Lögberg - 12.12.1957, Blaðsíða 4
4
LÖGBERG, FIMMTUDAGINN 12. DESEMBER 1957
Lögberg
Gefið út hvern fimtudag af
THE COLUMBIA PRESS LIMITED
303 KENNEDY STREET, WINNIPEG 2, MANITOBA
Utanáskrift ritstjórans:
EDITOR LÖGBERG, 303 Kennedy Street, Winnipeg 2, Manitoba
Ritstjóri: EINAR P. JÓNSSON
Skrifstofustjóri: INGIBJÖRG JÓNSSON
Verð $5.00 um árið — Borgist fyrirfram
"Lðgberg” is published by Columbia Press Limited,
303 Kennedy Street, Winnipeg 2, Manitoba, Canada
Printed by Columbia Printers
Authorized as Second Class Mail, Post Office Department, Ottawa
WHitehall 3-9»3t
Betel og jólin
Nú líður senn að jólum, hátíð ylsins og birtunnar, þótt í
skammdegi sé, friðarhátíðinni miklu, sem meistarinn frá
Nazaret í þeim skilningi, sem jól kristinna manna eru haldin,
lagði grundvöllinn að.
Við aðkomu jóla að þessu sinni, svo sem á undangengnum
jólum, verða jólagjafir vafalaust gefnar, misjafnar að glæsi-
leik og misjafnar að verðgildi; séu þær gefnar, svo sem vera
ber, í því augnamiði að gleðja, getur ekki hjá því farið að
gott hljótist af gefanda og þiggjanda til blessunar.
Stofnanir þær, sem okkur standa næst, mega ekki undir
neinum kringumstæðum gleymast, er til þess kemur að velja
jólagjafir; innan veggja þeirra, svo sem á Betel, dvelur
aldurhnigið fólk, sem þarf á kærleiksríkri aðbúð að halda,
og góðu heilli nýtur hennar, þó fram að þessu hafi húsrými
verið takmarkað um of; úr þessu hefir þegar verið mikið bætt
með hinni veglegu fimmtíu íbúða nýbyggingu, sem tekin var
til afnota í júnímánuði síðastliðnum.
Það væri synd að segja, að bygginga- og Betelnefnd
hefði lagt árar í bát; er nýbyggingunni var lokið, lét nefndin
þegar taka til starfa við endurnýjun gömlu byggingarinnar,
er mjög var úr sér gengin varðandi öryggi og aðra nauðsyn-
lega hentisemi.
Breytingar þær á gömlu byggingunni, sem nú eru í upp-
siglingu miða allar til mikilvægra bóta, og var þess sízt van-
þörf, þar sem vitað var, að húsakynnin voru hvergi nándar
nærri öruggur bústaður aldurhnignu fólki, sem þungt var
orðið um fót; nú verða stigar eldtraustir auk þess sem lyftu
verður komið fyrir jafnskjótt og fjárhagsástæður leyfa.
Á annari hæð hússins verða tuttugu og fjögur rúm, sem
ætluð eru rúmföstu fólki, en að meðaltali hefir einn þriðji
vistmanna einhverju sinni verið bundinn við rúmið.
Á aðalfólfi er nýtt eldhús í undirbúningi, stækkaður
borðsalur og umbætur í dagstofu. ,
Með því hve byggingarkostanaður allur hefir hækkað,
varð hin upprunalega áætlun 15 af hundraði lægri en átt
hefði að vera; nú reiknast svo til, að kostnaðurinn við nýju
bygginguna og viðgerð við þá gömlu, hlaupi upp á $205,000.00.
Söfnunin fram að þessu, að því er Gretti Eggertssyni for-
manni fjársöfnunarnefndar segist frá í bréfi og skýrsla fé-
hirðis K. W. Johannsonar ber með sér, nemur upphæðin,
sem safnast hefir $171,000.00, en til þess að ná hinu ákveðna
markmiði, þarf að safna $33,5000.00 í viðbót; þess skal getið,
að hin upprunalega kostnaðaráætlun fól ekki í sér mat á
húsgagnakostnaði, né heldur kostnaði við ýmisleg áhöld.
Sérstök fjársöfnun hefir verið hafin til kaupa á hús-
gögnum og áhöldum.
Hér fer á eftir sundurliðaður reikningur, sem lesendur
Lögbergs og aðrir velunnarar Betels hafa gott af að kynna sér:
Furnishings for new building (already purchased) $17,500 00
Infirmary floor (Hospital beds and equipment) 6,000.00
Kitchen and Laundry 5,000,00
Third floor 3,200.00
Main floor 3,200.00
$35,000.00
í þennan sjóð hafa nú safnast $3,200.00 fyrir húsgögn
og ýmisleg áhöld.
Af þessu má ráða, að samstiltra átaka er þörf varðandi
fullnaðarframkvæmdir þessa mikla mannúðar- og menningar-
máls, sem ekki þolir neina bið.
Þéss er vænst, að lánast megi að taka til afnota bygg-
inguna alla þann 1. janúar næstkomandi og mun hún þá
geta veitt viðtöku 110 vistmönnum í alt.
Látið Betel og sólsetursbörnin, sem þar dvelja, ganga á
undan öllu öðru að því er jólagjafir yðar áhrærir.
Vinarkyeðja
AKUREYRI. 2. desemebr 1957
Kæri Einar Páll:
Beztu þakkir fyrir alla á-
gæta kynningu síðastliðin 30
ár, kynningu sem geymist en
gleymist ekki.
Með þessum miða sendi ég
þér borgun fyrir Lögberg
fyrir árið, sem þegar er liðið
og árið sem byrjar bráðum.
Fréttir eru fáar héðan af
Akureyri, dagarnir líða fram
eins og lygn straumur, án
flúða, strengja eða fossafalla.
Hér er ágætisfólk sem elskar
náungann eins og sjáKt sig og
gjörir engum neinn órétt,
enda hefir sjálfur skaparinn
gefið þar gott eftirdæmi í
meðhöndlun sinni á fólkinu
yfirleitt. T. d. er veðurfar hér
svo einmuna gott og yndislegt
utan fáa daga þegar hann
sjálfur var önnum kafinn
annars staðar, að einhver
annar skaust inn í óleyfi og
hlóð niður slíku snjómagni að
alt fór á bólandi kaf, allir
vegir tepptust til heiða og
sveita. allur þessi mikli snjór
hvarf þó á fáum dögum fyrir
regni og þýðvindi, svo nú er
snjólaust í sveitum. Oftast er
hér 5— stiga hiti-
Hér er ágætt félagslíf, ekki
þó svo að skilja að hér sé ein
hjörð og einn hirðir, heldur
eru margar hjarðir og margir
hirðar, en það raskar á engan
hátt neinu í hinu félagslega
jafnvægi og einingu í bæjar-
lífinu. Mér dettur stundum í
hug að svona hafi heimurinn
hlotið að vera áður en syndin
og bitvargurinn kom til sög-
unnar. — Ég skrapp til Þing-
valla í sumar sem leið og það-
an austur í Þjórsárdal; ég
hafði áður komið til Þingvalla,
en ekki lengra. Þjórsárdalur
lagðist í auðn fyrir mörgum
öldum af eldgosi, en er nú
óðum að gróa upp aftur. —
Landslag þessa héraðs er með
fegurstu og einkennilegustu,
sem ég hefi séð, breytileikinn
næstum takmarkalaus. Þar er
nýlega búið að grafa upp bæ-
inn Stöng, sem fórst í hinu
sama eldgosi, og sér þar húsa-
skipun alla á íveru- og úti-
byggingum, hefir sú skipun
verið alleinkenníleg og ólík
því sem nú gjörist sem von
er til. Byggt heíir verið yfir
þessar gömlu leyfar og þær
fornminjar, er þar fundust og
er það til sýnis ferðamönnum
undir eftirliti umsjónarmanns.
Við höfðum ásett okkur að
fara aðra ferð til Gullfoss og
Geysis, en svo óheppilega
vildi til að þann dag var regn-
súld og þoka, en þessa staði
er gagnslaust að sjá í dimm-
viðri, svo sú ferð fórst fyrir.
Skömmu síðar fórum við
aðra ferð frá Akureyri til
Húsavíkur, Ásbyrgis og Detti-
foss. Þú hefir vafalaust komið
á þessar slóðir, svo óþarfi er
að gefa þar á nokkra lýsingu,
enda mundi mig bresta orð
þar til. Við komum til Ás-
byrgis síðla laugardags. Það
til Lögbergs
sama kvöld var ákveðinn
dansleikur á eggsléttri grund-
inni í Byrginu. Tæplega var
hægt að þverfóta fyrir ölvuð-
um unglingum hvar sem litið
var. Að sjálfsögðu er drykkju-
skapur bannaður þar á staðn-
um, en víkingar fara ekki ætíð
að landslögum.
Næsti áfangi var Dettifoss.
Þetta var í fyrsta sinn sem
mér auðnaðist að sjá þetta
tröllslega náttúrusmíði. Ekki
er hann fagur, en hann er
hlaðinn einhverri ólýsanlegri
forneskju tign og töfrakrafti,
sem gjörir hann ógleymanleg-
ann. Þegar ég stóð á bergsnös-
inni gegnt honum og horfði á
flaumbreiðuna byltast fram af
brúninni og falla ofan í dimm-
an gljúfursvelginn og fann
bergið skjálfa undir fótum
mínum, virtist mér ég vera
annaðhvort horfinn til baka
aftur í löngu liðnar aldir eða
fram í einhvern ókominn tíma,
þar sem teikn og kraftaverk
væru deglegir viðburðir.
Mér datt í hug sagan um
Loka læstan í fjöturinn
Gleipni, þegar ég sá Dettifoss
sem ólmaðist hamslaus en
fjötraður bergfjötrunum sem
þrengdu að á allar hliðar. Hve
lengi hafa þessi fangbrögð
verið háð og hve lengi munu
þau vara hér eftir. Þegar þess
er gætt að vatnsdropinn holar
steininn með óþreytandi elju,
er ekki ósennilegt að þetta
mikla vatnsmagn fossins sem
sífellt og óaflátanlega sverfur
og sagar hamrabrúnina sem
skapar fallhæðina og fossinn,
muni við það breyta lögun og
línum frá núverandi svip.
Vafalaust er hann nú í dag
með öðrum svip, en þegar
maðurinn sá hann í fyrsta
sinn- Eitt sinn er sagt að and-
inn hafi svifið yfir vötnunum.
Svífur ekki einhver máttugur
andi yfir Dettifoss?
Annars vega fossins gnæfir
lóðrétt berg, líklega mörg
hundruð feta hátt, ofan það
falla stríðir vatnsstraumar af
úða sem stígur upp úr gljúfr-
inu og myndast þegar foss-
þunginn að ofan mætir sínu
eigin endurkasti úr kletta-
þrönginni að neðan. Líklega
sé ég ekki DettifQss 1 annað
sinn, en hann verður mér ó-
gleymanlegur.
Á heimleiðinni fórum við
gegnum Mývatnssveit. Það er
með afbrigðum fagurt hérað
og einstakt í sinni röð.
Drykklanga stund var áð hjá
Goðafossi, hann er fagur,
bjartur og brosandi, ólíkur
hálfbróður sínum í Jökulsá.
Þaðan var haldið sem leið lá
heim til Akureyrar og var
þessi ferð hin bezta og margt
markvert séð, þótt fljótt væri
farið yfir.
Af mér sjálfum er það að
segja að mér hefir aldrei liðið
betur en nú og það er mikið
sagt vegna þess að mér hefir
oft áður liðið ágætlega, en ég
hefi ekki verið hjá dóttúr
minni fyrr.
Ég bið þig nú að bera þeim
af kunningjum mínum, sem
þú ef til vill mætir kæra
kveðju mína með ósk um
gleðilegt komandi ár.
Dóttir mín og ég biðjum
innilega að heilsa konu þinni
með innilegri jóla- og nýárs-
ósk frá okkur báðum til ykkar
beggja.
Með beztu hamingjuóskum.
Þinn einl.
Jónbjörn Gíslason
ADDITIONS
to Betel Building Fund
From the Bjarnason
family $150.00
In loving memory of Rev.
Jóhann Bjarnason, former
pastor of Betel, who died
January 18, 1940.
---0----
íslenzka kvenfélaginu
við Leslie, Sask. 5 00
í kærri minningu um
Mrs. Sigríði Ólafsson, er var
heiðursmeðlimur í félaginu.
-----------0----
Mrs. Margaret Hattstad
Mr. H. J. Hofteig,
Mount, Minnesota 20.00
In memory of the late
John G. Isfeld of
Minneota, Minnesota.
---0----
Mr. Tryggvi Eyolfson,
Árborg, Manitoba 50.00
---0----
Mr. & Mrs. B. Bjarnason,
Langruth, Manitoba 10.00
KAUPIÐ og LESIÐ
—LÖGBERGI
"Betel##$205#000.00
Building
Campaign Fund
—180
Make your donations to the
"Betel" Campaign Fund.
123 Princess Slreet,
Winnipeg 2.