Lögberg - 30.04.1959, Blaðsíða 2

2
LÖGBERG, FIMMTUDAGINN 30. APRIL 1959
Lögberg GeflS út hvern fimtudag af THE COLUMBIA PRESS LIMITED 303 KENNEDY STREET. WINNIPEG 2, MANITOBA Utan&akrift ritstjórans: EDITOR LOGBERG, 303 Kennedy Street. Winnipeg 2, Manitoba Ritstjóri: EINAR P. JÓNSSON Skrifstofustjóri: INGIBJÖRG JÓNSSON Verð $5.00 um árið — Borgist fyrirfram “Lögberg” is pubjished by Columbia Press Limited, 303 Kennedy Street, Winnipeg 2. Manitoba. Canada Printed by Columbia Printers Authorired as Second Class Mail, Post Office Department, Ottawa WTfltchail 3-0931

„Að gefa honum lífið
er að finna lífið/#
Ávarp það, sem hinn nýkjörni biskup flulii í fréiiaauka
úivarpsins í gærkveldi.
Sú fylking manna, sem borið hafa biskupsnafn á íslandi,
er orðin stór, hún er mikil í alla grein. Og þó er sagan meiri,
sem er á bak við nöfnin í þeirri fylkingu, kunn saga og
ókunn jarðnesk, hulin saga himnesk og eilíf. Einstaklingur-
inn verður ekki fyrirferðarmikill, þegar horft er yfir sviðið
allt, þar sem þeir ganga hver í annars slóð, ísleifur fyrstur og
síðan hver af öðrum. Jafnvel þeir verða smáir á víðáttu
sögunnar, sem þó gnæfa yfir aðra. Og þó gengust þeir allir
undir það hlutskipti, hver á sínum tíma, sem var eitt hið
ábyrgðarmesta. Hver mundi sá, er fær þann hirðisstaf í
hendur, sem gengið hefir úr einni sterkri greip til annarrar
í rás nálega þúsund ára, að hann hljóti ekki að spyrja sjálfan
sig:Hver er ég þess að takast þetta á hendur? Engum eðlilega
gerðum manni getur verið það persónuleg aufúsa. Slíku kjöri
tekur maður ekki nema í djúpri auðmýkt frammi fyrir því
valdi, sem stjórnar örlögum vorum og vér berum ábyrgð
fyrir, því meiri ábyrgð, sem oss er meira á hendur falið og
til meiri vanda trúað. Enginn settist svo í biskupsstól á Is-
landi, að hann væri óvéfengjanlega hinn rétti maður, þegar
hann var til þess ráðinn, þó að sagan meti svo um einstaka
þeirra eftir á. Enda bjó kirkjan oftast svo vel, að fleiri komu
eins til greina eða jafnvel fremur. Og það er mér engin upp-
gerð að telja, að svo hafi verið að þessu sinni, þó að um hafi
skipazt sem orðið er. Nú á þessari stundu hef ég þess eins að
biðja af löndum mínum, að þeir minnist þess, að kirkjan er
móðir vor allra, og að hún má í engu gjalda barna sinna,
hvorki eins eða annars, hversu sem þeim kann að vera áfátt.
Kirkjunnar heill og sæmd er vor allra heill og blessun. Ég
bið landa mína að minnast biskups síns í þessum hug. Hann
er fyrst og fremst einn meðal annarra barna sömu móður og
sama föður, hann er einn meðal annarra þjóna þess Drottins,
sem kom ekki til að láta þjóna sér, heldur til þess að þjóna og
verja lífi sínu og láta lífið fyrir aðra. Hans skyldi líf vor allra
vera, hvaða stöðu, sem vér skipum. Að gefa honum lífið er
að finna lífið. Ég bið alla bræður í helgri þjónustu að með-
taka bróðurkveðju. Ég sendi kveðju mína og konu minnar
öllum þeim, sem mál mitt heyra, inn á heimilin hvarvetna,
inn í skiprúm og einrúm, að sóttarsæng, og bið öllum náðar,
friðar og blessunar. Drottinn styrki, efli og blessi kirkju sína
á íslandi, vora hjartkæru móður, og veiti henni náð til þess
að gegna köllun sinni ættjörð og þjóð til tímanlegrar og
eilífrar blessunar. —TÍMINN, 3. apríl
Electors of Gimli
Constituency!
RE-ELECT
DR. GEORGE
J0HNS0N
ON MAY 14th
SUPPORT—
• Social Allowances
• Elderly Person's
• Highways Expansion
• Agriculture & Conservalion
VOTE:
Progressive Conservative Candidate
A. M. ÁSGRÍMSSON, Hensel. N. Dakota:
Brot úr ferðasögu f*il California
FRAMHALD
San Diego er byggð á hæð-
um og sér þaðan vítt yfir í
góðu skyggni. Hún dregur
nafn sitt af spönskum manni,
SanDago (nafni breytt síðar)
sem fyrstur allra er sagður að
hafa siglt inn á höfnina. Ein
af hinum merkari byggingum
í San Diego, og sem opin er
fyrir almenning, er “The
Natural History Museum.” —
Þar er salur um 40 fet á
lengd, v e g g u r allur úr
gleri, og þar getur að líta
hin fegurstu blóm, ekki búin
til af mannahöndum, heldur
eins og móðir náttúra gekk
frá þeim — og til að full-
komna það, þá eru blómin
tekin úr eyðimörkum Cali-
fornia og Arizona. Öllu þessu
fágæta blómaskrúði er haldið
liíandi með dældu lofti (súr-
efni— og nægum raka. Um-
sjónarmaður er þarna dag-
lega, sem gefur upplýsingar
sé óskað eftir þeim. — Dýra-
garður er í borginni með dýr-
um og fuglum, frá öllum stöð-
um veraldar.
Einn daginn keyrðum við
til Karlsbod um 30 mílur
til að heimsækja Mr og Mrs.
B. H. Hjálmarson. Bjuggu
þau hjónin um árabil skammt
frá Akra, N. Dak. og ólu þar
upp 5 mannvænlega syni. —
Seinna tók Björn upp smíða-
vinnu, og á seinni árum hefir
hann tekið stórar byggingar á
“contract” í félagi með bróð-
ur sínum. Þau hjónin tóku
okkur með hinni mestu alúð
og gestrisni, dvaldi ég þar
langt fram á næsta dag. —
Keyrði Björn um 60 mílur í
gegnum mjög breytilegt lands
lag og til bæjar, sem kallaður
er Oseandido.
Það er sagt að 1/3 af Cali-
fornia-ríki sé eyðimörk —
(Desert) — en ég held að
mönnunum takist að rækta
landið meir og meir eftir því
að dæma sem nú þegar hefir
áunnizt. Þessi vegalengd, er
við Björn fórum er inn á
milli hárra hóla, djúp dal-
verpi með ágætri frjómold —
Imperial-dalurinn, sem þarna
liggur var ekki fyrir mörgum
árum talinn með eyðimörk-
inni — en nú síðan áveitan
kom er búið að breyta honum
í næstum því aldingarð. Þar
eru teknar 6—7 uppskerur af
Alfa-alfa heyi á ári — og þar
er ræktuð bómull kartöflur og
margt fleira.
Eitt heimili er enn eftir,
sem ekki má gleyma, þegar
San Diego borg er kvödd, en
sú heimsókn var gerð til Mrs.
Sigríðar Scheving. Hún er 95
ára að aldri og vel hress, hefir
t. d. góða heyrn og sjón. Hún
og maður hennar Einar, sem
dáinn er fyrir mörgum árum,
bjuggu blómabúi um árabil
suðvestur af Cavalier, N. Dak.
Þar ólu þau börn sín upp,
sem nú eru gift og flest í
California. Einar var um mörg
ár leiðandi maður í safnaðar-
og sveitamálum. Fyrir hér um
bil 35 árum fluttu þau svo
vestur og suður í veðurblíð-
una og sólskinið — og þar
sagði hún að sér hefði liðið
vel. Þessi háaldraða sæmdar-
kona tók okkur ósköp vel,
þakkaði okkur fyrir komuna
og sagði að við værum gott
fólk að koma og sjá sig. —
Blessuð gamla konan.
Eitt kvöldið í Los Angeles
stóðu Islendingar að samkomu
með söng og músik og mynda-
sýningu. Var fyrirsögnin á
auglýsingunni “Island of the
Sagas and the Mid-night Sun.”
Myndina tók og sýndi hinn
frægi myndatökumaður Hal
linker, sem ferðast víða um
heim og kemur fram í sjón-
varpinu — As “Wonders of
the World.” Samkoman var
haldin í The Hollywood Adult
School,” sem er stór og falleg
bygging. Þetta áminsta kvöld
ók frændi minn Erlingur til
Hollywood, vorum við sex í
bílnum og komum í tæka tíð,
þrátt fyrir mikla umferð eins
og vanalega er í Los Angeles.
Þetta reyndist hin bezta
skemmtun. — I byrjun bað
Frank W. Russell alla to —
“welcome and Salute to the
Flag.” — Risu allir úr sætum.
Stanley Ólafsson, consúll fyr-
ir ísland, talaði nokkur orð.
Þá tók við Larry Thor og
stýrði hann prógramminu.
Miss Emily Sigurdson frá
Garðar, N. Dak., söng tvö lög
við mikla hrifningu áheyr-
enda — annað á ,slenzku,
Draumalandið, varð hún að
syngja auka-númer. Erlend-
son’s systurnar þrjár, 8 til 14
ára gamlar, spiluðu tríó á
ljómandi fallegar harmonik-
ur, ætlaði lófaklappi aldrei að
linna, svo að þær urðu að
koma fram aftur og spila ann-
að númer. Þér spiluðu mjög
vel þessar ljóshærðu, fríðu
ungmeyjar. Þá sýndi Mr.
Linker litmynd frá íslandi og
útskýrði hana. Hann hefir víst
oft áður sagt það, sem hann
sagði þetta kvöld, að hvergi
í heiminum væru eins fallegar
stúlkur eins og á íslandi, enda
giftist hann einni þeirra Höllu
Guðmundsdóttur frá Hafnar-
friði. Hún er alltaf með hon-
um á ferðalögum hans vítt um
heim og kemur iðulega fram
í sjónvarpinu og talar fallega
ensku. Hún er fríð kona sýn-
um og það sem betra er, hug-
ljúfi allra sem henni kynnast,
því að framkoma hennar er
svo alúðleg og blátt áfram.
Þau eiga fallegan dreng, 6—7
ára gamlan, Davíð að nafni.
Myndirnar voru flestar úr
Reykjavík og nágrenni, en
jafnframt nokkrar úr sveitun-
um og við sjóinn. Þar var
Dettifoss sýndur í öllum sín-
um mikilleik, þar sem hann
steypist fram af margra tuga
feta háum þverhnýptum
hamrastalli.
„Ægilegur og undrafríður,
ert þú hið mikla fossaval.,
Aflrammur jafnt þú áfram
líður
í prýðilegum hamrasal.
Tónarnir breytast, bölið sára
það brjóstið slær, er fyrr var
glatt,
en alltaf söm þín ógnarbára
ofan um veltist gljúfrið bratt.“
Þannig orti Hólsfjalla-
skáldið, Kristján Jónsson; er
ekki ólíklegt, að hann hafi
verið nálægur þessu mikla
náttúrusmíði, þegar þetta
snildarkvæði varð til.
Þessari samkomu íslend-
inga í Los Angeles lauk með
því, að gestunum var boðið að
bera fram spurningar varð-
andi ísland og þjóðina. Þeir,
sem svöruðu spurningunum
sátu á sviðinu, þrír menn og
eina kona, Mrs. Guðný Thar-
waldson, en mennirnor voru:
Mr. Sumi Swanson, Mr.
Hreiðar Haraldsson og Mr.
Örn Harðarson. Spurt var
m. a. um fólksfjölda á íslandi,
hver væri helzti atvinnuveg-
ur landsmanna, hvort þjóðin
væri sjálfstæð eða undir ein-
hvern konung gefin. Öllum
spurningunum var vel og
greinilega svarað. Framhald
BETEL BUILDING FUND
Mr. & Mrs.
Hafsteinn Bjarnason
Regina, Saskatchewan $5.00
In memory of Mrs. Emma
Olson, who died March 30,
1959.
---0----
Ladies Aid Eining,
Lundar Manitoba $5.00
In memory of Mrs. Emma
Olson.
---0----
Betel Old Folks Home
Building Fund,
Lundar, Manitoba $50.00
BETELCAMPAIGN
$250,000.00
Make your donations to the
"Betel" Campaign Fund,
123 Princess Street,
Winnipeg 2.
Kaupið Lögberg
VIÐLESNASTA
ISLENZKA BLAÐIÐ