Kvennablaðið - 16.07.1915, Síða 8

48
KVENNABLAÐIÐ
Björn Kristjánsson,
Reykjavík, Vesturgötu 4,
selur allskonar VEFNAÐARVÖRUR af vönduðusíu tegundum;
litirnir óvenjulega haldgóðir.
Meðal annars má nefna: Klæðl, enskt vaðiuál, fatatau allsk.,
kjólatau, svuntutau, sjöl stór, mikið úrval; herðasjöl, karlmannaföt,
prjónnawföt fyrir börn og fullorðna o. m. m. fl.
Verðskrá sendist ókeypis þeim er óska.

Og nú er þér gangið inn í stríðið þá
gætið tveggja dygða. Dygðir þær nefnast
á voru máli: Drengskapur og hollusta.
Um Bergþóru er það sagt í Njálu, að
hún hafi verið drengur góður.
Reynum jafnan að haga okkur svo, hver
gagnvart annari og gagnvart samherjum
vorum karlmönnunum, að þetta megi
segja um okkur, en þegnskapinn og holl-
ustuna eigum við að sýna í því, að vér
berjumst jafnan fyrir góðu málefni, sem
geti orðið öldum og óbornum til láns og
blessunar. Og nú vil eg að siðustu biðja
allar þær konur, sem hér eru saman
komnar að biðja íslandi láns og blessunar;
biðja yður að hrópa með mér ferfalt húrra!
Fósturjörðin lifi!
Húrra!
Á eftir var sungið »Eldgamla ísafold«,
og var þá fyrri hluta hátíðarinnar lokið. —
Öll þessi athöfn fór sérlega vel fram.
Hefir hér sjaldan eða aldrei sést svo mik-
ill mannfjöldi í einu samankominn, og
aldrei nokkru sinni svo margar og jafn-
prúðbúnar konur. Einstöku þeirra skaut-
uðu. Hjálpaðist að skínandi sólskin, stafa-
logn og gleðibragur á öllum andlitum til
að gera þessa minningarhátíð sem ánægju-
legasta.
Um kvöldið kl. 9 komu konur aftur
saman í Iðnó. Voru þar dúkuð borð og
skreytt með blómum, ljósum og flöggum.
Voru ísl. flöggin og isl. litirnir yfirgnæf-
andi bæði á borðunum og upp í salnum.
Öllum var heimilt að koma þar, sem vildu,
veitt var að eins kaffi, te, mjólk og gos-
drykkir. Mátti þar sjá konur af öllum
stéttum, bæði ungar og gamlar. Ýmsar
ræður voru haldnar og sungið á milli.
Hélst gleðskapurinn fram um kl. 12.
Morguninn eftir kom eftirfylgjandi sím-
skeyti frá konungi til nefndarinnar:
„Dronningen og jeg bringer islandske Kvinder
vor hjærtelige Tak og Genhilsen.
Christian R.“
Talsverður kostnaður var við alt þetta
hátíðahald, en hér fór sem oftar, þar sem
konurnar standa fyrir einhverjum sam-
komum. Þær höfðu líka sjeð fyrir tekjum
sem báru mestallan kostnaðinn, með þvi að
selja merki á 10 aura (slaufu með fánalit-
unum í) og prentaða dagskrá fundarins með
kvæðunum, fyrir 10 aura, sem bar þvi nær
allan kostnaðinn.
Að síðustu samþykti forstöðunefndin að
allar fundargerðir, ávörp og símskeyti við-
víkjandi þessari hátíð skyldu innfærast í
sérstaka fundarbók, sem svo væri afhent
landskjalasafninu til minningar um þenna
dag. Mundi ýmsum konum á komandi
öldum, þykja fróðlegt að sjá hvernig vér
hefðum tekið þessum pólitísku réttindum
í fyrsta sinni, er vér fengum þau.
Útgefandi: Bríet liiainhéðiusdóttir. — Prentsmiöjan Gutenberg.