
sem þetta ritar, veit ekki með
vissu nafn móður hennar, en
hún var Grímsdóttir, systir Mar-
grétar Grímsdóttur konu Magn-
úsar Jónssonar frá Fjalli. Ingi-
björg ólst upp hjá Margréti
móðursystur sinni og manni
hennar, og kom með þeim til
Ameríku árið 1887, 12 ára gömul.
Þann 31. janúar 1906 giftist
Ingibjörg eftirlifandi manni
sínum, Indriða Sigurðssyni. —
Fyrstu sjö árin bjuggu þau í
grend við Baldur, en,1913 fluttu
þau í bæinn og áttu þar heima
síðan.
Ingibjörg var framúrskarandi
falleg kona, góður nágranni,
hjálpsöm og áhrifarík til góðs.
Þau hjónin voru samhent,
skemtileg og innileg heim að
sækja. Þau eignuðust marga
vini á lífsleiðinni og sú vinátta
hélst og jókst með ári hverju.
Ingibjörg var veik í fimmtán
ár og alveg rúmföst seinustu sjö
árin. Vinir og nágrannar stund-
uðu hana af sérstakri umhyggju.
Húsmæður og hjúkrunarkonur
réttu henni hjálparhönd, auk
sinna daglegu starfa. Eiginmað-
urinn hlúði að henni af ást og
nærgætni fram að síðustu
stundu. Hún var of máttfarin til
að geta talað þegar ég sá hana,
en ég mun aldrei gleyma yndis-
legu fallegu augunum hennar,
sem sögðu svo undur margt. —
Eftir stutta bænarstund ljómuðu
þau af Guðs dýrð og sælu. Ég
þakka henni af hjarta fyrir þá
dýrmætu gjöf sem hún gaf mér.
í fallegu augunum hennar sé ég
ætíð Guðs nálægð, frið og sælu
— Guðs náðarkraft sem ætíð
nægir.
Ingibjörg, við sem þektum þig
erum mikið ríkari af eilífri auð-
legð fyrir að þú varst með okk-
ur. — „Far þú í friði, friður Guðs
þig blessi, hafðu þökk fyrir alt
og alt.“
Ingibjörg var kvödd í lútersku
kirkjunni að Baldur þann 14.
nóvember s.l. og lögð til hvíldar
í grafreit bygðarinnar. Sóki
presturinn jarðsöng.
J. Fredriksson
Business and Professional Cards

Dr. P. H. T. Thorlakson WINNIPEG CLINIC . St. Mary’s and Vaughan, Winnipeg PHONE 92-6441 i S. O. BJERRING Canadian Stamp Co. RUBBER & METAL STAMPS NOTARY & CORPORATE SEALS CELLULOID BUTTONS 324 Smith St. Winnipeg PHONE 92-4624

J. J. Swanson & Co. LIMITED 308 AVENUE BLDG. WINNIPEG v Fasteignasalar. Leigja hús. Út- vega peningalán og eldsábyrgB, bifreiCaábyrgö o. s. frv. Phone 92-7538 Phone 74-7855 ESTIMATES FREE J. M. INGIMUNDSON Ashphalt Roofs and Insulated Siding — Repairs Country Orders Attended To 632 Simcoe St. Winnlpeg, Man.

SARGENT TAXI PHONE 20-4845 FOR QUICK, RELIABLE SERVICE GIMLI FUNERAL HOME Sími 59 Sérfrœöingar i öllu, sem aö útförum lýtur BRUCE LAXDAL forstjóri Licensed Embalmer
DR. E. JOHNSON 304 Eveline Street SELKIRK, MAN. Phones: Öffiee 26 — Res. 230 Offlce Hours: 2:30 - 6:00 p.m.
Dr. A. V. JOHNSON DENTIST 506 SOMERSET BUILDING Telephone 92-7932 Home Telephone 42-3216
.
• 4 Thorvaldson Eggerison Basiin & Stringer Barristers and Solicitors 209 BANK OF NOVA SCOTIA BG. Portage og Garry St. PHONE 92-8291 Dr. ROBERT BLACK SérfræBingur I augna, eyrna, nef og hálssjúkdömum. 401 MEDICAL ARTS BLDG. Graham and Kennedy St. Skrifstofusimi 92-3851 Heimasimi 40-3794
■ 1 CANADIAN FISH PRODUCERS LTD. J. H. PAGE, Managing Director Wholesale Distributors oí Fresh and Frozen Fish 311 CHAMBERS STRHæT Office: 74-7451 Res.: 72-3917 Comfortex the new sensation for the modem girl and woman. Call Lilly Matihews, 310 Power Bldg., Ph. 927 880 or evenings. 38 711.

Office Phone Res. Phone 92-4762 72-6115 Dr. L. A. Sigurdson 528 MEDICAL ARTS BUILDING Office Hours: 4 p.m.—6 pjn. and by appointment. Gundry Pymore Ltd. British Quality Fish Netting 58 VICTORIA ST. WINNIPEG PHONE 92-8211 Manager T. R. THORVALDSON Your patronage will be appreclated

A. S. BARDAL LTD. FUNERAL HOME 843 Sherbrook St. Selur likkistur og annast um út- farir. Allur útbúnaíSur sá bezti. Stofnaö 1894 Slmi 74-7474 Minnist EETEL
í erfðaskrám yðar.

Phone 74-5257 700 Notre Dame Ave. Opposite Maternity Pavilion General Hospltal Nell's Flower Shop Wedding Bouquets, Cut Flowers, Funeral Designs, Corsages, Bedding Plants Nell Johnson Res. Phone 74-6753 PHONE 92-7025 H. J. H. Palmason, C.A. Chartered Accountant 505 Confederatlon Life Building WINNIPEG MANITOBA

Office 93-3587 Res. 40-5904 THORARINSON & APPLEBY BARRISTERS and SOLICITORS 4th Floor — Crown Trust Buildlng 364 Main St. WINNIPEG CANADA Parker, Parker and Kristjansson Barristers - Solicitors Ben C. Parker. Q.C. B. Stuart Parker. A. F. Kristjansson 500 Canadian Bank of Commerce Chambers Winnipeg, Man. Phone 92-3561

SELKIRK METAL PRODUCTS Reykháfar, öruggasta eldsvörn, og ávalt hereinir. Hitaeiningar- rör, ný uppfynding. Sparar eldi- viB, íteldur hita frá a6 rjúka út meB reykum.—SkrifiB, simiB til KELLY SVEINSSON 625 WaU Street Winnipeg Just North of Portage Ave. Slm&r: 3-3744 — 3-4431 G. F. Jonasson, Pres. & Man. Dir. Keystone Fisheries Limited Wholesale Dlstributors of FRESH AND FROZEN FISH 60 Louise Street Simi 92-5227

J. WILFRID SWANSON 8t CO. Insurance in aU its branches. Re&I Estate - Mortgages - Rentala 21« POWRR BUILDING Telephone 931 121 Res. 493 499 LET US SERVE YOU BULLMORE FUNERAL HOME Dauphin, Manitoba Eigandi ARNI EGGERTSON, Jr.

Creators of Distinctive Printing Columbia Press Ltd. 695 Sargent Ave.. Wlnnipeg PHONE 74-3411 VAN'S ELECTRIC LTD. 636 Sargent Ave. Authorized Home Applianc* Dealeri General Electric • McClary Electric Moffat Admiral Phone 3-4890