Dagskrá II - 28.01.1902, Qupperneq 4

4
D A G S K R Á II.
AFSÖKUN.
Segja skal sögu hverja eins og hún
gengur. pað heflr oröið lei'ðinlegur drátt-
ur á útkomu þessa blaðs. Ég hefi verið
svo önnum kafinn við annað verk, að
mér var með öllu ómögulegt að koma því
út í ákveðinn tíma. Menn mega ekki
skoða þetta sem nein feigðarmörk á Dag-
skrá, því hún hefir víst aldrei verið meira
bráðlifandi en nú. það verður reynt að
sjá svo til, að framvegis berji hún að dyr-
um þegar hún á að gera það. þetta er í
letur fært til þess, að menn leggi þessa
skuld á herðar mér, en ekki ritstjórans,
því að honum er að engu um þetta að
kenna.
M. PÉTUKSSON.
EINOKUN.
þegar ffjótt er álitið gegnir það furðu,
hversu lítið er keypt hér vestan hafs af
íslenzkum bókum, en sé nánar athugað
liggur ástæðan í augum uppi. Landar
hafa hér ekki fula vasa fjár, þótt líðan
þeirra sé viðunanleg, en verð á íslenzk-
um bókum er svo hátt, að engri átt nær ;
|*er eru sumar %, % eða jafnvel helm-
ingi dýrari hér en heima. þetta leiðir
af því, að tveir menn í Vesturheimi hafa
einkaleyfi til að selja bækurnar og sam-
komulag þeirra með það að halda bókum
í þessu háa verði, spillir fyrir sölu þeirra
og stendur í vegi fyrir því, að eins margir
kaupi og ella mundu gera. Bækur sem
allir þurfa að kaupa og mundu kaupa,eru
svo dýrar, að mörgum er frágangssök að
eignast pær. Orðab5k Geirs Zoega kost-
ar 4 kr. en er hér seld á 6 kr. og 50 aura;
kenslubók sama höfundar kostar 2 kr. en
er hér seld á 4 kr. 50 aura. ‘ ‘Saga Steads
of Iceland” mun vera seld heima á 18 kr.
en hér á þrjátíu krónur. ísafold kostar
heima 4 kr. en hér 5 kr. og 60 aura og
svona er fleira. Eina ráðið til þess að
koma í veg fyrir einokun f bókaverzlun
er að panta bækurnar að heiman með að-
stoð einhvers góðs manns þar; en það
verður að gjörast á laun, þótt ljótt sé,
því frá bóksölunum fást þær ekki; þeir
eru valdir að þessari skaðlegu einokun
með óskynsamlegum og óheillavænlegum
samningum.
KOLBEINN þORLEIFSSON,
sem fór heim til íslands í haust frá Winni-
peg er látinn. Hann var fæddur að Stóru-
Háeyri 12. júlí 1869; fór í lærðaskólann í
Rvk. og upp í fjórða bekk; tók búfræðis-
próf á Hólaskóla 1890; kvæntist 1891 Sig-
ríði Jónsdóttur frá Loftsstöðum og átti við
henni 3 dætur, er allar lifa. Kolbeinn sál.
var sonur þorleifs ríka á Háeyri. Hann var
góður drengur, ærlegur maður í hugsun og
einlægur ættjarðarvinur; en það sannaðist
á honum að af er vinátta þegar ölið er af
könnu. Hann var félaus í seinni tíð, og
sneru þeir þá við honum baki, er næstir
honum vildu vera ineðan alt lék í lyndi.
WINNIPEQ.
Nýkominn er heiman frá Fróni cand.
theol. Sigurður Magnússon.
Nýlátnir eru tveir íslendingar hér í
Wiinnipeg, þeir Ólafur Ólafsson og Björg-
ólfur Vigfússon.
Nýlega hefir fréttst að látinn sé á ís-
landi (eystra) Sigurður Einarsson, sem
áður var hér í Winnipeg.
Ritstjóri Dagskrár hefir verið og er á
ferð meðal íslendinga í Norður-Dakota,
í erindum fyrir blaðið. Er hans von
heim aftur innan fárra daga.
Séra Bjarni þórarinsson fór vestur til
Argyle (Baldur) í síðustu viku og jarð-
söng þar ekkju þórðar heitinsMagnússon-
ar í Hattardal, fyrrum alþingismanns.
Fjórða Nóvember síðastl. andaðist að
Húsavík, Man., ekkjan Sigríður Jónsdótt-
ir, 77 ára að aldri. Hún var móðir þeirra
Sigurðar Sigurðssonar, Húsavík P.O., og
Mrs. Sigurbjargar Hinriksson í Winnipeg.
Ef einhverjir fslendingar hér í bænum
vilja láta kenna börnum sínum að lesa ís-
lenzku, þá býðst hr. Hjálmur Árnason til
að gjöra það fyrir væga borgun. Heiinili
hans er að 753 Ross Ave.
Lögberg sem út kom 7. þ. m. segir að
Grettisljóð og Gönguhrólfsrímur séu fyr-
irlestrar. Sama blað segir að Mynsters
hugleiðingar, prédikanir séra Jóns, reikn-
ingsbók Eiríks Briem og ritreglur Valdi-
mars Ásmundssonar séu ljóðmæli. Sama
blað segir að Ólafs saga Tryggvasonar og
Ólafs saga helga séu íslendingasögur.
þeir sem vilja eignast söguna “Eiríkur
Hansson” geta snúið sér til H. S. Bardal
í Winnipeg eða Jónasar S. Bergmanns að
Garðar og fengið bókina fyrir ekkert. Sjá
auglýsing í Lögbergi 7. þ.m.
Stúdentafélagið ætlar að leika eftir
þrjátíu hundruð ár (bíða eftir búningum
sem gjörðir verða á 49. öld) og breyta
tímareikningnum þannig, að í Nóvember
verði að minnsta kosti 49 dagar. Saman-
ber auglýsing í Lögbergi.
Jónas Pálsson hefir skrifað grein 80 ár-
um áður en hann fæddist. Sjá Lögberg.
Af Heimskringlu 7. Þ- m. má sjá, að
hún hefir tekið upp nýja timatalið Lög-
bergs; þar er talað um 47. Nóvember.
‘ ‘Kona lagðist nýlega og dó, en er nú á
góðum batavegi,” segir Heimskringla
næst síðast. þau eru farin að verða fróð-
leg íslenzku blöðin í Winnipeg !
MINNI HLUTI.
Hvað er minnihluti ? Allar þær hetjur
sem hamingjan hefir sent heiminum til
framfara, hafa verið í minnihluta. þú
getur ekki bent á nokkrar umbætur í fe-
lagslegu, pólitísku eða trúbragðalegu til-
liti, sem ekki hefir haft framgang fyrir
blóðuga baráttu einbeitts minnihluta.
jað er minnihlutinn, sem hefir hafið
mannkynið upp allar þær tröppur sem
það hefir komist. það er minnihlutinn,
sem hefir komið til leiðar öllum sönnum
afreksverkum, sem mannkynssagan getur
um. Á meðal allra þjóða finst það, að
safnað hefir verið saman ösku látinna
letja, sem börðust í minni hluta, til þess-
að geyma hana í gullkerum minninganna
sem þann helga dóm, er allir beygja sig
fyrir. Minni hluti! Ef einhver beitir
sér fyrir rétt mál, pótt rétturinn sé leidd-
ur undir böðulsöxina, en ranglætiö sitji
purpuraklætt í hásætinu, þa er þó samt
bjarmi framundan. þótt allra !ingur
bendi á þig með háði og fyrirlitning, þótt
allra varir formæli þér, ef þú hefir rétt-
lætið þér við hlið, þá hopaðu hvergi.
Láttu það aldrei draga úr þér kjark, að
þú sért í minnihluta.
John B. Gough.
TINDASTÓLL, ALTA, 6 Jan.. 1902.
Snjólaus jörð, vagnfæri ekkert, sleða-
færi slæmt— Ársfundur Albertasafnaðar
haldinn 4. þ,m. Afráðið að senda köllun
til Péturs Hjálmssonar, sem nu er á
prestaskólanum í Chicago. Skemtisam-
koma var á gamlárskvöld á Hólaskóla að
tilhlutun lestrarfélagsins ‘ ‘Iðunn”; skemt-
anir söngur, ræður, upplestur og hljóð-
færaspil; tombola á undan skemtununum
en dansað á eftir til dagrennings, hreinn
ágóði $25. 50. Jólatré á annan í jólum á
Tindastól, jóladagskvöldið á Sólheimer,
aðfangadagskvöldið hjá Jóhanni Sveins-
syni, Burnt Lake.—Vandað gullúr og vel
eturgrafið með fangamarki sinu fékk
skáldið St. G. Stephansson á aðfanga-
dagskvöld jófa í heiðursgjöf frá prentfé-
lagi Heimskringlu, sem viðurkenning fyr-
ir margra ára ritsmíð, í bundnu og ó-
bundnu máli, í dálkum blaösins.
Með heillaósk til pín og Dagskrár.
JÓHANN BjÖRNSSON
Ritstjóri:
Sig. Júl. Jóhannesson. Cand. Phil.
Skrifstofa aö 358 Pacific Ave._____
PRENTARI M. PÉ:TURSSON.